الى عايز دعوته تستجاب (يدخل هنا بسرعه)

[جاسمن]

السلام عليكم ورحمه الله وبركاته
ازيكموا كلكوا


فى الاول عايزاكوا تدعوا ل(انا مصريه) جامد جامد ومن قلبكوا علشان هى عليها امتحانات الايام ديه


ثانيا . (انا مصريه ) ان شاء الله بعد ما تخلص امتحانات طلعه تحج باذن الله ( تمام )


هى بقه قبل ما تبدا الامتحانات قالتلى اعمل الموضوع ده علشان كل واحد من الاعضاء يكتب الدعوات الى هو عايز يوصلها هناك ومصريه تدعيلوا بيها ( تمام)

وانا طبعا هبدا

الف الف الف مبروك يارب يا يارا تكون حجه مبروكه ليكى ويارب ترجعى بالف سلامه
انا عايزاكى بقه تدعيلى (بالجنه ورضى الله والوالدين والستر والمغفره ) امين يارب العالمين


يلا يا جماعه الى عايز مصريه تدعيله يكتب هنا وهى ان شاء الله هتدخل بعد امتحاناتها وهتشوف الدعوات وهتدعلنا كلنا




ولكم جزيل الشكر



يارب تقبل

[mony cat]

حج مبارك ان شاء الله
ادعيلى ربنا يغفرلى كل زنوبى و يوفقنى واحقق احلامى
وابقى طمنينا عليكى وهتوحشينا موت

[BATISTA]

شكرا جاسمين على التوبك وجزاكى الله خيرا



يارا ربنا معاكى ويقويكى ويعدى الامتحانات على خير


ان شاء الله حج مبرور وذنب مغفور


وان شاء الله تدعى لنا بالهداية وحسن الختام والستر فوق الارض وتحت الارض

وان ربنا يحقق للكل شخص كل الى يتمناة





وشكرا على اللفتة الجميلة منك

[The Master]

حج مبرور وذنب مغفور ان شاء الله

ربنا يحقق لنا كل اللى بنتمناه يارب


اللهم ما امين

[eng_ali]

إدعي وقولي الهم أعز الإسلام أنصر المسلمين

[ابتسامة الحياة]

حج مبارك ان شاء الله
ادعى لكل المسلمين فى كل مكان
وادعيلى ربنا يهدينى ويقربنى ليه اكتر

[eme]

ربنا معاكي يايارا ويوفقك
ومبروك علي الحج
اناعيزاكي بس تدعي لجميع المسلمين بالهدايه ومعرفة طريقهم الصح

[ملكة الغرام]

اولا حج مبرور وذنب مغفور

يارب تدعيلى ان ربنا يوفقنى فى المتحانات وادخل كليه هندسه وربنا يغفرلى ذنوبى

[روميساء]

اولا ربنا يوفقك في امتحانك يا يارا والف مبروك علي الحج حجه مقبوله ان شاء الله وربنا يكتبهالنا زيك وادعيلنا بقي ربنا يغفر للمسلمين والمسلمات كلهم زنوبهم ويسكنهم الفردوس الاعلي ان شاء الله

[وائل المصري]

انا امي رايحه السنه دهه ايضا وتتشرف انها من احد اعضاء البعثه الرسميه لجمهوريه مصر العربيه.
يارب الكل يروح ويتغفرله زنبه ويرجعوا بالف سلامه.
اما فعن المصريه الي عايشه في السعوديه.
لها مني كل التحيه......علي بنت مصر الوفيه.........الغاليه المحترمه الذكيه........
من القاهره ولا المنوفيه ولا حتي الدقهليه........الي بنت مصر الغاليه تحج حجه هنيه.....
ويكون زنبها وزنوبنا مغفره وحجتنا مبروره ومقبوله.
اللهم امين.
وائل المصري.

[انا مصريه]

ياسلام مشكورة ياجاسمن

وانا هادعيلكم كلكم بالي عايزينه

[yasser_2002]

الف الف مبروك
بس الدعوة بتعتى
يارب انصر الاسلام واعز المسلمين
تحياتى لجاسمين ومصرية

[love_baby]

اشكرك يا جاسمين

يارا بجد هتوحشييينا اوى وهنفتقدك بس ان شاء الله تروحى وتيجى بالسلامه
ويا ريت تدعيلى بالهدايه والمغفرة

تحياتى للجميع....

[Dr.Hammood]

ادعيلي ربنا يخليكي

قولي ربنا يوفقك ويهديك يا محمد يا ابن طنط وفاء

[OSHOSH2050]

وانا وانا كمان عاوزه دعوه كبييييييييييييييره
ان ربنا يهدينى للصلاه ويدخلنى الجنه
ويحببنى فى خلقو زياده وزياده قولو اميييييييين
والف مبروك يا يارا انا فرحت ليكى والله انت غاليه اوى عندى وربنا يعلم
وربنا يتقبل منك يا رب