الحمامات الذكيه بعد القريه الذكيه

[محمدحسين]

الحقيقه ضحكت امس بملئ قلبى وأنا استمع لخبر اذيع امس فى أحدى المحطات الفضائيه عن أنشاء حمامات فى الشوارع برسوم 50 قرش ورأى الناس فى الحمامات الجديده والمسماه الحمامات الذكيه وللاسف الناس كالعاده قالت ده مشروع جميل وياريت ينتشر فى كل ربوع مصر وأخرى تقول خليه ب25 قرش علشان الواحد لو راح الحمام كذا مره فى اليوم وكان ناقص يطلع علينا مسئول من أياهم يقول ان دى مش التكلفه الحقيقيه وان التكلفه الحقيقيه هى واحد جنيه وأن حكومه الحزب بتدعم كل زياره للحمام ب 50 قرش من اجل رفع المعاناه عن الشعب المصرى ربنا يكون فى عون حزبنا اللى مهتم جدا بمحدودى الدخل ولاينام من التفكير فى حل مشاكلهم
وطبعا حكومه الحزب الوطنى ستعلن فى مؤتمرها القادم ضمن أنجازته أنشاء الحمامات الذكيه التى قللت من البطاله فى مصر
وأن أنجازات الحزب لاتتوقف على ارض المحروسه فبعد مشروع القريه الذكيه
ومشروع المهبب اللى أسمه التوك توك والذى يريد الحزب تعديل اسمه الى المواصله الذكيه
فأن ثالث الانجازات هو أنشاء الحمامات الذكيه
وطبعا بكره هيخترع أحد اعضاء الحزب الشباشب الذكيه والتى يقوم الضباط بضرب المتهمين بها دون أن تترك أثار على أجسادهم
وبالنيابه عن الشعب المصرى بنشكر الحاجه ذكيه التى معها الشعب المصرى مش هيعرف يغمض عنيه
ويجعله عامر

[omarr]

اناشد الحاجه زكيه نصيره الفقراء بالنظر فى تسعيره الدخول فى فصل الشتاء نظرا للزياده الملحوظه
فى استعمال الحمام فى الشتاء مقارنه بالصيف ,مما سوف يثقل كاهل المواطن بأعباء اضافيه .

كما اناشد الحاجه زكيه ربنا يعمر بيتها انها تعمل كوبونات مخفضه للعاملين بقطاع الدوله والمعاشات لاتتعدى سعرها 30 قرش للمره الواحد


كما ارجو من الحاجه زكيه اعجوبه العصر ان يكون سعر تذكره الدخول شامل ضريبه الدخل وضريبه الخدمه و الضريبه العامه و الدمغات و سعر ورقه التذكره واكراميه عم بدوى والست سيده ام العيال

اتمنى ان الحاجه زكيه طويله العمر هاى هيء تعتمد تذكره مخفضه للمبوله فى حمام الرجال حيث
انه من غير المعقول وليس من الحكمه ان يدفع المواطن نفس القيمه وجميعنا يعلم ان ذلك مخالف
للقوانين الدوليه وتوجيهات منظمه اليونسكو و ويناقض روح المجتمع الدولى ويعكر صفوه .


فى النهايه اتوجه بالشكر الى كلا من الأمير ابو زيد الهلالى جسر العلبان و الحاجه زكيه رايس

و مصر كلها بتشرب شاى العروسه

تحياتى للأستاذ محمد حسين مشرف الموقع على الموضوع

[أدهم]

والله ياأستاذ محمد أنا شفت البرنامج وكدت أنفجر من الغيظ اللى نفسى أفهمه الناس ليه عامله كده بجد ليه الناس بتحسسنا إنها زى اللى خايفة من الميكرفون .. مش عارفين البلد حتفضل على كده لحد إمتى .. مفيش حكومة جت فى مصر عرفت تعمل دورات مياه عمومية محترمة ونظيفة مجانية فى كل مكان للناس .. وخرجوا علينا بمشروع إستثمارى .. ربنا يستر على الهوى يعملوه هوا ذكى

سمعت واحد فى جامعة عين شمس بيوصف الحمامات وصف بشع وبيقول ياريت تبقى بفلوس وبكده وضحت اللعبة زى الخصخصة .. إهمال وعدم صيانة وإنهيار فتمنى من الناس بالحل الصعب وقبوله من بسلامته الذكى .

