إيه أرخص حاجة فى مصر؟

[i'm egyptian]

1- كيلو اللحمة.

2- البنى آدم

3- الموبايلات.

4- التموين.



http://egyptian2.salmiya.net/songs/eman_eltookhy/ram/eman_eltookhy1.ram

[pinkangel]

مفيش حاجة فى مصر رخيصة

[الخنساء]

البني آدم طبعا .. فهو يقتل في أقسام الشرطة وأمن الدوله ثم يلقى على قارعة
الطريق كأي كلب ضال والتقرير المعروف أزمة قلبية ..
جسده وعرضه مستباح .. صوته مستباح حريته مستباحه بلده مستباحه
والسلام عليكم ورحمة الله وبركاته

[رؤيه]

هوه مش المفروض اقولك ان الاجابه هى البنى ادم لانه اكيد وفى العموم مش رخيص ابدا
بس اهدار حقوقه ووضعه على الهامش بالشكل اللى معروف دلوقتى بيحطنا قدام تساؤلات منها
هوه فعلا رخيص
هوه بطبعه كده ولا تدخلات خارجيه
هل احنا فى عصر كل شيئ فيه بقا بالمقلوب
مين اللى رخصنا
وليه رضينا نبقي رخاص
حنفضل رخاص علطول ولا فى امل ندخل بند ارتفاع الاسعار
جاوب على الاسئله دى وانت تعرف ايه ارخص حاجه فى مصر
تحياتى

[رؤيه]

بالمناسبه مفهمتش الصوره اللى فى الموضوع وايه المقصود منها ياريت توضح

[i'm egyptian]

[BATISTA]

والله قبل مادخل التوبك كنت هاقولك
الموبايل بعدين افتكرت ان الانسان مالوش قيمة فى مصر

وللصدف لقيتك حاطط الاتنين عندك فى الاختيارات



يبقى البنى ادم

[محمدحسين]

لما بنشوف واحد العربيه ضرباه فى الشارع ومتغطى بجرايد لساعات منتظر ساعات سياره الاسعاف
لما بنشوف جريح مرمى فى الشارع لساعات مش لاقى عربيه تنقله والكل خايف احسن يتعمل له قضيه لو جرى له حاجه
لما بنشوف 1400 واحد ماتوا فى عباره ولم يقبض على مالك العباره لكى يتقاضى ويتحاكم
لما نشوف عمال مجارى بيقعوا فى البلاعه ويموتوا ويتصرف لهم 300 جنيه لكل عيله
لما نشوف عمال مصر بيطالبوا بالحد الادنى للمعيشه
لما نشوف قطر بيتحرق ويقيض الفاعل ضد مجهول
لما نشوف مسرح بيتحرق عليه شباب ابرياء ولايوجد اقل نوع من اجراءات السلامه
لما نشوف بيوت بتقع واصحابها بيتحولوا للأجئين فى خيام
وبعدين بيتقولى من الرخيص
لو ماعرفتش بعد كده
يبقى عمرك ماهتعرف؟؟؟؟

[BATISTA]

المشاركة الأصلية بواسطة محمدحسين

لما بنشوف واحد العربيه ضرباه فى الشارع ومتغطى بجرايد لساعات منتظر ساعات سياره الاسعاف
لما بنشوف جريح مرمى فى الشارع لساعات مش لاقى عربيه تنقله والكل خايف احسن يتعمل له قضيه لو جرى له حاجه
لما بنشوف 1400 واحد ماتوا فى عباره ولم يقبض على مالك العباره لكى يتقاضى ويتحاكم
لما نشوف عمال مجارى بيقعوا فى البلاعه ويموتوا ويتصرف لهم 300 جنيه لكل عيله
لما نشوف عمال مصر بيطالبوا بالحد الادنى للمعيشه
لما نشوف قطر بيتحرق ويقيض الفاعل ضد مجهول
لما نشوف مسرح بيتحرق عليه شباب ابرياء ولايوجد اقل نوع من اجراءات السلامه
لما نشوف بيوت بتقع واصحابها بيتحولوا للأجئين فى خيام
وبعدين بيتقولى من الرخيص
لو ماعرفتش بعد كده
يبقى عمرك ماهتعرف؟؟؟؟

يبقى انت اكيد أكيد فى مصر

[eshoo4ever]

مافيش رخيص فى مصر خالص

[BATISTA]

المشاركة الأصلية بواسطة eshoo4ever

مافيش رخيص فى مصر خالص

يبقى انت اكيد مش من البلد دى

[Dr.Hammood]

مصر دلوقتي قفا العرب

كل ما يتزنقوا في قفا يضربوه

[yasser_2002]

المشاركة الأصلية بواسطة i'm egyptian

1- كيلو اللحمة.

2- البنى آدم

3- الموبايلات.

4- التموين.

ارخص حاجة هى الفلوس
icon7:
********************

[أدهم]

ياجماعة بلاش حساسية فى غير مكانها .. اللى بيقول رأيه لازم يعرف إنها رؤية عامة لأوضاع البلد .. مش مسألة شخصية تمس إسمه .. بصراحة فيه أراء مستفزة من كتر جمالها .. فعلا ناس عايشة مع نفسها .. ماهو إحنا هنا علشان اللى مش عارف يعرف .. ويحس بغيره .. ولا إيه ؟ .. النهاردة مفيش أى حاجة فى مصر مش رخيصة .. أى شئ فى مصر تعتقد له قيمة .. ممكن تحصل عليه بثمن .. ومؤكد كل الناس تعرف الفرق بين الثمن والقيمة .. كل التقدير والإحترام للأخوة والأخوات ولكاتب هذ الموضوع

[شاعــ الليل ــر]

لو قولنا الإنسان رخيص

يبقي له يقمة بس قليلة

لكن للأسف حتي القيمة ده مش موجوده