هو يوم باين من أولة

[BATISTA]

تفاصيل صغيرة تجعلك تكاد أن تفقد الثقة في اليوم الذي بدأ بالفعل.. تفاصيل قد تعني لك أن " اليوم دا شكله مش تمام" وتستقبلها بالهتاف الشهير" يافتاح ياعليم " مستنجدا بالله وطالبا منه ألا يلغي هذا اليوم.. ولكن اللطف فيه، وأحيانا تكون من النوع المتفائل وتستقبل هذه التفاصيل بهتاف رقيق هو " اليوم باين من أوله"

• تصحو فتجد "الميه مقطوعة" يعنى عندك اختيارين، الأول أن تغسل وجهك بماء من الثلاجة وتخش الحمام في الشغل، وآنت ماسك نفسك طول السكة، والثاني أن تعود إلى النوم بعد خناقة مع البواب " وهو ذنبه إيه؟".

• علي باب البيت تكتشف أن قميصك عليه بقعة قد حباية عين الجمل، أو تقفل الزرار العلوي فيطلع في إيدك، أو تطمئن علي "ابنك العيان وراقد في السرير" قبل ذهابك إلي الشغل فيروح مرجع علي البدلة بتاعتك.......في كل الأحوال لابد من العودة إلي مرحلة الدولاب من جديد.

• عندما تصحو مفزوعا علي صوت كلاكسات أتوبيسات المدارس المتراصة تحت بلكونتك......تفتح عينيك وأنت علي حافة التوتر وتحاول أن تكتم غيظك...لكنك بينك وبين نفسك تسب للعيال والمدارس ألف ملة.

• تصحو فتكتشف أن منبه الموبايل مارنش وأنك يادوب تلحق تطلع من البيت خلال تلات دقايق أو أقل، تجري من الحمام إلى الدولاب إلى الاسانسير وأنت تسأل نفسك لماذا لم يخلقك الله من النوع الmatrix ..تفرز كميات هائلة من الادرانلين خلال الدقائق الثلاث، يفوتك الحمام والإفطار والشياكة وقد تنسي الموبايل ثم تتذكره فجأة في الاسانسير "اللي عمال ينزل ومش عايز يقف".

• تصحو وتتأمل وجهك في المرآة فتجد "حباية طالعة في مناخيرك أو خدك أو واخدة مساحة مش صغيرة" أو تجد عينك الشمال ملتهبة ووارمة، تصمت وبداخلك سؤال حول كيفية استقبال الناس "لواحد مشوه زيك".

• أضف إلي النقط السابقة احتمال إنك " تجرح نفسك وآنت بتحلق".

• تصحو محتاجا " لدش ساخن" وفي الحمام وبعد أن خلعت كل ملابسك تكتشف أنك كان "لازم تحط فيشه السخان من بالليل".

• تصحو فتجد " مراتك لاوية بوزها علي الصبح" دون أن تبدي الأسباب "كالعادة" وترهق نفسك في الحوار......" مالك....ماليش".."بابنتي مالك ........مفيش"...."طب ولما هو مفيش أمال مالك؟".

• عندما تكتشف على باب العمارة إنك مخفف والجو برد...أو متقل والجو حر جحيم.

• لو كنت تمتلك سيارة......"وتجد البطارية نايمة" فتبدأ رحلة البحث عن أربع فتوات" يزقوا لك العربية وتسيبهم وتجري وأنت رافع لهم إيدك من الشباك" أو تجد أن الكاوتش نايم وماعندكش استبن.

• لو كنت تمتلك مقعدا في ميكروباص......وتقابل في الطريق لجنة توقف سواق الميكروباص وتسحب رخصة بعد نصف ساعة من محاولات السائق لاستعطاف أمين الشرطة......وبعد هذه العطلة يعود السائق وينظر إليك "أنا اصطبحت بوش مين النهاردة".

[شاعــ الليل ــر]

يا فتاح يا عليم ..... يا رزاق يا كريم


أنا أصطبحت بوش مين النهارده


تخيل لو كل ده بيحصلك في يوم واحد


تروح تدفن نفسك خميس وجمعة
وتقوم السبت فايق إن شاء الله

[BATISTA]

المشاركة الأصلية بواسطة شاعــ الليل ــر

يا فتاح يا عليم ..... يا رزاق يا كريم


أنا أصطبحت بوش مين النهارده


تخيل لو كل ده بيحصلك في يوم واحد


تروح تدفن نفسك خميس وجمعة
وتقوم السبت فايق إن شاء الله

طيب بالنسبة للأكل يادكتور أكل اية

طبعا هتقلى كل أى حاجة معدا أجرتى

واجى لك يوم السبت الى بعدة علشان اعيد الكشف

[love_baby]

شكرا عالموضوع يا باتستا
بس بقى بعد كل ده واليوم هوه اللى نحس ومش تماااااام
ده واضح ان واحد صاحبنا هوه اللى مش تمام.......ولا ايه؟
تحياتى......

