ما تيجوا نحب مصــــــــــــــــر

[amr_miza1]

أصدقائى

هل الحس الوطنى اللى جوانا نفس الحس الوطنى اللى كان فى الشباب من 35 سنه
هل بتهتزوا من الاغانى الوطنية
هل حد ممكن عينه تدمع وهو بيسمع اغنية لمصـــر
كلنا عارفين اننا ممكن نسيبها بس بنحبها
ممكن نكون تعبانين فيها بس بنحبها

يا ريت دى تبقى دعوة منى ليكم علشان نقدم اى حاجة لمصر

بيت شعر لمصر

جملة من لسان أى وطنى بيحب مصر

اى حاجة عاوز تقولها لمصـــــــر


*****
***
*

[وائل المصري]

معني الحب من الاساس هو التضحيه والاخلاص والعطاء وحجات كتير.
اما فعن ما هو المفروض الي احنا نقدمه لمصر.
يا كتير فكل منا في المجال الي بيفهم فيه وعلي الاقل بالاخلاص والتفاني مش بالكلام الحلو والاغاني.
مش كده ولا ايه.
ويجعله عامر.
عربي اصيل.

[amr_miza1]

المشاركة الأصلية بواسطة وائل المصري

معني الحب من الاساس هو التضحيه والاخلاص والعطاء وحجات كتير.
اما فعن ما هو المفروض الي احنا نقدمه لمصر.
يا كتير فكل منا في المجال الي بيفهم فيه وعلي الاقل بالاخلاص والتفاني مش بالكلام الحلو والاغاني.
مش كده ولا ايه.
ويجعله عامر.
عربي اصيل.

لو لم تكن مصر العريقة موطنى لغرست بين ترابها وجدانى

وجعلت من عطر الزمــان قلائدا ونسجت بين قبابها ايمانى


أشكـــــــــــــــــــــرك

[مستكة]

هل الحس الوطنى اللى جوانا نفس الحس الوطنى اللى كان فى الشباب من 35 سنه

حاساه قل بس ده مش هيبان فعلا الا اذا اتعرضنا لازمه قويه لان الناس مش بتبان الا في المواقف


هل بتهتزوا من الاغانى الوطنية

لا معدتش بتاثر بأه فيه مناعه خلاص

هل حد ممكن عينه تدمع وهو بيسمع اغنية لمصـــر

اصل المشكله مش في الاغنيه نفسها .. حضرتك عارف المثل اللي بيقول اسمع كلامك اصدقك اشوف امورك استعجب

اهي الاغاني الوطنيه عندنا ابلغ تطبيق للمثل ده



كلنا عارفين اننا ممكن نسيبها بس بنحبها
ممكن نكون تعبانين فيها بس بنحبها

دا اكيد مليون في الميه انه رغم كل شيء الا اننا بنحبها

يا ريت دى تبقى دعوة منى ليكم علشان نقدم اى حاجة لمصر

بيت شعر لمصر

جملة من لسان أى وطنى بيحب مصر

اى حاجة عاوز تقولها لمصـــــــر


جميل . بس مصر شبعت كلام واغاني خلاص

مصر عايزه افعااااااااااااااااااااااااااااال

[amr_miza1]

المشاركة الأصلية بواسطة مستكة

هل الحس الوطنى اللى جوانا نفس الحس الوطنى اللى كان فى الشباب من 35 سنه

حاساه قل بس ده مش هيبان فعلا الا اذا اتعرضنا لازمه قويه لان الناس مش بتبان الا في المواقف


هل بتهتزوا من الاغانى الوطنية

لا معدتش بتاثر بأه فيه مناعه خلاص

هل حد ممكن عينه تدمع وهو بيسمع اغنية لمصـــر

اصل المشكله مش في الاغنيه نفسها .. حضرتك عارف المثل اللي بيقول اسمع كلامك اصدقك اشوف امورك استعجب

اهي الاغاني الوطنيه عندنا ابلغ تطبيق للمثل ده



كلنا عارفين اننا ممكن نسيبها بس بنحبها
ممكن نكون تعبانين فيها بس بنحبها

دا اكيد مليون في الميه انه رغم كل شيء الا اننا بنحبها

يا ريت دى تبقى دعوة منى ليكم علشان نقدم اى حاجة لمصر

بيت شعر لمصر

جملة من لسان أى وطنى بيحب مصر

اى حاجة عاوز تقولها لمصـــــــر


جميل . بس مصر شبعت كلام واغاني خلاص

مصر عايزه افعااااااااااااااااااااااااااااال

طيب ولما هو انتى عارفة ان الكلام دا كله جميل وحلو وطبعا كلنا بنحب مصر ايه المشكلة يعنى ؟

هو انا بقول نغنى لهولندا والا نقول بنحبك يا ايطاليا والا ايه ؟؟

الموضوع مش وحش على فكرة علشان يتهاجم بالشكل دا

الفكرة اننا عاوزين ننمى الحسى الوطنى ومش معنى كدا اننا مش بنحب مصر ما احنا عارفين ان كلنا بنحبها !!

