ليه الأعضاء بيتغيروا وبيتحولوا في المنتديات

[الدرويش المصري]

السلام عليكم ورحمة الله وبركاته

بسم الله الرحمن الرحيم
أتمنى كلنا نشاااااارك فى الموضوع

يعنى باختصار وبكل صراحة
فيه تصرفااااااات

أكيد
بيعملها معظم الأعضاء والعضوات فى المنتدى
حتى لو كانوا مشرفين أو مشرفات
أو اى حاجة تانية
المهم

بيظهر فيها نفاقهم الواضح

وطبعا هنذكر بعض الأمثلة بدون تجريح أو بدون ذكر أسماء لأى حد
معظمهم بينافق
يعنى ايه
يعنى تصرفاته فى الجامعة
غير المنتدى
غير البيت
غير الشارع
غير الشغل
كل مكان بيتصرف فيه بطريقة مختلفة جدا
وكانه انسان تانى
كأن أخلاقه وتصرفاته بتتبدل من مكان لاخر
مثلا :
الأمثلة
(على سبيل المثال وليس على سبيل الحصر )
1- ممكن تلاقى عضو داااااااااااخل المنتدى كل همه
انه يدور على البنات
يبعت رساااااااااائل خاصة لهم
2- ممكن عضو تلاقيه بيكتب موضوعات او ردود وتعليقات
وهو نفسه نفسه بس حد ياخد باله منه
3- ممكن تلاقى عضو كل همه يعاكس الأخوات فى ردوده فى اى حاجة
4- ممكن تلاقى عضو كل ما يشوف بنت فى موضوع ، يكتب رد فيه كلمة
يا أخت يا أختى يا أختى
واتاريه كدااااااب كبيييييير أوى غشاش منافق
لو دورت جواااااااااااه مش هتلاقى لمعنى كلمة أختى دى وجود
هتلاقيه .............
5- ممكن تلاقى عضو طول ما هو قاعد بيجمل فى صورته
هو وحش جدا برا
وجاااااااى هنا يجمل فى صورته
بيرسم بورتريه جديد
6- ممكن عضو تلاقيه كل همه بيدخل المنتدى يدور على البنات ازاى
يفتح خدمة ( قائمة الأعضاء ) اللى موجودة فى أعلى المنتدى ويدور فيها على ايميلات البنات ويكلمهم
ويبعت رسائل خاصة
رجااااااااااااااء :
ياريت الادارة توقف خدمة ( قائمة الأعضاء ) دى اللى موجودة فى أعلى المنتدى
7- عضو تااااااااانى شرااااااااااانى كل همه يجى يدور على فيروساااااات برامج اختراق وسرقة للايميلات وغيرهم
يعنى كلام فاااااااااضى ( رغم ان المنتدى مش قوى فى كده )
8- عضو تانى تلاقيه محترف شويتين ثلاثة
يقوم يخترق المنتدى ويجيب ايميلات البنات اللى قاموا بالتسجيل بيها فى المنتدى
9- عضو تانى تلاقيه طووووول ما هو موجود فى المنتدى يوعظ ويقول حرام حلال عيب
وهو نفسه لو شفته يصعب عليك عايز اللى يوعظه
10- عضو تاااااانى بيقول كلام وبيعمل كلام تانى خاااااااااالص
سبحان الله الناس دى بتجيب الوشوش دى كلها منين
دا لو كان عنده 100 قناع كان زهق منهم
11- تلاقيه عضوة بقى نتكلم عن الحجاب واللبس المتبرج والحجاب الموضة المتبرج ،
وهى عادى وترد بكل حزم
تقول لا كلامك صح يا أخى
لازم يا أخواتى نلتزم كلنا بالحجاب
وهى أصلا مش لابسة حجاب
او لابساه كموضة
12- عضوة تانية ، هى اللى بتبعت رسااائل خاصة بس بتبعتهم للأخوة هنا فى المنتدى
سبحان الله
13- عضوة كمان تلاقيها نتكلم عن الصلاة او عن اى عبادة او عن اى شى تيجى تقول ( جزاكم الله خيرا )
انت تحس انها استفادت
و هى تتكلم فى الدين والصلاة وتنصح
و هى أصلا مش بتصلى
.................
طب من الاخر بعد دا كله
انت هتنافق الناس ولكنه غلط وحرام
طب هتنافق ربنا كمان فى الدين
فى العبادة
دا انت كدا مش خليت حاجة الا وبتنافق فيها
فاضل ايه تانى وتكون بتنافق فيه
حوار وهمى :
طبعا الحوار للعظة وللفهم بجد
انت ولد صح ؟
وهي بنت صح ؟
الشيطان ثالثنا
الشيطان ده غلبان
النفس أقوى منه
وربنا خلق النفس دي كده
نفس الولد تميل لنفس البنت