[محمدحسين]

المشاركة الأصلية بواسطة omarr

اناشد الحاجه زكيه نصيره الفقراء بالنظر فى تسعيره الدخول فى فصل الشتاء نظرا للزياده الملحوظه
فى استعمال الحمام فى الشتاء مقارنه بالصيف ,مما سوف يثقل كاهل المواطن بأعباء اضافيه .

كما اناشد الحاجه زكيه ربنا يعمر بيتها انها تعمل كوبونات مخفضه للعاملين بقطاع الدوله والمعاشات لاتتعدى سعرها 30 قرش للمره الواحد


كما ارجو من الحاجه زكيه اعجوبه العصر ان يكون سعر تذكره الدخول شامل ضريبه الدخل وضريبه الخدمه و الضريبه العامه و الدمغات و سعر ورقه التذكره واكراميه عم بدوى والست سيده ام العيال

اتمنى ان الحاجه زكيه طويله العمر هاى هيء تعتمد تذكره مخفضه للمبوله فى حمام الرجال حيث
انه من غير المعقول وليس من الحكمه ان يدفع المواطن نفس القيمه وجميعنا يعلم ان ذلك مخالف
للقوانين الدوليه وتوجيهات منظمه اليونسكو و ويناقض روح المجتمع الدولى ويعكر صفوه .


فى النهايه اتوجه بالشكر الى كلا من الأمير ابو زيد الهلالى جسر العلبان و الحاجه زكيه رايس

و مصر كلها بتشرب شاى العروسه

تحياتى للأستاذ محمد حسين مشرف الموقع على الموضوع

حقيقى ياعمر بشكرك بالنيابه عن الحاجه زكيه نصيره الفقراء والتى تشكرك على أقتراحاتك والتى سيتم وضعها فى المضبطه بتاعتها
مش بس كده الحاجه زكيه وعدت بعمل رحلات جماعيه برسوم مخفضه للزيارات الجماعيه التى يزيد عددها عن 30 شخص فى وقت واحد
وكمان بتفكر فى زياده أعداد الحمامات لمنع الوقوف فى طوابير لمدد طويله
ومنع بيع التذاكر فى السوق السودا بأكثر من ثمنها
وفى دول كثير هتبعت وفود لزياره الحمامات الزكيه لنقل هذه الفكره العبقريه الى بلادهم
كما أثنى الأمين العام للأمم المتحده على مشروع الحمامات الزكيه وأثنى على شفافيه الحاجه زكيه فى علاج مشاكل مصر
أما الصندوق الدولى فقد اعلن رئيسه أن مشروع أنشاء الحمامات الزكيه على أرض مصر يعد مشروع عملاق سيساهم فى حل كثير من مشاكل المصريين وسيقلل من العجز فى الميزانيه كما دعا الى زياده ساعات العمل الى 24 ساعه من أجل زياده الايرادات
وأعلن رئيس منظمه العمل الدوليه أن المشروع من شأنه أن يقلل من أعداد الهجره الغير قانونيه من المصريين الى أوربا والدليل على ذلك هو عدم غرق أى مركب من ساعه أفتتاح الحمامات الزكيه
كما أعلنت وزيره القوى العامله أن مشروع الحمامات الزكيه سيوفر الالاف فرص العمل للشباب
أما السيد رئيس منظمه حقوق الأنسان المصريه فقد اعلن أن أنشاء الحمامات الزكيه يعد أحدى المحطات الهامه نحو أعاده حقوق المواطن فى مصر
ويجعله عامر ياعمر

[محمدحسين]

