عيب اوى علينا كده .....تيجوا نصلح ونبنى ونعمل الصح ولو مرة فى حياتنا ؟؟؟؟؟؟

[اميرة الجزيرة]

بسم الله الرحمن الرحيم
اخوتى فى الله
السلام عليكم ورحمة الله وبركاته
حملة شعارها نساعد الناس الفقيرة

طبعا كلكو دلوقتى بدأتوا تحسوا بالبرد اللى داخل علينا السنة دى بكل قوته وأكيد محضرين ايه حنلبسو في الشتاء

تخيلو بقى فى الجو البرد دا فى ناس تانية بتشيل هم السقيع لما الشتا يدخل عليها هتتصرف ازاى!! ...الحر مهما كان بيقدروا يستحملوه لكن هيستحملوا البرد ازاى من غير مايكون عندهم ملابس تدفيهم


احسساكم ايه بقى لما تكونوا انتوا عايشين فى الدفا وهما بيحلموا بيه ومش طايلينه أكيد هيصعبوا عليكم مش كدا؟؟
وأكيد مش هتسيبوهم للبرد

وعلشان كدا شاركونا فى مشروع جمع الملابس2007/2008 ...
اما بالمشاركة المادية او بالتبرع بالملابس القديمة الي عندكم
ومتنسوش حديث النبى صلى الله عليه وسلم:
" إن لله عباداً اختصهم بقضاء حوائج الناس ، حببهم فى الخير وحبب الخير إليهم هم الآمنون يوم القيامة" متفق عليه
وإن شاء الله نحتسب كل من يشارك فى هذه الحملة ممن يقضون حوائج الناس


الامر لن يكلفك ابدا اى شئ
اطلاقا
احنا بنصرف قليل ل وكتير
واكيد كلنا جوانا الخير
واكيد انت نفسك لما تكون فى الشارع وتشوف حد فقير او ولد صغير ماشى فى الشارع حالته يرثى لها بتكون هاين عليك تروح تأخده او تعمل له اى حاجة تقدر تساعده

تعالوا يا جماعة نعمل خير ولو مرة واحدة فى حياتنا
الشتاء خلاص تقريبا دخل علشان كده لازم نسرع شوية
لعل الله يرحمنا بهذا المشروع يوم القيامة
يمكن ربنا سبحانه وتعالى يدخر ليك العمل ده واذا جاء يوم القايمة تجده جبل من الحسنات كبييييييير ويشيل كل السيئات
وان شاء الله يكون سبب فى دخولك الجنة

الناس ديه بجد تعبانة

احنا عندنا مكان حنعمل فيه المعرض ان شاء الله
المكان ده بقرب عشوائيات موجودة غى مصر وعايش فيها ناس لو شوفتوهم بجد يعبوا عليكم جدا
جدا

كل المطلوب منكم المساعدة فقط
اما بالمساعدة المادية او انك تتبرع بملابس شتوى عندك انت مش محتاجها بس طبعا تكون نظيفة وكويسة
للتواصل ولمزيد من المعلومات :
الهاتف :0164573724

البريد الالكترونى :fourm_ctrl@hotmail.com
ننتظركم اخواتى
احنا مجموعة من الشباب من مصر اتجمعنا على الخير ده وعلى الفكرة ديه ونفسنا ننفذها

اتمنى انكم تشاركونا ان شاء الله

واللهم وفقنا لما تحب وترضى