اللواء\ احمد ضياء الدين ماذا تقصد من كثره السكان؟

[وائل المصري]

خرج السيد اللواء احمد ضياء الدين مساعد السيد وزير الداخليه علي الشاشه الصغيره من خلال برنامج الجميله مني الشاذلي للرد علي التعليق الخاص بحبس السيد الضابط الهمام الي بيعزب الناس .
وايضا للرد علي التعليق الخاص بالحادث الاخير الي كانت ضحيته فتاه في سن التاسعه عشر من عمرها عندما داستها عجلات (الميكروباص)الخاصه بالهيئه العمه لتنفيذ الاحكام التابعه لوزاره الداخليه.
بكل شجاعه كانت السيده مني تدير الحوار مع السيد اللواء الذي كان كثير من كلامه يميل الي التهديد والي ان رجال الشرطه هم المظلومين دائما ياعيني واحنا الشعب الرخم العبيط الي مش عارف مصلحته.
الرد الاول\\-جاء علي لسان السيد اللواء انهم هم من قاموا بمساعده السيد الذي قام الضابط بتعزيبه للحصول علي حقه .يعني مش المحكمه ذي ما انتم تعرفوا خدوا بالكوا ياولاد.
ولو كانوا عاوزين طمس الحقيقه لاستطاعوا خدوا بالكوا ياولاد ديه حسنه من رجال الشرطه.
وان البنت الي ماتت قبل زففها باربع ايام هيا الي اتشعلقه في الميكروباص وعلشان كده ياعيني الميكروباص داس عليها وفرتكها حتت.
المهم كان الكلام كله مستفذ حتي جائت الحظه الي وصل فيه الموضوع لتهديد (عندما زكر سيادته الماده )(235)من قانون العقوبات والخاص بان اي شخص قام بالتعدي علي اي مؤسسه من مؤسسات الدوله او وزاراتها او اي من قطاعتها اين كانت يعاقب بالحبس والغرامه الفوريه اين كانت سلطته وهنا ايضا يشعرنا ان الشرطه مقصره في حق نفسها ورجالتها ياحرام.
والباشا غفل عن الماده (125) من قانون العقوبات وما يشابهها من قوانين حقوق الانسان المصريه الت تكفل حق العمل السياسي والصحفي والاعلامي وخلافه بدون اي شرط او ما شبه ذلك من عدم تقييد للحريات.
وفي الختام كان من الممكن ان يقوم السيد وزير الداخليه بايفاد شخص اخر حتي لو اتطروا يجيبوا واحد مؤجر بالفلوس علشان يحبك الكدبه علي الناس وعلشان يوصل ان الجهاز العام لوزاره الداخليه ياعيني غلابه ومساكين ومن الغد ان شاء الله بلملهم.
وفي الختام اسف جدا علي هذا الكلام بس كان جوايا وعاوز اطلعه.
وائل المصري.

[مستكة]

خرج السيد اللواء احمد ضياء الدين مساعد السيد وزير الداخليه علي الشاشه الصغيره من خلال برنامج الجميله مني الشاذلي للرد علي التعليق الخاص بحبس السيد الضابط الهمام الي بيعزب الناس .

الظاهر مفيش غير اللواء احمد ضياء الدين

طبعا لازم تطلع وزارة الداخليه هي الملاك الحارس اللي بيعمل علي راحة المواطنين وحمايتهم

المواطنين اللي عايزن الحرق لانهم ناكرين للجميل

اقول ايه بس شعب عايز الاباده حسبي الله ونعم الوكيل

طب حضرتك شفت 90 دقيقه امبارح

هو نفس الحوار تقريبا كان الكلام علي الشاب اللي مات من التعذيب في القسم واصحابه لاقوه مرمي علي الرصيف جنب القسم

تخيلو كده شاب مسؤل عن اسره لا يتعدي عمره الواحد وعشرين سنه اخدوه تحري ولا تحقيق مش هتفرق كتير وبعد اربع ايام بس اربع ايام اصحابه رايحين زياره يلاقوه مرمي علي رصيف القسم بدون ملابس في غيبوبه تامه في حاله تعذيب واضحه جدا

الشاب فضل في غيبوبه من يوم الخميس ومات امبارح

21 سنه

مالوش تهمه معينه

دا حتي لو كان تاجر مخدرات استنو عليه لما القاضي هو اللي يحكم

هو ايه ايه اللي احنا فيه ده


طبعا طبعا الداخليه بتنفي اي صله لها بالتعذيب وانها مستحيل تعمل كده وان اللي حصل ده مجرد مشاجره بين المساجين في غرفة الحجز

اوك هنعمل نفسنا مصدقين الكلام طيب والشاب ده ايه اللي رماه علي الرصيف !!

المساجين برضه

والمساجين بتضرب بعضها حتي الموت في الحجز والظباط بره بيعملوا ايه !!

والباشا اللواء في مداخله تلفونيه امام الام المكلومه في ابنها واخته اللي شافت الحاله وتابعتها بنفسها وصديقه اللي كل حاجه كانت علي يده بيقول برضه الزياده السكانيه

يعني نفس البؤين بتوع كل مره


انا من رايي المفروض الشعب ده يتلم ويحترم نفسه باه

يعني عبارات غرقت وقطرات اتحرقت وناس سافرت وناس راحت في ستين داهيه ولسه كتير برضه

ايه الشعب اللي معندوش دم ده

مفيش باه حل غير احنا ندعي ربنا ياخد الشعب عشان الكثافه تقل والفساد يقل وميبقاش فيه تجاوزات

دي الداخليه دي ياولاد هي الملاك الحارس

انتو مش مصدقني !!

انتو مبتشوفوش الاجنحه ولا ايه


حسبي الله ونعم الوكيل يعني يعملوا ايه بس في نفسهم عشانكم

ناس معندهاش دم بصحيح

[أدهم]

ياجماعة ماتختزلوش القضية فى سيادة اللواء وزير دفاع وزارة الداخلية علشان هو ده المطلوب .. ياريت تربطوا بين اللى بيحصل فى الداخلية ومنها وبين النظام ككل وتوصلوا لحقيقة اللمة اللى فى حزب لافكر له ولاطعم ولالون وكل الحكاية ضمان عدم الضرب على القفا وإحتمال الحصول على مكاسب . الداخلية هى دى صورتها .. اللى يعرف مخبر أو أمين شرطة بيمشى زى الطاووس وطول ماهو دلدول بيحس بالأمان .. ويترقى يبقى بلطجى ويبقى مصدر العز لرجال الداخلية ومصدر أمانها بأقول كده علشان بيتشدقوا بأن فيه شهود من المتشردين أصحاب القضايا والسوابق يعنى بعيد عن رجال الداخلية والحقيقة أنهم من رجال الداخلية بجد بل خط الدفاع الأول والواضح لكافة جرائم الداخلية مع الأبرياء من هذا الشعب اللى يستحق أكتر من كده علشان خايف مش عارف من إيه وعلى إيه ؟

[hend]

اتشعلقت

ياسلام

اهو ده الكلام

اصلى كانت عربيه رش والبت عندها خمس سنين

[وائل المصري]

الف شكر لكل الاعضاء الذين شاركوا في الرد علي الموضوع ويارب يكونوا استفادوا كما انا ما استفدت من ردودهم.
وائل المصري.