ارجوكم عاوزه حل باسرع ما يمكن

[مروه محمود]

السلام عليكم و رحمه الله و بركاته
ارجوكم تهتموا و تحاولوا معايا ان كان فى حل و يا ترى مين الصح و مين الغلط
انا اتعرف على M من خلال الشات هو انسان محترم جدا و متدين علمنى ازاى اصلى ازاى اقرب لربنا و انا كنت زى كل بنات اليومين دول ليها صحاب شباب و بتخرج و تتفسح علمنى الصح من الغلط معرفش كان عنده قدره كبيره على انه يقنعنى بالصح و فعلا اكتشفت انه صح المهم غيرنى للاحسن كتير و قربنا من بعض اكتر و قالى بحبك و انا كمان قلتله و طلب على طول يتقدم بس انا كنت شايفه ان ظروفه مش هتلاقى ترحيب عندنا خفت عليه يتقدم و يترفض لان عندنا فى البيت بيبصوا للماديات اكتر فقلت اخليه يستنى لحد ما ظروفه تتحسن كل ده و لا عمرى قابلته و لا قابلنى بس فى شئ رابطنا ببعض شئ يخلينا تملى نسأل على بعض نقلل على بعض حقيقى حبيته بجد و هو كمان المهم انا كنت زى اى بنت فى الثانوى مشاعرها اللى بتحركها فكان ابن عمى معايا فى نفس المدرسه كنت اياميها متهيألى انى بحبه فحصل شويه من المراهقه معاه بس ما تعدتش الاحضان و كده يعنى المهم ابن عمى ظهر تانى فى حياتى فى فتره وجود M و لاقيته عاوز يرجع اللى كان رفضت طبعا فاتقدم رسمى و طبعا ابن عمى الكبير ازاى اهلى هيرفضوا و لقيت الكل موافق معادا انا رغم انهم عارفين انى بحب M بس كلهم رافضينه و رفضت و صممت لحد ما فى يوم جابوا المأذون فقلت لا هنا ابن عمى حكى كل اللى حصل بينا بابا ما استحملش الصدمه و اتنقل المستشفى و عرفت انها جلطه و طبعا كبير فى السن اثرت على رجليه و بعد ما رجع حاولت افهمه ان محصلش حاجه يخاف منها ما سمعش و لا حد رضى يسمعنى المهم والدى قالى هسمحك فى حاله واحده لو وافقتى على ابن عمك حاولت معاه لقيته اتعصب و بدأ يتعب تانى و قالى ابن عمك مش هيسكت و انى اللى اخترتى مش احنا سبته و خرجت لقيته بعد كام يوم جايبن الماذون ووالدى قالى هترفضى المره دى كمان افتكرته لما وقع مننا المره اللى فاتت و ليا اخويا الكبير ما بيتفاهمش ابدا خفت قلت اه و فعلا انكتب الكتاب بس انا عملت كده عشان ارضى والدى لكن انا مش مستحمله اكون غير ل M و طبعا لما عرف انه خلاص انكتب الكتاب قالى خلاص مش هكلمك تانى لانه حرام لانك فى حكم راجل تانى و حاولى تنسينى و ارضى ربنا فى جوزك و كلام من ده
عارفه انى غلطت لما وافقت بس ظروف اقوى منى خلتنى اوافق مش عارفه اعمل ايه انا مش متخيله اللى عملته فى نفسى بس و الله غصب عنى و هو كمان متأكد من ده
عاوزه اخلص من الوضع اللى حطيت نفسى فيه و عاوزه ارجع للانسان الوحيد اللى حسيت معاه بالامان
يا ريت الاقى حل و انا فى وسطكم

[انا مصريه]

شوفي يامروة انتي غلطتي مع ابن عمك ودا حاجه كبيرة في حد ذاتها وحرام كمان ماشي بس اللي انت حبيتيه مالكيش نصيب معاه وهوة لو مش بيحبك ماكنش اتمنالك الخير ارضي بنصيبك وارضي والديك لان رضا الرب من رضا الوالدين

وربنا يعينك ياحبيبتي وتستحملي
اختك انا مصريه وي لو عايزة حاجه ابعتيلي على الخاص وانا معاكي

[مروه محمود]

المشاركة الأصلية بواسطة انا مصريه

شوفي يامروة انتي غلطتي مع ابن عمك ودا حاجه كبيرة في حد ذاتها وحرام كمان ماشي بس اللي انت حبيتيه مالكيش نصيب معاه وهوة لو مش بيحبك ماكنش اتمنالك الخير ارضي بنصيبك وارضي والديك لان رضا الرب من رضا الوالدين

