البنت احسن من الولد

[amr_miza1]

بعد البحث والتدقيق ثبت أن البنت أحسن من الولد

البنت بتتكلم براحتها فى التليفون وأبوها أو جوزها هو أللي بيدفع الفاتورة فى الأخر


البنت مش ملزمة تجهز نفسها أبوها أو البيه (خطيبها) هم أللي هايدفعوا دم قلبهم



مفيش حد بيبص على بدلة العريس كله بيبص على فستان العروسة


لو واحدة عملت مخالفة وعيطت شوية للضابط هايعديها لو راجل هاياخد على دماغه

لو واحدة ماأدتش قرايبها عيديه مش هايقولوا عليها بخيلة هايقولوا أصل العيب على جوزها


لو واحدة أتأخرت على المحاضرة ممكن الدكاترة يدخلوها لو ولد هايقولوا روح يابابا كمل نوم بره فى الشمس


لو حصل زعل بين البنت وباباها مش هايطردها برة البيت ...وهى بس يادوب تعيط شوية وبابا هايروح يصالحها على طول ... أما الولد فيدوب يلحق مكان ينام فيه جنب البواب

دلع البنات:


ياختى كميلة ( سنتين)
ياعسولة ( 5 سنين )
ياعروسة ( 12 سنة)
ياقمر ( 18 سنة )
يا هانم ( 40 سنة )
يا أم العيال ( 50 سنة )
يا ست الكل ( 60 سنة )

دلع الولاد :

أنت ياد ( 10 سنين )
أنت ياشحط بقيت طول الباب ( 18 سنة)
يا راجل ( 40 سنة )
ياعم الحاج ( 50 سنة)
ياراجل يا عجوز مناخيرك أد الكوز ( 60 سنة)



م ن ق و ل

[بيروو القمر]

ههههههههههههههههههههههه

والله الموضوووووووووع حلووووووووووو اووووووووي

وعلى مزاجي طبعااااااااااااااا

مرسي لييييييييييك جداااااااااااااااااا

اكتر حاجة دحكتني دلع الولد وهو عندة 18 سنة

[جاسمن]

السلام عليكم ورحمه الله وبركاته
والله الموضوع جميل جدا وقعت اضحك عليه لغايت ماقولت يابس بجد تسلم ايدك

بس برده انت نسيت حاجه يعنى البنت قعده فى البيت تطبخ وتمسح وتغسل وحضرتكوا ترجعوا من نهايه السهره تناموا ولا على بالكوا اى حاجه يعنى بردوا البنت بتاخد على دمغها فى البيت وانتوا اخر روقان بره مع الشله صح
المهم موضوعك بجد جميل وتسلم ايدك

[بنت المنصورة]

الموضوع جميل جدا بس انا بفضل الولد لانه بيعمل كل حاجة البنت لا ليه الحريه فى كل حاجة يخرج ويتأخر لكن البنت لا بس كل واحد يكمل الاخر وربنا يوفق الجميع

[عطر الورد]

السلام عليكم ورحمة الله
موضوع حلو وطبعا ضحكت قوي بس ممكن تقول لو البنت اتاخرت برا البيت حيحصلها ايه
اما الولد طبعا شوية اسئلة من الوالدين والموضوع يعدي.

[amr_miza1]

المشاركة الأصلية بواسطة بيروو القمر

ههههههههههههههههههههههه

والله الموضوووووووووع حلووووووووووو اووووووووي

وعلى مزاجي طبعااااااااااااااا

مرسي لييييييييييك جداااااااااااااااااا

اكتر حاجة دحكتني دلع الولد وهو عندة 18 سنة

ماشى .. اضحكى اضحكى وبتتريأى كمان
ربنا هيعملك زينا

شكرا على متابعتك

[amr_miza1]

المشاركة الأصلية بواسطة جاسمن

السلام عليكم ورحمه الله وبركاته
والله الموضوع جميل جدا وقعت اضحك عليه لغايت ماقولت يابس بجد تسلم ايدك

بس برده انت نسيت حاجه يعنى البنت قعده فى البيت تطبخ وتمسح وتغسل وحضرتكوا ترجعوا من نهايه السهره تناموا ولا على بالكوا اى حاجه يعنى بردوا البنت بتاخد على دمغها فى البيت وانتوا اخر روقان بره مع الشله صح
المهم موضوعك بجد جميل وتسلم ايدك

لالالا مالناش حق والله
احنا اللى المفروض نخرج نشتغل ونتعب وتطلع عنينا ونلحق نرجع نعمل الاكل ونغسل ونمسح
ارحمناااا يارب

