ارجوكم عاوزه حل باسرع ما يمكن

[foash]

السلام عليكم
الحل انك تقعدى مع ابن عمك وتفهميه انك مبتحبهوش وانك حتى لو اتجوزتيه هتخونيه واعتقد انه اى راجل يسمع الكلام ده مش هيرضى انه يتجوز انسانة هيه مش طيقاه بس الاهم انك تكونى على ثقة انه M هيتقدملك على طول

[مايسترو السعودي]

مروة مشكلتك دلوقتي فيها شقين

اهتمي بالاولي الاول بمعني

ركزي الاول ازاي تتخلصي من ارتباطك من ابن عمك

وفي هذه الاثناء متفكريش في اي حاجه تانيه غير انك ازاي تفكي الخطبه دي ومتشتتيش تفكيرك باي حاجه تانيه

الشق التاني وهو امكانية ارتباطك بالشخص الثاني


حلي الاولاني الاول وبعدين فكري في التاني

مينفعش تمشي في طريقين في وقت واحد

ومتصلحيش الغلط بغلط

لفته بديعة من مستكة اشكرك من الاعماق


اختي مروة ان احببتي مراسلتي على الخاص ففعلي .تحياتي لك

[منة اللة]

بصى يامروة انا هقولك قصة بسيطة ليا واحدة صحبتى بتحكيلى على كل حاجة ارتبطت من النت زيك وكان على كلامه انه هيموت لو سابته وحبته اوى وكان وعدها انه هيتقدم ف الوقت اللى هى عايزها كانت قصة حب جميلة وماشفاهش الا بصور واتكلموا مايك لكن الصدفة لعبت دور معها واكتشفت انه مرتبط بواحدة كمان من النت وبيقولها نفس الكلام اللى كان بيقولهلها تخيلى صدمتها فيه حب النت مش مضمون وممكن يقولك هتقدملك وساعة الجد مش هتلاقى حاجة فكرى الف مرة قبل اما تنفصلى عن ابن عمك هتشيلى لقب مطلقة وممكن حتى لو Mبيحبك بجد اهله ميرضوش فكرى بعقلك مع قلبك مش قلبك بس عشان ما تندميش وساعتها مش هينفع الندم يارب ميكونش راى ضايقك وبجد اتمنالك كل خير

[Dr.Hammood]

اولا : ربنا معاكي وقلبنا معاكي

ثانيا: اوعي تتجوزي عضب عنك اوعي اوعي اوعي للصبح

ثالثا: كمان M عمره ما هيسامحك انك وافقتي ابدا حتى لو قال عكس كده

ما ينفعش تتجوزي واحد ندل ما عندوش اخلاق لانه هيدمر حياتك
ولا ينفع ان التاني يتجوز لانه زي ما قلتي حتى لو بيحبك ازاي يدخل نفسه في علاقه وهوه مش اد انه يكمل ويتجوز

انتي فشلتي كتير حاولي تصلحي بأقل الخساير

وابدأي من جديد وفكري بعقلك اولا واخيرا وتأكدي ان ابوكي مش هيجراله حاجه لان محدش بيتصدم من حاجه متوقعها صدقيني

[justme]

انا يا مروة مظنش ان سني يسمحلي اني اقولك نصيحة ومعنديش الخبرة الكافية اني اتكلم....بس انا حبيت امر عليكي واقول يا رب مشاكلك تتحل لاني عارف الواحد لما بيكون عنده مشكله بيبقى عامل ازاي
ربنا يوفقك لما يحبه ويرضاه

[وائل المصري]

انا عارف ان انتي اكيد هتزعلي من كلامي
لكن
سيدتي
انتي للاسف انسانه مستهتره وغير مسؤله
الخطأ الاول
عندما سمحتي لنفسيك بشويه مراهقه مع اين كان ابن عميك ولا حتي ابن خاليك
وبكل هدوء شويه احضان وكده!!!!!!!!!!!!!!!!!!
الخطأ الثاني
عندما سمحتي لقبكي ان يحب انسان اين كان محترم او دون ذلك لكنه من الشات ونحمد الله انه كان انسان محترم ومتدين والا كنا دخلنا في سياق ابن العم
(مهو عادي).
وكنتي ستتسببين في شيئ لن يغفره لكي ضميريك ولا اهلكي مدي الحياه برغم ان الاعمار بيدي الله لكنكي وللاسف كنتي ستكوني المتهم الاول في القضاء علي رب الاسره
(اعتزر اتمني له الشفاء من كل قلبي).
النصيحه
سيدتي الجميله
حافظي علي ايمانيك وايضا لي علاقتكي بربكي
حافظي علي كرامتكي وكرامت اسرتيك
وتذكري انكي الان في عصمه رجل محترم مسؤال
سيدتي
من اصعب الالقاب علي مسامع المرأه ان تصبح وللاسف حاصله علي
(لقب مطلقه)
وصدقيني برغم ان اسرتكي ترفض شاب الشات فبعد الطلاق سيكون ه واهله الرافض
اعلم انكي لن تتقبلي كلامي
لكن
انتي في موضع اختي الصغيره ولكي عندي حق النصيحه من منطلق قول الرسول الكريم صلي الله عليه وسلم
او كما قال
(من راي منكم منكرا فاليغيره بيده فان لم يستطيع فبلسانه فان لم يستطيع فبقلبه وهذا اضعف الايمان
صدق الرسول الكريم
تحياتي لكي وللاسره
وائل المصري

[yousef_alsharef]

يا آنسة مروة

علاوة على ما كتب الاخ وائل وقد راق لى ما كتب

واضح ان ابن عمك نال رضاك وقتا ما .. اقصد لستى

نافرة منه شكليا ... ولن اعيد عباراتك مرة اخرى ...

وفى نفس الوقت كل ما تتحدثى عنه ويخص m

عبارة عن شيئ سماعى .. لم تتأكدى من مشاعرك

تجاهه بنسبة 100 % لانه هناك احتمال ما زال قائما

برفضك له لو تقابلتم .. نعم .. لقد كونتى عنه فى عقلك

صورة معينة لن تقبلى غيرها حتى وان كانت الحقيقة ..

ملخص ما اود قوله ان ارتباطك بأبن عمك تم فعلا ..

ولو كانت تلك الاحداث قد تمت قبل ظهور هذا الـ M

ما كان هناك مشكلة ... توكلى على الله والخيرة فيما اختاره الله

ولا تكثرى من المشاكل وتصيبى عائلتك بالتصدع ..

وألوم على الاخوة التى اخذتهم الاحداث وقاموا بنعت أبن عمها

بالنزالة دون ان بستمعوا اليه ... تقبلى اختى الامر يصدر رحب

ولو علمتِ الغيب لاختارتِ الواقع

تمنياتى لك بحياة سعيدة