وربنا يعينك ياحبيبتي وتستحملي
اختك انا مصريه وي لو عايزة حاجه ابعتيلي على الخاص وانا معاكي

انا فعلا غلطت و ندمانه و بدعى ربنا يسامحنى بس مغلطش غلط كبير
يعنى ارضى بنصيبى مع واحد ما يعرفش ربنا ما ءأمنش على نفسى وياه
انسان هددنى انى لو ما وفقتش هيقول لاهلى و فعلا لما قلت لا اتكلم

[N.A]

و الله انا مش عارفه اقول ايه لكن هيا مشكله فعلا
الغلط اللى وقعتى فيه حاجه من اتنين
1- ما سمعتيش كلام اهلك 2- سمعتى كلام اهلك
فيه تناقض مش كده لكن انا هوضح
فى الاول انتى اتمسكتى برأيك و قلى لا و انا شايفه انه عمل اللى عليه طلب يتقدم و انتى منعتيه و كان عندك حق لانك فى الاول و الاخر خفتى عليه و طبعا اهلك زى ما قلتى انهم عارفين و رافضين طب ليه طالما رافضين كملتى ليه علقتى نفسك بيه اكتر و علقتيه معاكى هتقولى كنت فاكراهم هيغيروا رأيهم لكن احب اقولك ان العند فى الحاجات دى بيكون عند شديد
فى الاخر انتى ضعفتى قصاد والدك لما تعب و تصورتى انه بسببك و هو فعلا بسببك لكن هو كان خلاص اخد الصدمه مفتكرش انه كان هيحصله حاجه تانيه لانك لو كنتى قلتى لا هتكون لتانى مره يعنى زى ما بنقول هتكون صدمه عاديه لكن شكلك بتحبى والدك كتير عشان كده ضحيتى بنفسك و اسمحيلى اقول ضحيتى لانك من كلامك عنه فهمت انه انسان مش مضبوط
انتى كنتى فى غفله و فجأه فقتى لكن فقتى على انك مكتوب كتابك يعنى مش لعبه هترجعى فيها هنا حب M اتغلب على خوفك من اخوكى و على صحه والدك حسيتى انك ضايعه من غيره
ما تستغربيش انا حاسه بيكى جدا لانى كنت مكانك فى يوم من الايام مع اختلاف الظروف لكن فى الاخر رضخت لرأى اهلى و لحد اليوم ده بندم
انا مش عاوزه اقولك اعصى اهلك و لا اقولك ضيعى حبك لكن انتى مش شايفه حد ممكن يتدخل و يقنع اهلك او يتكلم مع ابن عمك و هل لو خلصتى من ابن عمك هل هتلاقى M موجود و هيبسامحك و يرجعلك من تانى لازم تفكرى كويس و حاولى تقللى من الخساره لانك كده كده هتخسرى
ربنا معاكى

[foash]

السلم عليكم
مشكلتك صعبه ابن عمك انسان جبان لانه فى لحظة قال على اللى حصل بينكو معتقدش انه اهلك هيجوزوكى حد تانى او بلاش اهلك القدر قسملك ده وحتى لو نجحتى انك تقعدى معاه وتفهميه انك مش بتحبيه وانفصلتوا هل هتلاقى الشخص التانى اللى حبتيه وادامه اد ايه لما يتقدم وانتى بتقولى ظروفه واهلك هيوافقوا انهم يصبروا معتقدش وحتى لو رجعتوا لبعض وابن عمك مرة شافه وقله على اللى حصل بينكو تفتكرى هيسامحك مش عارف حاسس انه لا مش هيسامحك ده احساسى
انا بس هسالك سؤال ياريت تجاوبى عليه عشان اعرف ارد صح
انتىلو انفصلتى هتلاقى m وهيتقدملك على طول وهيسامحك ولا لسة هتدورى عليه وتشوفى ايه النظام وقادر يتقدم ولا لسة من الاخر انتى واثقة منه انك لو انفصلتى هوه هيتقدم على طول ؟؟
ياريت تبقى تجاوبى وان شاء الله ارد عليكى تانى
ahmed

[مروه محمود]

