مسرحية لن اعيش في جلباب بولس ..

[مستكة]

رداً على مسرحية [ كنت أعمى وأبصرت] ( طبعا منقول )

بسم الله الرحمن الرحيم
***********************
[إن الذين يؤذون الله ورسوله لعنهم الله فى الدنيا والآخرة وأعد لهم عذاباً مهينا]صدق الله العظيم


بقلم الأخت صاحبة "اسم" (ريحانة) و هي مشرف عام في منتدي الأدب و الشعر و هو منتدي فرعي من موقع منتدى (منتديات أتباع المرسلين)




رداً على مسرحية [ كنت أعمى وأبصرت] الذين تعرضوا فيها بالتهكم والكذب على الإسلام ورسوله صلى الله عليه وسلم وزوجاته ..قررت كتابة مسرحية للرد عليهم .




والمسرحية إسمها [ لن أعيش فى جلباب بولس] وهى تكملة لمسرحية النصارى ..
أى أن بداية المسرحية ستكون من حيث إنتهت مسرحية النصارى..


لأن مسرحية النصارى لم تنتهى نهاية طبيعية ولذلك لزم إكمالها..



والعمل هو إبتغاء لوجه الله ..أننى ساهمت فى الزود عن الرسول صلى الله عليه وسلم وعن الإسلام..
..



المسرحية من ثلاثة فصول ...


مسرحية النصارى إنتهت أن [ مينا يصرخ] كنت أعمى وأبصرت
**************************************
*************************************


الفصل الأول
*************



المشهد الأول
***************
[ المشهد داخل كنيسة ومجموعة من القساوسة واقفين ,ومجموعة من الحاضرين من أقارب [ مينا] واقفين بجانب مقاعدهم, ومينا يتقدم بين الصفوف متجهاً للقساوسة ويلبس على راسه إكليل ,والموسيقى تعزف] [ يأخذ القس بيده ويلوح بالصليب على رأسه ثم يقف [ مينا] بجانبه ,ويجلس الحاضرون]
القس:- الكلمة لأبونا {بشاى}


[ يتقدم الأنبا {بشاى} ليلقى كلمته]


الأنبا بشاى:- بإسم الآب والإبن والروح القدس ..

إله واحد آمين ....لأن لك الملك و القوة والمجد .آميين


إخوتى وأخواتى ..إنه ليوم إنتصار ...
إنتصار الحق على الباطل ..
إنتصار الخير على الشر ...
إنتصار أخ عزيز لنا إمتلا بروح القدس,
وباركه الرب يسوع له المجد فقاوم قوى الشر والطغيان وثبت على إيمانه ...
وهاهو يقف بيننا مزهواً بإيمانه المسيحى....
رافعاً رأسه بعد أن أبصر النور الحقيقى ..
نور الرب يسوع له المجد الذى أشرقت له الظلمات..
إخوتى وأخواتى
إنى لأشعر وكأن الملائكة ترفرف بأجنحتها فى هذا المكان المبارك,,
أشعر وكأن الروح القدس ينزل من السماء علينا
ليقوينا ويؤيدنا كما أيد من قبل الرب يسوع له المجد
وها هو ينزل ليبارك أخانا [ مينا]
هذا الشاب الذى لولا إيمانه بالرب لسقط إلى الهاوية ....
وإنى لأحزن على شباب منا سقطوا إلى هذه الهاوية وأغواهم الشيطان فعميت قلوبهم وأبصارهم
وذهبوا إلى الظلام بعد أن كانوا فى النور...
...


إخوتى وأخواتى صلوا لربكم ..
صلوا من أجل أن تبقوا مبصرين ..
صلوا من أجل أن تعيشوا حياة أبدية مع ربكم يسوع ..
صلوا من أجل أن يثبتكم كما ثبت أخاكم [ مينا]...
..



وبهذه المناسبة إنى لأبارك لنفسى ولكم
ولكل مسيحى طاهر
كما أبارك لأسرة [ مينا]
وأبارك للأخ مينا نفسه ,
كما أبارك لهذه الكنيسة التى بتعاليمها
التى رسخت فى قلب مينا جعلته يعود لها منتصراً رافعاً رأسه
..



وإنى أخيراً أذكركم إخوتى وأخواتى أننا نعيش تحت وطأة هجمة شرسة من المسلمين الذين يريدون أن يقهرونا فى وطننا وفى أرضنا
حتى نستسلم
ونعلن لهم إسلامنا
مستخدمين كافة الطرق الملتوية
من خطف,وإغتصاب ,,إرهاب ,,
وقهر وإرغام ,,إغراء بالمال ...
ولكن هيهات هيهات ..المسيحى أقوى من ذلك
ولن نركع ولن نهتز نحن بإيماننا الأقوياء المنتصرين بإذن الرب



مينا:- وأنا أعلن يا أبونا إن عاوز أبقى راهب فى الكنيسة عشان أخدم المسيحية طول حياتى


الأنبا بشاى :- بارك الرب فيك يا مينا وزادك من نوره


[ يكمل الأنبا بشاى]


إخوتى وأخواتى تابعوا أولادكم ,
راقبوهم فقد يتعرضوا لما تعرض له [ مينا ]


أحد الحاضرين :- يعنى نعمل إيه يا أبونا؟؟؟


الأنبا بشاى:- راقب أولادك وهم جالسين على الإنترنت وهم فى مدارسهم وهم فى جامعاتهم ...
راقبوهم فى كل مكان يحتكوا فيه بالمسلمين...
إحنا فى حرب مع المسلمين
ولازم نكسبها وبإذن الرب هنكسبها ..
إحنا أصحاب الأرض إحنا أهل مصر
ولازم نطردهم منها زى ما دخلوها وأذلونا ونهبوا خيراتنا..


الحاضرين :- بارك الرب فيك يا أبونا


الأنبا بشاى:- عاوزك يا مينا تحكى تجربتك للحاضرين عشان يستفيدوا منها


مينا:- أنا بصراحة ذهلت من إللى سمعته وشفته...
عمرى ما كنت أتخيل إن فيه دين بيشجع على الإرهاب وبيأمر أتباعه بالتمتع بالستات والملذات بهذا الشكل ...
والغريب إنه دين بينتشر


الأنبا بشاى [ مقاطعاً] :- بينتشر عشان الفلوس والملذات والمتع مش عشان الروحانيات إللى فيه


مينا :- طبعاً يا أبونا ..
ده حتى الكتاب إللى إسمه [ القرآن] مش فاهمين فيه
ولا كلمة لكن المهم يتغنوا بيه وبالسجع إللى فيه ......
أنا هأقول إيه ولا إيه أنا إللى شفته
يخلينى عمرى ما أفكر إنى أبقى مسلم ,
وأنا معتز بدينى ومش هاسيبه أبداً


الأنبا بشاى:- إحنا ديننا يا مينا دين التسامح والحب والمغفرة والسلام دين بيحارب الشهوات من كل نوع
مش دين الزواج بأربعة وزواج المتعة
والزواج بسبعين حورية من الجنة


[يضحك الحاضرون]



مينا:- أهو كله كوم وحكاية إنهم مش عاتقين تعدد الزوجات حتى فى الجنة كوم تانى يعنى ملذات فى الدنيا والآخرة


الأنبا بشاى :- عارفين الدين الإسلامى بينتشر فى أفريقيا ليه...؟؟
أصلهم بيروحوا للراجل من دول ويقولوله [ تحب ثلاثة آلهة وحرمة واحدة]
ولا [ إله واحد وأربعة حرمة]
يقولهم [ إله واحد وأربعة حرمة طبعاً]
فلما يدخل الإسلام وبعد شوية يحب يطلع منه ..
يقولوله [ لا ياشاطر تتقطع رقبتك]
فيضطر غصب عنه إنه يفضل مسلم عشان ما يموتش ..
كل حاجة عندهم قتل فى قتل ..
دين بيشجع على قتل الذميين وعلى قتل الكفار
وعلى قتل إللى يخرج منه ...
إيه ده حاجة مش معقولة!!!


