اعرف شخصيتك من ربطة كرفتتك أو لون زرار جاكتتك

[amr_miza1]

أصدقائى الاعزاء

تمكن علم النفس الحديث على أن يضع يده على تحليل الشخص من خلال ربطة كارفاتته أو زرار جاكتته

اذا كنت تربط الكرافات الربطة التقليدية فأنت انسان رجعى واذا كان لو زرار جاكتتك ملائم للون زرار قميصك فأنت انسان من النوع الأنوى النادر ... واذا كنت لون زرار جاكتتك مختلف تماما عن لون زرار القميص فأنت شخص توتولانى معقد !!!!!

أى عقل يقبل هذا التفكير وهذا المنطق فى الحكم على الاشخاص ؟

لقد لفت انتباهى كثرة الموضوعات ( مع احترامى الشديد لأصحاب الموضوعات ) التى تتحدث عن تحليل الشخصية من خلال طريقة جلوسى على الكرسى أو من خلال ردى على الهاتف وطريقتى فى كلمة ( ألو ) او من خلال كمية السكر التى استخدمها فى تناول كوب من الشاى ..
فاذا جلست على طرف الكرسى فأنا شخصية كذا واذا قلت الو بهدوء فأنا شخصيتى كذا واذا كنت اتناول كمية قليلة من السكر فأنا كذا ..

ربما اجلس على الكرسى بأكثر من طريقة فأى شخصية سأكون ؟!!
وربما كنت منفعلا وقمت بالرد على الهاتف بانفعال وربنا كنت هادئا فقمت بالرد بهدوء .. فأى شخصية سأكون !!
وربما أتناول الشاى سكر زيادة وفى نفس الوقت أشرب القوة سادة .. فأى شخصية سأكون !!

هل قال فرويد مثلا مثل هذه الاقاويل المفتراه ؟؟

و هل أصبح التحليل النفسى قاصرا وسطحيا الى هذا الحد ؟؟

و هل أصبحت عقليتنا اكثر سذاجة لنقتنع بمثل هذه التكهنات الباطلة التى ليست من العلم فى شيء ؟؟

هل أحد منكم يقتنع بمثل بهذه التحليلات النفسية الوهمية ؟؟

!!!

[amr_miza1]

جديد الموضوع

اكتشفت مؤخرا

اعرف شيخصيتك من ريحة رجلك

[hend]

ههههههه
طب واللى رجله ملهاش ريحة تبقى ايه شخصيته

انت عارف انى بنقل موضوعات بالشكل ده
بس على فكره الكلام ده للتسليه بس
مش فعلا احنا بنصدقه او حتى بيتطابق

بس بجد موضوع حلو

تسلم ايدك

[amr_miza1]

المشاركة الأصلية بواسطة hend

ههههههه
طب واللى رجله ملهاش ريحة تبقى ايه شخصيته

انت عارف انى بنقل موضوعات بالشكل ده
بس على فكره الكلام ده للتسليه بس
مش فعلا احنا بنصدقه او حتى بيتطابق

بس بجد موضوع حلو

تسلم ايدك

ههههههههه والله ما اعرف خالص يا هند
ولو كدا يبقى بمحض الصدفة مش أكتر

عموما المشكلة فى اننا نقراه او نشوفه المشكلة فى اننا نصدقة وان دا يبقى اداه لتقييم الشخاص !!

بشكرك جدا يا هند لمرورك وردك

[omarr]

عمرو ...

فيه كمان اعرف شخصيتك من طريقه مشيتك , اعرف شخصيتك من طريقه نومك , واعرف شخصيتك
من طريقه تسريحتك لو بتسرح شعرك ناحيه اليمين يبقى اكيد انت انسان رومانسى و قلب طيب
ولكن تنقصك الشحاعه فى تحقيق احلامك . لو انت بتسرح شعرك ناحيه الشمال يبقى اكيد انت
انسان مفعم بالحيويه و الذكاء ولكنك عنيف مع الجنس الأخر . لو بقى انتى بتسرح شعرك للخلف
اكيد انت انسان نمطى متمسك بالتقاليد ولكنك تفتقر لروح الأبداع والأبتكار .لو انت بتسرح شعرك الى الأمام يبقى انتى شخصيه نادره وعيب عليك تعمل كده و عشان خاطرى شوف لك تسريحه تانيه ....