انتى محسسانى انى بقول كلام مايصحش وعيب انى اقوله !!

انتى بتقولى اننا شبعنا كلام وعايزين ننقذ بقى والاغانى مش هى اللى هتخلينا وطنيين , طيب ماهو ايه اللى كان بيحرك الشعب زمان ماهو الكلام , وايه اللى كان بيحرك الجيش زمان ماهو الكلام والاغانى والشعارات .

وعموما اللى مش عاوز يشارك فى الموضوع بلاش يشارك بدل ما يقول ان مصر شبعت كلام وأغانى

[نرجسية]

مش عارفة ليه الوطنية بتظهر أكتر فى ماتشات الكورة بتاعة المنتخب الوطنى

و الله حاجة ملفتة للانتباه فعلاً !!

تبص تلاقى كله بيشترى علم مصر و ماشيين بالعربيات يهتفوا باسم مصر

أكيد لازال بداخل الشباب حس وطنى لكن هم مش عارفين يعبروا عنه الا فى ظروف محدودة زى ماتشات الكورة مثلاً

نقطة كمان ممكن يكون لها تأثير سلبى على وطنية الشباب وهى حالة البطالة اللى بيلاقوها فى بلدهم
و ده بيخنقهم و يخليهم مش يكرهوا البلد
لكن بيحصل ربط بين عجزهم عن تحقيق احتياجاتهم سواء مادية أو عاطفية بسبب البطالة و بين البلد
كأن البلد هى السبب فى شقاءهم
و يخليهم يدوروا عل أى تأشيرة سفر لأى بلد تانية ان شا الله حتى موزمبيق !


موضوع مهم يا أخ عمرو
ياريت كل واحد يقول رأيه
هل هو بيشعر بانتماء لبلده
هل الأغانى الوطنية ليها دور فى استفزاز وطنيتنا ؟

[OSHOSH2050]

طيب والله انا لما بسمع اغنيه لمصر بعيط اوى
ولما بتفرج على طريق الى ايلات يالهويييييييييييييييييييييييييي
بفضل سايحه فى العياط
اصلى رقيقه اوى ههههههههههههههههههههههههه
بس بحب مصر جدا جدا جدا ربنا يخليهالنا يارب

[omarr]

عمممممممممور

مصر حبيبتى ... بحبها بكل كيانى ...

[hend]

انا اعتقد انى الوحيده اللى بتحمل اغانى وطنيه وطول الوقت بسمعها
مفيش عندى اغلى منها ومش هيكون

[amr_miza1]

المشاركة الأصلية بواسطة نرجسية

مش عارفة ليه الوطنية بتظهر أكتر فى ماتشات الكورة بتاعة المنتخب الوطنى

و الله حاجة ملفتة للانتباه فعلاً !!

تبص تلاقى كله بيشترى علم مصر و ماشيين بالعربيات يهتفوا باسم مصر

أكيد لازال بداخل الشباب حس وطنى لكن هم مش عارفين يعبروا عنه الا فى ظروف محدودة زى ماتشات الكورة مثلاً

نقطة كمان ممكن يكون لها تأثير سلبى على وطنية الشباب وهى حالة البطالة اللى بيلاقوها فى بلدهم
و ده بيخنقهم و يخليهم مش يكرهوا البلد
لكن بيحصل ربط بين عجزهم عن تحقيق احتياجاتهم سواء مادية أو عاطفية بسبب البطالة و بين البلد
كأن البلد هى السبب فى شقاءهم
و يخليهم يدوروا عل أى تأشيرة سفر لأى بلد تانية ان شا الله حتى موزمبيق !


موضوع مهم يا أخ عمرو
ياريت كل واحد يقول رأيه
هل هو بيشعر بانتماء لبلده
هل الأغانى الوطنية ليها دور فى استفزاز وطنيتنا ؟

شكرا نرجسية

كلامك بيوصلنا لنقطه هامة جدا وهى اننا نفصل بين دولة مصر (( كوطن )) وبين دولة مصر (( كـ حكومة ))
كتير اوى بيخلط بين المعنيين ويأخد العاطل بالباطل ودا بيؤدى الى ان المواطن بيكون ناقم على الوطن قبل ما يكون ناقم على الحكومة ..
بدليل زى ما بتقولى اتجاه الشباب للسفر لموزنبيق او اسرائيل وكأن همه الأوحد أن يترك بلده

بخصوص السؤال الرائع جدا اللى طرحتيه وهو امتداد للموضوع ..

