مدونه سياسيه مش كلمات شعريه...

[وائل المصري]

هتمشوا علي طول ولا فيه وقت اقول.
لا في وقت تقول بس المهم الكلام يبقي باصول.
طيب شفتوا الغول.....احنا قولنا باصول.....مانا بقول باصول.....اصول يبقا غول كده علي طول.
بجد شفتوا الغول...اي غول ...ياعم خالص ولا نمشي لا هقول .
انا قصدي ان المحمول ارخص من طبق الفول طيب ديه اصول.
انا بتكلم علي الغول الي كل السكر واللحمه دلوقتي بياكل في الفول.
ياسلام طيب ياعم كل طعميه بلاش الفول وسيبه للغول.
ياناس مهو الفول من الطعميه والطعميه من الفول.
ها اقول من الاول ولا اكمل عالطول....لا من الاول استنوا نسمعوا ونمشي عالطول .
اي اصول لما دقيقه المحمول ارخص من طلب البيض بالفول.
ها احنا قولنا ايه مال المحمول بالفول.
تاني الغول والفول مش كنا خالصنا وفي البلد اسسنا.
وبنينا وخلصنا ومن المستعمر ملصنا وللحزب اياه هزينا رسنا وعلي صوره الريس بوسنا.
وبعدين هو الريس طول ما النسبه معديه ومعاه المجلس والدوليه والشرعيه.
طيب ممكن نسال علي البسله والملوخيه....ولا الغول غلي الملوخيه.
طيب مانت كتبه عن العمليه وكانت في النمليه.
وهند مش عارفا فين فلوس الريس باره مستخبيه.
وبتستا وفرجنيا عاملين حلقات رياضيه.
وبنت فلسطين وجناب العمده عاوزين حلول ايجابيه لموضوع القضيه.
والاميره الصغيره وعموره بيردوا ردود سالبيه.
والزمالك بعد مرتضي متنيله وخبتها قويه.
واه الاهلي ضيع العالميه...والمنتخب مع لبيا ضيه الدهبيه.
وصحبنا تعبان في السخن والتاني جيه يخرج طلعولوا قضيه.
والعدل والشرطه والدفاع حتي الماليه علي الناس مفتريه.
والدعم راح والفول راح حتي الغاز اصبح ذي الحمه المفتريه.
وايمن والغد ونعمان والوفد والدور علي مين ياست الشرعيه.
اه اهي ام الولد جت متاخره وقال ايه عندها قضيه.
اسفه الموصلات والناس كتير في الشارع رايحه وجيه.
تسمعوا القضيه ..........اسمعوا القضيه؟؟؟؟
وائل يامصري احكي القضيه بس من غير عماليه ولا نمليه ولا دفاع عن الناس ديه.
احم.....احم.....كنت ماشي تحت الارض شفت البنطلون والبدله والجلبيه.
مش عارفين يمشوا وبيسئلوا من وين المياه ديه.
الدنيا ضالمه والسرقه عاليه وحتي السلوك متعريه.
ياعم وطي راسك.....وانتي يامدام شيلي عبد السلام......ولو سمحت الطويل وراي والقصير في الامام.....يعني ادام...
علي العموم كترت الهموم والناس من احوالها بتزوم.
طيب والعلوم الاستراتيجيه والدراسات الساسيه ولا حتي الاجتماعيه.
اجتماعيه ايه ياعنيه....يالا نلحق العربيه...انت يامجنون او مش من البلد ديه.
ياجماعه الاسلام هو الحل.....والوفد اتحل.....والغد اه اتبل......والوطني ميه علي ميه..
ياماما اقفلي الحنفيه اصلهم غلوا اللحمه والفول والنور ومش باقي الي الميه.
والقمر لما طلع قال ايه ندي اسرائيل ولو خمس الميه.
السادات قال وهي ديه نص الاتفاقيه.
لا ده كان ذمان قبل الوطني ما يعمل العمليه ويخبيها في النمليه.
ابن مين في مصر المسؤل عن اللغبطه الي حاصله ديه.
طيب لو عرفت ايه هتعمل هتشيلوا ولاتدعي عليه اقولك اشتكيه وهاتوا عندك في المجلس واحكم عليه.
مش انت قاضي بردوا ولا انت سباك ولا ايه.
ها قولت ايه يابيه هتحكم عليه ولا نورث جمال ونخلص ولا ايه.
طيب لو قولنا لا عليه زجالنا واحد اسخم منه لا نورثه اضمن يابيه.
لا الصوت امانه لازم لليستحقوا نوديه.
طيب ممكن ترحوا عنده وتشتموا وبالطوب تحدفوا.....
ومن فوق كرسيه وزقوه ......وهاتوا حببكم وحطوه ومش مهم تنتخبوه.
ومين هيسبنا نعمل كده ديه القلعه يالحرس متسدده.
والواضح ان طول ما الحرميه في البلد متمدده......طول ما حيتنا هتفضل متسوده.
وفي الختام خلص الكلام ومن الاحسن ان مع الريس وحزبه نعيش في سلام .
ناكل ونشرب وننضرب بالجزم ومش ممكن نتكلم اصل انتوا عارفين الغول وعالته ومش عاوز اوضح اصل امن الدوله تقول بيبجح.
والبس قضيه واسيب شغلي وابيع عسليه.
تقبلوا كلمات وائل المصري السياسيه....