المشاركة الأصلية بواسطة n.a

و الله انا مش عارفه اقول ايه لكن هيا مشكله فعلا
الغلط اللى وقعتى فيه حاجه من اتنين
1- ما سمعتيش كلام اهلك 2- سمعتى كلام اهلك
فيه تناقض مش كده لكن انا هوضح
فى الاول انتى اتمسكتى برأيك و قلى لا و انا شايفه انه عمل اللى عليه طلب يتقدم و انتى منعتيه و كان عندك حق لانك فى الاول و الاخر خفتى عليه و طبعا اهلك زى ما قلتى انهم عارفين و رافضين طب ليه طالما رافضين كملتى ليه علقتى نفسك بيه اكتر و علقتيه معاكى هتقولى كنت فاكراهم هيغيروا رأيهم لكن احب اقولك ان العند فى الحاجات دى بيكون عند شديد
فى الاخر انتى ضعفتى قصاد والدك لما تعب و تصورتى انه بسببك و هو فعلا بسببك لكن هو كان خلاص اخد الصدمه مفتكرش انه كان هيحصله حاجه تانيه لانك لو كنتى قلتى لا هتكون لتانى مره يعنى زى ما بنقول هتكون صدمه عاديه لكن شكلك بتحبى والدك كتير عشان كده ضحيتى بنفسك و اسمحيلى اقول ضحيتى لانك من كلامك عنه فهمت انه انسان مش مضبوط
انتى كنتى فى غفله و فجأه فقتى لكن فقتى على انك مكتوب كتابك يعنى مش لعبه هترجعى فيها هنا حب M اتغلب على خوفك من اخوكى و على صحه والدك حسيتى انك ضايعه من غيره
ما تستغربيش انا حاسه بيكى جدا لانى كنت مكانك فى يوم من الايام مع اختلاف الظروف لكن فى الاخر رضخت لرأى اهلى و لحد اليوم ده بندم
انا مش عاوزه اقولك اعصى اهلك و لا اقولك ضيعى حبك لكن انتى مش شايفه حد ممكن يتدخل و يقنع اهلك او يتكلم مع ابن عمك و هل لو خلصتى من ابن عمك هل هتلاقى M موجود و هيبسامحك و يرجعلك من تانى لازم تفكرى كويس و حاولى تقللى من الخساره لانك كده كده هتخسرى
ربنا معاكى

المشكله انه انسان معندوش دين ممكن يقول حاجات محصلتش بس ده مش هاممنى لانى عارفه ان M واثق فيا و بعدين انا مش مخبيه عليه حاجه هو عارف كل حاجه من زمان و مسامحنى وواقف جمبى بس حقيقى مش لاقيه حد يقف جمبى و يحاول يقنع اهلى او يقنع ابن عمى

[مروه محمود]

المشاركة الأصلية بواسطة foash

السلم عليكم
مشكلتك صعبه ابن عمك انسان جبان لانه فى لحظة قال على اللى حصل بينكو معتقدش انه اهلك هيجوزوكى حد تانى او بلاش اهلك القدر قسملك ده وحتى لو نجحتى انك تقعدى معاه وتفهميه انك مش بتحبيه وانفصلتوا هل هتلاقى الشخص التانى اللى حبتيه وادامه اد ايه لما يتقدم وانتى بتقولى ظروفه واهلك هيوافقوا انهم يصبروا معتقدش وحتى لو رجعتوا لبعض وابن عمك مرة شافه وقله على اللى حصل بينكو تفتكرى هيسامحك مش عارف حاسس انه لا مش هيسامحك ده احساسى
انا بس هسالك سؤال ياريت تجاوبى عليه عشان اعرف ارد صح
انتىلو انفصلتى هتلاقى m وهيتقدملك على طول وهيسامحك ولا لسة هتدورى عليه وتشوفى ايه النظام وقادر يتقدم ولا لسة من الاخر انتى واثقة منه انك لو انفصلتى هوه هيتقدم على طول ؟؟
ياريت تبقى تجاوبى وان شاء الله ارد عليكى تانى
ahmed

انا حكياله كل حاجه من زمان مش مخبيه عليه حاجه ابدا احنا اتكلمنا فى كل حاجه عملناها زمان بصراحه و هو طلع متفاهم و سامحنى ووقف جمبى و ساعدنى انى اغير فكرتى عن الشباب لانه جد انسان كويس قوى و محترم جدا
انا متاكده ان لو خلصت من ابن عمى هيتقدم على طول مش هيسبنى
و بالنسبه لانه جاهز او قدامه قد ايه هو هيعرف ازاى يتصرف يا رتنى ما كنت منعته انه يتقدم من الاول بس كنت خايفه يترفض او ينجرح
نفسى ارتاح و الاقى حل بسرعه