المشاركة الأصلية بواسطة أدهم

والله ياأستاذ محمد أنا شفت البرنامج وكدت أنفجر من الغيظ اللى نفسى أفهمه الناس ليه عامله كده بجد ليه الناس بتحسسنا إنها زى اللى خايفة من الميكرفون .. مش عارفين البلد حتفضل على كده لحد إمتى .. مفيش حكومة جت فى مصر عرفت تعمل دورات مياه عمومية محترمة ونظيفة مجانية فى كل مكان للناس .. وخرجوا علينا بمشروع إستثمارى .. ربنا يستر على الهوى يعملوه هوا ذكى

سمعت واحد فى جامعة عين شمس بيوصف الحمامات وصف بشع وبيقول ياريت تبقى بفلوس وبكده وضحت اللعبة زى الخصخصة .. إهمال وعدم صيانة وإنهيار فتمنى من الناس بالحل الصعب وقبوله من بسلامته الذكى .

[QUOTE]مفيش حكومة جت فى مصر عرفت تعمل دورات مياه عمومية محترمة ونظيفة مجانية فى كل مكان للناس [/quote]
أنت ناسى أننا فى عهد حكومه نظيف

وضحت اللعبة زى الخصخصة

وطبعا المستثمر الاجنبى موجود
ماتقلقش الحاجه زكيه
مش هتسيب مشكله الا لما تحلها سواء بالحل العشوائى أو بالبيع لمستثمر أجنبى

[hend]

ايييييييييييييييه

انتوا عاوزين ايه من الحاجه زكيه اكتر من اللى عملته لكم
ياناكرين الجميل
مش انتوا كل مشاكلكم محلوله والحمدلله
وفى ركب التقدم والمهلبيه
مش الحاجه زكيه دى رائدة التقهقروالاذهار فى مصر وكمان مؤسسة نهضة مصر الحديثه"حيث نهضت مصر من فوق الهرم وجلست تحت فى احد البالوعات المفتوحه -الظاهر حد سرق الغطا- "
بس ده مايمنعشى ان الحاجه زكيه ممكن بعد كده تعمل كوبرى واللى يعدى من عليه يدفع رسوم
وكمان ممكن تعمل مشروع صيد حيتان فى نهر النيل- مع انه مفيش حيتان فيه -
وممكن تعبى الهوا فى ازايز وكل ده من اجل راحة المواطن المعذب

[محمدحسين]

المشاركة الأصلية بواسطة hend

ايييييييييييييييه

انتوا عاوزين ايه من الحاجه زكيه اكتر من اللى عملته لكم
ياناكرين الجميل
مش انتوا كل مشاكلكم محلوله والحمدلله
وفى ركب التقدم والمهلبيه
مش الحاجه زكيه دى رائدة التقهقروالاذهار فى مصر وكمان مؤسسة نهضة مصر الحديثه"حيث نهضت مصر من فوق الهرم وجلست تحت فى احد البالوعات المفتوحه -الظاهر حد سرق الغطا- "
بس ده مايمنعشى ان الحاجه زكيه ممكن بعد كده تعمل كوبرى واللى يعدى من عليه يدفع رسوم
وكمان ممكن تعمل مشروع صيد حيتان فى نهر النيل- مع انه مفيش حيتان فيه -
وممكن تعبى الهوا فى ازايز وكل ده من اجل راحة المواطن المعذب

أهلا ياهند
لا ياهند الحاجه زكيه بتترك البلوعات مفتوحه كنوع من الشفافيه التى تتبعها فى كل المجالات
وبعدين الحاجه زكيه بتطور الطرق السريعه بنظام البى أو تى لمستثمرين وهيزودوا الرسوم
الحاجه زكيه بتفكر فى كل شئ يسحب فلوس من الغلابه
ويجعله عامر

[omarr]

ا ستاذ محمد حسين اشكرك على سعه قلبك و قبولك لمرورى فى موضوعك ..