مينا:- فعلاً أنا كنت هاسقط للهاوية زى ما قلت يا أبونا ..
وبصراحة أنا ندمان على كل دقيقة ضيعتها مع [ الجماعة ] دى عشان كده عاوز أكفر عن خطيئتى
إنى أعيش راهب فى الكنيسة.


الأنبا بشاى:- شوف يا بطل عشان تأخذ قرارك
لازم تفكر مرة وإثنين
عشان حياة الرهبنة مش سهلة ..
وهانديك فترة تتعلم من الكنيسة
وبعدين بعد فترة تأخذ قررارك النهائى


مينا:- وهو كذلك


الأنبا بشاى:والآن إخوتى لنصلى جميعا شكراً للرب
على حمايته لمينا
داعيين الرب يسوع أن يثبته
ويثبت شبابنا وفتياتنا ...


يبدأ الحاضرون فى الصلاة
[يسدل الستار]




@يتبع بإذن الله@

[عتاب]

مستكة
لازم تكمليها كلها مرة واحدة لانها لحد دلوقت جاية في صف المسيحية
فلازم تكمل في اقرب وقت
واحنا في الانتظار

[مستكة]

عتاب هي طويله شويه ودسمه لو نزلتها مره واحده الناس هتمل واحتمال كبير محدش يقراها اصلا انما لو انزل كل شويه جزء بيتهيالي هيكون افضل عشان الملل وكده بس انتو اقروا بس

[عتاب]

اووووووووووووووووك
احنا في انتظار الباقي

[مستكة]

بسم الله الرحمن الرحيم
**********************

المشهد الثانى
**************
[ مينا يجلس منهمك فى القراءة فى الكتاب المقدس داخل المكتبة الكبيرة فى الكنيسة]يدخل عليه القس [ فيليب]

فيليب:- إيه أخبارك يا بطل؟؟

مينا:- كل خير

فيليب :- إنت بتتقدم فى علم اللاهوت بسرعة كبيرة وبإذن الرب هيكون ليك مستقبل عظيم

مينا :- بس أنا عاوز...

فيليب:- عارف يا مينا عاوز الرهبنة لكن إحنا شايلينك لحاجة أكبر من كده ..مهمة التبشير والتنصير ..إحنا عاوزينك تعيش وسط الناس وتتزوج ويكون ليك حياة عادية زى بقيت البشر لكن تجربتك إللى عشتها وسط [ الجماعة ] دى هاتخليك مبشر ومنصر من نوع تانى لأنك عايشت الإسلام الحقيقى وشفت أتباعه عاملين إزاى فيكون الأثر إللى تعمله أكبر وأعظم.

مينا:- وهو كذلك ...بس أنا ليا أسئلة عن حاجات قرأتها فى الكتاب المقدس

فيليب:- أسئلة إيه ؟؟؟

مينا :- يعنى شفت [ نسب المسيح] مختلف فى إنجيل عن إنجيل تانى

فيليب:- شوف يا مينا.....الكتاب المقدس كتاب سماوى إللى كتبوه كتبوه بإلهام من الروح القدس ..محال إنه يكون فيه أخطاء أو تناقضات لأنه من عند الرب ..وعقلنا المحدود لا يمكن يستوعب كل إللى فيه

هل ممكن حفرة صغيرة تستوعب ميه البحر؟؟

مينا :لأ طبعاً

فيليب:-أهو إحنا بالظبط كده ..لا يمكن نستوعب بعقلنا المحدود كتاب عظيم وسماوى زى الكتاب المقدس ..المسلمين هما بس إللى بيشوفوا إنه فيه تناقضات وأخطاء لأنهم غير مؤمنين ..وغير المؤمن أعمى البصر والبصيرة ..لكن إحنا أتباع يسوع بنشوف الجمال إللى فيه ولا نسأل ولا نعترض لأن إعتراضك معناه إنك بتقول إن عقلى غير محدود ويمكن أن يستوعب الحقائق الكبرى إللى فى الكتاب المقدس ..والإنسان لا يمكن بعقله المحدود معرفة أسرار كتاب ألهم الرب كاتبيه بكتابته ...

كمان يا مينا الكتاب المقدس هو أكثر الكتب فى العالم تعرض للنقد والبحث والتدقيق ولو كان إللى قبلنا شافوا فيه ولو بنسبة واحد فى الميه خطأ كانوا قالوا عليه ..لكن علشان تعرف إن الروح القدس محال يخطئ أجيال وأجيال من المسيحيين عاشت وقرأت الكتاب المقدس ومالقتش فيه غلطة واحدة وماتوا وهما متمسكين بيه ومؤمنين بيه..

مينا :- كلامك كله عظات يا أبونا...فين كلامك ده من كلام [ أمير الجماعة] إللى كنت فيها إللى مليان بالعنف والقسوة والمغالطات

[يدخل المكتبة مجموعة من الشباب والفتيات بصحبة القس فلوبرس]

فلوبرس:- إتفضلوا يا شباب
أعرفكم بالأخ مينا بيدرس علم اللاهوت وبإذن الرب هيكون ليه مستقبل فى التبشير زيكم

مينا :- أهلاً وسهلاً

فيليب :- إيه أخبار الأبطال؟؟

أحد الشباب:- كله تمام

فيليب:- أنا عاوز همة يا شباب ..إنتوا محتكين فى الجامعات بالمسلمين وتقدروا تعرفوا نقاط الضعف إللى فيهم وتدخلوا لهم منها ..أنا عارف إنكم بتعملوا كل ما فى وسعكم لكن عاوز همة أكبر..

إحدى الفتيات:- أنا فيه واحدة مسلمة فاضيلها شوية وتسمعوا عنها أخبار كويسة أوى

فيليب:- بارك الرب فيكى يا جانيت ..وعاملين إيه فى مواقع الإنترنت والمنتديات والبالتوك؟؟

شاب: كل خير بس إحنا كان لينا طلب عندك يا أبونا ؟

فيليب:- خير

الشاب:- كل الشبهات إللى فى المواقع المسيحية بقالها ردود فى المواقع الإسلامية وأى واحد فينا بيدخل على منتدى إسلامى بيلاقى الشبهات وردودها جاهزين فبنتلخم وبنعرفش نعمل إيه

فيليب:- لأ يا ميلاد أنا قلتلكم إيه ..تدخلوا على المنتديات والبال توك وإنتوا بتهاجموا وبتتهكموا على الشريعة الإسلامية ..الطريقة دى حتخليهم ما يعرفوش يردوا ...لكن تتلبخوا وتتلخموا أنا مش عايز كده...

ولو حسيتوا إنكم مش عارفين تردوا هاتوا أى موضوع حوالين [رسولهم] وأقعدوا إعملوا حكايات عليه ..أنا مش عايز المسلمين يغلبوكم أبدا أنا عاوزكم تدوخوهم السبع دوخات..

ميلاد:- بس الإخوة فى البال توك والمنتديات باعتين لحضرتك رسالة إنهم عاوزين شبهات جديدة عشان الشبهات القديمة بطلت والمسلمين عرفوها

فيليب:- أنا والقس فلوبرس حنكتبلكم شبهات جديدة وبكرة الأخ ميلاد يجيى يأخذها

فتاة :- أنا عملت أغنية جديدة بتسخر من تشريع إسلامى

فيليب:- قوليلى بسرعة

الفتاة:- أهه يا أبونا أغنية إسمها [ إرضع يا كبير]

فيليب:- حلو أوى ..أنشريها فى كل المواقع المسيحية وياريت تعملوا منه سيديهات

شاب :- وأنا كمان ألفت مسرحية بتسخر من أحوال شباب المسلمين ..إسمها [ بحبك يا لطفى ماتجوزنى عرفى ]

فيليب:-ها ها ها ها تمام تمام بارك الرب فيكم ياشباب يسوع ...قبل ما تمشوا عاوز أوصيكم إن التبشير فى الجامعة محدش ياخد باله منه ..فاهمين ...ياللا إتفضلوا بارككم الرب

[ينصرف الشباب والفتيات]

[يبقى مينا فى مكان فى المكتبة منهمكاً فى قراءته للكتاب المقدس ..والقس فلوبرس وفيليب فى ناحية أخرى فى المكتبة]