و العكس طبعا
"فلا تخضعن بالقول فيطمع الذي في قلبه مرض
عارف اتقالت لمين ؟
اتقالت لنساء النبي
عارف نساء النبي دول يقربولك ايه ؟
يقربولنا أمهاتنا
وكانوا أمهات الصحابة
يعني ربنا بيقول لأمهات المؤمنين متكلموش المؤمني بخضوع
عارف ليه ؟
عشان اللي في قلبه مرض ميطمعش فيكم
يا جدعان ازااااااااي
دول صحابة
صحاااااااابة
دي غريزة
ربنا خلقها
وجعلها أقوى غريزة
على الإطلاق
طيب يتكلموا عادي مفيهاش حاجة
زي إخوات
فاهم بس زى ما قلتلك بجد انا والله انسان مش بيفكر كدا
أنا عارف
بس تفتكر
الصحابة كانوا بيفكروا كده ؟
أو أمهات المؤمنين كانوا بيفكروا كده ؟
طيب أمال نزلهم ليه ؟
موعظة وليها سبب
الغريزة
محدش بيجي يعصي ربنا ويقول
أنا هاعصي دلوقتي
محدش بيقفول كده
اللي بيحصل
وصفه النبي بالظبط
قالك
صاحبنا ده ، بيجي
ونفسه بتزينله الموضوع
لأنه عادي ومفيهوش حاجة
فيبقى عامل زي الراعي
اللي خد غنمه
حولين المنطقة المحرمة
وطلقهم
كون إنك تحس إن فلانة أختك بجد
تفتكر انت أول واحد في العالم ؟
تفتكر دي مش موجودة في الإسلام
موجودة
أقولك فين
عارف مراتك
( افترض انك اتجوزت )
أخوك هيحس ناحيتها بايه ؟
المفروض تبقى اخته
طيب عارف النبي قال ايه ؟
قال : الحمو الموت
يعني أخو الزوج
زي الموت
هلاك للبيت
أخو الزوج يا رسول الله
عارف ليه ؟
لأنها مش أخته
عارف البنت / فلانة اللى انت تعرفها فى المنتدى هنا
انت حاسس إنها أختك
اه والله مش بهزر
لكنها مش أختك
يحللك تتجوزها
وده معناه
إنك ممكن قوي تفكر فيها - اعذرني ع الصراحة - جنسيا
ولو انت معملتش
القاعدة هي القاعدة
في الإسلام
الحالة دي
الإسلام اتكلم عنها كتير جدا
لأن الغرييييييييييييييزة قوية
ولو طلعت
مش هتعرف تدخلها تاني
انا بصراحة اللى بيمنعنى عن الحاجة الحرام دى هى الحديث بتاع الرسول اللى بيقول سبعة يظلهم الله فى ظله يوم لا ظل الا ظله
رجل دعته امراة
بس صاحبنا ده
بعد أصلا عن الطريق كله
لكن هى اللى جت له
الله يقول في القرآن
"فماذا بعد الحق إلا الضلال ؟
يعني هما اتنين
حق وضلال
تفتكر ده أنه حق ولا ضلال ؟
لو حق
تأكد إن الحق ده هيرتد على أختك
أو بنتك
وساعتها هتشوف إنه مش حق
انت ايه رأيك ؟
والنبي بيقول :"الحلال بين
والحرام بين
وبينهما أمور مشتبهات
فمن اتقى الشبهات
فقد استبرأ لدينه وعرضه
ومن وقع في الشبهات
فقد وقع في الحراااااااااااااااااااااااااااام
كالراعي يرعى حول الحمى
يوشك أن يرتع فيه
يعنى انا كدا وقعت فى الشبهات دلوقتى
ده على أقل تقدير
ايه هو فيه حاجة تانية ولا ايه
بس انا كنت فاكر الشبهات مش مستحبة مش عارف انها حرام
مش مستحبة يعني مكروهة
يعني يكرهها الله ورسوله
وكلمة "قد وقع في الحرام
مجازا
لأن النبي فاهم
ان اللي يدور حوالين المنطقة
غصبن عنه وهو مش حاسس
حتى لو كان احساسه انها أخته
وافتكر دايما
إن فكرك مش هيكون أبدا أطهر من فكر الصحابة
( الولد )
ولا فكرها هيكون أطهر من فكر أمهات المؤمنين
( البنت )
ورغم كده الآية نزلت
تقطع الشك باليقين
طب ما معنى كدا يالا نطرد البنات من المنتدى
و كمان المشرفات
هو قال لاتتكملن
ولا قال لا تخضعن
يعني اتكلموا بس بشروط
طب وانا اضمن منين بقى انك لما تكلم واحدة يبقى نيتك سليمة
أقولك تضمن منين
انكوا ما تزيولش الحواجز
متهزروش
تضمن لما تلاقي الكلام عام
مراعي للآداب
من غير هزار وتحوير
مش ع الخاص
لا يختلين أحدكم بامرأة ولو كان يعلمها القرآن