يعنى عايز اقول لك عمرو ان كل واحد حر فى رناته ..وماكدبوش علينا زمان فى الأعلان التلفزيونى
القديم والمشهور الذى كان يردد دائما تلك الحكمه العظيمه " لا كتيوال اى لايك "

[amr_miza1]

المشاركة الأصلية بواسطة omarr

عمرو ...

فيه كمان اعرف شخصيتك من طريقه مشيتك , اعرف شخصيتك من طريقه نومك , واعرف شخصيتك
من طريقه تسريحتك لو بتسرح شعرك ناحيه اليمين يبقى اكيد انت انسان رومانسى و قلب طيب
ولكن تنقصك الشحاعه فى تحقيق احلامك . لو انت بتسرح شعرك ناحيه الشمال يبقى اكيد انت
انسان مفعم بالحيويه و الذكاء ولكنك عنيف مع الجنس الأخر . لو بقى انتى بتسرح شعرك للخلف
اكيد انت انسان نمطى متمسك بالتقاليد ولكنك تفتقر لروح الأبداع والأبتكار .لو انت بتسرح شعرك الى الأمام يبقى انتى شخصيه نادره وعيب عليك تعمل كده و عشان خاطرى شوف لك تسريحه تانيه ....

يعنى عايز اقول لك عمرو ان كل واحد حر فى رناته ..وماكدبوش علينا زمان فى الأعلان التلفزيونى
القديم والمشهور الذى كان يردد دائما تلك الحكمه العظيمه " لا كتيوال اى لايك "

اكيد كل واحد حر فى تصرفاته ورناته زى ما بتقول

بس المشكلة هنا اننا فعلا اصبحا بدرجة كبيرة جدا من السذاجة تخلينا نصدق الكلام دا

هل دا علشان بقينا ننظر للثقافة والعلم وكأنهم كتب دراسية بمجرد ما ينتهى امتحان اخر السنة بتنتهى علاقتنا بيهم ؟؟!!

شكرا يا حسين لمشاركتك وتفاعلك

[amr_miza1]

up!

[Dr.Hammood]

عاوز اعرف شخصيتي من طريقة اللعب في صوابع رجلي

مع العلم اني كل نص ساعه ب اعدهم

عندي احساس دايم ان في واحد ناقص

هههههههههههههه

بهزر اكيد يعني

مش كدب مدام انتم عارفين

ما علينا

الموضوع يا عمور ان دي عادات وثقافات

ومالهاش دعوه بالشخصيه

ما ممكن جدا واحد في امريكا يكون بيرد يقول هالو

وواحد في بريطانيا بيرد يقول هاي

والاتنين نفس الشخصيه

ملحوظه : ردي مالوش اي ريحة اللزمه

اصلا انت قلت كل حاجه وزنقتنا يا عم

[نيهال]

موروثات وحاجات الناس قد تكون اعتادت على البعض منها زى الابراج

يعنى لغايه دلوقتى نفسى استقر على حاجه معينه الاقيها بشخصيتى

بدايه من الابراج لحد عاداتنا وحركات معينه بنقوم بيها

وبالفعل عندى اقتناع مهم جدا
الا وهو..........

ان كل انسان بيتمتع بصفات دون الاخر.
ومش لازم اللى موجود ب فلان يكون بعلان

[نرجسية]

شوف هو الموضوع فيه جانب من الصحة و الباقى زيادة

يعنى مثلاً طريقة مشى الانسان تحدد شخصيته الى حد كبير

الشخص الهادئ تلاقى مشيته هادئة و خطواته ثايته ( فى الغالب )

أما الشخص الفوضوى تلاقيه ماشى يعفر و يخبط الطوب برجله


مثال تانى تسريحة الشعر

واحد عامل شعره spyky زى الخنافس كدة
ده له دلالة على شخصيته
أو واحد مطول شعره برضو لها دلالة

لكن الاختبارات دى بتزودها حبيتين تلاتة فى وصف الشخصية
و تحمّل الموضوع أكبر مما يحتمل

