حجاب علي الموضة

[The Myth]

كنت أركب مترو الأنفاق وقد جلست بجانبي فتاتان ترتديان ما يشبه الحجاب ... وما هو بحجاب!! لأن الأولى كانت تلبس فستاناً قصيراً وتغطي شعرها بطرحة صغيرة مثل الإيشارب، والثانية كانت ترتدي بنطلوناً جينزاً وبلوزة مجسمة – أو محزقة – وعلى رأسها ما يشبه الطرحة، وكل منهما قد زينت وجهها بالمكياج والبودرة والروج والعطر النفاذ، وكانتا تتهامسان في موضوع ما. ولأن العربة كانت بالصدفة هادئة وشبه خالية من الراكبين، تسللت إلى أذني بعض الكلمات من حوارهما: الأولى: أنا ما لحقتش أكوي شعري الصبح، فقلت ألبس الحجاب النهاردة وأبقى أقلعه بكره!! الثانية: احمدي ربنا إن شعرك أكرت بس .. أما أنا فشعري بيقع ونفسي أتجوز قبل ما أقرع! الأولى: ولا يهمك .. تقدري تزرعي شعر وحواجب، وتدقي وشم، وتعدلي قوامك وجسمك عند بتوع التجميل وزرع الأعضاء .. أصل الطب تقدم قوي يا روحي .. هأهأ هؤز الثانية: كل ده كويس بس الأهم من كده الحجاب .. أصل الرجالة مهما كانت عيونهم زايغة .. وقت الجواز بيدوروا على واحدة محجبة قال يعني ناصحين قوي .. جتهم وكسة هئ هئ هأ. أكتفي بهذا القدر من الحوار السمج، وأقول لهاتين الفتاتين وغيرهما أيتها الفتيات والسيدات: ليس الحجاب زياً فقط لإخفاء العيوب واصطياد العرسان؛ فالحجاب قبل كل شيء يجب أن يكون عن عقيدة صحيحة وإدراك واقتناع ومعرفة بالدين. أما التهريج الذي تلبسنه فليس حجاباً، بل هو مسخرة وإساءة للمحجبات وإساءة للإسلام والمسلمين، كما أن للحجاب شروطاً أهمها – إن كنت لا تعلمنها – ألا يكون شفافاً أو قصيراً وأن يكون واسعاً فضفاضاً وبذلك تضمن المرأة صيانة نفسها واحترام ذاتها. أما الفتاتان القرعاء والكرتاء فإنني لا أتهكم عليهما أو أسخر من خلقتهما – معاذ الله – ولكن الأجدر بهما أن تكونا مقتنعتين بالحجاب؛ لأنهما مهما تزينتا وتجملتا فإن الزينة زائلة والجمال لا يدوم، وربما لو أخلصتا لله لرزقهما بزوجين صالحين يصوناهما، ولا يعيران الجمال الزائف اهتماماً؛ فالخلق الطيب هو الباقي، أما هذا الجمال فإلى زوال.

[انا مصريه]

صح
كلامك
انا لما بنزل مصر بشوف انواع كتير من البنات دول

[العجوز]

تعليقى على الموضوع انه النهردة كل عيوب البنات فى لبسهم فى معاملتهم محدش قادر يضع لها حد
البيت يقلك ياعم ما هى زى الفل اهه ايه نغطيها ببطانية عشان يعجب ولا نقعدها فى البيت
الشارع يقلك اهى موضة وبكرة تغير ونشوف حاجة تانية
(( التانية دى الله اعلم بيها ... وحشة ولا حلوة .!!!؟؟؟))
بصراحة انا بحترم البنت اللى بتنكسف حتى من صورتها فى المرايا
عارف انه حيطلعو البنات ويقوللى احنا بنتكسف
طيب ادونى دليل .. بتتكسفى من ايه
البناطيل اللى معرفش ازى بتلزأ على الجسم ..؟(( لانه اصلا من كتر ما هى ديقة محدش يعرف يلبسها ))
ولا على الكت ولا على المكياج (( انا بستحقر البنت اللى تحط مكيااااج ))
وبدعى لكل بنت بشوفها ماشية متغطية زى ما بيقولو من ساسها لراسه فى عز الحر ومصممة انها متغيرش من طبعها ولا تقلل من حياءها حتى مع اعزار الصيف اللى كلنا ممكن نقدرها فيها
لكن للى ميعرفوش او يعرف و مبيصبروووش بلاش الكلمة التانية عشان حرام بعدعي ليهم الله يكون فى عونهم
انا بركب المترو ولا انى بخاف المحطة تفوتنى انا كنت حغمض عينى من اول ما اركب لحد ماانزل

وياريت لو مشاركاتى اتحزفت الادارة تبعتلى رسالة

[رينو]

