ما شعورك لو قال لك احد (اكرهك)

[دلوعة؟؟]

ما شعورك لو يقولك احد أكرهك ؟؟؟؟؟..


لو جاءك انسان فجأه وقال لك انه يكرهك ما هو موقفك ؟؟

موقف صعب صحيح اكيد منكم من يزعل ،،

أو يحقد على الانسان هذا،،

ومنكم من يستغرب او يستنكر او لا يصدق اللي سمعه ،،

وبعضكم يمكن يطنش الموضوع ولا يهتم به يكره يحب هو حر صح ؟؟

انت من أي فئه من هذي الفئات؟؟؟

و اذا كنت غير الفئات هذه، فالسؤال .........


هو ما شعورك نحو هذا الموقف ؟؟؟؟؟؟؟؟؟؟؟

[منة اللة]

بصراحة هقوله ربنا يسمحك
انت بتكرهنى بس انا مش هكرهك
شكرا على الموضوع

[Dr-Ayat]

ماعتقدش فيه حد هايقولي بكرهك كده من غير سبب!

يمكن انا اكون اتسببت فأذيته وفجرحه عن قصد او غير قصد

يمكن غيرة !!

فيه اسباب كتير ممكن خلي شخص يكره التاني ويقوله فوشه " بكرهك"

بس لو حصلت معايا اعتقد اني هدور عالسبب اللي خلاه يكرهني

واحاول اعالجه لو الخطأ مني واعتذر ,,, بس لو انا مش غلطانة

ولوحد بيكرهني كده من غير سبب هاقوله اتفلق فستين داهية شعور متبادل

هاعمله ايه يعني !

[الورد الجوري]

اهلا دلوعة
بمنتهى الصراحة
هبكي و مش هتكلم
مهما كانت اتهاماته ليا او مبرراته
لاني عمري مسعيت اكيد اني اكره حد و لا حد يكرهني

[amr_miza1]

معتقدش ان يوصل الحد لدرجة الكره والعياذ بالله

بس لو هو شاف انه كارهنى وانا كنت أخطأت للدرجادى ( وان شاء الله دا ميحصلش ) هعرف ليه ويمكن هو يكون فاهم غلط او سوء تفاهم

اما لو هو بيكرهنى لله فى لله كدا فهسكت ومش هتكلم !! وطالما انا شايف انى معملتش حاجة فى حقه فمش هزعل لان اهم حاجة فى الموقف دا هو ضميرى

وشكرا للموضوع

[دلوعة؟؟]

مرسي

[نيهال]

بصراحه
حبكى
لانه وصل للشعور ده تجاهى
وحزعل قوى من نفسى ان الامور وصلت بيه لكده

[AL-KING]

حقول له

طززززز فيك و بالناقص

يعني جات عليك الا لازم تحبني عشان اعيش

خصوصا اذا ماكان في سبب

اما اذا في سبب فساعتها لكل حادث حديث

[لحن الحياه]

صراحه
معنى ان الواحد يسمع كلمه بكرهك
هى كلمه صعبه اوى انها تتقال من اى شخص

[دلوعة؟؟]

شكرا على ردودكم الرائعة

اما انا عن نفسي لوحد قالى كدة هرد واقول وفرت وريحت مين قال انى عايزة حبك ولا انتى فاكرنى ميتة فيك

[وائل المصري]

مهو لو حد قال ليه انا بكرهك اكيد هناك سبب فمن الممكن ان نتناقش في الموضوع ممكن احله وممكن يكون متعصب فممكن اعتبه بعد ما يهدي وممكن يكون رخم ممكن اديله بالجزمه وممكن يكون اصلا بايخ علي العموم الموضوع كله مش مهم مدام مش بيحبني انا اعتبه ليه من الاساس.
وائل المصري.

[ابتسامة الحياة]

لو حد قاللى فى يوم انه بيكرهنى مش هيكون ليا اى تعليق عليه فى
وله وجهة نظره وعلى احترامها
وفى هذه الحالة هو لا يعنى لى اى شيئ
لانه بدأ (والبادى أظلم)
لكن بصراحة بعد ما اقعد لوحدى هبدأ افكر ليه هو وصل لمرحلة دى منى
قد لا يوجد سبب وهو مجرد نفس مريضة لديه
وقد يوجد سبب وده كل انسان ادرى به
بس استحالة هارجعله تانى ولو عمل ايه

[دلوعة؟؟]

بتعجبني جدا ردودكم
وشكرا عليها

[قلب الكنارى]

لو حد قالى انا بكرهك
ممكن اكره نفسى واموت فيها
انة وصلت حد للدرجة انة يقول بكرهك
الكره احد معانى الاحتقار
ربنا ما يكتبها علينا
لو حد كارهنى انا مش عايزة اعرف
ميرسى على موضوعك يا قمر
مستنايكى على الاميل

[Dr.Hammood]

يكرهني ليه انا عملت ايه

لو انا غلطت هحاول اصلح الغلط

احاول اعرف ليه يمكن استاهل فعلا

واحتمال ضعيف اضحك ضحك ساخره عشان ينهار لو يستاهل يعني

وبكده ممكن الموضوع يتطور لمد الايادي

وساعتها الله يرحمه بقى