أستفتاء فنزويلا باطل علشان نتيجته مش 99 %؟؟؟؟

[محمدحسين]

اعترف الرئيس الفنزويلي هوجو شافيز أمس بخسارته الاستفتاء الذي أجري علي التعديلات الدستورية التي اقترحها‏,‏ والتي كان من شأنها توسيع سلطاته الرئاسية وبقاؤه في منصبه إلي أجل غير محدد‏,‏ بالإضافة إلي تحويل فنزويلا إلي دولة اشتراكية‏,‏ حيث صوت‏50,7%‏ من الناخبين ضد التعديلات‏,‏ في حين وافق عليها‏49,3%.‏

[hend]

المفروض يجى عندنا واحنا نعرفه ازاى تبقى النتيجه 99.99%
او ممكن نديله كليبات التزوير
الحمدلله احنا فى النقط دى رواد

[محمدحسين]

أحنا عندنا اجهزه الكمبيوتر بتطلع النتيجه نعم
حتى لو البطاقه بتقول لا
أجهزه الكمبيوتر بتقرئه نعم
ياريتنا نصنع هذه الأجهزه ونصدرها
بدل ماهما مش عارفين يظبوا الاستفتاءات عندهم
كمان احنا عندنا الكمبيوتر بيسجل الناس اللى مارحتش الانتخابات والاموات
يعنى احنا عندنا الكمبيوترات متقدمه جدا
وممكن نعمل خدمه انتخابات دليفرى
ودى خدمه هتبقى جديده ومتخصصه فى العالم

[دقه قلب]

المشاركة الأصلية بواسطة محمدحسين

أحنا عندنا اجهزه الكمبيوتر بتطلع النتيجه نعم
حتى لو البطاقه بتقول لا
أجهزه الكمبيوتر بتقرئه نعم
ياريتنا نصنع هذه الأجهزه ونصدرها
بدل ماهما مش عارفين يظبوا الاستفتاءات عندهم
كمان احنا عندنا الكمبيوتر بيسجل الناس اللى مارحتش الانتخابات والاموات
يعنى احنا عندنا الكمبيوترات متقدمه جدا
وممكن نعمل خدمه انتخابات دليفرى
ودى خدمه هتبقى جديده ومتخصصه فى العالم

هههههههههه
ولله معاك حق يا استاذ محمد

[محمدحسين]

المشاركة الأصلية بواسطة دقه قلب

هههههههههه
ولله معاك حق يا استاذ محمد

أهلا يادقه
شافيز حقق لهم نتائج اقتصادية كبيره وزود الرواتب عندهم بشكل كبير واستطاع أقامه مشروعات تنمية أقتصادية وأجتماعية وصحيةحقيقيه مش مضروبه و أقام نظاما انتخابيات شريف يستحيل تزويره، حتى باعتراف خصومه الذين لم يتمكنوا من التشكيك في فوزه العام الماضي .
ورغم ذلك فقد وافق على التعديلات 49% بينما رفضها 51% يعني لو فتح شافيز مخه واستفاد من خبرات بعض الأنظمة العربيه الذي تتمتع بخبرات لا مثيل لها في تزوير الانتخابات وفبركة الاستفتاءات كان زمان الاستفتاء نتيجته 99.9 %
لكن الرجل أختار ان يخسر بشرف على أن يكسب وشعبه يحتقره ويتكلم عن تزويره
عقبلنا كده لما يبقى عندنا استفتاء مش متفبرك
قولى أمين يارب

[أدهم]

المشاركة الأصلية بواسطة محمدحسين

لكن الرجل أختار ان يخسر بشرف على أن يكسب وشعبه يحتقره ويتكلم عن تزويره
عقبلنا كده لما يبقى عندنا استفتاء مش متفبرك
قولى أمين يارب

عقبلنا كده لما يبقى عندنا رجل يختار أن يخسر بشرف على أن يكسب وشعبه يحتقره

أشكر لك بإيحاءك لى بهذا التعليق وربنا يخليك للغلابة يامحمد بيك

[محمدحسين]

المشاركة الأصلية بواسطة أدهم

عقبلنا كده لما يبقى عندنا رجل يختار أن يخسر بشرف على أن يكسب وشعبه يحتقره

أشكر لك بإيحاءك لى بهذا التعليق وربنا يخليك للغلابة يامحمد بيك

هههههههههههههههههه
ياعم أدهم
المثل بيقول القرعه تتباهى بشعر بنت أختها
طبعا فاهمنى

[وجيه]

والله ياأستاذ محمد إن الرجال شافيز ده راجل محترم ونتيجة الإستفتاء وسام بصدره ودليل لرقى شعبه .. ولامؤاخذة يعنى

[محمدحسين]

المشاركة الأصلية بواسطة وجيه

والله ياأستاذ محمد إن الرجال شافيز ده راجل محترم ونتيجة الإستفتاء وسام بصدره ودليل لرقى شعبه .. ولامؤاخذة يعنى

تفتكر ممكن يبقى عندنا شافيز فى يوم من الأيام

[لهلوبة..!!]

ياجماعة المشكلة مش في تشافيز ولا في الكمبيوترات .!!!
ولا في النتيجة
المشكلة إن تشافيز يا عيني ماعندوش شعب زينا
مطيع وحنين عالريس وبيحلف في حياته(بالروح بالدم..)
ويا عيني عاملين زي الزوجة الغلبانة اللي خايفة تطلب الطلاق لتتجوز إللي أل.. من اللي معاها
وعندي اقتراح للحكومة عشان تتخلص من الشعب بدل ما تحرقه في قطر أو تغرقه في بحر أو تموته بالحسرة أو بالدم الملوث أو بغيره من الأساليب نهاية بتحديد النسل.
نرجع للفكرة , تعمل شركة تصدير للشعب المطيع في جميع الأحوال ويكون شعارها(مهما تعمل فيهم يحبوك ويهتفوا بحياتك وينجحوك في الانتخابات ويقولولك... كمان ياسيدي كمان)