الصداع النصفي ... بليز اللي عنده فكرة يرد

[maram799]

السلام عليكم ورحمة الله ...

أعاني من الصداع النصفي (الشقيقة)
من مدة طويلة

بشكل متكرر .. بالاضافة للألم الشديد بنصف جسمي اليمين
كامل ،، مع الجزء الايمن من الرأس

اللي عنده فكرة عن اسبابه ،، او علاجة
يرد عليا ...


وشكرا ..

[المسلم المصرى]

الصداع النصفى بحد ذاته ملوش سبب معين

فى اسباب كتير ممكن تسببة

ممكن يكون بسبب الضغط او الزعل او وجع فى العين او مرض سيستماتك يعنى مرض فى اى جهاز من اجهزة الجسم


لكن ان جسمك الايمكن بيوجعك دة شىء تانى

اكبر غلط انك تسكتى بعد اللى قولتيه ده

اذهبى لاى دكتور باطنى الاول يمكن يكتشف السبب بسرعة

او انه يحولك على تخصص تانى لو فى اى مشكله

واسال الله لك السلامه

شفاك الله وعافاكى

[334]

رأى الطبيب مهم جدا ..
اعرف ان الصداع النصفى مرض مقلق جدا ومؤلم بنفس الوقت وبه جزء كبير من الوراثه
لكن الشئ الاكيد انه مافى علاقه بينه وبين الام الجزء الايمن اللى حكيتى عنه
الافضل مقابلة الطبيب بدون تردد
ــ

[نرجسية]

بالاضافة للألم الشديد بنصف جسمي اليمين
كامل ،، مع الجزء الايمن من الرأس

حالتك تستدعى استشارة طبيب مخ و أعصاب و ان شاء الله الموضوع يكون بسيط و تختفى الآلام بالعلاج

[melo29]

سلامتك ده لاني بعاني منه بس لاحظت ده في الايام اللي بيكون عندي ارف او تفكير او زعل الي اخره

[Dr-Ayat]

السلام عليكم . والف سلامة عليكي يا رب.

اول حاجة عايزة اقولهالك ان الاستشارة هنا مش كفاية لازم طبيب يكشف عليكي وزي ما قالت نرجسية طبيب مخ وأعصاب . وهو هايحدد نوعها ان كانت common migraine او classic migraine
الشقيقةهي عبارة عن عدة أعراض تعرف باسم syndrome والنساء اكثر عرضة من الرجالة للمرض ده والوراثة بردو بتلعب دور كبير في نقل المرض بين افراد العيلة الواحدة . اللي بيحصل بقى اما تيجي نوبة الشقيقة الشرايين والأوردة الكبيرة بتمدد والأوعية الدموية الصغيرة اللي بتنقل الدم من الشرايين إلى الأوردة بتتقلص فبتمنع وصول الدم الى لحاء المخ وهنا وبيبدأ الألم في أحد شقي الرأس وبتبتدي الأعراض زي الغثيان و عدم وضوح الرؤيا والقيئ وتقريبا الأحاسيس البصرية والسمعية كلها بتتأثر .