الحمامات الذكيه بعد القريه الذكيه

[دقه قلب]

ههههههه
استاذ محمد
موضوعك جميل كعادة موضوعاتك

وياريت توصى الحاجة زكية علينا شوية

[محمدحسين]

المشاركة الأصلية بواسطة وائل المصري

في البدايه اود تقديم الشكر لسيادتكم علي الموضوع الجميل المفيد.
من الممكن ان يكون هناك من يحتاج الي مثل هذه الحمامات بالفعل بالطريق بدالا من دخول المساجد او دخول اي حمامات عموميه وايضا بيدفعوا كتير.
من وجهه نظري هي مفيده.
تقبل تحيات وائل المصري.

أنا لاأختلف فى حاجه المصريون الى حمامات
ولكن بدأ يظهر لنا حمامات تسمى سياحيه
وفى واحد موجود على طريق السويس بتعريفه جنيه
وبكره هيبقى عندنا
الحمامات الذكيه
والحمامات السياحيه
والحمامات الدبلوماسيه
وطبعا ده غير
الحمامات الفرعونيه
وحمامات كليوباترا
ويظهر البلد هتغرق من الحمامات
ومش بعيد تلاقى اعلان عن شقه لعظيم
تتكون من 4 حمامات وصاله
وبكره الحكومه الذكيه هتركب لنا حمامات ذكيه
فى البيوت من اجل ترشيد استهلاك المياه فى مصر
ويجعله عامر

[محمدحسين]

المشاركة الأصلية بواسطة amr_miza1

ايوا فعلا انا سمعت عن الحمامات دى وعرفت عنها معلومة مهمة جدا

هيا خاصية اتعملت منعا للاستغلال .. ازاى
حينما تدخل الحمام وتقضى حاجتك .. فبمجرد الخروج منه يغلق الباب ثو ينظف الحمام اتوماتيكيا بالمياه الساخنة و الفنيك والمنظفات الصناعية المختلفة
والتحذير هنا لأى فرد تسول له نفسه بأن يدخل الحمام بعد من يسبقه مباشرة .. مثلما يحدث فى بوابة المترو الاليكترونية .. علما بأنك لو دخلت مباشرة بهذه الطريقة .. ستستحم بالمياه الساخنه والفنيك .. الى جانب ان الباب مبرمج على الا يفتح لمدة دقيقتين .. يعنى هتتزنق ومش هتعرف تخرج الا بعد الدقيقتين ..

وطبعا تعيش الحكومة الرشيدة

شكرا يا اخ محمد على الموضوع تسلم ايدك

هههههههههههههههههههه
فكرتينى
زمان كان فى طالب فى الجامعه سافر فرنسا
يشتغل فى الصيف ولم يكن معاه فلوس وفى أول يوم
قرر ينام فى الحمام لانه كان بفرنك
وطبعا وماكنش يعرف موضوع الغسيل الذاتى
أوفر من اى سكن او أوتيل
وحصل معاه اللى أنت بتقولى عليه
ههههههههههههههههههههه

[محمدحسين]

المشاركة الأصلية بواسطة الخنساء

أخي محمد حسين

اسمحي لي أختلف معك .. فمشروع الحمامات العموميه هو بالفعل مشروع حضاري جدا
ويحتاجه الناس بشده .. فالكثير من مرضى السكر وغيرها من الأمراض يحتاجون لدخول
الحمامات أثناء تواجدهم خارج منازلهم .. وانظر تحت الكباري وفي الأماكن المنزويه لترى
آثار وتشم رائحه البول على الحوائط والجدران .. ثم أن الحمامات العموميه أصلا غير مجانيه
ولي أخ كان مسافر الى دمياط وفي المحطة بمصر دخل الحمام العمومي وناهيك عن القدارة
والعفونه وقد اضطر لقضاء حاجته في الحمام وعند خروجه ولأنه لم يدفع للحارس تشاجر معه
الحارس ولولا صوت أخي الجهوري واصراره على ألا يدفع ويصعد الأمر لمدير المحطة لحدث
مالايحمد عقباه لأخي من عمال المحطة .. الغريب أن المواطنين تعاطفوا مع حارس الحمام
وقالوا مش مشكلة أديله اللي فيه القسمه ..
علشان كده أنا شايفه مش مشكلة أبدا لو فيه حمامات محترمة تليق بنا كآدميين ولو ندفع
فيها رسوم ضمانا لاستمرار النظافة والحراسة
وبصراحة لو استثماريه يبقى أحسن لأني لاأثق في أي مشروع قطاع عام
ويجب اتخاد الاحتياطات اللازمة حتى لاتتم فيها أعمال منافية للآداب أو تصبح ملادا
للخارجين على القانون .
مع خالص تقديري واحترامي