فلوبرس :- طلعلنا شبهات جديدة يا فيليب

فيليب:- إحنا سيبنا حاجة ما قولنهاش

فلوبرس:- معلهش عشان الشبهة برضه لما بتبقى جديدة بتعمل ربكة للمسلم إللى بيرد عليها

[فيليب يمسك بكتاب السيرة النبوية ويتصفحه]

فيليب:- خذ عندك ...كان بيقوم الليل حتى تورمت قدماه

فلوبرس- ودى فيها إيه؟؟

فيليب:- هو مش فيه آيه بتقول [ ولا تلقوا بأيديكم إلى التهلكة ] ..وكمان مش فيه حديث بيقول فيه [ إن لبدنك عليك حق] ؟؟

فلوبرس :- آه

فيليب:- يبقى هوا بيخالف أمر الله وبيقوم لحد ما رجليه ورمت والتورم ممكن يؤدى لمشاكل ومخاطر صحية ..يبقى مش بيلقى بإيده فى التهلكة ؟؟

فلوبرس :- طبعاً

فيليب:- إكتب كمان...كان بيوصل الصيام ..وقبل ما تقولى ودى فيها إيه..هوا مش الصيام عندهم لحد المغرب بس ؟؟

فلوبرس :- أيوه

فيليب:- يبقى دى مخالفة لشرع ربنا والا لأ لما يوصل الصيام
خد عندك كمان ..كان بيقبل زوجاته ..لازم النبى يكون عايش للرسالة بس وتكون حياته كلها بعيدة عن أى شهوات ..يقوم هوا يقبل زوجاته !!!

فلوبرس:- تمام يا فيليب ..فيه حاجة تانية؟؟

فيليب:- آه..نجيب شبهة من القرآن ..[ يتصفح المصحف ]

- بس خذ عندك..... تناقض رهيب فى آيتين فى القرآن

سورة الأنبياء [ فنفخنا فيها من روحنا] ,,وسورة التحريم [ فنفخنا فيه من روحنا] ..مرة يقول فيها ومرة يقول فيه ..مش تناقض ده ؟؟

فلوبرس :- تمام وميه ميه

خذ عندك كمان

[ يدخل الحجرة مسرعاً القس زكريا]

زكريا : شفتم [ ميشيل] دخلت عليه لقيته بيصلى العصر !!!

[ يغضب فيليب جداً وينادى على الخادم فى الكنيسة ]

مرقس ... روح جيب ميشيل هنا حالاً

مرقس :- حاضر

فلوبرس :- براحة شوية يا فيليب مش كده

فيليب:- مش كده إيه...ده مينفعش معاه إلا الشدة أنا مش موافق على المعاملة بتاعتكم معاه..

زكريا:- الكلام معاه والوعظ الدينى أكيد هايجيبوا نتيجة يا أبونا فيليب

[ يدخل ميشيل بصحبة الخادم ]

فلوبرس:- تعالى يا ميشيل أقعد ..تعالى يا مينا كمان ..
[ يأتى مينا وبيده الكتاب المقدس ويجلس معهم ]

فلوبرس:- جرى إيه يا ميشيل ..إنت هتعمل الكنيسة جامع ولا إيه ..إنت أهلك لما جابوك من أسبوعين قالولنا بالحرف الواحد مش عايزينه يرجع لينا إلا وعقله فيه ..لسه مارجعتش لعقلك ولا إيه؟؟

[ ميشيل صامت ]

فيليب:-لو ما رجعتش لعقلك بالذوق ..إحنا عندنا الف طريقة وطريقة فاهم..

مينا:- إيه الحكاية؟؟

فيليب:- إللى قاعد قدامك ده بيشتغل صيدلى فى أسيوط ..المسلمين لعبوا فى عقله لحد ما أسلم

مينا :-أسلم!!

فيليب:- أيوه ومش من مدة بسيطة ده من 6 سنين ومخبى على مراته وأهله ..ولما مراته عرفت بلغت عنه وأهله جابوه هنا عشان نرجعله عقله

مينا:- أنا مش مصدق إن ممكن إنسان بعقلك يعمل كده

فيليب:- عارف مين ده ...ده مينا واحد مسيحى عاقل ما رضيش يسيب دينه بعد ما شاف الإسلام على حقيقته ..مش زيك بعت دينك وكنيستك

زكريا :مش كده يا فيليب بلاش العصبية دى

فيليب:- أنا بس عامل خاطر لخالك [ الأنبا أوغسطنيوس ] أستاذنا كلنا هوا إللى قلنا ناخدك بالهداوة الأول ..والظاهر الهداوة مش هاتجيب فايدة

زكريا:- لأ يا أبونا فيليب... قاللنا ناخده بالهداوة وكمان بالحجة والوعظ الدينى وبإذن الرب يرجعله عقله من غير عنف ولا حاجة

فيليب :- أه ..إنت عارف كويس نقدر نعمل فيك إيه ..أبعتك تربى خنازير فى وادى النطرون

مينا:- بأقول ممكن تسيبونى معاه شوية يمكن أعرف أقنعه

فلوبرس :عين العقل تعالى يا أبونا فيليب وهدى أعصابك وتعالى يا أبونا زكريا..يمكن مينا يعرف يعمل معاه حاجة

فيليب:- أنا مش منقول من هنا لما أشوف أخرتها معاه إيه

فلوبرس :- طب تعالى نقعد بعيد عنهم شوية نسمعهم وما نشتركش معاهم فى الكلام

[ يقوم القساوسة الثلاثة ويجلسون فى مكان بعيد قليلاً ]

مينا :- مش عاوز تقول حاجة؟؟

ميشيل:- أقول إيه ؟؟..كل إللى قالوه صحيح أنا اسلمت ومراتى بلغت عنى وأهلى جابونى هنا ..بس أنا إسمى مصطفى مش ميشيل

مينا:- كمان غيرت إسمك .للدرجة دى ضحكوا عليك المسلمين ..ده آخر دين من الديانات كلها فى العالم إللى الواحد ممكن يفكر ينتمى إليه.

ميشيل:- ديانات إيه يا مينا !! ربنا مانزلش ديانات ..ربنا نزل دين واحد بس من يوم ما خلق آدم لحد ما تقوم القيامة ..دين التوحيد ..دين الإسلام ....الديانات دى إحنا البشر إللى ألفناها وبدعناها وحرفنا الدين الواحد لأديان والعقيدة الواحدة لعقائد...

مينا:- طب فهمنى إيه إللى خلاك تعمل كده؟؟

ميشيل:-أنا طول عمرى مسيحى ملتزم باروح الكنيسة أصلى كل يوم أحد بإنتظام وباحضر المناسبات والأعياد فى الكنيسة ..الكتاب المقدس بافتحه أقراه وماشى على تعاليمه..يعنى تقدر تقول كنت مسيحى مثالى

مينا:- كويس وبعدين

ميشيل :- فضلت كده لحد ما فى يوم كنت فاتح التليفزيون وباقلب فى القنوات لقيت قناة بتعرض برنامج مستضيفين فيه شيخ من شيوخ المسلمين ..ولقيت واحد مسلم بيتصل بيه وبيسأله :-ما هى آداب دخول [دورة المياه] ..لقيت نفسى مستعجب وبسأل نفسى هو فيه آداب لدخول الحمام؟؟؟وفضلت مستنى أسمع إجابة الشيخ عليه ..لقيته بيقوله :- إن الرسول صلى الله عليه وسلم كان بيدخل الخلاء برجله اليسرى ويقول اللهم قنى شر الخبث والخبائث .. ولما تكون فى الحمام لا تذكر الله[ لأنه مكان غير طاهر] وما تقعدش فيه وقت كتير وبعدين تخرج منه وتقول غفرانك.. الشيخ قال أن الرسول صلى الله عليه وسلم كان بيقول غفرانك لأ نه قضى وقت فى دورة المياه ما كانش بيذكر الله فيه فبيطلب المغفرة على كده

مينا:- دخلت الإسلام عشان آداب دخول الحمام ..دى حاجة تغير دينك عشانها ..دى حاجة صغيرة وتافهة أوى