[amr_miza1]

المشاركة الأصلية بواسطة بنت المنصورة

الموضوع جميل جدا بس انا بفضل الولد لانه بيعمل كل حاجة البنت لا ليه الحريه فى كل حاجة يخرج ويتأخر لكن البنت لا بس كل واحد يكمل الاخر وربنا يوفق الجميع

هههههههههههههههههه
اهو دا اللى ضحكنى انا بقى موضوع ربنا يوفق الجميع دا
انتم كمان مش عاوزينا نخرج نرفه عن نفسنا شوية والا ايه مش كفاية نكد جوا البيت

[amr_miza1]

المشاركة الأصلية بواسطة عطر الورد

السلام عليكم ورحمة الله
موضوع حلو وطبعا ضحكت قوي بس ممكن تقول لو البنت اتاخرت برا البيت حيحصلها ايه
اما الولد طبعا شوية اسئلة من الوالدين والموضوع يعدي.

تتكسر رقبتها طبعا
معلش يعنى البنت تتأخر ليه برة البيت يعنى
ما تخرج بالنهار براحتها
وتخرج بالليل بردة بس مش لازم تتأخر يعنى

[امل حياتى]

هههههههههههههههه
حلوه اوى
بس طبعا من البنت احسن من الولد من غير بحث وتدقيق
احم احم
ده مش تحيز
بس هى دى الحقيقه
بجد جميله اوى
بس كان عندى سؤال
فى حكايه الدلع دى
بالنسبه للاعمار اللى مش موجوده
مالهاش دلع مثلا ولا ايه
يعنى انا رحت فين

[The Myth]

أما الولد فيدوب يلحق مكان ينام فيه جنب البواب


هههههههههههههههههههههههههههههههههههه

نايس توبك يا عمور

[amr_miza1]

المشاركة الأصلية بواسطة the myth

أما الولد فيدوب يلحق مكان ينام فيه جنب البواب


هههههههههههههههههههههههههههههههههههه

نايس توبك يا عمور

ههههههههههههههههههههه

مش مشكلة بس فى الاخر بيطلع راجل بردة

شكرا يا حازم على الرد

[amr_miza1]

المشاركة الأصلية بواسطة امل حياتى

هههههههههههههههه
حلوه اوى
بس طبعا من البنت احسن من الولد من غير بحث وتدقيق
احم احم
ده مش تحيز
بس هى دى الحقيقه
بجد جميله اوى
بس كان عندى سؤال
فى حكايه الدلع دى
بالنسبه للاعمار اللى مش موجوده
مالهاش دلع مثلا ولا ايه
يعنى انا رحت فين

ازاى يعنى ..
متنكريش ان الطاووس اجمل من الطاووسة
ودا مش تحيز
بس هى دى الحقيقة
وبعدين اكيد كل الاعمار ليها دلع وخصوصا عند البنات
قولى انتى بس سنك واحنا ندورلك فى القاموس

شكرا على الرد " يا جميل "

[hay_sam]

موضوع لذيذ ياباشا
وعندك حق والله

مفيش حد بيغلطهم أبدا ولو حد غلطهم ولا وقوعوا في مطب
يظهر السلاح الرهيب إلي بيهزم كل الأعداء

البكاء (والضعف والمسكنه)

وعلي طول كل المشاكل تتحل والأمسامح كريم وكله يبقي تمام

لأ واخد بالك كمان مش عايزين يطبخو ويمسحوا ويكنسوا

(صبرنا يارب)

شكرا ياباشا وتقبل تحياتي

[amr_miza1]

المشاركة الأصلية بواسطة hay_sam

موضوع لذيذ ياباشا
وعندك حق والله

مفيش حد بيغلطهم أبدا ولو حد غلطهم ولا وقوعوا في مطب
يظهر السلاح الرهيب إلي بيهزم كل الأعداء

البكاء (والضعف والمسكنه)

وعلي طول كل المشاكل تتحل والأمسامح كريم وكله يبقي تمام

لأ واخد بالك كمان مش عايزين يطبخو ويمسحوا ويكنسوا

(صبرنا يارب)

شكرا ياباشا وتقبل تحياتي

ايوا يا عم hay_sam وبعدين علشان احنا طيبين وبنسامح ..

شوف انت بقى لو المدام لقت رسالة على موبايلك مثلا

يعنى انصحك كل السكاكين والاكياس اللى عندك حاول تتخلص منها

ولو المدام متفاهمة شوية هتكتفى بأنها تنكد عليك لمدة اسبوعين

انا بس مش عاوز اقول ان احنا ملايكة هههههههههههههههههههههههه