[N.A]

المشاركة الأصلية بواسطة مروه محمود

المشكله انه انسان معندوش دين ممكن يقول حاجات محصلتش بس ده مش هاممنى لانى عارفه ان M واثق فيا و بعدين انا مش مخبيه عليه حاجه هو عارف كل حاجه من زمان و مسامحنى وواقف جمبى بس حقيقى مش لاقيه حد يقف جمبى و يحاول يقنع اهلى او يقنع ابن عمى

مش عارفه اقولك ايه
ما تعرفيش ترضى بنصيبك يمكن ربنا يهديه و يعقل
طيب ليه ما فكرتيش انه عمل كده لانه متمسك بيكى حاولى تفتكرى حاجه كويسه يمكن تخليكى تغيرى رأيك فيه
موضوعك معقد جدا و اللى مزعلنى ان M باين عليه انسان محترم جدا لكن اعرفى ان كل شئ نصيب و اللى ربنا كتبهولك هتشوفيه مهما عملتى
اسألى مجرب

[مايسترو السعودي]

رويدك ايتها الزجاجة ولكل ازمة مخرج :

1-هل تدينه اعني م دليل على كونه الافضل ؟
2-كيف احبك وتحققتي من حبه هل لكونه ناصح لك ؟

3-ماالذي شده اليك وجعله يتعلق بك المجرد شات او نبرة صوت او ...؟

4-ما ذا تعرفين عنه واعني حقيقة حياته واسرته وسلوكه اهو شك ام يقين وكيف تيقنتي مع انك لم تخبرين بشي حول هذا ؟

5-كم مضى على زواجك؟

6-هل ضعف دين ابن عمك سبب لعدم قبوله اي لو انه اصبح محافظ على صلواته ستقبلين به؟

7-لماذا ارتبط بك ان كان لا يحبك اهو من باب الانتقام ام من باب العناد ام ...؟

8-هل تدينك قربك من الله لدرجة اللجوء اليه والدعاء والاستخارة وبشكل متواصل؟

9-مالذي لا تحبينه في ابن عمك غير عدم التزامه بالدين؟

10-هل سيحاول الانتقام والنيل منك ومن م في حالة الانفصال؟

11-هل يوجد من تثقين بعقله من اقاربك او معارفك يمتلك قدرا من الحكمة والتجربة ويكون رجلا لا امرأة؟
12-هل سيكون خلاف اسري وتنافر وقطيعة بين العائلة لو حدث الانفصال؟

13- هل ما زلتي تتواصلين مع حبيبك خلسة عن طريق النت او غيره؟

14-عمرك وعمر ابن عمك وعمر حبيبك؟

15- هل حاولتي التعايش مع ابن عمك ورفعه اليك كما فعل الاول برفعك ونصحك؟

16-هل يشك زوجك بانك ترغبين الانفصال وتبحثين عن حبيبك ولو بدرجة ضعيفة؟

17-هل رزقتم بمولود؟

18-هل تستطين التمرد على العادات والتقاليد في مجتمعك؟

19-هل لجأتي الى عقلك محللت ومتأملة مسيرة الاحداث والعواقب بعيدا عن العاطفة؟

20-ما مستوى ثقافتك وتعليمك وكذا زوجك وكذلك حبيبك؟

اجيبي على ما ذكرت بكل وضوح ايتها السندرلا ولن نعدم حلا باذن الله

[مروه محمود]

المشاركة الأصلية بواسطة مايسترو السعودي

رويدك ايتها الزجاجة ولكل ازمة مخرج :

1-هل تدينه اعني م دليل على كونه الافضل ؟ هو فعلا انسان متدين بس كل انسان بيكون راسم لنفسه الانسان اللى يتمناه و هو فعلا الانسان ده
2-كيف احبك وتحققتي من حبه هل لكونه ناصح لك ؟ ما انكرش انى اتشديت لنصحه ليا بس فى حاجه معرفش افسرها حصلت ليا و ليه تملى عاوزين نطمن على بعض و هو فعلا بيحبنى لانه اول ما قالها قال بعدها على طول ادينى العنوان عشان اتقدم و فعلا كان عاوز يتقدم

