اى استشاره بيطريه انا موجود

[mohamed sisi]

انا طالب فى الفرقه الرابعه فى الطب البيطرى



انا عندى استعداد اجاوب على جميع استشاراتكم



الخاصه بمجال الطب البيطرى وايضا تزويدكم



بالمعلومات التى تريدونها عن الادويه والمستحضرات الطبيه والتحاليل




اخوكم


محمد

[Dr.Hammood]

اضم صوتي لصوتك اخي البيطري

محمد رضا
الفرقة الرابعة
كلية الطب البيطري

[بيروو القمر]

اهلا اهلا بالدكاترة

كان نفسي استشيركو والله

بس للاسف بابا مانع دخول الحيوانات البيت

حتى العصافير بتاعتي طيرها عشان انفلونزا الطيور

عاجبكو كدة..اديكو فكرتوني بيها

ههههههههههههههههههههههههه

ان شاء لما تحصل معجزة وبابا يجيبلي عصفورة او قطة

هبقى اجي

مرسي ليكوو جداااااااا

[Dr.Hammood]

ههههههههههههههههه

طب لو الدبدوب بتاعت تعبان قولي

يعني القطن وحش مثلا انا منجد بعد الظهر

[hay_sam]

الأخوه الأعضاء الكرام أرجو الانتباه ألا يحيد الموضوع عن هدفه

مع الشكر

[Dr.Hammood]

ولا يهمك يا حبيب قلبي تحت امرك

[بيروو القمر]

أنا اسفة اوي

[tahany]

السلام عليكم
ربنا يوفقك وتخلص الكليه
بعد اذنك ممكن اسالك عن القطط؟
هو فى طريقه تمنع الحمل عند القطط؟
ولو فى ايه هى ونجيبها من فين؟
بعد اذنك ابعتلى الرد
وشكرا جدا

[يايو الدلوعة]

محمد لوسمحت يليز انا لسة مخلصة ثانوية عامة وجاتلى طب بيطرى بس من ساعة ما جت وانا مش طايقة نفسى اولى اية كان شعورك اول ما رحت الكلية وهل انت ندمت انك رحت بيطرى كمان ناوى تعمل اية بعد الكلية واية مجالات العمل فيها انا اسفة على كل الاسئلة انا عارفة انى غاسة بس انت جتلى نجدة

[The Caesar]

طب النقل للقسم النسب طبياً

[Dr.Hammood]

المشاركة الأصلية بواسطة tahany

السلام عليكم
ربنا يوفقك وتخلص الكليه
بعد اذنك ممكن اسالك عن القطط؟
هو فى طريقه تمنع الحمل عند القطط؟
ولو فى ايه هى ونجيبها من فين؟
بعد اذنك ابعتلى الرد
وشكرا جدا

وعليكم السلام ورحمة الله وبركاته

شكرا لدعائك الجميل اختي الكريمه

الموضوع بكل بساطه

عاوز طبيب بيطري في عياده او مستشفى او كلية

يا اما بالادويه اللي تسبب لها عقم

او ب ازالة المبايض جراحيا لو عدد قليل من القطط

او اسهل حاجه ابعدي الذكور عن الاناث

انما لو كان في دماغك انك هتديها حبوب منع الحمل كل يوم

هتكون سابقه في مصر


تحياتي ليكي

[dogs lover]

انا عايز استشارة مستعجلة جدا انا كلبتى رفيعة جدا وعايز اتخنها شوية مع العلم انها بتاكل حوالى 3 مرات يوميا ولكنها رفيعة قوى هى دلوقتى عندها 6 هور بس لما تشوفها تحس انها عندها 3 شهور انا على طووول بديها فيتامينا وفاتح شهية وكالسيوم وجبتلها حقن تغذية من صيدلية بيطرية مكتوب عليها تراى بى وعايز اعرف اديلها كام حقنة من دول علشان تأثر معاها وتتخن شوية

[Dr.Hammood]

المشاركة الأصلية بواسطة dogs lover

انا عايز استشارة مستعجلة جدا انا كلبتى رفيعة جدا وعايز اتخنها شوية مع العلم انها بتاكل حوالى 3 مرات يوميا ولكنها رفيعة قوى هى دلوقتى عندها 6 هور بس لما تشوفها تحس انها عندها 3 شهور انا على طووول بديها فيتامينا وفاتح شهية وكالسيوم وجبتلها حقن تغذية من صيدلية بيطرية مكتوب عليها تراى بى وعايز اعرف اديلها كام حقنة من دول علشان تأثر معاها وتتخن شوية

اهلا بيكي

واضح من كلامك انك بتأكليها كويس

اعتقد ان الموضوع كدا يتعلق بالطفيليات داخليه اوخارجيه

عموما اكدا تديها مضاد لطفيليات ولو في على الجلد اي طفليات لازم تتعالج بمضاد للطفيليات ومرهم كبريت ومضاد للهيستامين


اعرفي الوزن بتاعها وقولي لصاحب الصيدليه البيطريه


انا بوضح الطريق بس

وشوفي الرابط ده

أمراض الكلاب

[dogs lover]

شكرا جدا على النصيحة العالية بس انا انا شاب مش بنت والكلبة جيرمن مش جريفون ولا لولو علشان تفكرنى بنت وشكرا جدا للافادة

[Dr.Hammood]

المشاركة الأصلية بواسطة dogs lover

شكرا جدا على النصيحة العالية بس انا انا شاب مش بنت والكلبة جيرمن مش جريفون ولا لولو علشان تفكرنى بنت وشكرا جدا للافادة

العفو على ايه

اهلا بيك

بس انت ما قلتش نوع الكلبه من الاول عشان احكم

عموما تحت امرك في اللي اقدر اقوله


تحياتي