عار عليكم يا حكام مصر..الا ياكل الفقراء اللحمة حتى في يوم العيد!!

[Sinoreta]

مع قرب عيد الاضحى استرجع هذا الموضوع المكتوب في العام الماضي الذي اجده مناسبا جدا في هذا التوقيت
((تذكرت حديث رسول الله صلى الله عليه وسلم " اذا كان امراؤكم شراركم واغنياؤكم بخلاؤكم واموركم لنسائكم فبطن الارض خير لكم من ظاهرها " صدقت يا رسول الله فقد اصبح اغنياؤنا بخلاؤنا واصبح حكامنا لا يهتمون الا بأنفسهم والظهور امام شاشات التلفاز بالبدل الانيقة التى يكفى ثمنها لإطعام قرية من الجياع ليقولوا اى كلام بعيدا عن الواقع المظلم الذى تعيشه مصر او فى احتفالات فخمة مبهرة فقراؤنا احق بكل مليم يصرف فيها .
ويوم وقفة عرفات الله كنا نجلس فى منتدى اقصد امام دكان الحاج محمد البواب فى بلدتنا المطرية دقهلية ومر من امامنا رجل مسن لا يكاد يرى الا من خلال نظارته الطبية الممسوحة والتى تباع على الارصفة بثلاثة جنيهات .
تقدم الينا اللرجل وهويبكى قائلا مش سيادتك النجدى قمت من مكانى واسندت الرجل وهو يبكى وكان بجوارى الحاج عبده وصحت هاتفا وانا اضمه الى :عم شتيوى . فازداد بكاؤه وترحم على ايام بيت العائله وتذكرت هذا الرجل فقد كان يعمل صيادا ثم اصابه الوهن والعجز وكنت قد غادرت مصر ومات والدى وتفرق الشمل . اجلسناه وغسل وجهه من دموعه التى اغرقته وبدأ يتكلم الله يرحم ايام والديك وخالك محمود بيه الريس وعمك على بيه النجدى كانوا كرما ويا ما كلنا وكانوا بيودونا يا حج نجدى:مفيش امر على النفس من الفقر والعوز وانا فى اخر ايامى انا ومراتى قالولى قدم معاش قدمت وبعد سنه صرفولى 79جنيه تصدق من سنه 95 ياحج للنهارده وهما هما ال79 جنيه وكل الناس زادت الا احنا الصيادين بتوع المطريه بيقولوا اصل احنا مغضوب علينا اظاهر احنا من اليهود دا حتى اليهود ميقدروش يعملوا فيهم كده الدنيا بتولع يا حج يوم ورا يوم لتر الجاز بقى بجنيه والميه غلت والكهربا زادت لما ادفع 19 جنيه ميه وكهربا ونظافه كل شهر 2جنيه والمصيبه اذا مدفعتش يعملولك محضر ب50 جنيه وتتحبس وتتبهدل يفضلنا ايه انا والوليه _يقصد زوجته_ لا احنا عارفين نجيب دوا ولا حتى عيش حاف تصدق باللى خلقك وانت مش جابرنى على يمين:اللحمه دى معناش بنشوفها حتى المحسنين قلوبهم بقت قاسيه محدش بيحن علينا ولولا عزه النفس كان الواحد قعد ادام المسجد يشحت . يا عم نجدى الواحد بيتمنى الموت وخايف ميلقاش الكفن اصله غلى بقى ب300جنيه حسبى الله ونعم الوكيل فيكم يا حكومتنا ثم رفع يديه الى السماء ونحن فى وقفه عرفه ولم يترك دعوه على المسؤلين الا دعاها نظرت الى الحاضرين فاكدوا كلام الرجل ثم جاء احد الصيادين فاقسم بان كل صيادين لبمطريه لم يزدادوا من سنه 95وانهم ارسلوا مئات البرقيات منذ حكومه عاطف صدفى الى الان وتجولنا بالمطريه وهالنى تزاحم الناس على احد الذين يذبحون الاضحيه كل يمنى نفسه بقطعه من اللحم وصل الى حد الاقتتال والتدافع ورد احد المتجولين معنا الناس نست اللحمه وصل الكيلو ل32جنيه والمجمد ل16 جنيه واقترح احدهم ان توزع مع بطاقات التموين ولع محمد على باشا يرتاح فى قبره ولو انى اشك فى ذلك بعد ان تكلف ترميم قصره بضع مئات من الملايين .
ايها الساده الحكام راكبى المرسيدس ذو الزجاج المصفح حسبى الله ونعم الوكيل اتقوا الله فى شعب مصر واتقوا شر دعوه المظلوم فان ليس بينها وبين الله حجاب .
فقد طفح الكيل ارحموا من فى الارض يرحمكم من فى السماء واليوم عمل ولا حساب ويوم تموتون حساب ولا عمل "اليوم نختم على افواههم وتكلمنا ايديهم وتشهد ارجلهم بما كانوا يكسبون"))
بقلم مهندس/محمد النجدي

[amr_miza1]

موضوعك جميل اوى ... بس خلينا حياديين شوية

الدنيا مش كلها افتراء وجفاف بالشكل دا .. فى ناس اثرياء ورجال اعمال ومحترمين جدا وخيرين جدا

الشيطان مستحيل يتملك من جميع البشر ...

