لو لا قدر الله اتحكم عليك بالاعدام تطلب ايه

[hend]

ينظم تكساسي، سينفذ فيه حكم الإعدام في 26 حزيران مباراة في النكات عبر الإنترنت، واعدا باختيار الأطرف منها لالقائها عندما سيسأله الجلادون هل يرغب في قول كلمة أخيرة قبل حقنه بالسائل القاتل.

وكتب باتريك نايت (39 عاما) المحكوم بالإعدام لإقدامه على خطف زوجين وقتلهما عام 1991 على صفحة "ماي سبايس" التي فتحتها احدى صديقاته، "اريد الاستفادة من ايامي الأخيرة على هذه الأرض".

وكتب هذا الموقوف الذي امضى 16 عاما في ممرات الموت في ولاية تكساس (جنوب)، حيث ينفذ أكثر من ثلث عمليات الاعدام في الولايات المتحدة منذ 30 عاما، وثلثا الاعدامات هذه السنة، "انظم مباراة، أريد ان يرسل لي الناس أفضل ما لديهم من نكات، حتى نتمكن أنا والآخرون الذين تحدد موعد إعدامهم، من الاستمرار في الضحك".

و سؤالي بقي لو اتحكم عليك بالاعدام لا قدر الله تعمل ايه

[BATISTA]

هاصلى ركعتين يمكن ربنا يرضى عنى

[وائل المصري]

بجد ولا مش هتصدقوا.
والله العظيم هما طلبين.
امي واخواتي لا اكتر ولا اقل....

[mony cat]

والله الاول هصلى وبعدين هطلب منهم يدولى بنج علشان محسش

ويمكن بقى اضحك عليهم واطلع المسدسات والقنابل واهرب
ههههههههههههههههههههههه ميرسى على الموضوع الجميل

[rosi_smile]

لو هو طلب واحد
يبأه اصلي وادعي ربنا يرضي عني واتشاهد ويخلصوا هما بأه
لو اتنين يبأه اصلي وبعدين اقرأ سورة الكهف
بس اكيد طبعا مش اشوف اهلي علشان معزبهمش اكتر ماهما هيتعزبوا

[BATISTA]

المشاركة الأصلية بواسطة rosi_smile

لو هو طلب واحد
يبأه اصلي وادعي ربنا يرضي عني واتشاهد ويخلصوا هما بأه
لو اتنين يبأه اصلي وبعدين اقرأ سورة الكهف
بس اكيد طبعا مش اشوف اهلي علشان معزبهمش اكتر ماهما هيتعزبوا

واحنا بقى هنفضل مستنين لحد ماتخلصى سورة الكهف

يالا ياروزى ماتعطليش الناس

خلى القانون ياخد مجراة

[eshoo4ever]

هصلى ورادعى ربى يغفرلى

[rosi_smile]

المشاركة الأصلية بواسطة BATISTA

واحنا بقى هنفضل مستنين لحد ماتخلصى سورة الكهف

يالا ياروزى ماتعطليش الناس

خلى القانون ياخد مجراة

ياخد مجراه اصل القانون مجراه علي افايا انا
ياباااااااااااااااااي ان كان عليك انت نفسك يموتوني قبل ماتشاهد حتي
بس عندا فيك ان شاء الله كده لما اقتك ويتحكم عليا بالاعدام وربما يدوني جايزة نوبل للدمار
هيخلوني اقرأ سورة الكهف

[شاعــ الليل ــر]

بعد الشر علي الجميع
ويا رب لو كتبتها علينا تكون شهادة في سبيلك
آمين

أنا عن نفسي
بعد الصلاة و الشهادة و التوبة و الإستغفار
حأطلب يجبولي جميع وكالات الانباء
وطبعا حكون جهزت قصيدة شعر أوجهها لشباب المسلمين
وحقول القصيدة قبل الإعدام
وبعد كده يعملوا أللي يعملوه

[المسلم المصرى]

انا مبسوط من الردود

ماشاء الله

كله عايز يصلى

ماشاء الله

انا عن نفسى اخر حاجة هعملها


قول لا اله الا الله


من كانت اخر كلماته لا اله الا الله دخل الجنة

[أدهم]

بالقطع .. حيكون حكم ظالم ..

سأتوجه إلى الله جل فى علاه

طالبا الشهادة فى سبيله تعالى

حامدا شاكرا لقدر الله .

[amr_miza1]

المشاركة الأصلية بواسطة mony cat

والله الاول هصلى وبعدين هطلب منهم يدولى بنج علشان محسش

ويمكن بقى اضحك عليهم واطلع المسدسات والقنابل واهرب
ههههههههههههههههههههههه ميرسى على الموضوع الجميل

هههههههههههههههه يا سلااام اديها بنج يا معلم
والله يا mony دمك زى العسل .. هو اصلا مش هتلحقى تحسى بحاجة يعنى

هو طبيعى .. اللهم ارزقنا قبل الموت شهادة .. اكيد اهم حاجة ربنا يكون راضى عنى علشان الاخرة اهم من الدنيا وتكون كمان الشهادة من قلبى

بس حرام عليكى يا هند كدا تخلينا نتخيل منظرنا واحنا
متعلقين كدا ع الحبل زى الفسيخة الميتة !!

[آيزيس]

هاطلب أموت موتة ربنا

[Dr-Ayat]

طبعا هاقرا ما تيسر من القرآن الكريم ... وانطق الشهادتين.

ولو ممكن ينفذولي طلب انهم يشنقوا القاضي اللي حكم عليا

وهاطلب منهم يمنعوا اهلي يشوفوني

موقف صعب.

[wael.galal]

علي فكرة حكم الإعدام عشان يتنفذ بيقعد علي الأقل سنة أو أتنين بين النقض والاستئناف يعني في وقت كبير نصلي ونستغفر ربنا ونتوب إلي الله
ونحفظ من القرأن ما يكون شفيعاً لنا والصيام وكل ما تتخليوا

بس ده في وقت السلم يعني زي الوقت اللي أحنا فيه أنا بقا نفسي أموت وأنا علي مشارف فتح القدس وأطلب الشهادة من الله