نصائح 2008

[رؤيه]

نيو نيو نيو كل شئ نيو حتى النصائح

سنه جديده سنه سعيده ونصائح مفيده

نصائح حكيم لابنه فى مطلع العام الجديد

لا تلتفت الى صناديق القمامه الموجوده بالشارع لانها ببساطه صناديق قمامه

طول لسانك الناس تخاف منك

السلاح الابيض ينفع فى اليوم الاسود

ان جالك البوكس اطلق ساقيك للرياح

صحبه الاشرار تجلب الصفقات

اتشاهد قبل ما تطلع المحور والدائرى

ان جالك عقد العمل ارمى البلد ورا ضهرك

ان كانلك عند الحرامى حاجه قله شغلنى معاك

افتى فى كل حاجه واعمل نفسك خبير تسلك فى اى مكان

اقلع مبادئك وسيبها فى البيت قبل ما تخرج

الوسطه كنز لايفنى

اخرت التعليم قعدت القهاوى

قسم الشرطه الداخل مفقود والخارج بردو مفقود

الى كل مظلوم ومقهور ومسلوب الاراده الشكوى لغير الله مذله

بلاش كلام فى السياسه ياحتموت مقهور يا محبوس يا مجنون

التغيير سنه الكون ما تقعدش مع الحبيب اكتر من اسبوع

3حاجات متفكرش فيهم عشان متتعبش الجواز و الشغل و الاغانى

خلى شعارك فى الحياه عيش ندل تموت مستور

شعار رجال الاعمال عض قلبى ولا تعض رغيفى

مبدئك لنجده اى مستغيث الجرى نص الجدعنه

اعمل عبيط المهم التظبيط

ياترى يا جماعه دى افكارنا ومبادئنا اللى حندخل بيها 2008

وياترى نسبه الناس اللى بتطبق النصايح دى قد ايه؟

[الورد الجوري]

اهلا رؤيتنا الجميله
شوفي يا حبيبتي
للاسف اقدر اقولك ان 50 في الميه مننا بيطبق ده
و 25في الميه بيطبق نص النصايح دي او بعضها
و 25 في الميه بيحاول يثبت على ما هو عليه من مبادئ
و ربنا يثبتنا جميعا على الصح يارب
ميرسي يا عمري على النصائح اللي يارب نعمل عكسها
و نحسن استغلال عمرنا بما يفيدنا
تحياتي لطرحك الطيب

[omarr]

رؤيه تقبلى مرورى فى موضوعك

لا اعرف النسبه كام فى الميه , بس اعرف بعض الناس اللى تتخذ النصائح ديه وبطبقها فعلا كطربقه واسلوب للحياه ...

[نيهال]

حنتكلم بصراحه طبعا
انا شايفه ان اللى بيطبق النصايح دى بتكون نسبته كبيره وممكن تكون عدت ال50 بالميه مش علشان باعوا ضميرهم كفا الله الشر ولكن لان مفيش حاجه بتمشى غير بكده
لا اقصد التشاؤم او العيب
ولكن اللى اقصده ان العيب فينا وليس فى مبادئنا
لان فيه ناس عايشه كويس
اينعم مفيش حد مش بيعانى لكن متمسكه لسه بالخير والصدق والطيب

لو كنتى سالتينى من سنه واحده بس
كنت حقولك عكس الراى ده تماما

مرسيه يا رؤيه على الموضوع
وهابى نيو لايف ان شاء الله