[amr_miza1]

هههههههههههههههههههههه

جميلة اوى يا وائل والله تسلم افكارك وتسلم ايدك بس كدا يا راجل

والاميره الصغيره وعموره بيردوا ردود سالبيه

انا ردودى سلبية ؟ كل دا علشان قولتلك ان فيك شبه من رجب حميدة دانا حتى بمدحك ,, الله يسامحك
بس بردة والله بعزك جدا

ياجماعه الاسلام هو الحل.....والوفد اتحل.....والغد اه اتبل......

هههههههههههههههههههههه
دى فطستنى من الضحك بس والله حلوة منك يا وائل يا مشاغب انت

[hend]

وهند مش عارفا فين فلوس الريس باره مستخبيه
على فكره انا ما يهمنيش هيه مستخبيه فين انا يهمنى انها ترجع لينا

طيب لو قولنا لا عليه زجالنا واحد اسخم منه لا نورثه اضمن يابيه.

يعنى انت شايف كده

مش يمكن ربنا يجيب احسن منه

لاننا بجد شعب طيب

ومن فوق كرسيه وزقوه ......وهاتوا حببكم وحطوه ومش مهم تنتخبوه

احنا ملناش حبيب معين
بس لنا عدو

على فكرة انا بدات احب موضوعاتك كلها فيها اسمى دلوقتى بتحسسنى انى مهمه
هههههههه

بصراحه انا مش فاهمه فكرتك ايه عن الحكم فى مصر لو ممكن توضحها

[وائل المصري]

اولا اود ان اشتكر عمورا علي التدخل وعلي فكره ياعمر انا مش قصدي حاجه انما القفيه حكمت وانا استخدمت الناس الي انا بحب موضوعاتهم.
اما فعن ست هند بالفعل انتي مهمه لان انتي الوحيده الي بحب اقراء موضوعتها السياسيه الي بتحسسني ان لسه شباب مصر فاهمين حاجه وخاصه البنات(الجنس الناعم يعني).
ومتزعليش الموضوع الجاي كله هيكون عنيك لوحديك.
اما فعن موقفي من الحكوم في مصر؟
بوصي ياستي انا بحب الريس وبحب جمال وبحب الناس كلها.
وبزعل وبغضب زيكوا كلكوا بس انا انسان مسؤال فمن الممكن ان اتمسك قليلا بس علي فكره بزعل اوي لما بلاقي حد مش فاهم وبيكرر كلام زي البغبغنات اسف مش انتي وعلشان كده احياننا بحاول الدفاع عن الحكومه من وجهه نظري المتواضعه وعن الحاجات الي انا اعرفها.
تقبلوا تحيات وائل المصري.

[مستكة]

شعار المرحله دي : طريقك مسدود مسدود مسدود ياولدي

دا راي في الوضع الحالي

بكل تفاؤل

[وائل المصري]

المهم رايك في الوضوع مش في الوضع الحالي.
اسف تقبلي تحيات وائل المصري.