فيلا لمحدودى الدخل عش زوجيه عز وشهيناز ؟؟؟

[محمدحسين]

ذكرت تسريبات صحفية أن عش الزوجية الذي سيكون مستقرا لأشهر زواج سياسي اقتصادي في تاريخ مصر المعاصر "زواج أحمد عز وشاهيناز النجار" عبارة عن فيلا ببرج الفورسيزونز سعرها 40 مليون جنيه اشتراها أمين تنظيم الحزب الوطني ومحتكر حديد مصر أحمد عز ..عز يملك شقة بنفس البرج تفوق مساحتها 700 مترا سعرها 20 مليون جنيه كما أن شاهيناز تملك هي الأخرى شقة بنفس البرج سعرها 15 مليون جنيه
تعليق بسيط
بيقولك خلصوا فلوسهم على الشقه
ومحتاجين منحه من حكومه الحزب الوطنى علشان يكملوا الشقه ويعملوا مشروع صغير للأولاد بقد كام مليار...

[hend]

يدوبك


يعنى خلاص هتقروا على الراجل
ماهو احنا اللى خلناه يشترى بالمبلغ الصغير ده

عموما مفيش مشكله ماهو هيزود سعر الحديد علشان يعوض

[آيزيس]

يا جماعة بيجيلي حساسية من الأرقام دي

أرحموني

الناس في الشارع بتتخانق على سعر رغيف العيش

من بكرة هارشح نفسي في مجلس الشعب

[شاعــ الليل ــر]

مش حرام

الراجل معملش حاجة غلط
يعني أيه مبلغ زي ده
ولا حاجة
ده لو رفع سعر الحديد في مصر جنيه واحد بس
يدخلولوا في يوم
لا في ساعة
لا ممكن عقبال ما يقفل سماعة التلفون اللي بلغ فيه الزيادة يكونوا في رصيده في البنك

يعني ولا حاجة
ظلمتوا الراجل

[وائل المصري]

اولا مش احمد عز الي بيزود سعر الحديد.
ثانيا ايه المشكله انه يشتري اي شيئ ما دام ربنا فتحها عليه.
ثالثا رئيس حزب الوفد السابق يمتلك عقار داخل محافظه الاسكندريه باكثر من 52مليار جنيه مصري فقط.
اه ده مش من الحزب الوطني.
والبقيا تاتي( ولا حولا ولا قوه الا بالله.)
تقبل مروري.
وائل المصري.

[نيهال]

معذره للتاخير محمد
لانى قريت الموضوع ونسيت ارد عليه
مش كنت اعرف هيه حتتجوز مين
اللى لفت نظرى ازاى ممكن تتجوزه.......اللى سمعته فى دايرتها انها خدومه وست بميت راجل زى ما بيقولوا
فازاى ترتبط بعمو احمد عز الرجل الثالث فى مصر؟


ده غير الملايين اللى سمعاها رايحه جايه منغير لازمه وعم خميس مش لاقى يعالج بنته ب 50 الف