[دلوعة؟؟]

موضوعك رائع جدا انا قابلت ناس كتير كدة والله
والدنيا كبيرة ياما تشوف وياما تسمع

وشكرا مرة تانية على الموضوع.

[وائل المصري]

ياعم الدرويش اساسا انتها عصر الدراويش من زمان.
اما فلوا انت مش عجبك المنتدي او اخلاق الي فيه ليه اصلا بتدخل وتكتب موضوعات اصلا.
وحتي اثبت لك قله اهميه موضوعك ان الي دخل ورض عليه 2.
تقبل تحيات اخوك وائل المصري.

[Bassem Ammar]

المشاركة الأصلية بواسطة وائل المصري

ياعم الدرويش اساسا انتها عصر الدراويش من زمان.
اما فلوا انت مش عجبك المنتدي او اخلاق الي فيه ليه اصلا بتدخل وتكتب موضوعات اصلا.
وحتي اثبت لك قله اهميه موضوعك ان الي دخل ورض عليه 2.
تقبل تحيات اخوك وائل المصري.

بسم الله

اخي الفاضل وائل المصري مع احتراي الشديد لوجهة نظرك الكريمة و التي اساسها حبك

لمنتدي ابن مصر

الا انني ارجو منك قراءة الموضوع مرة اخري فربما كانت قرائتك الاولي علي عجل

لان اخونا الكريم الدرويش المصري يذكر بعض سلبيات واقعه فعلا في شبابنا و مجتمعنا

و انعكاس ذلك علي ساحة الحوار الالكترونيه و الانترنت و بالفعل توجد هذه الانواع التي ذكرها

و انا اعرف الكثير منهم


فلاداعي للاختلاف لان كلاكما يدفعكما للكتابه حبكما الشديد للمنتدي و الرغبه في الاصلاح

تحياتي

[amr_miza1]

المشاركة الأصلية بواسطة وائل المصري

ياعم الدرويش اساسا انتها عصر الدراويش من زمان.
اما فلوا انت مش عجبك المنتدي او اخلاق الي فيه ليه اصلا بتدخل وتكتب موضوعات اصلا.
وحتي اثبت لك قله اهميه موضوعك ان الي دخل ورض عليه 2.
تقبل تحيات اخوك وائل المصري.