والغريب كمان الى تطلع قصه من الطرحه وتعمل لفه تبين ودانها ووشها كله وغريب البس الى هيفرقع وحتى الى بتلبس عبايه ونقول محترمه تطلع مجسمه عليها وكل ده بيسموه حجاب ربنا يهدى الجميع

شكرا يا حازم على الموضوع الجميل ده

[انا مصريه]

والله انا لما بنزل بلبس عبايات بس واسعه عكس اختي الاكبر مني ولما البس طقم بحس نفسي ملفته مش حلو خالص لان اتعودت على العبايات في السعوديه والبنات اللي بيلعبوا بالحجاب ربنا يهديهم

[آيزيس]

والله جيت لي على الوجع

نفسي اعرف اللي بالبادي و الاسترتش دول
لا و في الشتا بالجيبة اللي على الرجبة و تحتها بوت
دول اسمهم ايه و موقعهم ايه من العراب

لا و تيجي الواحدة فيهم تنصح اللي مش محجبة و تقولها لازم تتحجبي
طيب مش لما تتحجب هي الاول !!!

[The Myth]

المشاركة الأصلية بواسطة انا مصريه

صح
كلامك
انا لما بنزل مصر بشوف انواع كتير من البنات دول

اهلا مصرية
نورتي الموضوع
بس عاوز اقولك ان البنات دول مش موجودين فمصر بس
عموما ربنا يهديهم فاي مكان هم موجودين فيه
شكرا علي مرورك

[The Myth]

المشاركة الأصلية بواسطة العجوز

تعليقى على الموضوع انه النهردة كل عيوب البنات فى لبسهم فى معاملتهم محدش قادر يضع لها حد
البيت يقلك ياعم ما هى زى الفل اهه ايه نغطيها ببطانية عشان يعجب ولا نقعدها فى البيت
الشارع يقلك اهى موضة وبكرة تغير ونشوف حاجة تانية
(( التانية دى الله اعلم بيها ... وحشة ولا حلوة .!!!؟؟؟))
بصراحة انا بحترم البنت اللى بتنكسف حتى من صورتها فى المرايا
عارف انه حيطلعو البنات ويقوللى احنا بنتكسف
طيب ادونى دليل .. بتتكسفى من ايه
البناطيل اللى معرفش ازى بتلزأ على الجسم ..؟(( لانه اصلا من كتر ما هى ديقة محدش يعرف يلبسها ))
ولا على الكت ولا على المكياج (( انا بستحقر البنت اللى تحط مكيااااج ))
وبدعى لكل بنت بشوفها ماشية متغطية زى ما بيقولو من ساسها لراسه فى عز الحر ومصممة انها متغيرش من طبعها ولا تقلل من حياءها حتى مع اعزار الصيف اللى كلنا ممكن نقدرها فيها
لكن للى ميعرفوش او يعرف و مبيصبروووش بلاش الكلمة التانية عشان حرام بعدعي ليهم الله يكون فى عونهم
انا بركب المترو ولا انى بخاف المحطة تفوتنى انا كنت حغمض عينى من اول ما اركب لحد ماانزل

وياريت لو مشاركاتى اتحزفت الادارة تبعتلى رسالة

اهلا بيك يا عجوز
كلامك كله صح
اذا كان انا بتكسف ابص للبنات اللي زي دول و هم ماشيين فالشارع
يبقي هم ازاي مش بيتكسفوا من نفسهم

ربنا يهديهم

شكرا لمرورك

[The Myth]

المشاركة الأصلية بواسطة رينو

والغريب كمان الى تطلع قصه من الطرحه وتعمل لفه تبين ودانها ووشها كله وغريب البس الى هيفرقع وحتى الى بتلبس عبايه ونقول محترمه تطلع مجسمه عليها وكل ده بيسموه حجاب ربنا يهدى الجميع

شكرا يا حازم على الموضوع الجميل ده

طب صحيح يا رينو ايه فايدة الحجاب بقا لما هي مطلعة دماغها كلها برة الطرحة
انا بصراحة مش لاقي تعليق اعلقه عليهم

شكرا لمرورك يا رينو

[The Myth]

المشاركة الأصلية بواسطة آيزيس

لا و تيجي الواحدة فيهم تنصح اللي مش محجبة و تقولها لازم تتحجبي
طيب مش لما تتحجب هي الاول !!!

