ياترى تعمل ايه فى الموضوع ده؟(حرام والله)!!

[سمكه بلطيه]

مساء الخير

فيه سؤال كده خطر على بالى قولت اسالكم فيه؟؟

ياترى لو اهلك فرضوا عليك رايهم فى موضوع الجواز هتقبل(هتقبلى) ولا هترفضى ولا هتعمل ايه؟؟

فيه حالات انتحار بسبب الموضوع ده على فكره , وانا بصراحه شايفه ان مش كل حاجه تقولها اهالينا تكون صح وفى صالحنا, وفيه اهل بجد بيظلموا ولادهم وده شىء مش يرضى ربنا ..

ياترى هتعملوا ايه؟؟؟

[BATISTA]

كلة بالخناق الا الجواز بالاتفاق


بس مع الظروف الى احنا فيها دى الواحد مابيصدق اهلة يقولو لة عايزين نجوزك

[سمكه بلطيه]

باتيستا سورى انا اعرضك

[BATISTA]

المشاركة الأصلية بواسطة سمكه بلطيه

باتيستا سورى انا اعرضك

مممممممممم نسمع اعتراضك

ان الحب يعنى محدش يقف قدامة وكدة ؟؟؟؟؟؟؟؟؟؟؟؟؟؟؟


بس الفلوس الايام دى اصبحت الامر الناهى

[foash]

السلام عليكم
ياريت تتقبلى مرورى وتحيتى للموضوع ده
انا معاكى كتير جدا الاهل بيقفوا قصاد سعادة ولادهم وبقت الفلوس هيه الامر الناهى فى مواضيع الجواز اول سؤال بيساله ابو العوسه عندك ايه مش بتحب بنتى اد ايه الا هتحافظ عليها اد ايه كله بقى على لسانه دلوقتى كلمة عريس مريش والظاهر كده انه العرسان هتطلعها ريش وتطير بعد كده
عدد كبير جدا اهلهم جوزوهم عند او جشع او مصلحة غير مباليين تماما بالانسانة اللى اتجوزت دى انها بشر من لحم ودم بيحس وبيتالم وحاطين فى المقام الاول الفلوس والواضح انه حالات الضغط والجواز بالعافية فى البنات اكتر بكتير من الولاد قليل من الولاد بيتجوز بالضغط والعافية والولاد دول بيبقى ولاد ماما بالبلدى اللى هوه بتاع مامته
باختصاركل اللى عاوز اقوله لكل اب وكل ام ملعون ابو الفلوس اللى ممكن تخليكم ترموا بنتكم لواحد عشان فلوسه ملايين الدنيا متساويش لحظة عنيها فيها تدمع وافتكروا انه الحياة مش دايمة لحد ولو مت ربنا هيحاسبك حساب عسير وساعتها يبقى خلى فلوس المريش تنفعك
كلمة اخيرة اى بنت اهلها عاوزين يجوزوها غصب عنها متوافقش مهما حصل واوعى تبصى لانسان عنده عشان فلوسه لانه لو اتجوزتيه عشان فلوسه هتبقى شيئ زى التلاجة والغسالة ممكن تقدمى مع كتر الغسيل سورى قصدى مع الوقت ويجيب غسالة غيرك اوف بنسى قصدى انسانة غيرك
يارب تبقى مشاركتى خفيفية وبحييكى بجد على الموضوع ده ويارب محدش يزعل من كلامى
ahmed

[eme]

كلامك صح ياباتيستا
هو اكيد لازم نسمع كلامهم وده واجب علينا مهما قالو الا في المعصيه
بس المفروض هما كمان يراعونا ومش الفلوس كل حاجه افرض اتقدم واحد معاه ومبسوط وحصل اي ظروف طارئه بعد الجواز اسيبه
هما اكيد طبعا خيفين علي مصلحتنا بس مش في كل الوقات كلامهم بيبقي صح زي ما قالت رنوش لاننا بنبقي عرفين حاجات اكتر منهم عنه مثلا او عاشرنا اذا كان مثلا في شغل او في دراسه او.........
المهم في الاخر لو ليكي نصيب قيه هتخديه وطبعا ده بعد الاستخاره
ولو اعترضوا والموضوع متمش دلوقتي وربنا رايد انه يتم هيحصل غصب عن التخين
ومن الاخر انا مش شايفه انه ليه لازمه الانتحار اولا حرام وثانيا دي مش نهاية الدنيا