[Zeus]

و الله يا عزيزي عمرو أنا بتعجبني آرائك الصريحة و الجريئة طالما لم تجانب الصواب

بالنسبة لموضوع معرفة الشخصية من أي شيء فهو غير منطقي ، و لكن هناك تصرفات و حركات تكشف جانب من الشخصية و لكن الصعوبة الحقيقية في أن تعرف نفسك و تكشف عن شخصيتك

طريقة المشي أو طريقة تناول الطعام و بعض العادات اليومية و المفضلات تكشف جوانب من الشخصية و من الممكن أن يكشف الذوق الشخصي في إختيار الألوان مثلاً جانب من الشخصية

و لكن ليس إلى حد لون أزرار البدلة !

و من العجائب أيضاً الصفات اللتي تفرضها الأبراج الفلكية على من ينتمون إليها

[Zeus]

المشاركة الأصلية بواسطة نرجسية

مثال تانى تسريحة الشعر

واحد عامل شعره spyky زى الخنافس كدة
ده له دلالة على شخصيته
أو واحد مطول شعره برضو لها دلالة

لكن الاختبارات دى بتزودها حبيتين تلاتة فى وصف الشخصية

و تحمّل الموضوع أكبر مما يحتمل

و ماذا عن الأصلع ؟

[amr_miza1]

المشاركة الأصلية بواسطة Dr.Hammood

عاوز اعرف شخصيتي من طريقة اللعب في صوابع رجلي

مع العلم اني كل نص ساعه ب اعدهم

عندي احساس دايم ان في واحد ناقص

هههههههههههههه

بهزر اكيد يعني

مش كدب مدام انتم عارفين

ما علينا

الموضوع يا عمور ان دي عادات وثقافات

ومالهاش دعوه بالشخصيه

ما ممكن جدا واحد في امريكا يكون بيرد يقول هالو

وواحد في بريطانيا بيرد يقول هاي

والاتنين نفس الشخصيه

ملحوظه : ردي مالوش اي ريحة اللزمه

اصلا انت قلت كل حاجه وزنقتنا يا عم

ازاى ردك مالوش لازمة ماتقولش كدا يا دوك ..
وبعدين فعلا انا تقريبا موضح اوى الموضوع بس مش معنى كدا انك تتزنق فى الرد
انت واصل بجد للفكرة بأن اختلاف المصطلح مكان لآخر مش هو دا اللى هيحدد سمات الشخصية
شيء بديهى جدا ..

اه ماتنساش تشيّك على صوابعك قبل ما تنام ..

تسلملى حمووءى

[amr_miza1]

المشاركة الأصلية بواسطة نيهال

موروثات وحاجات الناس قد تكون اعتادت على البعض منها زى الابراج

يعنى لغايه دلوقتى نفسى استقر على حاجه معينه الاقيها بشخصيتى

بدايه من الابراج لحد عاداتنا وحركات معينه بنقوم بيها

وبالفعل عندى اقتناع مهم جدا
الا وهو..........

ان كل انسان بيتمتع بصفات دون الاخر.
ومش لازم اللى موجود ب فلان يكون بعلان

الفكرة بعلاقة التنجيم بأشياء مالهاش علاقة بالشخصية ومينفعش تحدد الشخصية
وبجد لو انسان مولود فى نفس يوم ميلادى فمش معنى كدا ان شخصياتنا متشابهة فى كل شيء

والا اصبح الانسان شيء جامد تحدده الأبراح والعلامات الفلكية

ردك صائب جدا يا نيهال

[ابتسامة الحياة]

من ناحية مواضيع اعرف شخصيتك
دى كترت جدااااااااااااااااا
تقريبا اى حاجة بتتعمل بقوا بيطلعوا عليها اعرف شخصيتك
وكله كلام فى كلام
لأن من الطبيعى ان بيكون رد فعل كل انسان حسب الموقف والحالة المزاجية الخاصة به بناء على ذلك يكون التصرف
لذا فكلها مواضيع للتسلية والفكاهة لا اكثر ولا أقل
موضوع جميل يا عمرو