أختك الخنساء

ماهو المشكله ياخنساء أن الناس هتقول لك
أذا كانت الحكومه عملت الحمامات بفلوس
وهيرفعوا الفزيته بتاعه الحمامات الخاصه
بحجه الى قادر يدفع واللى مايقدرش يخبط دماغه فى الحيط
تفتكرى لو واحد عامل مرتبه بسيط
وبيدخل الحمام عده مرات فى اليوم
يبقى هيصرف فلوسه على الحمامات
وبعدين الحمامات الخاصه اللى بدات تبقى ظاهره
هل عليها اشراف
هل تدفع ضرائب
لا طبعا
ليه
لان كل حاجه عندنا بقيت عشوائيه
وكل واحد بيعمل سبوبه على مزاجه
كأن البلد ماعدش لها صاحب
طيب ايه رايك لو صحينا الصبح
ولقينا كل الشوارع برسوم لرفع مستوى الخدمه فى الشوارع
وضريبه على المصريين تفرضها وزراه البيئه على الهوا
علشان
نحافظ على بيئه نظيفه
المواطن المصرى ياخنساء عايش بمرتب اشتراكى
وبيدفع سعر السلع على سعرالنظام الرأسمالى
وشكرا للحاجه ذكيه
ويجعله عامر

[محمدحسين]

المشاركة الأصلية بواسطة wael.galal

هههههههههههههههههه
والله حاجة تضحك في البلد ما يكفيها من مشاكل وهما بيدوروا علي الحمامات الذكية
اعتقد ديه اخر حاجة نفكر فيها إن كانت ذكية أوغبية

أسف البلد كده (علي شفا جرف هار)

لا ماهو الحمامات القديمه أسمها الغبيه
وكل المشاريع القديمه اسمها الغبيه
أما المشاريع الجديده بس هى الذكيه
وبكره هيبقى عندنا
الذكيه تو
على وزن نورماند تو

[Dr.Hammood]

احمدك يارب اخيرا حمامات زكيه

طب وزكيه تروح فين لما ناخد حماماتها

انا نفسي الحكومه تبطل الزكاء ده قبل ما انشل واروح بلاش

الله يخرب بيتك يا حسين

مين حسين ده

انا عارف بقى

[محمدحسين]

المشاركة الأصلية بواسطة دقه قلب

ههههههه
استاذ محمد
موضوعك جميل كعادة موضوعاتك

وياريت توصى الحاجة زكية علينا شوية

أولا منوره موضوعى ياباشمهندسه
وعايز اشوفك على طول منوره أبن مصر
أما الحاجه ذكيه فهى مش محتاج توصيه
وأصلا هى جايه على المصريين متوصيه
و علشان عيون الاستثمارات الاجنبيه
وعلشان التقدم والأصلاحات الأقتصاديه
فهى بالمصريين فى كل حته مضحيه
ولا عندها عطف ولاشفقه ولاحنيه
ونازله بيع فى البلد بالكيلو والوقيه
ومن اسوان لحد اسكندريه
بنقدم كلنا الشكر للحاجه ذكيه
اللى لبست المصريين السلطنيه

[نيهال]

فعلا شوفته
بس استغربت قوى من الموقف.مش علشان همه عايزين راحه الشعل لا سمح الله
ولكن لان الموضوع كان ليه الضجه دى
زى ضجه الاستاذ التك تك اللى مش اعرف اقول عليه غير انه مصيبه
لان اللى بيسوقه لا يتعدى ال14 سنه
شوفته فتره طويله فى عملى ومش عايزه اقوللك العربيه لم تسلم من خدشاته
لانه فجاه تلاقى الصرصار الجميل ده طلعلك من حيث لا تدرى ولا تعلم



ربنا يخليلنا عمو وكل اصحاب عمو


وعلى رايكم
ربنا يجعله عااااااااااااااااااامر

[محمدحسين]

المشاركة الأصلية بواسطة Dr.Hammood

احمدك يارب اخيرا حمامات زكيه

طب وزكيه تروح فين لما ناخد حماماتها

انا نفسي الحكومه تبطل الزكاء ده قبل ما انشل واروح بلاش

الله يخرب بيتك يا حسين

مين حسين ده

انا عارف بقى

قصدك السلطنيه أحمدك يارب
ماهو الحاجه ذكيه باعت حماماتها
وبكره كليوباترا هتبيع حماماتها
وبعد الشر عليك من اى حاجه وحشه
علشان كده الحاجه ذكيه هتخترع
الحبه الذكيه التى تمنع الضغط والعصبيه
من ردود الافعال على مشروعاتها الذكيه
وشكرا للحاجه ذكيه
ويجعله عامر

[محمدحسين]

المشاركة الأصلية بواسطة نيهال

فعلا شوفته
بس استغربت قوى من الموقف.مش علشان همه عايزين راحه الشعل لا سمح الله
ولكن لان الموضوع كان ليه الضجه دى
زى ضجه الاستاذ التك تك اللى مش اعرف اقول عليه غير انه مصيبه
لان اللى بيسوقه لا يتعدى ال14 سنه
شوفته فتره طويله فى عملى ومش عايزه اقوللك العربيه لم تسلم من خدشاته
لانه فجاه تلاقى الصرصار الجميل ده طلعلك من حيث لا تدرى ولا تعلم



ربنا يخليلنا عمو وكل اصحاب عمو


وعلى رايكم
ربنا يجعله عااااااااااااااااااامر

ماهو التوك توك يانهوله
أحدى مشاريع الحاجه ذكيه
التى تتباهى بها
وانها بتقلل من البطاله
ومع الحاجه ذكيه
مافيش مستحيل