ميــــــــن يعـــــــرف يكــــــون كـــــــده ؟؟؟

[عتاب]

لما عفوت ولم احقد على احد أرحت نفسي من هم العداوات
إني أحيي عــدوي عند رؤيتـه أدفع الشــــر عني بالتحيـــــات
وأظهر البشر للانسان ابغضه كما إن قد حشى قلبي محبــات
الناس داء وداء الناس قربهــم وفي اعتزالهم قطـــع المـودات

الامام الشافعي

ياترى كام منا يقدر يبتسم في وجه من يكره
وياترى ده بيكون نفاق منا والا فعلا عشان نتجنب العداوة والشر
انا عن نفسي للاسف مش بعرف اعمل كده بس ده بيسبب لي مشاكل كتير
ياترى فعلا اننا نظهر حبنا ليه ده الصح والا الافضل نبتعد عنه تماما ونتجنبه
عايزة اسمع اراءكم في الموضوع
وربنا يبعد عنا الشر والاشرار

[برشلـ عسل ـونية]

انااااااااااااا اقدر لانه اصلا معنديش قلب يكره

[mony cat]

والله انا شايفة ان عتاب الندل اجتنابه ومش بعرف اكون منافقة وببعد عن اى حد يزعلنى وفى نفس الوقت مش بكره بس ببعد واريح دماغى

[hend]

الكراهيه فظيعه والحمدلله مش بعرفها

بس ممكن اكون متضايقه وفى نفس الوقت اكون بشوشه

لان تبسمى فى وجه اخى صدقه

[المسلم المصرى]

ما شاء الله لا قوة الا بالله


الموضوع هادف فعلا لان بيحصل كتير

من رايى ان الابتسامة فى وجه اخيك صدقة

يعنى لو انا بكرة واحد وجه يسلم عليا هبتسمله

وبعد كدة احاول محتكش معاة واجتنبه

يعنى من بعيد لبيعيد

لكن مش لما اشوفة اغير وشى

دة حتى يدى صورة وحشة للمسلم الملتزم

[rosi_smile]

انا بيتهيالي ده بيرجع للموقف اللي انتي فيه لو انتي حصلك اي مشاكل بسببه علشان كده انتي مش عاوزه تضحكي في وشه وتعرفيه انه هو السبب في المشاكل دي يبقي ساعتها انتي عندك حق
انما في ناس تبقيمش طيقه تضحكي في وشهم من غير اي سبب فده ماينفعش بأه لان الابتسامه في وجه اخيك صدقه
متقدريش تحكمي عليه بأنك تعمليه معامله وحشه علشان انتي عاوزه كده يا اما متكلميهوش خالص يا اما تعصري علي نفسك لمونه وتتكلمي معاه كويس وتعامليه كويس يمكن يطلع كويس وانتي اللي فاهمه غلط



شكرا للموضوع الرائع

[amr_miza1]

انا مع الاسف مش بعرف اضحك من قلبى لحد انا مش بحبه

ممكن ابتسم اه بس دى ابتسامة السلام زى ما قال المسلم المصرى
انما بجد مش بعرف حتى اتكلم معاه كلمتين على بعض وفى الغالب بتجنبه خالص علشان مايصدرش منى انطباع يزود الكراهية اكتر
وبعدين الكراهية فعلا موجودة بس قليل اوى لما بكره حد

ومن رأيى اننا نتجب اى شخص احنا مش بنحبه لان دا اعتقد بيبقى غير اللى فى القلب ونفاق اعتقد

شكرا يا عتاب موضوع حلو اوى

[عتاب]

المشاركة الأصلية بواسطة برشلـ عسل ـونية

انااااااااااااا اقدر لانه اصلا معنديش قلب يكره

شيء كويس انك ماتكرهيش
بس المشكلة انك فعلا بتكوني مش قادرة تبتسمي في وجه انسان كل همه انه يضايقك
الحكاية محتاجة شوية مجهود
نورتى الموضوع يا برشلونية

[عتاب]

المشاركة الأصلية بواسطة mony cat

والله انا شايفة ان عتاب الندل اجتنابه ومش بعرف اكون منافقة وببعد عن اى حد يزعلنى وفى نفس الوقت مش بكره بس ببعد واريح دماغى

اعتقد ده اسلم حل
اننا نبعد
لاننا لو قربنا هنعمل مشاكل او هاتزيد
لكن لو قابلناه صدفة هانضحك في وشه والا ايييه؟