رض عليه !!! .. معلش يا وائل ماتزعلش دا مجرد تعديل بسيط ( رد عليه ) ومن رأى منكم منكرا فليغيره بيده

بس فعلا انت رجب حميدة زى ما قلتلك قبل كدا ههههههههه حبيبى يا وائل ..

الراجل مقالش حاجة غلط لا سمح الله يكفى انه بيقول على السلبيات اللى بيشوفها فى اى منتدى ..

شكرا للدرويش المصرى .. موضوعك رائع
تقبل تحياتى

[الدرويش المصري]

المشاركة الأصلية بواسطة دلوعة؟؟

موضوعك رائع جدا انا قابلت ناس كتير كدة والله
والدنيا كبيرة ياما تشوف وياما تسمع
وشكرا مرة تانية على الموضوع.

مرورك جميل ومشجع
شكرآ دلوعة
واتمنى فعلآ يكون الموضوع عجبك

[دلوعة؟؟]

اه والله فعلا عجبنى وجدا كمان لانوا ده الصح وده الى بيحصل فليه نزعل من الصح

[الدرويش المصري]

المشاركة الأصلية بواسطة دلوعة؟؟

اه والله فعلا عجبنى وجدا كمان لانوا ده الصح وده الى بيحصل فليه نزعل من الصح

ربنا ما يجيب زعل يا دلوعة
مرورك ده مش عارف اشكرك ازاي عليه
فعلآ شرفني وجودك في الموضوع
تحياتي و تقديري

[الدرويش المصري]

المشاركة الأصلية بواسطة وائل المصري

ياعم الدرويش اساسا انتها عصر الدراويش من زمان.

شكرآ لمرورك يا وائل
واتمنى فعلآ تكون عارف معنى كلمة دريش في اللغة
((دار وجهه للحق))
معتقدش دول عصرهم انتهى ولا حاجة

المشاركة الأصلية بواسطة وائل المصري

اما فلوا انت مش عجبك المنتدي او اخلاق الي فيه ليه اصلا بتدخل وتكتب موضوعات اصلا.
وحتي اثبت لك قله اهميه موضوعك ان الي دخل ورض عليه 2.

سامحني يا وائل
مش هقدر اعلق على الكلمات ده
شكرآ لمرورك يا وائل

[الدرويش المصري]

المشاركة الأصلية بواسطة Bassem Ammar

بسم الله
اخي الفاضل وائل المصري مع احتراي الشديد لوجهة نظرك الكريمة و التي اساسها حبك
لمنتدي ابن مصر
الا انني ارجو منك قراءة الموضوع مرة اخري فربما كانت قرائتك الاولي علي عجل
لان اخونا الكريم الدرويش المصري يذكر بعض سلبيات واقعه فعلا في شبابنا و مجتمعنا
و انعكاس ذلك علي ساحة الحوار الالكترونيه و الانترنت و بالفعل توجد هذه الانواع التي ذكرها
و انا اعرف الكثير منهم
فلاداعي للاختلاف لان كلاكما يدفعكما للكتابه حبكما الشديد للمنتدي و الرغبه في الاصلاح

فعلآ مرور أرق ما يكون يا باسم
المشكلة بجد عشان اكون معاك صريح
وبما اننا في فضفضة يبقى نتكلم ونفضفض
أعضاء كتير بيقروا الموضوع فعلآ وزوار كمان
وميقدروش يردوا على الموضوع !!
لإن أغلبهم على شات مع بنات أو العكس
أغلبهم رسايل خاصة بين الأعضاء و العضوات
داخل المنتديات
وتبادل الإميلات وووووالخ
اعتقد انتوا عارفين الباقي
...
طيب انا قريت الموضوع و عرفت ان اللي بعمله ده حرااااام

أرد أقول ايه في الموضوع

بتظهر هنا حاجة أنا شخصيآ بحبها جدآآ
الحيـــــــــــــــــــــــــاء

[الدرويش المصري]

