خايفة ليه .... مش هقول كان بينا ايه

[amr_miza1]

خايفة ليه ,, مش هقول كان بيننا ايه
شفته جنبك , قلبه طاير شوقه بيكى
مش هروحلك , مستحيل انده عليكى
بس حاسبى انتى مش رعشة اديكى
من عنيكى يعرف اللى بتداريه

خايفة ليه مش هقول كان بينا ايه
اتقابلنا وافترقنا ودا نصيب ,,
وان هويتى حد غيرى مش غريب
أى واحد حقه يبقاله حبيب
يبقى ايه معنى القلق اللى انتى فيه ؟

خايفة ليه مش هقول كان بينا ايه
صدقينى صدفة هى اللى جابتنى ,
واعذرينى لو لمحتك غصب عنى
اسمحيلى انسحب بهدوء كأنى
أى واحد لا يعرفك ولا تعرفيه

خايفة ليه مش هقول كان بينا ايه

لو حصل معاك ,, معاكى الموقف دا ,, هيبقى رد فعلك ايه
هل هتعمل زى هو ما عمل وهتبقى متسامح مع نفسك ومعاها ؟
وانتى .. لو إيدك فى ايد حبيبك وشافك حبيبك القديم ... احساسك ايه ؟؟

.

[omarr]

رد فعلى بيكون فى اطار المقوله المشهوره " طنش وابتسم "
ابتسامه بلهاء على وجهى , اتزان فى التصرفات , اضطراب فى القلب يدوم ساعات او عده ايام
ويختفى بعدها اى شعور بها او حتى اننا تقابلنا .

[امرأة العزيز]

دي اغنية اكيد يا عمرو مش كده؟؟

معبرة اوي

علي الرغم من ان الاحساس الي فيها صعب اوي علي وحدة حبت بصدق تتحمله

---------------------------

يمكن مش حقدر ارد علي الاسئلة

ولكن انا بسجل حضور

[N.A]

افتكر هيكون صعب جدا لكن رد فعلى انا مش قادره احدده
موضوع حلو

[amr_miza1]

المشاركة الأصلية بواسطة omarr

رد فعلى بيكون فى اطار المقوله المشهوره " طنش وابتسم "
ابتسامه بلهاء على وجهى , اتزان فى التصرفات , اضطراب فى القلب يدوم ساعات او عده ايام
ويختفى بعدها اى شعور بها او حتى اننا تقابلنا .

omarr

ههههههههههههههههههههههه
على فكرة انت دمك خفيف اوى

بس فعلا هتحس باضطراب فى القلب وهتتظاهر بلا مبالاه مصطنعة أكيد

بشكرك لمرورك وتفاعلك

[amr_miza1]

المشاركة الأصلية بواسطة امرأة العزيز

دي اغنية اكيد يا عمرو مش كده؟؟

معبرة اوي

علي الرغم من ان الاحساس الي فيها صعب اوي علي وحدة حبت بصدق تتحمله

---------------------------

يمكن مش حقدر ارد علي الاسئلة

ولكن انا بسجل حضور

امرأة العزيز

ايوا طبعا دى أغنية ل هشام نور من البوم ( لو تقدرى )

بشكرك على الرد مع انك مردتيش ولكن حضورك فى الموضوع يكفى

مع خالص تحياتى ,, واحترامى

[amr_miza1]

المشاركة الأصلية بواسطة N.A

افتكر هيكون صعب جدا لكن رد فعلى انا مش قادره احدده
موضوع حلو

بس من الأكيد ان دا حقك انك تحبى تانى !! ؟

بشكرك N.A للرد

[امرأة العزيز]

الموقف صعب اوي يا عمرو

يعني معتقدش ان حد حب بصدق ويقدر يحب تاني

بس ممكن يرتبط لان دي سنة الحياة

حنيجي للنقطة هنا ان الي بتحبه شافها وشافته وهي مرتبطة مش وهي بتحب حد تاني لان المواقف هنا بتفرق

لو بتحب حد تاني بعد فراق فاعتقد انها بس حتحس بحرج موقف وينتهي لانها من البداية محبتش للدرجة الي خلتها متحبش تاني..