فيليب:- قوله يا مينا قوله

ميشيل:- الحاجة الصغيرة التافهة إللى بتقول عليها ..خليتنى سهران طول الليل بافكر

مينا :- وياترى بتفكر فى إيه؟؟

ميشيل:- بافكر ..هل ممكن راجل عاش من أكثر من 1400سنة فى البادية مافيش حواليه غير الصحراء والرمال وحواليه مجتمع خالى من المدنية .. يقوم يألف كتاب ويسميه القرآن ويألف أكثر من 100000حديث ويألف لأتباعه تشريع .. التشريع ده ما ينساش فيه شيئ صغير زى دخول دورة المياة ؟؟؟هل ممكن لراجل أمى أن يوصل تفكيره أن يألف تشريع لأمته ما ينساش فيه حاجة صغيرة ما تخطرش على بال حد ؟؟؟... إيه العقل ده إللى كان فيه
؟؟
مينا :- وبعدين

ميشيل:-لقيت نفسى تانى يوم رايح على مكتبة من المكتبات الإسلامية وقلت لهم عاوز كتاب أدعية الرسول صلى الله عليه وسلم ..وأخذته وفتحته وحصللى ذهول من إللى شفته ..شفت إنسان عايش يذكر الله فى كل دقيقة ..وهو بيستعد للنوم .وهو بيصحى من النوم ..وهو خارج من بيته ..وهو داخل بيته ..وهو بيلبس.. وهو بيأكل وهو بيشرب وهو بيشوف المطر وهو بيشوف الهلال وهو بيشوف خير عند إنسان وهو مسافر وهو راجع من السفر وهو راكب على دابة وهو بيعطس وهو مريض وبعد إنتهاء الصلاة وعند سماع الآذان ....أقول إيه فى كل حاجة ممكن يتعرض ليها الإنسان..

ما قدرتش بعد كده أخبى فضولى عن إنى عاوز أعرف كل حاجة عنه ..فسألت واحد جارى مسلم .. رايح جايبللى كتاب عنه ..وعن سننه

مينا:- سننه يعنى إيه سننه؟؟؟

ميشيل :- يعنى عبادات كان بيعملها زيادة عن الفرض...والمسلمين بيتعبدوا بيها إقتداءً بيه

مينا :- وبعدين

ميشيل:- لقيت نفسى مشدود ليه ..معقول إنسان يصلى أكثر مما فرض عليه..ويصوم أكثر مما فرض عليه ..طب ليه يعمل كده؟؟

ليه يقوم يصلى 8 ركعات فى عتمة الليل ؟؟ ليه يصوم كل إثنين وخميس وثلاثة أيام فى نص الشهر؟؟

مش هما قالولنا عليه إنه [راجل كان بيجرى طول حياته وراء النساء وجمع الأموال] ..الراجل إللى بالأوصاف دى لازم يكون بيقضى الليل فى أحضان النساء وفى عد الأموال ..لكن يقضى الليل فى الصلاة والذكر وأتباعه يعملوا زى ما كان بيعمل.!!.... راجل مالهوش هدف غير الشهوات واللذات يألف عبادة إسمها [ صلاة الفجر] يحرم نفسه من لذة النوم ويقوم يصلى هوا وأتباعه ..ومش بس كده ده يأمرهم إنهم يصلوها فى المسجد ويشجعهم على كده بإن خطواتهم للمسجد هتكون تكفير لذنوبهم.....

بعد ما قرأت عنه ..تأكدت من شئ واحد إن الرسول محمد رسموا لنا صورة مشوهة مشوشة ليه وكذبوا علينا لما قالولنا عنه إنه رجل مزواج وشهوانى ..فقررت إنى أستعمل عقلى إللى ربنا خلقه ليا ورحت أخدت سنتين أدرس فيهم دراسات إسلامية

مينا:- كمان درست دراسات إسلامية؟؟

ميشيل :- أيوه وحفظت القرآن ودرست السيرة ..وكتمت إسلامى لحد ما أشعر إن كل حاجة مكنتش أعرفها خلاص عرفتها ..ولما حسيت إنى مش قادر أعيش بصورتين صارحت زوجتى لكن للأسف ماقدرتش تفهمنى ..وحصل إللى حصل

فيليب:- الظاهر إنك إنت إللى هاتدينا جلسة وعظ دينى...برنامج فتاوى خلاك تسيب دينك ؟؟..دورة الميه هى خلتك تسيب دينك؟؟

طب إيه رأيك إن فى المسألة بتاعت دورة الميه دى إحنا أحسن من المسلمين ..لأننا بنذكر الله فى كل مكان بما فيهم دورة الميه ..يبقى مين إللى أحسن؟؟

ميشيل :- العقيدة إللى تخللى الله ينزل عشان عباده يشتموه ويضربوه ويصلبوه ..مش غريب عليها إنها تأمر بذكر الله فى أنجس مكان ..

فيليب:- أنا مش قادر أستحمل ....أولاً ربنا ما نزلش عشان ينضرب ..ده نزل يكون لينا فداء عشان بيحبنا ..وأظن إنت عارف كده كويس

ميشيل :عارف ومش فاهم حاجة....عاوزنى ألغى عقلى ..مين إللى أهلك قوم نوح؟؟

فيليب:- الله

ميشيل :- وياترى أهلكهم بإيه؟؟

فيليب:- اللهم طولك يا روح ..بالطوفان

ميشيل :- تفتكر الإله إللى يأمر الأرض إنها تتفجر بالعيون ,,ويأمر السماء إنها تهطل بالمطر ويمحو كل البشرية من على وجه الأرض ما عدا نوح والمؤمنين بكلمة واحدة يأمر بيها ..ما يقدرش بكلمة واحدة يغفر لآدم ويغفر لذريته وهو جالس على عرشه... هوا إحنا مش مخلوقات زى السماء والأرض؟؟

فيليب:- يقدر طبعاً بس مغفرة ربنا لا تلغى عدله

ميشيل :- وهل عدل الله أنه يلعن ذرية كاملة من غير ذنب عملوه ...لوكان قاضى حكم عليك بالإعدام على جريمة ماعملتهاش كنت هتقول عليه عادل؟؟

فيليب:- ربنا يتجسد يتقمص ..ربنا يفعل ما يشاء وقادر على كل شئ

ميشيل :- قادر على كل شئ فى حدود أنه مالك الملك ذو الجلال والإكرام فى حدود أنه الملك العال المتعال ..مش قادر على كل شئ إنه يترك نفسه لمخلوقاته يذلوه ويضربوه .

فيليب:- يعنى إنت فاتح لينا [محضر ] وعمال تسألنا وتستجوبنا ..يعنى إنت فاكر إننا منعرفش حاجة عن الإسلام ..إحنا نعرف عن الإسلام أكتر منك ..والظاهر إنك إنت إللى ما تعرفش الإسلام على حقيقته

زكريا:- إرجع لدينك ولكتابك ..خد إمسك الكتاب المقدس وإقراه يا ميشيل

ميشيل:- ويا ترى أقرا كتاب أى طائفة ؟ الأرثوذوكس ولا البروتستانت ولا الكاثوليك ولا شهود يهوه ... ولا ولا ولا ياترى أقرأ النسخة اليونانية ولا الإنجليزية ..ولا ياترى أقرأ إنجيل برنابا ولا إنجيل مرقس ولا إنجيل الطفولة ولا مخطوطات نجع حمادى ولا..

