ما تيجى نلعب شطرنج هههههههه

[hend]

ماتيجـي نلعـب شطرنـــج


الأول : تلاعبنى شطرنج ؟




الثانى : ماشي .. معاك الشطرنج ؟




الأول : آه .. أهه




الثانى : و ده مصنوع فين ؟




الأول : فى مصر




الثانى : لأ طبعاً ... مش هلعب .. هوّه أنا إتجننت؟




الأول : ليه ؟




الثانى : يابنى الشطرنج اللى معاك ده الوزير فيه
ما بيتحركش من مكانه قبل 20 سنة




الأول : خلاص نجيب واحد تاني




الثانى : أنا معايا واحد .. بس فيه حاجة غريبة




الأول : إيه ؟




الثانى : مكتوب عليه

Made in China .. especially for Egypt



الأول : إشمعنا ؟




الثانى : حاطين فيه الوزير على كرسى بعجل




الأول : ليه ؟




الثانى : لسببين
:
أولا : السن له حكمه



ثانياً : علشان مايبعدش عن الكرسى حتى لو
إتحرك من مكانه ... تعرف إنى سمعت أن أغلب
المسئولين المصريين بيعتبروا الفيل أهم قطعه
فى الشطرنج؟




الأول : لأ .. ليه؟




الثانى : علشان عمره ما بيمشى مستقيم




الأول : على كده بقى بيلعبوا من غير طابية




الثانى : و عندهم كمان الملك بيقتل أى حد
و يمشي زي ما هو عايز و معندهمش حكاية
الخطوة الواحدة دي .. الملك خطوته قفزه للأمام



الأول : هما برضه عندهم الحاكم من النوعية
بتاعة : شلوت سعادته دفعه للأمام يا افندم ؟
وشخبطة ابن سيادتك الصغير تخطيط لمستقبلي
!!!




الثانى : يابنى ده الطبيعى




الأول : طب و العساكر




الثانى : أصلاً مش موجودين




الأول : ليه ؟




الثانى : مشغولين بالشعب





انتهى ...

[امل حياتى]

يااااااااااااااااااه
ايه الشطرنج التحفه ده
لا فعلا الوزير عايز كرسى بعجل
اصلا هو لو قعد على الكرسى مش هيقوم
عجل ولا مش عجل بقى
ويا عينى على العساكر
مشغولين بالشعب جدا
الشعب الغلبان اللى بعد شويه وهيطق
لا فعلا شطرنج فظيع
بس ربنا يستر علينا

انا خايفه اقولك الموضوع حلو
بس هقولك موضوع واقعى جدا

[eshoo4ever]

ههههههههههههههه
جميلة مووووووت

[Dr.Hammood]

ههههههههههههههههههه

تحيا مصر والسودان

[amr_miza1]

الفيل عندنا الفيل مش بيمشى مستقيم والعساكر مش هنا والوزير مخلل فى مكانه والملك مطنش

شكرا يا هند على الموضوع ..

[الدرويش المصري]

بس الغريب يا هند ان الشطرنج ده
مفهوش كِش ملك
الملك هو اللي بيكشش كل اللي حواليه
ويمكن كمان اللي بيلعب نفسه
موضوعك جميل يا هند
تقبلي خالص التحية

[احمد13]

موضوع رائع ياهنودة

هكذا الشعب المصري يواجه مشاكله السياسية والاجتماعية

بالسخرية منها والنكتة

تحياتي احمد13

[قلب الكنارى]

ههههههههههههههههههههه
موضوع جميل اووى
تقبلى مرورى

[wael.galal]

بجد موضوع

[wael.galal]

بجد موضوع رائع
بس أنا فاكر أني سمعت الجملة ديه قبل كده بس فين مش فاكر

وشخبطة ابن سيادتك الصغير تخطيط لمستقبلي

تقبلي تحياتي

[برديس]

موضوع حلو اوى يا هند انا دلوقتى عرفت الشعب المصرى شاطرليه فى الشطرنج

[Bassem Ammar]

رغم ان الموضوع من الوهله الاولي احسست انه سياسي بحت

الا انني وجدت بعد ان قرأته مره اخري انه يعكس حال مجتمع كامل

مجتمع اصبح ينظر اليه علي انه رقعه من الشطرنج

اعجبني كثير وجهة نظرك في عكس الواقع المصري بجوانبه المختلفه في سرد بسيط

دون احساس بالملل او الرتابه

بس نقدك المستمر للاحوال المختلفه ياهند مش شايفه انه ممكن يجيب نتيجه عكسيه

بمعني ان الدعاه للاصلاح يجب ان يذكروا و لو قليل من المحاسن !!

[توتى3000]

ههههههههههههههه
شكرا هند

[وائل المصري]

لا اجد الا ان اقول ان الموضوع جميل ومحترم.بس ممكن اعرف لماذا هذه الفكره السيئه للحكومه المصريه ممكن ياهند لو لمره واحده اقراء لكي موضوع متفائل لو لمره قبل ان اموت.وائل المصري.

[hend]

المشاركة الأصلية بواسطة Bassem Ammar

رغم ان الموضوع من الوهله الاولي احسست انه سياسي بحت

الا انني وجدت بعد ان قرأته مره اخري انه يعكس حال مجتمع كامل

مجتمع اصبح ينظر اليه علي انه رقعه من الشطرنج

اعجبني كثير وجهة نظرك في عكس الواقع المصري بجوانبه المختلفه في سرد بسيط

دون احساس بالملل او الرتابه

بس نقدك المستمر للاحوال المختلفه ياهند مش شايفه انه ممكن يجيب نتيجه عكسيه

بمعني ان الدعاه للاصلاح يجب ان يذكروا و لو قليل من المحاسن !!

بالفعل انت على صواب

الدعاة لابد من ذكر شىء من المحاسن
واعتقد انه من المحاسن ان ننتقض المساؤى وعدم دفن رؤوسنا فى التراب
من المحاسن تواجدنا هنا نتفق على حب اوطاننا
من المحاسن ايماننا الداخلى بقدرتنا على تغيير واقعنا
يافندم يمكن حضرتك ما تابعتش ليا مواضيع كتيره
بس مساله نقد متواصل صدقنى لا
انا مش غاويه نقد واتمنى من كل قلبى ان اجد ما اشيد عنه ولن اتردد فى الاسهاب فيه

من ناحية اخرى
ارى ان للنقد وجهان وجه سلبى واخر ايجابى
السلبى ان نعتاد عليه ويصبح جزء من واقعنا ولا نطالب بتغيير ما تم نقده
والجانب الايجابى ان يكون دافعا للتغيير
واتمنى ان يكون كذلك
ولكن كما يقولون الشىء اذا زاد عن حده انقلب ضده
كل شىء فى حدود المعقول
شرفنى تواجدك فى موضوعى وادلائك برأيك
الف شكر على تفاعلك