أول طلب أطلبه من كل طالب وطالبه مصري؟؟؟!!

[لايت أف نايت]

انا مصريه وبدرس في الامارات وعيزه انزل أكمل الثانويه في مصر ..المهم انا بطلب من كل واحد يقرأ الموضوع ده خدمة انسانيه انا عيزه أعرف المواضيع الي في منهج أول ثانوي ياريت متردنيش وتساعدمني بأي حاجه ورقه عمل أو امتحان قديم أو بس تعرفوني المنهج عامةً بيكلم عن إيه وإ يه المواضيه الي فيه ... دي خدمة لأختكم لاني معرفش أي حاجه عن منهج وكتب مصر ... يترى هتسعدوني؟؟

[wael.galal]

ممكن موقع الوزارة يسهل عليك أكتر فيه نماذج أمتحانات وشرح لبعض المواد

وثواني أبعته ليكي


وزارة التربية والتعليم

[لايت أف نايت]

المشاركة الأصلية بواسطة wael.galal

ممكن موقع الوزارة يسهل عليك أكتر فيه نماذج أمتحانات وشرح لبعض المواد

وثواني أبعته ليكي


وزارة التربية والتعليم

شكراً اوييييييي ليك وانا هدخله واشوف واتمنى مسعدات تنيه

[لايت أف نايت]

ايه يا مصريين وفكمش خير ولا ايه..مكنش ده العشم

[كتائب الاقصى]

ده شرح فرنساوى للصف الأول الثانوى
http://mansura.net/portal/media/night_2.jpg

وده موقع طيب به جميع مايخص الثانوى العام

http://www.thanwya.com/vb/forumdisplay.php?s=&daysprune=&f=20

وده موقع لكتب منهاهج الثانوى العام

http://www.pcdc.edu.ps/textbooks/index.htm

أتمنى أن أكون أفدتنك بشىء
أتمنى لكى ولجميع الطلاب التوفيق والنجاح

[Red Rose]

بقولك يا لايت أنا بضوا كنت في الإمارت و دي أول سنة أنزل مصر و أ،ا دلوقتي في أولى ثانوي
يابنتي أنتي لية عايزة تيجي:(:(:( أنتي هناك في نعمة صدقيني علشان تكوني على نفس مستواكي بتاع هناك عايزلوا شغل جامد أنا نفسي ما تخيلتهوووش و مناهج الإمارات يا بنتي أسهلو بتعتمد على الفهم هنا المناهج حشووو كتير و حفظ حتى الفروع العلمية منها
بصي لو حتنزلي خلاص و حاطة في دماغك خدي بالك من الكميا لأن مصطلحات كتير حتقبلك فيها أخدوها في 3 اعدادي و ما أخدنهاش غير ان الأمجلش من حيث الكلمات مكثف شوية بس القواعد عادية جدا يعني مش حتلاقي فيهمشكلة أما بالنسبة للعربي فدة حياخد من كجهود شوية لأنو حفظ كتييييير (النهاردة كان عندي أمتحان عربي) بس صدقيني قد ما تقدري افضلي هناك لغاية ثانوية عامة على الأقل
يارب أكون فدتك

[وائل المصري]

لا استطيع الا ان اتمني لكي النجاح والتوفيق ان شاء الله.
وائل المصري.

[لايت أف نايت]

كتائب الاقصى.......رد روز.......وائل المصري......مرسي اوي ليكم مش عرفه كنت هعمل ايه منغركم بس انت حطمت معنوياتي أوي ياروز متفتكريش ان الدراسه لسا سهله عندنا زي مكانت لا دي بقت صعبه والمناهج اتغيرت خالص.على العموم معتقدش اني هنزل اصلا. وشكرا تاني

[حلا و دلع]

فينا الخير ليه لا
انا زيك
بس مش عايزا اكمل ف مصر
اخودها من الامارات اهون من مصر
خديها مني نصيحة

[justme]

انتوا عارفين يا جماعه مشكلة الدراسة في الخليج ايه في الثانوي؟؟؟

انكم لما هتدخلوا جامعه في مصر هتتعبوا اخر تعب وهتتبهدلوا جامد

يعني لو دخلتي مثلا هندسة هتلاقوا الطلبة واخدين رياضة 2 وانتوا متعرفوش عنها حاجة وبالتالي مش هتعرفوا تمشوا في الكلية كويس

لو دخلتوا طب او صيدلة او علوم هتبقى اصعب لان المناهج عندكم سهلة جدا مفهاش ربع اللي هنا وانا شايف المناهج دي بنفسي ومفهاش الاساسيات اللي هنا

هي فعلا هتبقى الثانوية هناك اسهل بس هتتعبوا في اول وتاني سنة هنا في مصر على ما تتعودوا عالوضع

[keener]

طبعا أهم حاجة في الثانوية هي تانية و تالتة
انا مش شايف أن سنة أولى دي ليها أهمية
الحاجة الوحيدة اللي ممكن تنفعك هي الفرنساوي لأنها موجودة في تانية . عشان تاخدي اساسيتها
بس باقي المواد ممكن تتعاملي معاها عادي و كمان مش مهمة جدا لأن أكتر من 95% منها مش حتستفيدي منه بعد كده في 2 و 3
فمتقلقيش أوي كده دي سنة أولى مش مستاهلة كل ده
بس كويس الإهتمام دا منك و برضو متقصريش
انا بطمنك بس مش أكتر
تمنياتي بالتوفيق للجميع

[سارقة القلوب]

بصراااااااااااااحة انا معرفش المنهج لاني بدرس في السعودية علشان كدة معلش مش هقدر افيدك

[عيون حائرة]

بصي والله يا اخت حلا ودلع انا عن نفسي مش بفضل الدراسة برا خالص لان لما بيجوا هنا بيتظلموا في التنسيق اووي وتعبنا بيروح على الفاضي وبندخل كليات اي كلام

لو في مصر هيكون اريح كتير في التنسيق مثلا ده رايي

تحياتي

[عيون حائرة]

والله معلشي يا لايت اوف نيت بس انا كمان دارسة في السعودية بس نزلت مصر مؤخرا

ولسه رايحة اولى ثانوي

تحياتي ليكي ياحياتي ويارب تلاقي الي يساعدك