تخيل

[Genius Of Gangs]

السلام عليكم ورحمة الله وبركاته

انا جت في بالي فكرة كده هي يمكن هايفة او خيالية بس هي جت في بالي من كتر المرمطة اليومين دول

انا بمنتهى البساطة اليومين ال فاتوا دول كنت بنزل القاهرة كتير عشان اخلص ورق لشغلي

المشكلة اني معرفش في القاهرة إلا الاماكن ال انا متعود اروحها كل ما انزلها وهي دي ال انا حافظها واعرف امشي فيها

اليومين دول بقى نزلت اماكن كتير جدا

الفكرة بقى عشان انجزكم تخيلو معاي لو في محطات المترو مثلا او مواقف الاوتوبيسات زي ادلة مكتوب فيها ارقام الاوتوبيسات والمني باصات والميكروباصات وجنبها الأماكن البتروحها

تخيل كمية التوفير في الوقت والاستفادة من تحديد الاتجاهات وتبقى عارف انت رايح فين وازاي

طب معلش عشان انا زهقان وطالع عيني هسرح بتخيلي شوية وهقول يسلام بقى كمان لو بخصوص المواصلات الحكومية يحطوا جنبها المواعيد

يعني تبقى عارف كل اد ايه هيعدي الرقم الفلاني ال هيروح المكان الفلاني

او اي رقم تاني بس هيعدي على المكان ده

ويسلام بقى لو كل مكان ليه عدد من المواصلات لا بأس به توفيرا لقتل الناس بعضهم بعضا عشان يركبوا العربيه اليتيمة البتظهر لهم فجأة وهتروح المكان ال هما عايزينه او مروحين له

التخيلات ال انا قلتها دي انا فكرت اعرضها كحل تاني ممكن يقبل النقاش في يوم من الايام

صراحة انا اول فكرة كانت جت في بالي ان اليتوزع ويتحط في كل حته هي خريطة القاهرة

والقاهرة الاهم لان فيها كل مصالح الدولة وكل مؤسساتها(غير انها من كبرها في ناس كتير من اهلها مش حفظنها كلها فتلاقي كل واحد بيفتي)

وبعدين كخطوة تانية نبقى نحط في كل بلد خرائطها الخاصة بيها ( زي الغرب يعني)

ولو حكايه التوزيع هي المشكلة في الفكرتين خلاص ممكن تتباع بس بتمن الكل يقدر عليه وتبقى خريطة واضحة مش طلاسم ال حاططها نفسه ميعرفش منها حاجة

اقول لكم حاجة ممكن تكون طريفة المرة الفاتت ليا في البهدلة من كتر ما لفيت على الفاضي ( 6 ساعات من غير ما اخلص ورقة واحدة ) وكله بسبب ارشادات الناس ليا لفيت مصر كلها على الفاضي

لما رجعت اول حاجة عملتها لما دخلت البيت فتحت جوجل مابس وجوجل العادي وبدأت اعمل سيرش على خرائط القاهرة وادور في المنتديات

وفعلا دخلت طلبتها في منتديات وهفضل وراها لغاية لما اجيبها

المرحلة الجاية هتبقى جوجل ايرث انا وراها وراها اصلي كنت مغلول صراحة

والنهاردة وانا والله لسة راجع حالا (بس بعد مااتفسحت شوية) رجعت بفكرة دليل الاوتوبيسات

يعني باسم الله ما شاء الله مصر ولادة كل لما تروح ترجع بفكرة

فانتم بكل بساطة كدة تخيلوا على نطاق واسع لو في في المواقف خرائط مفصلة (ومش لازم تفصيل دقيق يعني) ومعاها دليل للمواصلات وارقامها واماكنها

وعدد المواصلات لا بأس به زي ما اتفقنا فمفيش الزحمة الرهيبة جدا ال في الاتوبيسات خاصة دي باقي المواصلات زحمتها معقولة باستثناء قتل الاخرين للركوب

