تخيل

[Genius Of Gangs]

السلام عليكم ورحمة الله وبركاته

انا جت في بالي فكرة كده هي يمكن هايفة او خيالية بس هي جت في بالي من كتر المرمطة اليومين دول

انا بمنتهى البساطة اليومين ال فاتوا دول كنت بنزل القاهرة كتير عشان اخلص ورق لشغلي

المشكلة اني معرفش في القاهرة إلا الاماكن ال انا متعود اروحها كل ما انزلها وهي دي ال انا حافظها واعرف امشي فيها

اليومين دول بقى نزلت اماكن كتير جدا

الفكرة بقى عشان انجزكم تخيلو معاي لو في محطات المترو مثلا او مواقف الاوتوبيسات زي ادلة مكتوب فيها ارقام الاوتوبيسات والمني باصات والميكروباصات وجنبها الأماكن البتروحها

تخيل كمية التوفير في الوقت والاستفادة من تحديد الاتجاهات وتبقى عارف انت رايح فين وازاي

طب معلش عشان انا زهقان وطالع عيني هسرح بتخيلي شوية وهقول يسلام بقى كمان لو بخصوص المواصلات الحكومية يحطوا جنبها المواعيد

يعني تبقى عارف كل اد ايه هيعدي الرقم الفلاني ال هيروح المكان الفلاني

او اي رقم تاني بس هيعدي على المكان ده

ويسلام بقى لو كل مكان ليه عدد من المواصلات لا بأس به توفيرا لقتل الناس بعضهم بعضا عشان يركبوا العربيه اليتيمة البتظهر لهم فجأة وهتروح المكان ال هما عايزينه او مروحين له

التخيلات ال انا قلتها دي انا فكرت اعرضها كحل تاني ممكن يقبل النقاش في يوم من الايام

صراحة انا اول فكرة كانت جت في بالي ان اليتوزع ويتحط في كل حته هي خريطة القاهرة

والقاهرة الاهم لان فيها كل مصالح الدولة وكل مؤسساتها(غير انها من كبرها في ناس كتير من اهلها مش حفظنها كلها فتلاقي كل واحد بيفتي)

وبعدين كخطوة تانية نبقى نحط في كل بلد خرائطها الخاصة بيها ( زي الغرب يعني)

ولو حكايه التوزيع هي المشكلة في الفكرتين خلاص ممكن تتباع بس بتمن الكل يقدر عليه وتبقى خريطة واضحة مش طلاسم ال حاططها نفسه ميعرفش منها حاجة

اقول لكم حاجة ممكن تكون طريفة المرة الفاتت ليا في البهدلة من كتر ما لفيت على الفاضي ( 6 ساعات من غير ما اخلص ورقة واحدة ) وكله بسبب ارشادات الناس ليا لفيت مصر كلها على الفاضي

لما رجعت اول حاجة عملتها لما دخلت البيت فتحت جوجل مابس وجوجل العادي وبدأت اعمل سيرش على خرائط القاهرة وادور في المنتديات

وفعلا دخلت طلبتها في منتديات وهفضل وراها لغاية لما اجيبها

المرحلة الجاية هتبقى جوجل ايرث انا وراها وراها اصلي كنت مغلول صراحة

والنهاردة وانا والله لسة راجع حالا (بس بعد مااتفسحت شوية) رجعت بفكرة دليل الاوتوبيسات

يعني باسم الله ما شاء الله مصر ولادة كل لما تروح ترجع بفكرة

فانتم بكل بساطة كدة تخيلوا على نطاق واسع لو في في المواقف خرائط مفصلة (ومش لازم تفصيل دقيق يعني) ومعاها دليل للمواصلات وارقامها واماكنها

وعدد المواصلات لا بأس به زي ما اتفقنا فمفيش الزحمة الرهيبة جدا ال في الاتوبيسات خاصة دي باقي المواصلات زحمتها معقولة باستثناء قتل الاخرين للركوب

معلش انا عارف ان الموضوع طول اوي بس بدل ما اعمل موضوع تاني استغلها فرصة وانتم مقضينها تخيل كده

