ياشباب أنا مش عايزة حد يتهمني بالتشاؤم وأنا ماأعرفش الأشخاص اللي بتتكلموا عنهم أدكم
بس أنا أعرف مصر.أنا عشت برا مصر طفولتي وجزء من مراهقتي وكانت في بالي أجمل صورة بلد جميلة وشعب حضاري بلد نظيفة وحضارة 7 آلااف سنة وشباب مليانين قوة وأمل وعقول واعية
وعيون صاحية لبكرة ومشاعر صافية وخالصة دا غير الفشر إللي فشرته للخواجات عنها!!
وكانت أمنيتي أرجعلها وأخدها في حضني قبل ماتاخدني هي بصراحة يوم ما عرفت إني هزورها لأول مرة كان هاين علي أروح أقعد في المطار ليوم السفر. كنت طول عمري بجمع البروشورات السياحية إللي بتتوزع على السياح طبعا كانت بتزيد من انبهاري وشوقي (لجنة الله في أرضه).
وأول حاجة أبلتني القذارة المتناهية الي في البلد أيوة متناهية. ومن حظي أعدي على مظاهرة وأشوف الأمن المركزي و(رقته )
برده المتناهية مع النساء والعجايز قبل الرجالة .عارفين كنت مفكرة إني في كابوس وأصحى قريب. وجت الانتخابات :قلت هصوت, صوتي يعني كتير (ياعيني علي ماكنتش أعرف إنهم دايما بينجحوا ب99% ) تصدقوا أنا مشفتش حكومة في العالم نفسها تخلص من شعبها زي حكومتنا(تغرقهم في البحر وتحرقهم في القطر وتشربهم ميه ملوثة وتعزبهم في السجون وتسيب جنودها يتقتلوا على الحدود وتنقلهم دم ملوث) وغللي ضحكني زيادة إنها بتطالبهم بتحديد النسل .. عرفين ليه لأنها بتنظر لهم على إنهم مستهلكين فقط وغير منتجين دي حتى بتاخد فلوسهم وبتقتل مواهبهم وبتنقص ذكاءهم. وياسلام لما شفت الإنسان المصري وكرامته المتبعترة عند العرب قبل العجم. (لأنه بلده ماعملتلوش كرامة أصلا ) شاطرين بس لما يرجع نفكره بأنه مصري ونسرق كل ٌرش كان معاه من بداية بواب عمارته لحد....)مش عارفه أنا شفت كل حاجة وللا اللي خفي كان أعظم. وللا يمكن أنا اتصدمت في مدينتي الفاضلة.
صحيح عمار يامصر...!!!!!!!!!!!!!!!!!!
مواضيع مشابهة
النمط الخطي