لكن

لو ارتبطت وشافت حبيبها وردت فعله كانت بالبرود ده .. صدقني يمكن الشعور مش حقدراوصفه لكن حيكون زي جرح غائر في القلب

ان اشعر اني احببت يوما من لا يستحق هذا الحب وما قدره يوماً وظهر هذا علي ردات فعله الثلجية بعد فراق... شئ صعب اني اهب انسان مشاعري واعيش في الحياة بلا مشاعر لانه خصصت له وحدة وهبت له لا لاحد بعده ويكون بمنتهي البرود زي الموقف ده صعب ومتخيلش انه ممكن يمر علي وحدة هكذا بسلاام



سلام

[amr_miza1]

المشاركة الأصلية بواسطة امرأة العزيز

الموقف صعب اوي يا عمرو


لو ارتبطت وشافت حبيبها وردت فعله كانت بالبرود ده .. صدقني يمكن الشعور مش حقدراوصفه لكن حيكون زي جرح غائر في القلب

ان اشعر اني احببت يوما من لا يستحق هذا الحب وما قدره يوماً وظهر هذا علي ردات فعله الثلجية بعد فراق... شئ صعب اني اهب انسان مشاعري واعيش في الحياة بلا مشاعر لانه خصصت له وحدة وهبت له لا لاحد بعده ويكون بمنتهي البرود زي الموقف ده صعب ومتخيلش انه ممكن يمر علي وحدة هكذا بسلاام

سلام

امرأة العزيز

بالفعل هيبقى موقف صعب جدا لان هيبقى فى ندم على احساس مكنش يستحقة ووقت ضاع فى كدب , بس من الواضح من موقف اخينا دا انه مكنش بيحبها اوى ,

يعنى بيقولها مش هروحلك مستحيل انده عليكى .. يعنى خلاص هو نسى تقريبا ومش عاوزها تانى
وبعدين بيقولها اتقابلنا وافترقنا ودا نصيب وان هويتى حد بعدى مش غريب .. يعنى تقريبا كدا الموضوع مش فارق معاه ,, فبجد هيبقى الموقف صعب عليها اوى

ممكن فى حالات تانية غير الحالة دى ,,

انه ممكن يكون بيتظاهر بالبرود وبيبتسم مع العلم انه بيغلى من جوا وصعبان عليه فعلا ايام كانوا فيها مع بعض ومش بعيد نفس المكان اللى كانوا بيقعدوا فيه مع بعض ..

فى الحالة هيبقى الموقف صعب عليه هو جدا ...

[امرأة العزيز]

المشاركة الأصلية بواسطة amr_miza1

امرأة العزيز

بالفعل هيبقى موقف صعب جدا لان هيبقى فى ندم على احساس مكنش يستحقة ووقت ضاع فى كدب , بس من الواضح من موقف اخينا دا انه مكنش بيحبها اوى ,

يعنى بيقولها مش هروحلك مستحيل انده عليكى .. يعنى خلاص هو نسى تقريبا ومش عاوزها تانى
وبعدين بيقولها اتقابلنا وافترقنا ودا نصيب وان هويتى حد بعدى مش غريب .. يعنى تقريبا كدا الموضوع مش فارق معاه ,, فبجد هيبقى الموقف صعب عليها اوى

ممكن فى حالات تانية غير الحالة دى ,,

انه ممكن يكون بيتظاهر بالبرود وبيبتسم مع العلم انه بيغلى من جوا وصعبان عليه فعلا ايام كانوا فيها مع بعض ومش بعيد نفس المكان اللى كانوا بيقعدوا فيه مع بعض ..

فى الحالة هيبقى الموقف صعب عليه هو جدا ...

انا معاك في ده

بس ليه مبنعيش مشاعرنا بوضوح وصدق

يعني حتي لو هو مجروح ليه بيمثل البرود عشان متشمتش فيه مثلا؟؟

يمكن شكله وهو مجروح يديها درس متخدوش وهو لوح ثلج...

يمكن تدي نفسها هنا عذر انها حبيت غيره لانها حتتوقع انه كان بيضحك عليها

رد علي عجالة لكن حبه اسمع تعليقك

[amr_miza1]

المشاركة الأصلية بواسطة امرأة العزيز

انا معاك في ده

بس ليه مبنعيش مشاعرنا بوضوح وصدق

يعني حتي لو هو مجروح ليه بيمثل البرود عشان متشمتش فيه مثلا؟؟

يمكن شكله وهو مجروح يديها درس متخدوش وهو لوح ثلج...