[سمكه بلطيه]

لاء ياباتيستا مش ده وبس السبب الاسباب كتيره ماتعدش بجد . بس طلاما انى متعلمه وليا كيانى الخاص وشخصيتى المستقله وانا بحب انسان حترم وشارين بسبس دخله
متوسط ده مش سبب انه يترفض وعلى مااعتقد اننا بنعيش مع انسان مش مع الفلوس , يابنات بعد الفرح المعازيم هتمشى وفستانك الغالى هتركنيه فى الدولاب والدهب فى الخزنه وهيفضل الشعور اللى بينك وبينه ...يااااااااااااه فين احساسك نحيته؟؟ (فكروا فى المشهد ده)

فوئش كلامك كله صح وذى كلامى بالظبط ومش هلومك انك تقول على اى بنت باعت نفسها انها غساله ويمكن تكون مكنسه كمان ههههههههههههههه

ايمى منوره : مش كل حاجه لازم نسمع كلامهم فيها احنا لنا شخصيتنا المستقله برضه ولو سمعننا كلامهم يبئى مش فى موضوع الجواز بالذات لانه فى الاول والاخر هيجى على راسنا احنا انا اسمع كلامهم فى كل شىء الا الجواز..

انا اعرف قصه هحكيها لكم:
بنت كانت بتحب جارها وكان بيحبها وجه يتقدم بعد ماكون تمن الدبل ابوها رفضه وجوزها واحد غنى وقالها ده يعنى ده البنت خضعت لامر والدها بس للاسف.. اللى اتجوزته ده عملها شرب الخمور والمخدرات وللاسف كان بيرغمها انها تصاحب تصاحبه كله لما حبت تتوب عذبها (كاننا فى عصر الكفار) ..وقدمت شكوى فيه للمباحث واتقبض عليه وهى حاليا اتجهت لله وكانت بتبكى على ذنب او طريق مش اخترته بنفسها لاء للاسف والدها اللى هو المفروض والى عليها اختاره لها . كلكم راع وكلكم مسئول عن رعيتكم.يعنى هتتحاسبوا هتتحاسبوا بس الصبر طيب
فبعد القصه دى مش افتكر ان كل كلام الاهل يتسمع

[amr_miza1]

صباح الخير ..
الموضوع دا فعلا يعتبر مشكلة كبيرة فى مجتمعنا ومع الاسف ياريت مع الزمن الموضوع دا بينتهى ,, بالعكس دا يمكن بيزيد ... بس بصراحة طبعا مش الناس بتفكر الفكير دا
طبعا بخصوص الاهل لازم يكونوا موافقين على الجواز , لانى صعب مثلا انى اتجوز واهلى مش موافين وهيبقى فيه مقاطعة بينا ودى حاجة مش هستحملها فلازم موافقتهم ,, بس هم عمرهم ما هيرفضوا اللى انا هختارها اولا لان فى حرية فى الاختيار غير فيه ثقة فى الاختيار
فلازم يكون فيه تفاهم بين الشخص او البنت وبين الاهل .
بس مع الاسف مش هتلاقى التفاهم دا بين كل الناس ولازم تلاقى حالات معارضة , بس بينى وبينك ساعات اختيارات الشباب بتفرس واختيارات البنات ساعات بردة بتكون مش سليمى بس انا رايي فى كدا انهم يسيبوهم يتجوزوا واللى بيشيل قربة مخرومة بتنقط عليه .. يبقى عهو يتحمل خطأه ويعرف بعد كدا انه مسمعش كلام اهله !!