تخيلوا لو كانت نصف محافظات الجمهورية حظت بنصف الإهتمام الذي حظت به القاهرة

ويسلام بقى لو كانت السفارات والقنصليات والوزارات وكبار الشركات والمؤسسات والجامعات والمصالح الحكومية اتوزعت على مدن الجمهورية او على نصف المدن او اهمها

تخيلو نسبة الإزدهار ال كانت هتحصل عليه المدن دي وكانت الحضارة هتلاقي في كل بلد نصيب وممكن بسهولة اي واحدة تبقى مدينه سياحية وهتبقى اي مدينة منهم قابلة لاي فكرة حضارية

والزحمة هتتوزع على بلاد كتير فمش هتبان ومحدش هيحس بالزحمة دي والبلد كلها لازم تكون نظيفة لانك على الاقل هتلاقي في كل محافظة مسئول كبير او احدى السفارات فلازم الدنيا تكون نظيفة

في حاجات ممكن تتعمل بسيطة على اجزاء رغم سعتها زي موضوع الاوتوبيسات ده

يعني مثلا ( انا بقول مثلا) لو في منتدى من المنتديات جه كل واحد عنده معلومات عن عدد من الاوتوبيسات يحطها شوف بقى كام واحد هيشارك فهيبقى عندك كام معلومة عن كام اتوبيس واماكنهم وده عمل اشخاص في منتدى واحد فضلا عن اكتر من منتدى

شوفت مجرد تخيل عمل افراد في منتدى او منتديات ممكن تلخص قد ايه تخيل بقى ( معلش رجعنا للتخيل تاني) لو ده عمل حكومي منظم وبقدرات الحكومة ووسائلها هيبقى الموضوع سهل


انا عارف ان الكلام مش مرتب وكل شوية اطلع بحاجة بس معلش ابقوا رتبوا انتم بقى وانتم بتتخيلوا

بعد التطويل ده كله انا اسف جدا جدا عليه

ثانيا انا مش عايز منكم رد ولا حاجة انا بس عايزكم تقعدوا تتخيلوا كل الحاجات دي حاجة حاجة وعيشوا بقى

[شاعــ الليل ــر]

يا عم تاعب نفسك ليه

هما مش بيقولوا حيعملوا عاصمة جديدة


يعني بيقولولك بالعربي أنسي القاهرة
وأنسي مصر كلها

[rehab89]

كل التخيلات دى حلوة جدا وةمفيدة كمان بس مش فى مصر ... اصل لو عملنا كده مانبقاش فى مصر

[Genius Of Gangs]

عارف والله ان الكلام ده مش في مصر وان حتى التفكير ممنوع بس على عكس شاعر الليل ما قال

انا مش تاعب نفسي ولا حاجة انا الافكار جت لوحدها من الزهق اصل الواحد متعود ينزل القاهرة يتفسح ويعيش يومين

فلما نزلت اتعامل بقى في ورق وشغل وكده شوفت المأساة بعيني فجت التخيلات وقتي تقدر تقول كده

جت حل ايجابي بعيش نفسي فيه عشان متجننش يهني حولت الزهق والنرفزة(طاقة سلبية) لافكار ولو حتى تخيلات ( طاقة ايجابية)

عارف هتقول ايه ياعم الهرد ال بتقوله ده بس بقول يعني اني مكتبتش الكلام ده عشان نفسي يتحقق عشان في مصر قدامه ولا ميت سنة ولو اتحقق مش هلحق اشوفه عشان ان شاء الله هكون سافرت لبلاد فيها الكلام ده اصلا

وهبقى عملت بنصيحتك ونسيت مصر كلها

على فكرة انا لقيت خريطة للقاهرة بس على النت وكل لما تضغط على مكان هيتوسع لك فيه ويبين لك طرقه واللينك اهو ط§ظ„ط¨ظˆط§ط¨ط© ط§ظ„ط§ظ„ظƒطھط±ظˆظ†ظٹط© ظ„ظ…ط*ط§ظپط¸ط© ط§ظ„ظ‚ط§ظ‡ط±ط© - ط®ط±ط§ط¦ط· ط§ظ„ظ‚ط§ظ‡ط±ط©