معلش انا عارف ان الموضوع طول اوي بس بدل ما اعمل موضوع تاني استغلها فرصة وانتم مقضينها تخيل كده

تخيلوا لو كانت نصف محافظات الجمهورية حظت بنصف الإهتمام الذي حظت به القاهرة

ويسلام بقى لو كانت السفارات والقنصليات والوزارات وكبار الشركات والمؤسسات والجامعات والمصالح الحكومية اتوزعت على مدن الجمهورية او على نصف المدن او اهمها

تخيلو نسبة الإزدهار ال كانت هتحصل عليه المدن دي وكانت الحضارة هتلاقي في كل بلد نصيب وممكن بسهولة اي واحدة تبقى مدينه سياحية وهتبقى اي مدينة منهم قابلة لاي فكرة حضارية

والزحمة هتتوزع على بلاد كتير فمش هتبان ومحدش هيحس بالزحمة دي والبلد كلها لازم تكون نظيفة لانك على الاقل هتلاقي في كل محافظة مسئول كبير او احدى السفارات فلازم الدنيا تكون نظيفة

في حاجات ممكن تتعمل بسيطة على اجزاء رغم سعتها زي موضوع الاوتوبيسات ده

يعني مثلا ( انا بقول مثلا) لو في منتدى من المنتديات جه كل واحد عنده معلومات عن عدد من الاوتوبيسات يحطها شوف بقى كام واحد هيشارك فهيبقى عندك كام معلومة عن كام اتوبيس واماكنهم وده عمل اشخاص في منتدى واحد فضلا عن اكتر من منتدى

شوفت مجرد تخيل عمل افراد في منتدى او منتديات ممكن تلخص قد ايه تخيل بقى ( معلش رجعنا للتخيل تاني) لو ده عمل حكومي منظم وبقدرات الحكومة ووسائلها هيبقى الموضوع سهل

انا عارف ان الكلام مش مرتب وكل شوية اطلع بحاجة بس معلش ابقوا رتبوا انتم بقى وانتم بتتخيلوا

بعد التطويل ده كله انا اسف جدا جدا عليه

ثانيا انا مش عايز منكم رد ولا حاجة انا بس عايزكم تقعدوا تتخيلوا كل الحاجات دي حاجة حاجة وعيشوا بقى

[دلوعة؟؟]

الله يا ريت بجد زى ما بتتخيل يحصل كدة نفسي ومنا عينى

وخصوصا قبل ما انزل الجامعة عشان متعبشى السنة الجاية في المواصلات يارب

وشكرا على موضوعك الرائع ونتمنى المزيد

[mamdou7]

أستاذي العبقري
اهلا وسهلا بيك في منتدي ابن مصر واحييك علي التخيلات البنائة الجميلة دي بس انا عندي تعقيب بسيط
بالنسبة لموضوع الخرائط هي موجودة بالفعل لو رحت لهيئة المساحة هتلاقي خرائط لاي مكان انت عايزه في مصر وبفلوس طبعا بس مفتكرش انها رمزية
بالنسبة لموضوع دليل الاتوبيسات ده فهو فكرة كويسة بس الكلام ده سيدي لما مواعيد الاتوبيسات دي تتظبط الاول ولما السواقين يحترموا نفسهم لان فيهم كتير بيختصر المسافة وفيهم اللي بيمشي من طريق غير طريقه خالص وتيجي تكلمه يقولك ان كان عاجبك
ممكن برضه الموضوع ده ينفع لما المرور في مصر يتعدل لان لما الاتوبيس يقف في اشارة مثلا ساعة ولا حاجة وتيجي عايزهم يعملولك مواعيد .....طب ازاي؟
ممكن الموضوع ده ينفع لما الناس تحس بالمسئولية ويبقي عندها ضمير شوية وعارفة يعني ايه نظام
هنا في الامارت تدخل موقف الاتوبيسات تلاقي مثلا 50 واحد واقفين مستنيين اتوبيس معين ..... تلاقيهم واقفين مستنينوا في المكان اللي هيقف فيه وكلهم صف واحد الاتوبيس يدخل الموقف تلاقي واحد واحد بيركب مش غنم هيموتوا بعض علشان يحلقوا كرسي
بس في االاخر برضه التخيلات حلوة يعني