فيليب:- إنت زودتها أوى ..إنت مالكش غير طريقة واحدة فى التعامل

زكريا :لأ يا فيليب لسه قدامه [ جلسة وعظ دينى ] لكن هتكون مش زى أى جلسة إحنا هنعرفك فيها إيه هوا الإسلام إللى ماتعرفوش ..هتبقى مناظرة

فيليب:- مناظرة إيه يا زكريا ..أنا مش موافق

زكريا :معلهش يا فيليب ...إحنا قدام شخص حصله غسيل مخ ولازم يعرف إيه الدين إللى دخل فيه كويس

معادنا بعد بكرة يا ميشيل

ميشيل : لن اقول لكم إلا كما قال كليم الله موسى [ ويلكم لا تفتروا على الله كذباً فيسحتكم بعذاب وقد خاب من إفترى ]
[ إلى اللقاء فى الفصل الثانىإن شاء الله ]

[مستكة]

وادي المشهد التاني يا عتوبه

ماليش بركه الا انتي

[رؤيه]

مستكه الجميله
بتغيبى كتير وده مش كويس علينا
كان الله فى العون ربنا يوفقك
المسرحيه جميله اوى ومهمه جداااااااااااااااااااااااا
جزاكم الله خيرا وجعلها فى ميزان حسناتك وشاهد ليكى يوم القيامه
فى انتظار البقيه رجاءا لا تطيلى الانتظار

[عتاب]

المشاركة الأصلية بواسطة مستكة

وادي المشهد التاني يا عتوبه

ماليش بركه الا انتي

ميرسي يا توكا
ربنا مايحرمكيش مني
وفي انتظار الجزء التالت
يالا بسررررعه

[مستكة]

مستكه الجميله
بتغيبى كتير وده مش كويس علينا
كان الله فى العون ربنا يوفقك
المسرحيه جميله اوى ومهمه جداااااااااااااااااااااااا
جزاكم الله خيرا وجعلها فى ميزان حسناتك وشاهد ليكى يوم القيامه
فى انتظار البقيه رجاءا لا تطيلى الانتظار

الله يعزك يا رؤيه

ميرسيه لزوئك

كويس ان لسه فيه حد عارفني اهو

انا مغبش عنكم ابدا بس هي الظروف

علي فكره المسرحيه فعلا رائعه وكلها معلومات ومتعوب عليها اوي

اجمل رد علي السخافات اللي بيدعوها علي الاسلام هؤلاء المغرضين

جزاها الله كل خير مؤلفة المسرحيه لان ده فعلا خير رد عليهم

مش اننا نكتفي بالشجب والاحتجاج في مظاهره وفي الاخر كله بيتنسي

العين بالعين والسن بالسن والبادي اظلم


*************************************

وفي انتظار الجزء التالت
يالا بسررررعه

ماشي يا لماضه

[مستكة]

الرحمن الرحيم
**********************
تكملة المشهد الثانى
*********************
[ويبقى ميشيل مع مينا فى مكتب القس فيليب]

مينا:- شوف يا سيدى أنا كنت...

ميشيل [ مقاطعاً] :-متتعبش نفسك يا مينا مافيش فايدة من إللى هتقوله وإللى عاوزين يعملوه ..يعملوه

مينا:- إنت هتخسر إيه لما أحكيلك عن تجربتى وإلا إنت خايف تعرف عن الإسلام حاجات ماكنتش تعرفها فتتصدم وتغير رأيك

ميشيل:- مشكلتك يا مينا إنك زيك زى بقية النصارى ,,وزى ما كنت أنا قبل ما ربنى يهدينى للإسلام ..مجرد تابع بيردد إللى بيقولوه لينا فى الكنائس وإللى ربونا عليه وإحنا صغيرين .لحد.ما كبرنا وإحنا بنكره الإسلام والمسلمين ونكره نفتح عنينا وودانا عشان نشوف ونسمع الحقيقة إللى غيبوها عنا وشوهوها لينا وإحنا فاكرين إننا على الحق والمسلمين على الباطل بسبب كلام حشوا بيه دماغنا وأخدناه من غير ما نتأكد منه ومن صدقه أو من كذبه....أنا بقى يا مينا ربنا هدانى وعرفت كذب كل الكلام ده وإتأكدت بنفسى ..يبقى إيه إللى هتقوله جديد عن الإسلام؟؟

مينا:- كذب إيه ياميشيل إللى بتقول عليه ....كل إللى قالوه لينا فى الكنائس عن الإسلام صحيح ....وأنا تجربتى مع الجماعة إللى كنت فيها خلتنى أقول [ده أنا كنت أعمى وأبصرت]

ميشيل:- صحيح إيه حكاية الجماعة دى??

مينا:- دى جماعة من جماعات المسلمين إللى طالعة اليومين دول ..إللى بيكفروا الناس وبيستحلوا أموالهم وبيفجروا قنابل فى السياح وفى محلات النصارى ..شفت العجب معاهم ....شفت إزاى الإسلام كله عنف وسفك للدماء وإذلال للمرأة ..بصراحة يا ميشيل أنا مستعجب على واحد متعلم زيك يدخل دين فيه جواز متعة وإستباحة للدماء ويسيب دين كله سماحة ومحبة زى دينا

ميشيل [ينظر طويلاً للأرض ثم يرفع رأسه] :- قوللى يامينا سمعت عن الكاهن إللى طردته الكنيسة بسبب ممارسته للأعمال المنافية للأداب وإللى كتبت عنه الجرايد؟؟

مينا:أيوه بس إيه علاقة ده بموضوعنا!!

ميشيل:- طب سمعت عن الممارسات إللى حصلت من القساوسة وإعتدائهم على الراهبات والأطفال فى الفاتيكان؟؟

مينا:- أيوه سمعت .........آآآه إنت قصدك إن دول عشان رجال دين وعملوا الحاجات دى تبقى النصرانية بتشجع الزنا والشذوذ

ميشيل:- أيوه بالظبط.

مينا:- إزاى تقول كده ..إنت كنت مسيحى قبل كده وتعرف إن الحاجات دى محرمة وكل اللى عملوا كده الكنيسة تبرأت منهم وطردتهم لأنهم نقطة سودة فى الثوب الأبيض وحالات شاذة لا تمثل إلا نفسها ولا تمثل الكنيسة ولا المسيحية

ميشيل:- طيب يامينا كلام جميل..لما رجال الدين إللى عايشين ليل نهار بيقروا الكتاب المقدس وإللى بيصلوا ويصوموا والناس بتيجى تسألهم عن أمور الدين وتتبرك بيهم ويعترفوا بذنوبهم ليهم يعملوا الحاجات دى كلها ,ومع ذلك قلت دلوقت إنهم لا يمثلوا المسيحية ولا بيمثلوا الكنيسة ..يبقى ليه أخدت الإسلام وحكمت عليه وعلى تعاليمه من جماعة متطرفة لا تمثل الإسلام ولا ماشية على تعاليمه بل بالعكس كل إللى بيعملوه الإسلام ما أمرش بيه ولا الرسول عليه الصلاة والسلام قال بيه

مينا:- بس دول كانوا مسلمين ..يعنى عارفين دينهم كويس

ميشيل:- طيب يا مينا ماهو القساوسة إللى عملوا الحاجات دى برضه كانوا عارفين دينهم كويس

مينا:- قصدك يعنى إن الإسلام حاجة تانية غير إللى شفتها مع الجماعة دى؟؟

ميشيل:- طبعا يا مينا ....وأنا زى ما قلت لخالى .انا أخدت الإسلام من القرآن ومن سيرة الرسول عليه الصلاة والسلام ..مش من المسلمين ..لأن حالة المسلمين بعد ما حكموا بغير الإسلام أصبحت شئ تانى غير الإسلام الحقيقى .ولما حبيت أسأل سألت أهل الذكر العلماء الثقات .....أما أحب أعرف عن الإسلام أسأل أهل العلم مش أى واحد ماشى فى الشارع أو مش أشوف واحد مسلم بيسرق أقوم أسأله عن تعاليم الإسلام

مينا صامت

ميشيل:- شوف يا مينا....