اى نعم حسبى الله ونعم الوكيل فى الحكومة .. لكن بردة لسه الدنيا بخير

شكرا لموضوعك الجميل

[ياسمين@]

شكرا على الموضوع
وعايز اسأل سؤال للحكومه
1_كام عمر كل مسؤول فى الدوله ؟
2_هل يعلم كل منهم ان الاعمار بيد الله ؟
3_ماذا لو اختار الله واحد ورا واحد منهم (مات يعنى) وده اكيد هايقابل ربنا ويقوله ايه ؟
4_هل تعلم يا كل مسؤول ان حديث رسول الله ص قال (كل راع مسؤول عن رعيته)
ياسمين

[ياسمين@]

تحياتى لصاحب الموضوع
ياسمين

[AL-KING]

لاحول ولاقوة الا بالله

حسبي الله علي الي كان السبب

[Sinoreta]

المشاركة الأصلية بواسطة amr_miza1

موضوعك جميل اوى ... بس خلينا حياديين شوية

الدنيا مش كلها افتراء وجفاف بالشكل دا .. فى ناس اثرياء ورجال اعمال ومحترمين جدا وخيرين جدا

الشيطان مستحيل يتملك من جميع البشر ...

اى نعم حسبى الله ونعم الوكيل فى الحكومة .. لكن بردة لسه الدنيا بخير

شكرا لموضوعك الجميل

ميرسي لمرورك يا عمرو لكن انت اكيد بتتدايق وتدمع عينيك لما تشوف الناس دي بردو
اهو تقدر تقول فضفضة وحسبي الله ونعم الوكيل في الحكومة

[Sinoreta]

المشاركة الأصلية بواسطة ياسمين@

شكرا على الموضوع
وعايز اسأل سؤال للحكومه
1_كام عمر كل مسؤول فى الدوله ؟
2_هل يعلم كل منهم ان الاعمار بيد الله ؟
3_ماذا لو اختار الله واحد ورا واحد منهم (مات يعنى) وده اكيد هايقابل ربنا ويقوله ايه ؟
4_هل تعلم يا كل مسؤول ان حديث رسول الله ص قال (كل راع مسؤول عن رعيته)
ياسمين

عارفة ياياسمين لو كل واحد يتقي ربنا في عمله لا هانلاقي فقراء ولا مهاجرين غير شرعيين ولا اطفال شوارع ولا اي حاجة من دي
بس هما لما يتزنقو يقولو هي الحكومة هاتعمل ايه ولا ايه
ميرسي لمرورك يا جميل

[Sinoreta]

المشاركة الأصلية بواسطة AL-KING

لاحول ولاقوة الا بالله

حسبي الله علي الي كان السبب

اااااااااااااااااااامين
ميرسي لمرورك الجميل يا كينج

[وائل المصري]

عزيزتي الي مش يقدر يشتري لحمه ممكن يجيب فراخ والي مش يقدر يجيب فراخ يجيب سمك والي مش يقدر يجيب سمك يجيب فول وطعميه بس المشكله الي ميقدرش يجيب فول وطعميه يجيب ايه...
ربنا يكرم ولاد الحلال ويوزعوا اللحمه بتاعه العيد علي الناس الغلابه.
وحسنه قليله تمنع بلاوي كتيره.
ويجعله عامر.
وائل المصري.

[Sinoreta]

المشاركة الأصلية بواسطة وائل المصري

عزيزتي الي مش يقدر يشتري لحمه ممكن يجيب فراخ والي مش يقدر يجيب فراخ يجيب سمك والي مش يقدر يجيب سمك يجيب فول وطعميه بس المشكله الي ميقدرش يجيب فول وطعميه يجيب ايه...
ربنا يكرم ولاد الحلال ويوزعوا اللحمه بتاعه العيد علي الناس الغلابه.
وحسنه قليله تمنع بلاوي كتيره.
ويجعله عامر.
وائل المصري.

عندك حق يا وائل
اصلا هي مش مشكلة لحمة بس احنا هانتكلم عن اييييييييييييييييييييه ولا اييييييييييييييييه ولا اييييييييييييييه.............