اكرر شكرى واحترامى

[DEW]

كفاية ذكاء بقي

[وائل المصري]

في البدايه اود تقديم الشكر لسيادتكم علي الموضوع الجميل المفيد.
من الممكن ان يكون هناك من يحتاج الي مثل هذه الحمامات بالفعل بالطريق بدالا من دخول المساجد او دخول اي حمامات عموميه وايضا بيدفعوا كتير.
من وجهه نظري هي مفيده.
تقبل تحيات وائل المصري.

[amr_miza1]

ايوا فعلا انا سمعت عن الحمامات دى وعرفت عنها معلومة مهمة جدا

هيا خاصية اتعملت منعا للاستغلال .. ازاى
حينما تدخل الحمام وتقضى حاجتك .. فبمجرد الخروج منه يغلق الباب ثو ينظف الحمام اتوماتيكيا بالمياه الساخنة و الفنيك والمنظفات الصناعية المختلفة
والتحذير هنا لأى فرد تسول له نفسه بأن يدخل الحمام بعد من يسبقه مباشرة .. مثلما يحدث فى بوابة المترو الاليكترونية .. علما بأنك لو دخلت مباشرة بهذه الطريقة .. ستستحم بالمياه الساخنه والفنيك .. الى جانب ان الباب مبرمج على الا يفتح لمدة دقيقتين .. يعنى هتتزنق ومش هتعرف تخرج الا بعد الدقيقتين ..

وطبعا تعيش الحكومة الرشيدة

شكرا يا اخ محمد على الموضوع تسلم ايدك

[محمدحسين]

المشاركة الأصلية بواسطة omarr

ا ستاذ محمد حسين اشكرك على سعه قلبك و قبولك لمرورى فى موضوعك ..

اكرر شكرى واحترامى

أبدا أنا بستمتع بوجودك ياعمر وبخفه ظلك
وبعدين ماهو الحاجه زكيه لك فيها زى مالى
والا ايه
ههههههههههههه

[محمدحسين]

المشاركة الأصلية بواسطة DEW

كفاية ذكاء بقي

أزاى هنروح فين من ذكاء حكومتنا الذكيه

[الخنساء]

أخي محمد حسين
اسمحي لي أختلف معك .. فمشروع الحمامات العموميه هو بالفعل مشروع حضاري جدا
ويحتاجه الناس بشده .. فالكثير من مرضى السكر وغيرها من الأمراض يحتاجون لدخول
الحمامات أثناء تواجدهم خارج منازلهم .. وانظر تحت الكباري وفي الأماكن المنزويه لترى
آثار وتشم رائحه البول على الحوائط والجدران .. ثم أن الحمامات العموميه أصلا غير مجانيه
ولي أخ كان مسافر الى دمياط وفي المحطة بمصر دخل الحمام العمومي وناهيك عن القدارة
والعفونه وقد اضطر لقضاء حاجته في الحمام وعند خروجه ولأنه لم يدفع للحارس تشاجر معه
الحارس ولولا صوت أخي الجهوري واصراره على ألا يدفع ويصعد الأمر لمدير المحطة لحدث
مالايحمد عقباه لأخي من عمال المحطة .. الغريب أن المواطنين تعاطفوا مع حارس الحمام
وقالوا مش مشكلة أديله اللي فيه القسمه ..
علشان كده أنا شايفه مش مشكلة أبدا لو فيه حمامات محترمة تليق بنا كآدميين ولو ندفع
فيها رسوم ضمانا لاستمرار النظافة والحراسة
وبصراحة لو استثماريه يبقى أحسن لأني لاأثق في أي مشروع قطاع عام
ويجب اتخاد الاحتياطات اللازمة حتى لاتتم فيها أعمال منافية للآداب أو تصبح ملادا
للخارجين على القانون .
مع خالص تقديري واحترامي
أختك الخنساء

[wael.galal]

هههههههههههههههههه
والله حاجة تضحك في البلد ما يكفيها من مشاكل وهما بيدوروا علي الحمامات الذكية
اعتقد ديه اخر حاجة نفكر فيها إن كانت ذكية أوغبية

أسف البلد كده (علي شفا جرف هار)