مينا مقاطعاً: أوعى تقولى عاوز أدعوك للإسلام ..لأ إنسى الموضوع ده خالص أنا لا يمكن أفكر مجرد تفكير فى الإسلام

ميشيل:- كونى أدعوك للإسلام ده واجب عليا عشان أبرأ ذمتى منك يوم القيامة ..لكن أنا هاقولك حاجة تانية لأنى جايز أترحل النهارده وأعيش فى ديروادى النطرون طول حياتى ومنتقابلش تانى إلا عند العرض عليه سبحانه وتعالى

مينا:- عايز تقول إيه؟؟

ميشيل:0عاوز أقولك تبحر وتعمق فى دراسة الكتاب المقدس وإقرا فيه أكتر وأكتر ..بس إقرأ بعقلك مش بعنيك ..وتأكد إنك لو قرأت بعقلك ..إنت إللى هتروح للإسلام بنفسك ومن غير ما حد يقولك أو يدعوك للإسلام

مينا:- يعنى إيه بعقلى وعنيا دى؟؟

ميشيل:- أيوه يا مينا لو كل النصارى قرأوا كتابهم المقدس بعقلهم مش بعنيهم كانوا وصلوا للحقيقة

مينا:- مش فاهم

ميشيل:-لو قرأت بعقلك هتشوف التحريف والتبديل الواضح الظاهر فى نصوص الكتاب المقدس ..يعنى مثلاً كل النصارى قرأوا النص ده بعنيهم بس

سفر التثنية [ 18 : 20] :
(( وأما النبي الذي يطغي فيتكلم باسمي كلاما لم أوصه أن يتكلم به أو الذي يتكلم باسم آلهة أخرى فيموت ذلك النبي. ))
لكن لو كانوا قرأوه بعقلهم كانوا إكتشفوا تحقق النبؤة دى فى ربهم يسوع وفى بطرس وفى بولس ..يبقى ده معناه إيه؟؟

وكمان كلهم قرأوه بعنيهم النص إللى بيقول إن[ الذبيح كان إسحق وهو إبن إبراهيم الوحيد ] ..لكن لو قرأوه بعقلهم كانوا إكتشفوا إن فيه إيد عايزه قطعها شالت إسم إسماعيل الإبن البكر إللى فضل وحيد لحد ما ولد إسحاق وحطت إسم إسحق إللى عمره ما كان وحيد أبداً

مينا:- عاوز يعنى تقول زى المسلمين إن الكتاب المقدس محرف ..لأ مش محرف أبداً

ميشيل:- يا مينا ..المثالين إللى جبتهم دلوقت مقنعين ولا لأ..النبؤة دى مش موجودة فى العهد القديم وتحققت فى المسيح وبطرس وبولس ولا لأ ...إسماعيل إبن السيدة هاجر مش هوا الإبن إللى يتناسب معاه كلمة وحيد ولا لأ ..جاوبنى

مينا :- أيوه ..بس

ميشيل:- بس إيه يا مينا ...إنت بتجادل ليه وفى إيه؟؟ يا مينا إما إنك تكون على الحق أو تكون على الباطل ,,والحكاية ما تحتملش مجادلة ..لأن النتيجة هتكون يا إما نار مخلد فيها أبداً ..يإما جنة ونعيم للأبد ..صدقنى يامينا الجدال فى شئ إقتنع بيه عقلك وحق ممكن تخسر بيه أخرتك وإنت هتنزل القبر لوحدك لا هيكون معاك البابا ولا القس فيليب ولا معاك حد خالص ولا دول هينفعوك بحاجة لأنهم هيكونوا مشغولين بنفسهم وربنا هيسألك عن حاجات كانت قدام عنيك وكانت واضحة وإقتنعت بيها ومع ذلك جادلت عشان التعصب لدين الآباء والأجداد

فى سبيل إيه الجدال ده كله.. إيه الفايدة إللى هتجنيها من ورا الجدال إنك تحمى وتدافع عن شوية يهود محرفين عاصيين لله إشتروا بآيات الله ثمن قليل وزوروا وبدلوا فى شرائع ربنا عشان بيحبوا الدنيا وعايزين يخلدوا فيها

مينا:يعنى معنى كده إن مافيش حاجة إسمها كتاب مقدس؟؟

ميشيل:- لأ يا مينا كان فيه إنجيل وتوراة ..لكن نزلت على بشر العند والعصيان والجحود فى دمهم لا عاوزين يلتزموا بتشريع ولا عاوزين يسمعوا كلام نبى ولا رسول ..ومع ذلك ربنا ما سابهمش ..أنزل ليهم الأنبياء والرسل عشان يصلحوا إللى أفسدوه ويحافظوا على كتب وشرائع ربنا إللى بدلوها وحرفوها لحد ما نزل المسيح ودعاهم لعبادة الله وللحكم بشرع الله ..لكن الكبر والتجبر خلاهم يتأمروا عليه ويحاولوا يقتلوه لكن ربنا نجاه ...عشان كده خاتم الأنبياء إللى كانوا فاكرين إنه هيخرج من عندهم ربنا أخرجه من بنى العرب من نسل إسماعيل لأنهم مايستهلوش نعمة خروج النبى الخاتم من عندهم بعد إللى عملوه فى الأنبياء والرسل..

مينا :-طيب معناه إيه إن المسيح قال كرزوا بهذا الإنجيل فى العالم؟؟

ميشيل:- كويس يا مينا المسيح لما قال كرزوا بهذا الإنجيل مش ده معناه إن الإنجيل كان موجود ونزل عليه............... فين الإنجيل ده؟؟

مينا:- لأ ممكن العبارة يكون معناها إنجيل هينزل بعده وهوا إللى نزل وأوحى بيه الروح القدس للتلاميذ

ميشيل:- طيب يا مينا خالينى معاك لو كان المسيح قال كده وإن بالفعل الإنجيل ماكنش موجود وهينزل على التلاميذ بعده ..مش كان على الأقل واحد سأله هو فين الإنجيل ده يا معلمنا ...فكان يرد عليه إنه هينزل بعد ما يرفع للسماء على التلاميذ

مينا:- ما يمكن ...

ميشيل:- يمكن إيه يا مينا أوعى تقفل عقلك وتستسلم للجدال والتعصب ..المسيح قال هذا الإنجيل ..يعنى واحد ..تعرف لقيوا كام إنجيل حوالى 100 يبقى المسيح كان يقصد أى واحد فيهم.....وبعدين يا مينا المسيح قال[ ما جئت لأنقض بل لأكمل] ..يقوم يقول كرزوا بالإنجيل إللى بيقول كده فى العالم والروح القدس يوحى للتلاميذ بكده ...وبعدين بعد ما يرفع للسماء يبعت واحد إسمه بولس يقول عكس الكلام إللى هوا بنفسه قالهم كرزوا بيه ويقوله [ أنقض الناموس وما تعملش بيه] ده كلام برضه يا مينا

مينا:- إنت بصراحة لخبطلى دماغى ..

ميشيل:- لا يا مينا إللى إنت بتقراه وبتاخدوا على علاته وعلى أكاذيبه هو إللى لخبطلك دماغك .إقرا يا مينا بعقلك إقرا هتلاقى حاجات تانية كتيرة .....إقرا عن أن المسيح مش هو الله من كلامه شخصياً ومن كلام تلاميذه
وإن مافيش أى إشارة من قريب أو بعيد للثالوث ..وده برضه من كلام المسيح وتلاميذه
وإن مافيش إشارة للفداء وللخطيئة الأولى إللى بيقولوا عليها ..بالعكس ده فيه أدلة إن كل إنسان مسئول عن أخطائه وغيره مش مسئول عنها
ده غير وصفهم للمسيح ابن مريم بانه ابن زنى ومن نسل زنى ..وإبن الزنى ما يدخلش فى جماعة الرب
وإقرأ عن النبؤات الكاذبة إللى قالها يسوع وماتحققتش
إقرأ عن وصف الله إللى لا يليق بيه فى الكتاب المقدس
إقرأ عن وصف الأنبياء بأنهم زناة ولصوص وعبدة أصنام
إقرأ عن أوصاف بولس إللى لا تنطبق إلا على مدعى نبوة كاذب
إقرأ التناقضات الواضحة إللى تدلك على الأيادى إللى لعبت فى كتاب الله وغيرته
وإقرأ البشارات إللى لا تنطبق إلا على رسولنا محمد
مينا:- طب إنت إيه إللى مخليك مطمن قوى إن محمد نبى ورسول مش من المسحاء الكذبة إللى قال عليهم المسيح وإن القرآن كتاب حق ؟؟

ميشيل:- شوف يا مينا الأدلة كتيرة جداً... أنا عاوزك تروح مكتبة إسلامية وتجيب كتب عن سيرته وحياته وأخلاقة ومعجزاته وتجيب كتب عن القرآن وعلومه وبلاغته والإعجاز العلمى إللى فيه