3-ماالذي شده اليك وجعله يتعلق بك المجرد شات او نبرة صوت او ...؟ احنا بنتكلم بالكتابه فى الاول و لسه من قريب بقينا بنتكلم ميك و ده كان ليه سبب لانه عمل حادثه و كان دراعه تعبان جدا مكنش يقدر يكتب
4-ما ذا تعرفين عنه واعني حقيقة حياته واسرته وسلوكه اهو شك ام يقين وكيف تيقنتي مع انك لم تخبرين بشي حول هذا ؟ اعرفه كويس و اعرف اهله من كلامه عنهم و ساعات كنت بسمع صوتهم و انا بكلمه و عارفه عنهم كل شئ

5-كم مضى على زواجك؟ هو كتب كتاب بس يعنى على الورق لسه و ده من كام يوم
6-هل ضعف دين ابن عمك سبب لعدم قبوله اي لو انه اصبح محافظ على صلواته ستقبلين به؟ لا لن اقبل به مهما اصبح لانه ندل ازاى يقبل على نفسه يتجوز واحده مش عوزاه و هو عارف كده ده مش راجل ابدا و لا عنده شئ من الكرامه
7-لماذا ارتبط بك ان كان لا يحبك اهو من باب الانتقام ام من باب العناد ام ...؟ و الله اسأله بس الظاهر بينتقم ازاى يعنى هو يترفض
8-هل تدينك قربك من الله لدرجة اللجوء اليه والدعاء والاستخارة وبشكل متواصل؟ الحمد لله محافظه على كده
9-مالذي لا تحبينه في ابن عمك غير عدم التزامه بالدين؟ انه مش بنى ادام

10-هل سيحاول الانتقام والنيل منك ومن م في حالة الانفصال؟ افتكر ان M هيقدر يوقفه عند حده لو كنت وياه
11-هل يوجد من تثقين بعقله من اقاربك او معارفك يمتلك قدرا من الحكمة والتجربة ويكون رجلا لا امرأة؟ حتى اللى بيقتنع بكلامى بيقول ابعد عن الوش و المشاكل
12-هل سيكون خلاف اسري وتنافر وقطيعة بين العائلة لو حدث الانفصال؟ افتكر كده
13- هل ما زلتي تتواصلين مع حبيبك خلسة عن طريق النت او غيره؟ من ساعه ما عرف انه انكتب الكتاب قالى ما تتكلميش تانى و حاولى تأقلمى نفسك على حياتك الجديده و انسينى عشان تعيشى و حافظى عليه
14-عمرك وعمر ابن عمك وعمر حبيبك؟ انا 22 و ابن عمى 26 و حبيبى 24
15- هل حاولتي التعايش مع ابن عمك ورفعه اليك كما فعل الاول برفعك ونصحك؟ هو مش بنى ادم بمعنى الكلمه دا شيطان
16-هل يشك زوجك بانك ترغبين الانفصال وتبحثين عن حبيبك ولو بدرجة ضعيفة؟ عارف كل حاجه و عارف انى مش عوزاه ووافقت غصب17-هل رزقتم بمولود؟ كتب كتاب فقط
18-هل تستطين التمرد على العادات والتقاليد في مجتمعك؟ مقدرش

19-هل لجأتي الى عقلك محللت ومتأملة مسيرة الاحداث والعواقب بعيدا عن العاطفة؟ عقلى و قلبى مع حبيبى و بس
20-ما مستوى ثقافتك وتعليمك وكذا زوجك وكذلك حبيبك؟ انا ليسانس اداب و حبيبى مهندس و ابن عمى بكالوريوس تجارهاجيبي على ما ذكرت بكل وضوح ايتها السندرلا ولن نعدم حلا باذن الله

ارجوك عاوزه حل سريع

[مايسترو السعودي]

و اعرف اهله من كلامه عنهم ??ليس كافيا ماذكرتي من حقيقة معرفتك به

10-هل سيحاول الانتقام والنيل منك ومن م في حالة الانفصال؟ افتكر ان M هيقدر يوقفه عند حده لو كنت وياه
هل قال حبيبك ذلك واثقا ام توقع منك لا بد من معرفة جواب على مثل هذا السؤال الحساس؟؟

13- هل ما زلتي تتواصلين مع حبيبك خلسة عن طريق النت او غيره؟ نعم ام لا؟
هل لجأتي الى عقلك محللت ومتأملة مسيرة الاحداث والعواقب بعيدا عن العاطفة؟ لا نريد رأي القلب ابد واعيدي محاورة عقلك ستجدين صعوبة لقوة سلطان القلب