شكرا يا سمكة على موضوعك المهم دا

[maysam]

اهلا سمكة بلطية!!

مع ان سؤالك عام من غير تفاصيل وصعب نقول انه كلامهم صح او خطأ الا بوجود موقف معين تحكمي من خلاله ، بس عموما مش كل شيء الاهل بيقولوه صحيح.. مش اي شيء بيقوله اي حد بيكون صحيح!! هو صحيح من وجهة نظر واحد بس يمكن يكون مش صحيح من وجهة نظر واحد تاني..


اكيد كل شخص له رؤية في الحياة ، وبمسألة الزواج تحديدا انتي اللي حتعيشي مع الشخص اللي حتختاريه مش هم!!

لكن في شيء مهم ،، كل انسان مسئول عن اختياره ولازم يتحمل مسئولية هذا الاختيار مهما كان ويفترض يتحمله لوحده

بالواقع كم شخص فعلا عنده قدرة يتحمل مسئولية قراراته ولوحده ومن غير ما يلجأ لحد!!!

اللي لازم يتفهم ، انك ماتقدري تنفصلي عن اهلك ، يعني رأيهم ووجهة نظرهم مهمة عشان يمكن عندهم خبرة بالحياة بس مش شرط خبرتهم تكون متفصلة على مقاسك انتي او مناسبة لك تحديدا ، بس الموضوع مش موضوع رأي وخلص ، الموضوع موضوع قرار!! ممكن يقولوا رأيهم بس القرار اولا واخيرا لكِ

بالزواج رأيهم مش ملزم ، يعني ما حد يقدر يجبرك على شيء مش عايزاه ، وانتي من حقك تختاري ، بس هل عندك قدرة تواجهي وترفضي وتعترضي وتقنعي وتتحملي مسئولية قرارك؟؟؟؟

[سمكه بلطيه]

عمر كلامك صح لازم برضه الاهل يوافقوا على موضوع جوازك من شريك حياتك
بس برضه لازم يدونا فرصه مش كل حاجه امر واحنا ننفذ.. ((نورتنى))

ميسام كلامك صح برضه بس انا عندى تعليق ( الخبره مش بكبر السن الخبره بالتجارب واظن اننا عندنا خبرات كتير فى كل المجالات انا بشوف ناس سنهم كبير بس خبره مافيش لانهم اتعودوا يسمعوا مش يتعاملوا وده غلط.. انا عارفه ان فيه شباب وبنات بتختار غلط بس برضه نجرب مش هنخسر حاجه انا عندى اجرب وافشل احسن ماينفرض عليا شىء وافشل فيه وهو مش من اختيارى...

[مايسترو السعودي]

من وجهة نظري:ان الام والاب يبحثان عن السعادة للابناء ويسهران ويحرمان نفسيهما ملذات الحياة من اجل رسم الابتسامة على محيا ابنائهم وهذا في الغالب الاعم ولهما نظرة ثاقبة وعركتهما الحياة بتجاربها فتمخض من ذلك احكام وخبرة, ولفارق السن وتغير الزمن وما نرى من تداخلات حضارية وثقافيى واجتماعيى وغير ذلك اصبح البون شاسعا بيننا وبينهم في الحكم على مجريات الامور ومن الصعب جدا بل قد يقترب من المستحيل اقناعهما بامر لا يتوافق مع ما يؤمنون به ان الادوات التي يوضفونها في الحكم على شي ليست هي ادواتنا ولو علموا علم اليقين بانها طريق سعادتنا لما ترددوا لحظة واحدة

بين يدي هذه المقدمة اقول وبالله التوفيق:

