ايها المفتي اسكتك الله...

[وائل المصري]

لم تشهد دار الافتاء المصريه هرجا ولا فوضي للفتاوي الي من المفتي الشيخ الجليل المبخل الي من الممكن انه يكون متخرج من كشك عم عبده بتاع الازوزه الي في اول شارع الازهر(علي جمعه)
فجميع فتاواه ياطله وضد الاسلام ولحساب اعداء الاسلام بدءا من فتواه بتهويد القدس وزواج المسلم من اليهوديه ومساواه المراه بالرجل في كافه الحقوق والواجبات وفتواه الفاسده بجواز تعدد الازواج للمراه الواحده.
ثم هجومه علي ابنائنا شهداء السواحل الاوربيه الذين خرجوا من ديارهم هربا من الفقر الذي يسود البلاد واحوالنا الاقتصاديه المتدهوره وبدالا من ان يطالب الحكومه التي هي الاساس في المشكله بايجاد الحلول او تحليل المواقف السياسيه الخاصه بالوزراء والمسؤلين لا راح يصب جام غضبه وجهله علي هؤلاء الشهداء ونسي ان من مات دون اهله ووطنه فهو شهيد ...فهل تعرف هذا يامولانا...
مع تحيات وائل المصري

[amr_miza1]

أخى رجب حميدة .. اقصد وائل المصرى

أنا معك تماما فى ان مفتى الازهر ارتدى جلباب الحكومة فى فى فتوته البجلة بخصوص المصرين المهاجرين للخارج ..
فالرجل هنا يجامل الحكومة على حساب ... أخجل أن اقول على حساب الدين .. ولكن هو موقف غير مبرر سوى أنه محاباه واضحة للحكومة الرشيدة

ولكن ليس معنى ذلك ان نعلق له المشانق والمحارق ونقيم عليه الحد .. فالرجل أخطأ .. ولكى تدور الدائرة بلا تعصباب أرجو أن نكون هادئين فى مواقفنا بدون تعصب .. مش بقولك رجب حميدة ومش مصدقنى

وتسلم يا وائل موضوعك جميل اوى

[محي الدين عبد ا]

حسبي الله ونعم الوكيل هو فيه ايه ياناس حتي الدين يتم تفصيله علي هوي الحكووووووووووووووووو

[السادات]

حسبى الله ونعم الوكيل فى المفتي وفى الحكومه

شكرااااااااا اخى العزيز على مجهودك

[وائل المصري]

الشكر كل الشكر لمن شارك ولو بكلمه في الموضوع.
وائل المصري.

[دقه قلب]

السلام عليكم ورحمة الله

فتاوى الشيخ على جمعة بالفعل فاقت كل الحدود ولكن
يا استاذ وائل حضرتك مستشار وبعتقد انك تجيد التعبير عن رايك باسلوب افضل بكثير من

المفتي الشيخ الجليل المبخل الي من الممكن انه يكون متخرج من كشك عم عبده بتاع الازوزه

حضرتك اكيد اكبر من انك تعبر عن رايك بالاسلوب ده

[وائل المصري]

بالفعل اسف جدا علي الاسلوب لكن كنه جار لاحد ضحايا الشواطئ وشاهده الحاله الرثه عندما استمعه امه لما قاله الشيخ الجليل.
اسف مري اخري.
وائل المصري...

[Limited Edition]

السلام عليكم و رحمة الله و بركاته

أحب أقول ان مش هو و لا غيره من البشر اللي يحدد موضوع استشهادهم من عدمه
الموضوع ده عند ربنا

و الله يرحم موتى المسلمين جميعاً و يغفر لهم و يسكنهم فسيح جناته


و الف شكر يا أستاذ وائل على الموضوع

[وائل المصري]

الشكر كل الشكر لمن قام بالمشاركه في الموضوع.
وائل المصري.

[Bassem Ammar]

اولا :

لما حضرتك تحب تتكلم او تنتقد حد ياريت يكون اسلوبك افضل من كدا

ثانيا :

لما تنتقد عالم حاول انك تبعد عن المنطقه دي تماما

مفتي الديار المصرية الشيخ / علي جمعه هو عااااااااااالم

و اكيد حضرتك عارف معني كلمة عالم

ثانيا عايز تنتقد فتوي من فتاويه اكتب الفتوي في موضوعك و نتناقش فيها و يتناقش فيها معنا

اهل العلم و ذلك حتي لو كنا جهلاء ببعض امور الدين يساندونا للوصول الي حقيقة الامور

انما محدش يقدر يتكلم عن المفتي المصري بالاسلوب دا و نتهمه بتسييس الدين

يعني من الاخر حضرتك بتقول انه افاق !

ياريت بقي تكتب الفتوي الي انت عايز تتناقش فيها هنا و نبدأ المناقشه

[نيهال]

ممكن مش يعجبك راى معين بالنسبه لحاله معينه
بس ده مش يعطينى الحق انى اغلط فى مفتى الديار المصريه



وخصوصا انى فعلا بحترم شخصيته واكيد فتواه دى جت نتيجه حاجه معينه
فمش هباءا

وائل.........انا مقدره انك كنت متنرفز والله
بس ده المفتى ولانى حضرت له اكثر من لقاء فاكيد فتواه لها سبب او جابز محوره

[مستكة]

للسف اني مشفتش الموضوع ده الا متاخر

كان فيه كلام كتير احب اقوله

بس الاخوة قالو اللي كان في نفسي

لكن اضافه بسيطه وبما ان حضرتك عامل موضوع مخصوص في حب الريس مبارك وبتلتمس له الف عذر لاي كلام يتقال عليه

كنت اتمني ان تسير علي نفس المبدا مع مفتي الديار ( مع العلم انه فيه فارق كبير كمان )

ده عالم ولحوم العلماء مسمومه

حضرتك فيه كام عالم دين في مصر ؟ عالم يعلم الناس مش عالم مجرد لقب وخلاص

اكيد فيه كتير يعني يوم ما يغلط الاولي برده العلماء اللي فاهمين الامور الفقهيه مش احنا العوام دي حاجه

تاني حاجه بالنسبه لفتوي الغرقي الراجل طلع وقال والله ياجماعه الفتوي دي من سنين وانا كنت قلتها في موقف معين شوف انت بئه لما صحفي يحب يعمل فرقعه اعلاميه في موقف زي ده ويطلع المقوله دي تحديدا في الوقت ده ايه اللي ممكن يحصل

وللاسف اننا بنصدق كل مايقال علي الرغم من الثقه المهزوزه في الاعلام لكن معرفش ليه بنجري ورا الاخبار وكانها امور مسلم بها

واكبر مثال علي كده لو متابع الاستاذ احمد عبدون ومايثيره من خلافات واثارات في امور دينيه لانجاح برنامجه وتحقيق اعلي نسبة مشاهده متجاهلا تماما مدي التشتيت والتخبط اللي بيحصل للناس دا غير انهم اصلا مشتتين

ممكن اختلف مع فضيلة المفتي في بعض الاراء ولكني التزم ادب الحوار عنه لسبيبين :

اولا لانه عالم جليل اعلم مني في امور الدين

ثانيا هلتمس له ميت عذر لانه معملش زي ناس



ارجو ان تتقبل مروري