[The Myth]

تصحو فتجد " مراتك لاوية بوزها علي الصبح" دون أن تبدي الأسباب "كالعادة" وترهق نفسك في الحوار......" مالك....ماليش".."بابنتي مالك ........مفيش"...."طب ولما هو مفيش أمال مالك؟

هههههههههههههههه
دي جامدة اخر حاجة

عارف الموضوع ده يا باتيستا بيفكرني بمين ؟؟
بالراجل بتاع ميلودي تتحدي الملل اللي بيقول شغلانة تقصر العمر

نايس توبك يا كوتش

[فرجينيا]

فعلا والله بيبقى يوم مايعلم بيه الا ربنا
بس اهو بيعدي زيه زي غيره
انت ايه الحكم اللي بتقولها اليومين دول دي
تحياتي ليك
زميله الكفاح

[BATISTA]

المشاركة الأصلية بواسطة love_baby

شكرا عالموضوع يا باتستا
بس بقى بعد كل ده واليوم هوه اللى نحس ومش تماااااام
ده واضح ان واحد صاحبنا هوه اللى مش تمام.......ولا ايه؟
تحياتى......

قصدك مين بقى الى مش تمام


شكرا على مرورك يابيبى

[BATISTA]

المشاركة الأصلية بواسطة the myth

تصحو فتجد " مراتك لاوية بوزها علي الصبح" دون أن تبدي الأسباب "كالعادة" وترهق نفسك في الحوار......" مالك....ماليش".."بابنتي مالك ........مفيش"...."طب ولما هو مفيش أمال مالك؟

هههههههههههههههه
دي جامدة اخر حاجة

عارف الموضوع ده يا باتيستا بيفكرني بمين ؟؟
بالراجل بتاع ميلودي تتحدي الملل اللي بيقول شغلانة تقصر العمر

نايس توبك يا كوتش

هههههههههههههههه بس على فكرة ياحازم الست دى مرات ابراهيم سعيد بلاش فضايح



ميلودى تتحدى الملل

شكرا على مرورك ياجميل

[BATISTA]

المشاركة الأصلية بواسطة فرجينيا

فعلا والله بيبقى يوم مايعلم بيه الا ربنا
بس اهو بيعدي زيه زي غيره
انت ايه الحكم اللي بتقولها اليومين دول دي
تحياتي ليك
زميله الكفاح

فرجينيا زميلة الكفاح فى المنتدى


شكرا على مرورك الجميل وفعلا يوم بيعددى ويجى غيرة



والله الحكم بقى سببها الى منهم لله انتى عارفهم طبعا

[توتى3000]

ايه اليوم اللى مش باينله شمس ده
انا لو حصلى اى حاجه من دى ممكن اتشائم
شكرا على التوبيك الجميل

[BATISTA]

ختاااااااااااااااااااااااااامة مسك

[امرأة العزيز]

......وبعد هذه العطلة يعود السائق وينظر إليك "أنا اصطبحت بوش مين النهاردة".

سؤال غير منطقي..

متركبش مع السواق ده تاني

لانه معرفش يحل اللغز مع انه واضح

شكرا للموضوع اللذيذ

[love_baby]

المشاركة الأصلية بواسطة BATISTA

قصدك مين بقى الى مش تمام


شكرا على مرورك يابيبى

لا والله انا مش قصدى اى حد

ولا هوه اللى على راسه بطحه بقى ولا ايه؟؟؟

بس بجد الموضوع حلو اوى

تحياتى...

[rosi_smile]

انا عن نفسي مش بتفائل لما بصحي من النوم بشوف شخصييييييييييين في التليفزيون
لازم يحصل حاجه اليوم ده
انا ده رأي الشخصي يا جماعه والله
محمد سعد الشخص الاول
والتاني
........................؟؟؟؟؟ حزروا فزروا
حد كده وشه خير اوي اوي اوي بنتافئل بيه دايما
وشه خير علي المتشات بالذات
اظن سهل اوي اوي
اول حرف من اسمه ميم
ههههههههههههه خلاص باه اكيد زمانكم عرفتوا

[maysam]

هههههههه موضوع حلو يا باتيستا

بس هو فعلا هيك اللي بيحصل

كتير اوقات تقوم من النوم متجعلك ويستمر يومك على هذا المنوال!!!
هو المود الأول ..زي الانطباع الأول بيأثر على كل اليوم سبحان الله

طيب عندك حل.؟؟؟؟

مش عارفة ليه علقوا على دي بس

تصحو فتجد " مراتك لاوية بوزها علي الصبح" دون أن تبدي الأسباب "كالعادة" وترهق نفسك في الحوار......" مالك....ماليش".."بابنتي مالك ........مفيش"...."طب ولما هو مفيش أمال مالك؟".

عجبتني لاوية بوزها دي ههههههههه