يمكن تدي نفسها هنا عذر انها حبيت غيره لانها حتتوقع انه كان بيضحك عليها

رد علي عجالة لكن حبه اسمع تعليقك

امرأة العزيز

انتى يمكن مثالية زيادة عن اللزوم

اى راجل بيبقى عنده كبرياء ودا طبيعى ومطلوب

ومش قصدى كبرياء بمعنى الغرور انا اقصد الكبرياء فقط لمجرد انه يحفظ كرامته قدامها وقدام نفسه

كون ان هو يبين انكساره أو حتى حزنه لمجرد انه شافها مع واحد تانى دا اعتقد انه مستحيل

فلازم هيبين انه عادى بالنسبه له

وبعدين هو لما يبقى لو ثلج كدا أكيد هيحرك مشاعرها انما انكسار الرجل عمره مايحرك مشاعر انثى

ومنتظر تعليق

[عتاب]

اعتقد الاجابة بتختلف تبعا لحاجات كتير
مثلا ايه سبب الفراق ومين فيهم اللي ساب التاني
وهل هي فعلا بتحب اللي مرتبطة بيه والا مجرد ارتباط
وهل هو ارتبط بعدها والا لا
يعني اذا كانوا بيحبوا بعض فعلا وظروف الحياة هي اللي فرقتهم وهما بيحبوا بعض اكيد هاتتألم كتير وخصوصا لو حست منه بالا مبالاة لما شافها

اما اذا كان هو اللي سابها فاعتقد وقتها هاتفرح انه شافها سعيدة وعايشة حياتها من غيره وبكده هاتحس انها انتصرت عليه

اما لو هي اللي سابته وبتحب اللي مرتبطة بيه يبقى وقتها هو مايفرقش معاها اصلا والموقف كله مش هايأثر فيها الا لو مجرد فضول انها تعرف رد فعله بعد ما شافها (طبعا الفضول الانثوي رهيييييييب)

[amr_miza1]

المشاركة الأصلية بواسطة عتاب

اعتقد الاجابة بتختلف تبعا لحاجات كتير
مثلا ايه سبب الفراق ومين فيهم اللي ساب التاني
وهل هي فعلا بتحب اللي مرتبطة بيه والا مجرد ارتباط
وهل هو ارتبط بعدها والا لا
يعني اذا كانوا بيحبوا بعض فعلا وظروف الحياة هي اللي فرقتهم وهما بيحبوا بعض اكيد هاتتألم كتير وخصوصا لو حست منه بالا مبالاة لما شافها

اما اذا كان هو اللي سابها فاعتقد وقتها هاتفرح انه شافها سعيدة وعايشة حياتها من غيره وبكده هاتحس انها انتصرت عليه

اما لو هي اللي سابته وبتحب اللي مرتبطة بيه يبقى وقتها هو مايفرقش معاها اصلا والموقف كله مش هايأثر فيها الا لو مجرد فضول انها تعرف رد فعله بعد ما شافها (طبعا الفضول الانثوي رهيييييييب)

بشكرك يا عتاب وجودك وتفاعلك

أكيد كلامك صح بس بردة مش معنى انها بتحب الشخص اللى هى مرتبطه بيها انها مش هتتأثر لما تشوف حبيبها القديم أكيد هتتأثر

وكمان حتى لو هو ارتبط بعدها أكيد هيفتكر وهيحس بألم بردة ما احنا مش حجر

بس انتى عندك حق فى ان مقدار التأثر بيختلف من حالة لحالة .

بس عاوز اقول حاجة بخصوص الفضول الانثوى دا

وهو فى نفس الوقت رد لكلام الصديقة العزيزة امرأة العزيز

وهو انه لما هيبان عليه الانكسار هيبقى لا مجال للفضول ( هى كدا هتعرف خلاص انه ضعيف او مهزوز من الموقف ) اما لو بين انه عادى وانه مش متأثر .. هو دا اللى هيحرك فضول المرأة اللى عتاب قالت عليه

[omarr]

الشكر ليك انت يا عمرو , على طرحك لموضوعك الحلو
وكمان على مدى اهتمامك بكل شخص يتفاعل مع مواضيعك

[amr_miza1]

المشاركة الأصلية بواسطة omarr

الشكر ليك انت يا عمرو , على طرحك لموضوعك الحلو
وكمان على مدى اهتمامك بكل شخص يتفاعل مع مواضيعك

بشكرك يا عمر على كلامك الجميل اللى انا مش قده بصراحة

أكيد لازم لما نييجى نشارك بموضوع يبقى موضوع يستحق وينال احترام الاعضاء

ولما اشارك فى موضوع واتفاعل معاه دا بيشجع صاحبه وبالشكل دا هنعرف نتكلم مع بعض وهنستفيد من بعض