اذا تحققنا من امر من خيريته لنا فعلينا تبعت اقناعهما بشتى الوسائل والسبل وتوسيط من يثقون بعقولهم والمقربين من نفوسهم علينا المحاولة بلا ياس ولا احباط بالتودد والدعاء لعل احكمهما تقترب من احكامنا وان لم تلتقي حينها يكون القرار اكثر مرونة واسهل في ردة الفعل وبطبيعة الحال لنا حرية التصرف شرعا وعقلا في الاختيار لما وهبنا الله من اهلية وميزنا بعقول تمحص وتتخذ الاحكام حتى لو غضبوا او اعرضو عنك حسرة وندامة لمخالفتهم ففي نهاية الامر وبعد حين تبدأ الصلابة تلين وتحن القلوب لفلذة كبدها ان اصعب ما يؤلم الوالدين مصادرة احكامهم لان ذلك تسفيه لهم من وجهة نظرهم وفيه تجاهل وتسلط هم يرونك جزء منهم متمرد خارج عن ارادتهم كما سترى ابناءك ولو بعد حين فعاطفة الابوة شي لا يعرفه الا من خاض عبابه

مررت فاسعدني ما قرأت من كاتبة مبدعة واشكر جميع الاعضاء على ما نثروا من عقولهم هنا

[سمكه بلطيه]

مايستروا نورت موضعى بجد
انا معاك فى كل شىء قولته ان الاهل لهم علينا حق فى كل شىء بس احنا كمان اكيد لنا حقوق
فى المجيتمع مش لازم تون عليهم... وممكن فعلا اكتر الامور تتحل باللين والمناقشه بس للاسف اكتر الاهالى مش بتتعامل باسلوب النقاش او الللين هما فى دماغهم انهم صح واحنا جيل بايظ ومش بنفكر فى عقلنا دى فكرتهم عنا ...

[BATISTA]

المشاركة الأصلية بواسطة سمكه بلطيه

لاء ياباتيستا مش ده وبس السبب الاسباب كتيره ماتعدش بجد . بس طلاما انى متعلمه وليا كيانى الخاص وشخصيتى المستقله وانا بحب انسان حترم وشارين بسبس دخله
متوسط ده مش سبب انه يترفض وعلى مااعتقد اننا بنعيش مع انسان مش مع الفلوس , يابنات بعد الفرح المعازيم هتمشى وفستانك الغالى هتركنيه فى الدولاب والدهب فى الخزنه وهيفضل الشعور اللى بينك وبينه ...يااااااااااااه فين احساسك نحيته؟؟ (فكروا فى المشهد ده)

[COLOR="Magenta

اوك طالما انتو بتحبو بعض بس برضة الفلوس هى العائق علشان يقدر يجيب العفش والشقة والذى منة ..................الخ




لى تعليق بسيط بالنسبة للدهب ( خلاص مافيش دهب بيقعد فى الخزنة ) العريس اكيد هيبيعة علشان يسدد الكمبيالات والشيكات الى مضى عليها

[فرجينيا]

بصي يابنتي
انا مريت بالموضوع ده كتير قوي لدرجه ان العيله كلها كانت بتقاطعني
بس لايمكن هاخد حد مش باحبه والرزق ده بتاع ربنا
الارزاق على الله
بس الاهل مش بيفكروا كده يعني تفكيرهم صح
هما عايزين احسن حد ليكي يعني يقدر يرحيك في الزمن الي احنا عايشينه ده
وهما برضه صح
لان مبداهم اذا دخل الفقر من الباب هرب الحب من الشباك

[زوزو8]

هاي سمكوة( بدلعك)
وحشاني ازيك
احيكي علي الموضوع
تصدقي بجد انا قرات الموضوع وقاعدة افكر بس وصلت لحل
ان الاسرة ربنا امرنا بالطاعة واي بنت او ولد لازم يكون دبلوماسي وطبعا مع راي عمر مينفعش عدم الاتفاق بين الاسرة والشخص ( بنت او ولد )
فاول ما الاب والام يقولوا ده شخص كويس واحنا رفضين مش نقول لا وناخدها عيند علشان ما يعندوش وبعدين واحدة واحدة تاخدهم في صفك وهما اللي هيرفضوا
اما لو اصروا هنا لازم ناخد موقف وربنا يقف معنا لاما نلكم الشخص ونفهموا الموقف بالادب والعقل
وفي النهاية ربنا يهدي .. وتقبلي مرورك