متى سيكون الزواج؟قريب ام بعيد؟ هل يعرفحبيبك بكل هذه التفاصيل؟هل تعرفين من يستطيع التأثير على ابن عمك من الاقارب؟ اين ستجدي حلا للتقاليدي التي لن تستطيع التمرد عليها؟ هل الخلاف العائلي ستكون عواقبه وخيمه ويرضى بحصوله حبيبك لو علم؟

ما دور امك في الموضوع بتفصيل؟ ما وجهة نظر والدي ابن عمك بالتفصيل؟

[مروه محمود]

المشاركة الأصلية بواسطة مايسترو السعودي

و اعرف اهله من كلامه عنهم ??ليس كافيا ماذكرتي من حقيقة معرفتك به

10-هل سيحاول الانتقام والنيل منك ومن م في حالة الانفصال؟ افتكر ان M هيقدر يوقفه عند حده لو كنت وياه
هل قال حبيبك ذلك واثقا ام توقع منك لا بد من معرفة جواب على مثل هذا السؤال الحساس؟؟ ايوه قال و قال اكتر من كده
13- هل ما زلتي تتواصلين مع حبيبك خلسة عن طريق النت او غيره؟ نعم ام لا؟ انا جاوبتك مره و قلت لا معدش فى كلام و لا نت و لا اى شئهل لجأتي الى عقلك محللت ومتأملة مسيرة الاحداث والعواقب بعيدا عن العاطفة؟ لا نريد رأي القلب ابد واعيدي محاورة عقلك ستجدين صعوبة لقوة سلطان القلب ايوه انا فكرت بعقلى و لقيت ان حياتى كلها وياه مش مع ابن عمىمتى سيكون الزواج؟قريب ام بعيد؟ فى خلال 3 شهور تقريبا هل يعرفحبيبك بكل هذه التفاصيل؟ ايوه معرفاه كل حاجه قبل ما نقطع كلامنا سوا هل تعرفين من يستطيع التأثير على ابن عمك من الاقارب؟ هو ممكن يسمع لكل الناس و يبين انه اقتنع عشان يريح نفسه و دماغه بس اللى فى دماغه بيفضل فى دماغه اين ستجدي حلا للتقاليدي التي لن تستطيع التمرد عليها؟ هل الخلاف العائلي ستكون عواقبه وخيمه ويرضى بحصوله حبيبك لو علم؟ طبعا مش هيرضى بس ليه هما يرضولنا بكده
ما دور امك في الموضوع بتفصيل؟ ماما بتبص للماده يعنى تقول ابن عمك اولى بيكى و جاهز و اللى نعرفه احسن من اللى منعرفهوش ما وجهة نظر والدي ابن عمك بالتفصيل؟

والدته قالت ان انا السبب يعنى انا اللى غويته و عملت كده بمزاجى و رضايا يعنى مش غصب يعنى غلطتنى انا ووالده فاكر انه لما يتتم الموضوع يبقى عمل جميل لوالدى يفضل شايله لطول العمر

[كتكوت مشاكس]

اختي العزيزة مروه
مشكلة صعبة ومعقد اتمنى من الله ان يكون بعونكِ

[مستكة]

مروة مشكلتك دلوقتي فيها شقين

اهتمي بالاولي الاول بمعني

ركزي الاول ازاي تتخلصي من ارتباطك من ابن عمك

وفي هذه الاثناء متفكريش في اي حاجه تانيه غير انك ازاي تفكي الخطبه دي ومتشتتيش تفكيرك باي حاجه تانيه

الشق التاني وهو امكانية ارتباطك بالشخص الثاني


حلي الاولاني الاول وبعدين فكري في التاني

مينفعش تمشي في طريقين في وقت واحد

ومتصلحيش الغلط بغلط

[N.A]

طيب ليه ما قعدتيش مع والدك او والدتك و اتكلمتى معاهم بكل صراحه ليه مفهمتهومش انك مش هتقدرى تعيشى غير مع M طبعا هتقولى مش هقدر اقول كده لاهلى طيب و بعدين ايه الحل طالما محدش ممكن يتدخل
بصراحه انا متردده فى مشكلتك جدا مش عارفه اقولك ايه ربنا معاك قربى منه اكتر و اطلبى منه الفرج و اعى ربنا ييسرلك الخير و ممكن تتصورى ان ابن عمك مش خير ليكى لكن ممكن يكون الخير عنده محدش يعرف ربنا معاكى