هل الاغانى الوطنية ليها دور فى استفزاز وطنيتنا ؟

ارى ان الاجابة بالتأكيد ( نعم ) وبأبسط الأمثلة فتقشعر أبداننا حينما نسمع بعض الاغانى الوطنية أو الشعارات .. وهل ننكر او نبغض ما تغنت به ام كلثوم او عبد الحليم حافظ وغيرهم الكثيرون ... والثنائى الخطيراحمد فؤاد نجم والشيخ امام ..الخ ..

كل هذه الاغانى والشعارت كان لها دور كبير فى تحريك مشاعر وقوى الشعب والالتفاف حول الفن ليكون وبحق رسالة لكن جندى من الجنود فى وقتها ...
فقد كانوا مصريين ونحن الان مصريون .. ومثما كانوا يتأثرون بالاغانى والشعارات الوطنية فنحن أيضا نتأثر وتتحرك وطنيتها .... إلا البلداء

وبشكرك مرة تانية

[amr_miza1]

اذكر الان رائعة احمد فؤاد نجم والشيخ امام (( عبد الودود )) ... وقد كانت بعد نكسة 67
ويقول نجم

واه يا عبد الودود يا رابص ع الحدود
ومحافظ ع النظام
كيفك يا واد صحيح ؟ عسى الله تكون مليح
وراقب للأمام

هقولك وانت خابر كل القضية عاد
ولسه دم خيك مشرباش التراب
حسك عينك تزحزح
يدك عن الزناد
خليك يا عبده راصد لساعة الحساب

آن الاوان يا ولدى .. ما عاد الا المعاد
تنفض الشركة واصل وينزاحو الكلاب

ان كنت واد ابوك
تجبلى تار اخوك
والاهل يبلغوك جميعا السلام

واه يا عبد الودود
كيفك وكيف زمايلك عسى الله طيبين
خالك زناتى جايلك ضمن المتطوعين
واختك تطلع يوماتى ع المشتشفى القديمة
حاكم هيمرنوها فى العاركة تكون حكيمة

ومحمدين موافى يتعلم المطافى
ويقولك شد عزمك ويقولك العوافى
ومن هنا القرايب والعيلة والعيال
بيبلغوك سلامهم ولتمة الرجال

واخر الكلام ... بنقولك فى الختام
الله يصون بلدنا .. ويحرس السلام

والدك حسن محارب
غفير برج الحمام

[amr_miza1]

المشاركة الأصلية بواسطة OSHOSH2050

طيب والله انا لما بسمع اغنيه لمصر بعيط اوى
ولما بتفرج على طريق الى ايلات يالهويييييييييييييييييييييييييي
بفضل سايحه فى العياط
اصلى رقيقه اوى ههههههههههههههههههههههههه
بس بحب مصر جدا جدا جدا ربنا يخليهالنا يارب

فعلا يا أوش أوش واذا مكناش هنحس ببلدنا مين هيحس بيها
وعارف طبعا انك رقيقة اوى انتى هتقوليلى
شكرا شيماء لمشاركتك

[amr_miza1]

المشاركة الأصلية بواسطة omarr

عمممممممممور

مصر حبيبتى ... بحبها بكل كيانى ...

حسييييييييين تسلم لنا ..
طبعا مش هشكرك على حب بلدنا
لكن بشكرك لتواجدك ومشاركتك

[MeRa_88]

مصر دى اغلى عندنا من نفسنا
مش كلام دا اللى بنشوفه بجد

على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهيّ مالكه الأرض شرق وغرب
وباحبها وهيّ مرمية جريحة حرب
باحبها بعنف وبرقة وعلى استحياء
وأكرهها وألعن أبوها بعشق زي الداء
وأسيبها وأطفش في درب وتبقى هيّ ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب

[كلوبترا]

أنا بعشق مصر بموت فيها و الله وعندي كل الأغاني الوطنيه الي ممكن تتخيلوها
وكل ما أقول لحد إني بعشق مصر و يشوف الأغاني الي أنا محملاها على الموبايل و الي علطو ل بغنيها و النك نيمات بتعتي إلي على المسنجر
يقولي ده بس علشان انت بره مصر متغربه يعني
ليه يعني أنا مش فهمه ايه الحكايه؟؟؟؟