المشاركة الأصلية بواسطة amr_miza1

الراجل مقالش حاجة غلط لا سمح الله يكفى انه بيقول على السلبيات اللى بيشوفها فى اى منتدى ..
شكرا للدرويش المصرى .. موضوعك رائع

تقبل تحياتى

مرورك غالي قوي يا عمرو
ربنا يكرمك يا رب
واللي كان نفسي اوصله للأعضاء
ان ما يصحش من المسلمة بجد انها تتعرف على شباب مش من محارمها
وتخليهم وسيلة للمؤانسة بالكلام في مواضيع حتى لو كانت ثقافية أو أجتماعية
أو حتى دينية
ولهذا قال تعالى
"وإذا سألتموهن متاعا فاسألوهن من وراء حجاب ذلكم أطهر لقلوبكم وقلوبهن"
والله والله الشاب اللي بيكلم بنت أو العكس
ده سبيل الشيطان
يبدأ الشيطان بخطوة المحادثة وبعد كدة خطوة تانية التعارف الخاص وبعد كدة التعلق القلبي
إلى أن يحصل ما لا تحمد عقباه.
اللهم عافنا واعفوا عنا
وتب علينا فإنك التواب الرحيم

[وائل المصري]

اولا انا اعرف جيدا معني كلمه درويش لذلك انا قلت انهم انتهوا من الدنيا .
اما فعن انني لم اقصد ان اهين احد او اعترض علي احد.
والخلاف في الرئ لا يفسد للود قضيه.
اسف علي اسلوبي.
وائل المصري.

[الدرويش المصري]

شرفني وجودك يا وائل
تحياتي ليك

[نبض القلم]

السلام عليكم و الرحمه

الدرويش المصري

قرأت موضوعك بعنايه و حرص شديدين و تأملت كلماتك فلمحت بين ثناياها ما نسميه بالخروج الغير مقصود عن النص

فعلى الرغم من إعترافي بجمال معنى و قيمة موضوعك و كذلك صحة وجود كلا من الصور التي ذكرتها ,,,

إلا أنني أعيب على موضوعك فقط ( الإسلوب الطرحي )

و هذا ليس لخطأ أصيل في الطرح و إنما لأننا نكتب للجمــــــيع ... ( و هنا تكمن الخطوره ) ...

توضــــــــــيح

أنت أفصحت صراحة و بحق أن الصحابه رضوان الله عليهم أجمعين كانوا مشبعين بالغريزه الجنسيه و كذلك أسبقت بأمهات المؤمنين أنهن رضوان الله عليهن أيضا مشبعات بالغريزه الجنسيه

بالطبع لست أجادل أو حتى أعترض على مدى صحة ذلك من عدمه

و لكن

أنت كتبت هذا لكل القراء

و القراء يا عزيزي منهم من يعي و من لا يعي
من يتثبت مما يكتب و من لا يعير الموضوع إهتماما حتى أن رده قد يقتصر على ( مشكور ) أو غير ذلك من الردود السطحيه الباهته

و لكن ألا تعلم يا عزيزي أن هناك من يتربص بالمنتديات العربيه ممن لا شغل لهم إلا الإمساك بلفظ يمكنهم إستخدامه و تصيده و من ثم تسخيره لخدمة غرض دنئ يحيط بالموضوع ليلقي به في دائرة الخطأ و الخطر


و أنا أقترح عليك حين تكتب عن أي أمر يتعلق بالرسول (صلى الله عليه و على آله و سلم ) أو بصحابته رضوان الله عليهم أو بأمهات المؤمنين أن تترجم كلماتك من واقع الأحاديث النبويه الشريفه حتى لا يختلط الأمر على البعض فيظنون سوءاً و العياذ بالله


ــــــــــــــــــــــــ فــاصــــــــــله ــــــــــــــــــــــ

أما عن حقيقة الأمر فهو من منظوري الشخصي المتواضع كالتالي :-

واقع الأمر أن المنتديات ليست إلا حياه متكامله مترامية الأبعاد و متفرقة و مت