[حنين مصر]

مرسي عالموضوع ويا ريت ما يكونش بس خيال عشان لو نزلت مصر تاني مش عيزا اتوه حاكم المرة الاولى كان وقتنا بيضيع والسبب ان الشوارع كبيرة والزحمى بتوه المهم ياريت الخيال يبقى حقيقى

[Genius Of Gangs]

اولا قبل اي حاجة انا عايز اشكركم على التخيل وسعيد جدا انه عجبكم والله

بس mamdou7 جه فوقني من التخيلات والله ضحكت وانا بقرأ ردك بس انا فعليا مش عندي اي امل ان حاجة من دي تتحقق عشان زي ما انت قلت يا ممدوح المشاكل بالهبل

بس انا كنت بقول الفكرة من الكبت بس فقلت اهي فكرة تتقال على الاقل نهدي بيها اعصابنا ويمكن في يوم تتحقق ( انا قلت يمكن)

وعشان لما حنين مصر تنزل تاني متوهش ولما الدلوعة تنزل الجامعة افضل حاجة ممكن اعملها لكم

ط§ظ„ط¨ظˆط§ط¨ط© ط§ظ„ط§ظ„ظƒطھط±ظˆظ†ظٹط© ظ„ظ…ط*ط§ظپط¸ط© ط§ظ„ظ‚ط§ظ‡ط±ط© - ط®ط±ط§ط¦ط· ط§ظ„ظ‚ط§ظ‡ط±ط© دي خريطة القاهرة وكل لما تضغطوا على جزء هيتفرع لكم

وده الجزء ال عرفت اجيبه ويعتبر كحل مؤقت لغاية لما التافكار تتنفذ

[حنين مصر]

مساء الخير مرسي ليك اوي اوي اروح من ذوق اهل مصر فين ياربي
ياريت نلاقي خريطة لشوارع وسط البلد قريبا" حاكم انا وحدا من المليون العاشق لمصر تقبل مروري ورغي الكتير

[amr_miza1]

Genius Of Gangs

انت عندك حق .. ولو اقتراحك دا اتعمل هتبقى حاجة كويسة اوى

وخصوصا ان الحكومة .. يا فرحتى .. عاوزيم يخلوها اليكترونية .. يعنى تدخل النت وتدفع فاتورة الكهربا بالفيزا .. حاجة تحفة فعلا
مش لاقيين يأكلوا الشعب وعاوزين يعملوا حكومة اليكترونية

شكرا يا استاذ على فكرتك وموضوعك . . هيا الامانى ممكنة ولكن فى بلد عندة استعداد للتحضر

[برديس]

على فكره يا جماعه
كروت ميناتل عليها كل الحجات الى انتو بتتخيلوها
هى مش كل القاهره بس فى خريطه لمناطق كتير من القاهره
وكمان ارقام الاوتبيس الرقم ده رايح فين
انا معرفش بتنزل دلوقتى ولا لا بس كانت موجوده من سنه
انا عندى منها

[ايمان تريكة]

التخيل شئ مطلوب وفي بعض الاحيان بيتحقق وكل اللي انت قولته لازم عشان يتحقق يوجد نظام كامل في كل شئ والنظام ده بدوره سينتقل للطرق بس انا عايزة اقول ان مصرجميلة وهي ام الدول العربية اه لازم نعترف ببعض الاهمال بس مصر حتفضل هي مصر ام الدنيا وبلاش نقارن بلدنا بحد اي واحد يتمني يبقي مصري مصر دايما بخير