عندي مشكله في موبيلي

[فرجينيا]

عندي مشكله في موبيل الدمعه 7610 انه مش بيدخل عليه كليبات من الكمبيوتر ومش عارفه اعمل ايه
بليز حد يساعدني ويرد عليا

[فرجينيا]

يالا بقى حد يقولي اعمل ايه احسن اكسره وارميه علشان اتخنقت منه

[rosi_smile]

فيري هو انتي عندك الكبل كويس بتاع الموبايل اللي هو بيوصل من الموبايل للكمبيوتر؟
لو هو كويس يبقي وديه ممكن يبقي عليه فيرس

[rosi_smile]

لو متصلحش هاتيهولي مترميهوش خساره ههههههههههههههههه

[فرجينيا]

لا داانا لسه شارياه جديد بس بيوصل اغاني انما كليبات لا ومش عارفه هو فيه برنامج للكليبات ولا ايه
وماتخافيش انا عندي عده 60 70 هاديهالك بس لما اظبط الموبيل الخانقه ده

[rosi_smile]

يابنتي مانتي لازم تنزلي الريل بلير علشان تشغلي الكليبات عليه
نزلي البرنامج ده هتلاقي يشتغل عليه واول اما يشتغل هاتيهولي بأه

[فرجينيا]

البرنامج موجود بتاع الريل وكمان في كليب واحد يتيم اشتغل انما الباقي ابدا
دماغه ناشفه قوي
ايه ده
هو كليبات الوين امب ممكن تشتغل عليه ولا لا

[Honey1900]

بصي يا فيرجينيا حسن امتداد الملف اللي انتي عايزة تنزليه و ادخلي عل موقع نوكيا و شوفي اي امتدادات بتنزل عليه و تستغل يمكن انتي عايزة تنزلي mp4 و هو مش بيقبلها او عايزة تشغلي
wmv و هكذا يعني لازم تنزلي عليه كليب بامتداد هو يقبله



و بعدين عايزة تنزلي كليب اكيد بتاع عمرو اديب لما كان بيتكلم عن الزمالك هههههههه

[فرجينيا]

المشكله انه مش بيقبل الا كليبات الريال بلير وكل اللي عني وين امب وعايزه برنامج لتحويل الوين امب لريال بس يحول الكليبات لان عندي برنامج بيحول الصوتيات

[Dr.Hammood]

ارميه احسن

المهم ممكن تكوني بتحطي ملفات نوعها ما يشتغلش عليه

[فطومه]

انا كان عندى برده نفس المشكله و دوختنى بس لاقيت برنامج اسمه 3gp video converter و هو بيحول معظم صيغ الفيديو لصيغه3gpاللى بيعتمدها الموبايل والرابط بتاعه انسخيه وان شاء الله يشتغل معاكى وان مشغلتيهوش تبقى تديهولهم بأه و ترتاحى http://www.dvdvideosoft.com/download...oConverter.exe