اهلا ايزيس
منورة الموضوع
شكرا لمشاركتك الطريفة

[برديس]

السلام عليكم
مش عارفه اقول ايه بعد الى تقال بس عايزه اسال سوال
ياترى البنات دول لما يخرجوا من البيت بشكل ده امهتهم مش بتشوفهم
بلاش الاب ياعينى غلبان داير فى الطحونه علشان يجيب الدخل الى يخليهم يعملوا كده
ويا ترى لما امها تشفها مش تقول ليها اخلعى الحجاب احسن ولا ايه
اصلها بحجبها ده بتسي للمحجبات كلهم
وعلى فكره يا يارا ده مش موجود فى مصر بس للاسف فى معظم الدول العربيه

[بوسي احمد]

عندكم حق يا جماعة في اللي بتقولوه

كلامكم صح ميه الميه

والله لو تعرفوا انا كان سبب تاخري عن الحجاب ايه ؟؟؟


السبب الاول ان وانا في السعودية بكشف وجهي فبيقولوا عني سافرة

وفي مصر بكشف شعري فيقولوا عني سافرة بردوا

بالرغم اني في الحالتين مش بلبس غير لبس محترم ولا ضيق ولا شفاف بس كنت بكشف شعري

السبب التاني

التشدد اللي كانوا بيستعملوه معايا في النصح وانا في السعودية

وانا في مصر بقه فبلاقي اللي ينصحني بالحجاب برضوا

واللي تنصح بتكون لابسه لبس مقدرش انا الغير محجبة البسه

فكنت بتغاظ جدا من البنات دي

وكنت بعند ومتحجبش

وعاهدت نفسي اني لما اتحجب اتحجب الحجاب الصح

والحمد لله ده اللي حصل فعلا

اتحجبت عن حب شديد واقتناع شديد جدا واتمسكت بيه

لان الحجاب عبادة مش عادة

وربنا يهدي البنات دي لانهم بجد يحرقوا الدم

انا عندي تفضل من غير حجاب ولما تتحجب تتحجب صح

ولا انها تغطي شعرها وتبرز كل مفاتنها التانية

[amr_miza1]

هو مش مقياس خالص ان الواحد ممكن يقيس درجة احترام البنت من حجابها او من شعرها
وبالعكس كمان فى ناس بتدراى فى الحجاب وفى النقاب كمان .
كل اللى عاوز اقوله ان الدين والاخلاق والتربية ملهمش علاقة باللبس وطبعا احنا عارفين ان الحجاب فرض ولكن برجع اقول ان اللبس او المظهر مش مقياس
وعاوز اقول كمان لأى بنت بتتصرف بشكل مش كويس انها تحترم اهلها الأول قبل ماتحترم نفسها
وربنا يهدى الجميع

شكرا يا حازم موضوع حلو اوى بس يعنى مكنتش عارف تسمع بقيت الحوار

[The Myth]

المشاركة الأصلية بواسطة برديس

السلام عليكم
مش عارفه اقول ايه بعد الى تقال بس عايزه اسال سوال
ياترى البنات دول لما يخرجوا من البيت بشكل ده امهتهم مش بتشوفهم
بلاش الاب ياعينى غلبان داير فى الطحونه علشان يجيب الدخل الى يخليهم يعملوا كده
ويا ترى لما امها تشفها مش تقول ليها اخلعى الحجاب احسن ولا ايه
اصلها بحجبها ده بتسي للمحجبات كلهم
وعلى فكره يا يارا ده مش موجود فى مصر بس للاسف فى معظم الدول العربيه

للاسف يا برديس مش بعيد تكون امهاتهم بيلبسوا زيهم و يمكن اسوأ كمان
ربنا معاهم هم و امهاتهم
شكرا برديس علي مرورك

[The Myth]

المشاركة الأصلية بواسطة بوسي احمد

عندكم حق يا جماعة في اللي بتقولوه

كلامكم صح ميه الميه

والله لو تعرفوا انا كان سبب تاخري عن الحجاب ايه ؟؟؟


السبب الاول ان وانا في السعودية بكشف وجهي فبيقولوا عني سافرة

وفي مصر بكشف شعري فيقولوا عني سافرة بردوا

بالرغم اني في الحالتين مش بلبس غير لبس محترم ولا ضيق ولا شفاف بس كنت بكشف شعري

السبب التاني

التشدد اللي كانوا بيستعملوه معايا في النصح وانا في السعودية

وانا في مصر بقه فبلاقي اللي ينصحني بالحجاب برضوا

واللي تنصح بتكون لابسه لبس مقدرش انا الغير محجبة البسه

فكنت بتغاظ جدا من البنات دي

وكنت بعند ومتحجبش

وعاهدت نفسي اني لما اتحجب اتحجب الحجاب الصح

والحمد لله ده اللي حصل فعلا

اتحجبت عن حب شديد واقتناع شديد جدا واتمسكت بيه

لان الحجاب عبادة مش عادة

وربنا يهدي البنات دي لانهم بجد يحرقوا الدم

انا عندي تفضل من غير حجاب ولما تتحجب تتحجب صح

ولا انها تغطي شعرها وتبرز كل مفاتنها التانية

اولا الف مبروك انك لبستي الحجاب يا بوسي
و كويس كمان انك لبستيه عن اقتناع شديد بيه
و يا ريت كمان يلبسوا لبس محترم مع الحجاب زي ما انتي نبهتي يا بوسي
شكرا علي مرورك