يا مينا بص حواليك شوف إنتشار الإسلام فى العالم برغم ضعف المسلمين والتشويه إللى بيحاولوا يعملوه أعداء الإسلام فيه وتشويه بعض المسلمين للدين الإسلامى بسبب جهلهم وتطرفهم فى فهم تعاليمه ..إنت عارف إن فيه مجلة يهودية قالت إن قارة أوروبا قبل نهاية القرن ده هتكون قارة مسلمة بسبب إنتشار الإسلام فيها

مينا:- يمكن الأوربيين بيسلموا عشان إن كل واحد هيبقالوا 4 زوجات مش زوجة واحدة

ميشيل يضحك:- الأوربيين هيدخلوا الإسلام يا مينا بسبب تعدد الزوجات ..هما ناقصين حرية وإنفتاح عشان إللى يشدهم فى الإسلام بس مسألة تعدد الزوجات ..يا مينا ده كلام يخش العقل .....اوروبا قارة علمانية ماشية بنظام فصل الدين عن الحياة وعندهم الإباحية والحرية الجنسية مفتوحة لدرجة إنهم إبتدوا يجوزوا الشواذ لبعض ,,لما يجى الإسلام ويقولهم إن التعدد مباح بشرط العدل وإن الزوجة لها حقوق ويحملهم مسئولية زوجة وأولاد ورعاية لبيت الزوجية ويحرم عليهم الزنا والشذوذ ويأمرهم بغض البصر وحفظ الفروج وإن الرجل لا يلمس إمرأة لا تحل له ويأمر المرأة إنها تتحجب وتغض بصرها ولا تخضع بالقول ...يبقى إيه إللى يخليهم يسيبوا الحرية والعلاقات المفتوحة بدون رابط ويدخلوا فى الإسلام إللى بيقيد وبيحدد العلاقات دى فى إطار محدد ؟؟؟..مش عشان إبتدوا يعانوا من نتائج الحرية والعلاقات الشاذة ولقيوا الإسلام هوا إللى فيه الحماية من ده

ده مش بس كده ده العالم إللى كان بيؤاخذ الإسلام على حاجات فيه إبتدى دلوقت يعملها

مينا:- زى إيه؟؟

ميشيل:- زى الرضاعة الطبيعية ,,والطلاق إللى كانوا بيتفاخروا إن المسيحية مافيهاش طلاق بقوا دلوقت بيشرعوه ,,ده غير الختان إللى إبتدوا يعرفوا فوايده ,,الإيدز إللى إنتشر عنهم والأمراض الجنسية إبتدوا يعرفوا طريق العفة إللى أمر بيها الإسلام ..ده غير نظام البنوك إللى لقيوا إن القضاء على التضخم يكون عن طريق إنهم يخلوا الفايدة = صفر ..يعنى بلا ربا

مينا:- طب يا ميشيل ليه ما يكونش رسول المسلمين إللى الف القرآن وألف ده كله؟؟

ميشيل:- الرسول عليه الصلاة والسلام هيألف القرآن إزاى يا مينا إذا كان لا يقرأ ولا يكتب ..وحتى لو إفترضنا إنه كان متعلم برضه لا يمكن يألفه لأنه فيه بلاغة وإعجاز لا يمكن إنسان مهما وصل علمه إنه يوصله .

الإعجاز فى القرآن يا مينا شئ معروف والمؤتمرات العالمية إللى بتعقد للبحث فى إعجاز القرآن وبيحضرها علماء فى
كل المجالات لما بيشوفوا إزاى إن حقائق علمية إتكلم عنها القرآن من أكثر من 1400 ومع ذلك العلم ما قدرش يتوصلها إلا من سنوات بسيطة بيعلنوا إسلامهم من غير تكبر ولا مجادلة

دلوقت يا مينا بقى فيه علماء مسلمين متخصصين فى البحث عن الإعجاز القرآنى زى الشيخ الزندانى والدكتور زغلول النجار وبيحضروا ندوات ومؤتمرات عالمية عشان ينشروا ده على العالم ..بينشروه يا مينا وهما واثقين من غير خوف ولا تردد لأنهم عارفين إنهم على الحق ..........


عمرك يامينا شفت حاخام يهودى أو قس نصرانى مسك الكتاب المقدس
وراح بيه على مؤتمر عالمى وقال إن الكتاب المقدس فيه إعجاز علمى أو إتكلم عن حقيقة علمية ..طبعاً لأ .....وعلى العكس تماماً ده لو عرضوا إللى فى الكتاب المقدس هتبقى مهزلة وهيبان التحريف وهيبان إن فيه تخاريف علمية تتناقض مع إللى توصل ليه العلم ...

الكتاب المقدس يا مينا عمرهم ما يروحوا بالتعاليم إللى فيه لأى مؤتمرات سواء كانت مؤتمرات علمية أو مؤتمرات لحقوق الإنسان أو المرأة أو الحيوان حتى

مينا:- بس أنا باسمع عن شبهات على رسول المسلمين إنه شرب الخمر وأكل من الدبائح إللى كانت بتدبح للأصنام وغيره وغيره يبقى إزاى هوا نبى؟؟

ميشيل:- سمعت من مين يا مينا ؟؟مش من إللى عاوزين يشوهوا صورته وينقلوا للنصارى سيرته وحياته وكلها تزييف وأكاذيب ...كل شبهاتهم يا مينا إما ناقلينها من كتب ملهاش إسناد أو من أحاديث ضعيفة أو شبهات فهموها غلط عشان ما بيعرفوش فى اللغة العربية أو شبهات واخدين منها جزء و سايبين الباقى ...

عمرهم ما ينقلوا الحقيقة كاملة عشان يبقوا زى بولس بالظبط قدوتهم ومثلهم الأعلى ..يعنى فيه واحد من إللى بيجيبوا الشبهات دى حكى عن أخلاق الرسول عليه الصلاة والسلام ..هل واحد فيهم حكى عن إن الرسول كان بيربط حجر على بطنه من شدة الجوع أو إنه كان عايش على التمر والميه أوإن الملك والمال عرض عليه مقابل إنه يتنازل عن الرسالة ورفضهم ,, حد فيهم حكى عن عفوه عن أهل مكة إللى آذوه وخططوا لقتله ,,أو حتى حكى إزاى ينتصر فى غزوة بدر مع إن جيشه كان عدده بسيط ومش مجهز زى جيش الكفار عشان يعرف النصارى إنه كان مؤيد من السماء ,, أوإن زوجاته كانوا عايشين معاه عمره ما أهان زوجة فيهم أو ضربها أو إنه كان زى الريح المرسلة أو إنه كان إسمه الصادق الأمين قبل ما تنزل عليه الرسالة ...وغيره وغيره.... يامينا طبعاً عمرهم ما يقولوا الحقايق دى لأنهم عاوزين يكذبوا وعارفين إن النصارى هياخدوا كلامهم من غير ما يتأكدوا

مينا أنا عاوز أقولك حاجة أخيرة فيه إنسان إتحكت قصة حياته بالدقة إللى إتحكت سيرة الرسول بيها....كل حركة وكل فعل وكل قول إتحكى عنه وإتنقل عنه ..مافيش إنسان مهما كان عظيم إتنقلت حياته بهذا الشكل ..ليه ..لأنه خاتم المرسلين إللى هيكون قدوة لكل البشرية ليوم الدين

يا مينا الرسول عليه الصلاة والسلام هو الإنسان إللى حتى أعدائه إحتاروا فيه وفى شخصيته ..الكفار إللى كانوا عايشين معاه قالوا عليه ساحر وكاهن ومجنون وشاعر ...ليه عشان يهربوا من كلمة الحق إنه الرسول الخاتم
واللى جم من بعده قالوا عليه عبقرى وقائد سياسى ورجل حرب من الطراز الأول وقائد إقتصادى وعظيم من العظماء ..ليه برضه عشان يهربوا من كلمة الحق إنه الرسول الخاتم

مينا:- ما يمكن يكون فعلاً عبقريته هيا إللى خلته يألف القرآن ويألف دين الإسلام من أوله لأخره؟؟

ميشيل:- مافيش فايده ...مصمم تقفل عقلك عن كل إللى قولته ..إتفضل [ ويأخذ ورقة وقلم من على المكتب]

