بتحب مين أكتر...مراتك ولا شغلك

[eme]

بتحب مين أكتر...مراتك ولا شغلك



سؤال أتمنى أن أسأله لكل المتزوجين وكل العزاب أيضا بالله عليك بتحب أو هاتحب مين {لغير المتزوجين} اكتر...؟؟؟؟
مراتك...........ولا..شغلك

تتهم كل نساء العالم الرجال بأنهم بيحبوا شغلهم اكتر مابيحبوهم كزوجات أو كخطيبات أو كحبيبات........،



وأنا بالنيابة عنى أعترف بأن هذا صحيح..........صحيح......صحيح ليه....؟؟؟؟؟؟؟

لي أسبابي ومبرراتي التي أرجو منكم التفكير فيها بعين العقل:

أولا.......... الشغل بيصرف عليا.......بس أنا اللي بصرف عليها!!!

ثانيا........ في الشغل ممكن تزعق براحتك و زعيقك يجيب نتيجة...

مع مراتك صعب انك تزعق براحتك ومهما زعقت مش هييجى بنتيجة..........

ثالثا........ ممكن تزوغ من الشغل في أي وقت من غير ماحد ياخد باله أو
حد من الزملاء يغطيك أنما تزوغ من مراتك........هيهات.......أنسى يا عمرو

رابعا........في الشغل عندك مدير ممكن ترضيه لو أشتغلت كويس..... إنما
مراتك لو عملت قرد.........مش ممكن ترضيها !!! وإذا رضيت....... عندك
حماتك عمرها ما ها ترضى أبد !!!!!!!

خامسا....... في الشغل من حقك تاخد أجازه.......عندك عارضه..و اعتيادي.....ومرضى دا غير يوم الجمعة....والعطلات الرسمية.....بصراحة الشغل ريحه خفيف ع القلب..... أنما مع مراتك...مش ممكن تاخد أجازه......بالعكس دانت لازم تلزق فيها يوم الأجازة بتاعتك
و إلا يبقى نهار اهلك مالوش ملامح.....لك أجازه واحده فقط......و طويلة جداً !!!!........

سادسا........ في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و فراش.....و سكرتيره خاصة.....والكل يضرب لك تعظيم سلام في البيت هاتعيش زوج وتموت زوج......واللقب الوحيد اللي ممكن تاخده لما تنادى عليك مراتك وتقولك....يابو العيال......أو.......يا حاج.......... ولما تعجز.......وتسلم النمر...تقولك.............يا بركه...........

سابعا....... الشغل لو زهقت منه ممكن تسيبه بدون مشاكل....وبسهوله.... أنما مع مراتك......لو روحك طلعت.....لازم تحط ف بقك كوتشى وتفكر مليون مره.....في المحاكم والمؤخر و النفقة....والعيال وتلاقى نفسك في الآخر بتغني.....أنا اللي أستاهل....كل اللي يجرى لي الغالي بعته رخيص........ولا أحسبوووووش غاااااالى ..{ العزوبية}طبعا.


ثامنا........في الشغل...لو سبته أو سويت معاشك....أو بلغت سن المعاش بتاخد مكافأة كبيره....ومعاش...وحفله تكريم.....، أما مراتك لو سبتها قبل ما تموت...أنت اللي هاتدفع مكافأة ومؤخر ونفقه......وشقه كمان.......و تتحبس لو مادفعتش..........

تاسعا......... ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها.........ظلم

عاشرا........ في الشغل....متأمن عليك عشان لو حصل لك حاجه....... ولو حصل لك حاجه.....مراتك هي اللي هاتقبض التأمين

في النهاية....بتحب مين أكتر...مراتك ولا شغلك..

الإجابة.. مراتي طبعا !!!!!!


دي كانت اجابة الكاتب

السؤال موجه ليكم دلوقتي هتحبو مين اكتر ؟؟؟!!!

منقول

[nadamoha]

المشاركة الأصلية بواسطة eme

[size="4"]

سادسا........ في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و فراش.....و سكرتيره خاصة.....والكل يضرب لك تعظيم سلام في البيت هاتعيش زوج وتموت زوج......واللقب الوحيد اللي ممكن تاخده لما تنادى عليك مراتك وتقولك....يابو العيال......أو.......يا حاج.......... ولما تعجز.......وتسلم النمر...تقولك.............يا بركه...........

هههههههههههههههههه

جميله قوى يا ايمى

وأنا منتظره معاكى رأى رجال المنتدى

[philosepher]

اكيد شغلى

[ميزو المجروح]

اكيد ولا دى ولا دى

[eme]

المشاركة الأصلية بواسطة nadamoha

هههههههههههههههههه

جميله قوى يا ايمى

وأنا منتظره معاكى رأى رجال المنتدى

ميرسي علي مشاركتك
وانا كمان نفسي اسمع راي الشباب الـ موجودين معانا

[eme]

المشاركة الأصلية بواسطة ميزو المجروح

اكيد ولا دى ولا دى

طيب مين

[eme]

المشاركة الأصلية بواسطة philosepher

اكيد شغلى

لا تعليق

[Genius Of Gangs]

تصدقي بالله يا ema انتي كرهتيني في الانسانة الهتبقى مراتي (وانا لسة معرفهاش) ومن دلوقتي بعد القولتيه ده اكيد هختار شغلي دا انا هعشقه

ومش هتجوز اصلا انتي حسستيني بمأسي الجواز ومن الاخر بتقولي مفيش فيه حاجة حلوة وفي الاخر بتخيريني بينها وبين الشغل ال خلتيه كله مميزات

طب بالله عليكي لو انتي مكاننا هتختاري مين ؟

[Bassem Ammar]

ههههههههههههه


موضوع خفيف و الله

بس انا لسه معرفتش غير شغلي

لما المودام تشرف هبقي اقولك الرد النهائي

[دقه قلب]

هههههههه
موضوعك جميل يا ايمى
اعتقد هيقولوا ماتشات الكورة
هههههه

[wael.galal]

العمل عبادة وأمرنا بها الله
والزواج متعة الدنيا وأمرنا بها

والأثنان لهم مميزات فلننظر للميزات

أما رأي الشخصي الاختيار هو الأهم في الزواج من الزواج نفسه يعني لو أتجوزت يبقي أنا اللي قررت
ومن هذا المنطلق أتحمل كافة التوابع وهي توابع عادية ولها أيضا مخارج وأما مسألة النفقة والشقة لي فيها تصريف ثان وإنما حقوقها ستؤدي علي أكمل وجه كما طلب الشرع
وراحة البال بالدنيا وما فيها ولكن

الزوجة أهم
لأن العمل ممكن يتغير من وقت للتاني ومن شركة لغيرها لكن الزوجة جزء مني لن أستطيع تغييرها فهي مرأة حياتي ومهما حدث منها فأنا أختارتها لأني أحبها

ولذلك أقول لها أطمئني أنتي أهم من الشغل ومن 100 شغل أنتي الأساس زز



شكرا موضوع جميل وفعلاً ضحكت قوي وأنا بقرأه

شكرا ليكي مرة تانية

[yasser_2002]

لازم يا جماعة يحب الاتنين

[ميت العامل1]

بصراحه انا مش هكدب انا مراتي عندي اهم من شغلي عشان هيا مريحاني
ولا تقولي البت تعبانه ولا كل شويه تظلب مني فلووووووووووووس دي مبيحصلش ابدا ولا كل شويا اروح لماما ابدا بجد مريحانيولا بتقلبني اول باول

















سامحني يارب علي الكدب الي كدبته







بجد موضوع جميل تسلم ايدك