خذ يا مينا دى ورقة وقلم إنت إنسان متعلم عاوزك تألف [ ديانة جديدة ] ليها عقيدة وليها كتاب مقدس ويكون ليك أراء وأحاديث خاصة بيك ..بس بشرط الكتاب إللى هتألفه ما يكونش طريقته زى أى كتاب تانى فى الدنيا كلها لا فى أسلوبه ولا فى الألفاظ إللى هتختارها فيه ويكون كتاب فيه بلاغة وأعجاز ويتكلم عن حاجات منعرفهاش فى زماننا ده ويتكلم عن حقائق علمية هتحصل فى المستقبل...لو قدرت إنك تعمل كده ..يبقى ساعتها ممكن نصدق إن إنسان أمى وعاش فى زمن مكنش فيه العلم متقدم زى دلوقت يألف دين كامل شامل زى دين الإسلام ويتكلم عن حقائق فى الطب والفلك والجيولوجيا وعلم الأجنة وفى الفيزياء والكيمياء وعالم النبات والحيوان

يا مينا ..إنت جاتلك فرصة ممكن تيجى يوم القيامة تعض على إيديك من الندم والحسرة إنك إقتنعت وجادلت بعد ما عرفت الحق ..يا مينا الإسلام بينتشر بقدرة الله فى كل الدنيا ..حتى أبواب الكنايس ماقدرتش تصمد قدامه ودخل للقساوسة والرهبان جوه مكان عبادتهم ..إنت مش بتسمع عن القساوسة والرهبان والمنصرين إللى بيدخلوا الإسلام ...يعنى دول ناس عاشوا مع كتابهم المقدس ومع ذلك تركوه لأنهم حسوا إن القرآن هو كتاب السماء
يا مينا....

[يطرق الباب ويدخل القس فلوبرس وفيليب]

فيليب:- طبعاً أنا متأكد إن مافيش فايدة وإنك يا مينا معرفتش تعمل معاه حاجة

ميشيل:- الحمد لله إن ربنا مثبتنى على الإسلام

فيليب:- أنا كنت عارف كده ..على العموم كل شئ جاهز والعربية مستنياك تحت

ميشيل:- أمال فين خالى؟؟

فيليب:- خالك نزل وركب عربيته ..وقالنا لو منفعش معاه حاجة ..إعملوا معاه زى ما بتعملوا مع أى مسيحى يبيع دينه وكنيسته بالظبط ومتعملوش خاطر إنى خاله

ميشيل:- أنا ربنا معايا

فيليب:- أحب أعرفك إننا هنا خدناك بالهوادة واللين ..لكن فى وادى النطرون مش هتلاقى المعاملة زى هنا هتلاقى معاملة من نوع تانى

ميشيل:- أنا مافيش أى قوة تجبرنى على ترك الإسلام لأن إيمانى فى قلبى

فيليب:- إنت باين عليك طيب قوى ..إنت فاكر هناك هيسبوك دقيقة عشان تقرأ فيها قرآن أو تصلى أو تسبح ..هناك يا شاطر مش هتشوف راحة.... كل دقيقة هنرغمك فيها إنك تقرأ الكتاب المقدس وتحضر الصلوات وفى أوقات الفراغ هنخليك تربى خنازير ..لحد ما يجى اليوم إللى روحك النجسة تخرج ونعمل عليها قداس وساعتها تخرج من الدير وإنت شاييلينك على الأكتاف ..هتشوف هناك ذل و إهانة عمرك ما شفتهم

ميشيل :- إهانة ..على العموم فيه واحد عزيز عليكم ..إتهان وإتشتم وشرب الخل وإتصلب ,,ومع ذلك بتحبوه وبتعبدوه وبتقولوا عليه إنه الله...يعنى الإهانة وحشة فى نظركم على الإنسان ..أمال الرب تقبلوا عليه إزاى إنه يتهان ويتذل

فيليب:- دى حاجات متفهمهاش إنت وأكبر من عقلك..وبعدين ده أنت المفروض تشكرنا .. إنت عارف.أولاد عمك حالفين ليقتلوك لو شافوك فى أى مكان.. يعنى الدير حماية ليك

ميشيل:- صحيح عاوزين يقتلونى ..شايف يا مينا ربنا أظهر دينه على الدين كله ..مش كانوا بيقولوا إن قتل المرتد شبهة من شبهات الإسلام ..أهوه إبتدوا يقلدوا الإسلام وعاوزين يقتلونى ...ربنا متم نوره ولو كره الكافرون يا مينا

فيليب:- مرقس هات كل العمال فى الكنيسة وتعالوا جروه لحد ما تنزلوه من باب الكنيسة الورانى وتدخلوه العربية

مينا:- ما تسيبوه يعمل إللى هوا عاوزه يا أبونا

فيليب:- هش.. إسكت إنت

[ يأتى العمال ويقتادوا ميشيل إلى الخارج]

فيليب :كويس الساعة دلوقت عشرة ونص يعنى يوصل الدير على الساعة أربعة ونص قبل الفجر ولا من شاف ولا من درى

فيليب ينظر لمينا

فيليب:- نعم يا أخ مينا كنت بتقول نسيبه يعمل إللى هوا عاوزه ..ولما كل نصرانى يعمل إللى هوا عاوزه لما نصحى الصبح ونلاقى كل النصارى بقوا مسلمين يبقى إيه الحل؟؟

مينا:- هوا واحد بس إللى عمل كده وأكيد مش كل النصارى هيعملوا زيه

فيليب:- لا يا مينا مش واحد بس دول كتير

مينا:- كل واحد يختار حياته ويبقى مسئول عن إختياره

فيليب:- لا يا مينا لازم يكون لينا وقفة وموقف ..لما ميشيل يدخل الإسلام ..شوف هيدخل كام واحد نصرانى معاه الإسلام..يبقى لازم نحافظ على مجد الرب ونمنعه ولو بالقوة

فلوبرس:- دلوقت لو واحد مسلم بلغ عن إختفاء ميشيل هنقول إيه؟؟

فيليب:- ولا حاجة ...هنقول جماعة إسلامية خطفته وخدرته وهددوه بالقتل لو ما أسلمش

مينا:- بس ده محصلش

فيليب يضع يده على كتف مينا

أنا عارف يا مينا ياحبيبى إنه محصلش بس لازم نقول كده ...يعنى مثلاً وفاء قسطنطين وهيا زوجة راهب معروف لما تدخل الإسلام شوف كام مسيحى هيتزعزع إيمانهم ..يبقى لازم نقول إن جماعة إسلامية خطفتها وهددتها بالإغتصاب لو ما أسلمتش عشان نحافظ على إيمان الشعب

مينا:- حتى و لو بالكدب؟؟

فيليب:- أيوه يا مينا حتى لو بالكدب ...طالما الكدب هيزيد من مجد الرب يبقى لازم نكدب...دى تعاليم بولس الرسول ..المهم النتيجة إن مجد الرب يزيد وينتشر ومافيش حاجة تأثر عليه ..مش إحنا على الحق ..خلاص... أى وسيلة مباحة

مينا:- عن إذنكم

ويخرج مينا

فلوبرس:- على فكرة باين ميشيل إتكلم معاه كتير

فيليب:- متخافش على مينا ..مينا يختلف عن ميشيل

فلوبرس:- أنا حاسس إن وشه متغير ...ماكنش لازم تقوله على حكاية الكدب دى ...الظاهر علينا كل سنة لازم نعانى من الشباب النصرانى إللى بيدخلوا الإسلام ..وباين عليها دوامة مش هنخرج منه أبدأ..إنت عارف كام مسيحى بيدخلوا الإسلام سنوياً 8000 يافيليب

فيليب:- خلاص متفكرنيش وبعدين عاوزنا نعمل إيه اكتر من إللى بنعمله ..بنتهم المسلمين بخطفهم ..وبنعلن عن [ ظهورات مريمية] ...نعمل إيه تانى ؟؟ وبعدين متعملش حكاية من لا شئ ..مينا تمام التمام

فلوبرس:- تفتكر .....أنا عندى إحساس ... إننا هنبعت واحد تانى عن قريب دير وادى النطرون

[ إلى اللقاء فى المشهد الثالث والأخير إن شاء الله]