عندما تكون أمريكا ومصر واسرائيل في حلف واحد .....

[hend]

أجاب جيمي كارتر (الرئيس الامريكي السابق ) في احدى جلسات المفاوضات في كامب ديفيد عندما سئل عما ستفعله الولايات المتحدة لضمان تأييد بقية العرب لإتفاقية كامب ديفيد


" عندما تكون أمريكا ومصر واسرائيل في حلف واحد في الشرق الأوسط فلن يكون في مقدور أحد في المنطقة كلها أن يرفع رأسه ".

فهل صدق الرئيس الأمريكي السابق ؟؟؟
وسؤالى ايضا اذا كان صادقا
فماهى دلالات ذلك وما النتائج المترتبه عليه من وجهة نظركم ؟
يعنى من خلال خبراتنا كمواطنين عرب واتفاقيات سلام وغيره

[العجمي]

مصر عمرها مكانت ولا هتكون مع اسرائيل او امريكا في تحالف واحد بل كانت اتفاقيه سلام ونضع خط احمر تحت اتفاقيه سلام التي لم ولن تسطتيع اي دوله ان تحقق مثلها وهذا ما قاله الرئيس الراحل محمد انور السادات الحمه الله عليه ومصر عمرها مخانت ولاطاطت راسها وهتفضل مقبره الغزاه علي مر العصوروكما قال الله تعالي خير جنود جنود مصر

[أدهم]

المشاركة الأصلية بواسطة العجمي

مصر عمرها مكانت ولا هتكون مع اسرائيل او امريكا في تحالف واحد بل كانت اتفاقيه سلام ونضع خط احمر تحت اتفاقيه سلام التي لم ولن تسطتيع اي دوله ان تحقق مثلها وهذا ما قاله الرئيس الراحل محمد انور السادات الحمه الله عليه ومصر عمرها مخانت ولاطاطت راسها وهتفضل مقبره الغزاه علي مر العصوروكما قال الله تعالي خير جنود جنود مصر

نعم سيدى العجمى ودعنى أزيدك 9 ألاف سنة حضارة

بعيدا عن هذا الموضوع أريد أن أستفسر من حضرتك عن سبب إختيارك ووصفك للأستاذ السادات بأنه حمة وهى تطلق على المصاب بمرض السخونة والهلفطة والتخريف لإرتفاع حرارة الجسم وأيضا الهزيان ..

وياريت تعرفنى سبب الإعجاب الشديد لدرجة أنك تقول .. الله عليه .. وكأنك تسمع عبد الوهاب فى مقطع من الزمن الجميل .. أحقا هذه العبارة بهذا الوزن الثقيل ( لم ولن تستطيع أى دولة أن تحقق مثلها )

[أدهم]

المشاركة الأصلية بواسطة hend

فهل صدق الرئيس الأمريكي السابق ؟؟؟
وسؤالى ايضا اذا كان صادقا
فماهى دلالات ذلك وما النتائج المترتبه عليه من وجهة نظركم ؟
يعنى من خلال خبراتنا كمواطنين عرب واتفاقيات سلام وغيره

أولا شكرى لأختى هند على الموضوع

ثالثا مش عارف يعنى إيه وغيره اللى جت بعد من خلال خبرتنا كمواطنين عرب وإتفاقيات سلام تقصدى الكلام اللى من تحت الترابيزة مثلا أو اللى بيحصل فى الكواليس ؟

ثانيا الأمريكان ناس مابتكدبش على العرب مش علشان أخلاقهم عالية لأ لأن العرب اللى قدامهم مايستهلوش الدرجة دى من التعامل وشايفينهم ناس زى قلتهم ومابيقدموش ولا بيأخروا وكلهم نوعيات زى الممثلين الكومبارس والجامد فيهم بحكم الزمن زى الممثل الدرجة رابعة اللى له وزنه وتقله الوهمى فى أى عمل بسبب شعره وسنانه وركبه اللى بتخبط فى بعضها .. أقصد مالوش دعوة بالموضوع والزهايمر واكل دماغه والحكاية سبوبة والشغل يمشى . يعنى الأمريكانى مش كداب وواضح وكلامه على عينك ياتاجر ومابيرجعش فى كلامه وورقه مكشوف على الترابيزة وبيلعب .

رابعا وجهة نظر فى إيه بالظبط ؟ الدلالات والنتايج لما نيجى النهاردة نتكلم فيها بعد السنين دى أنا شايف نقول نكت أجدى يمكن الضغط ينزل بدل مايبقى تصلب شرايين صحيح فيه تباين فى الأراء لكن ده مش مدعاة للجدل أبدا لأنى بعتبرها ظاهرة مرضية مش ديمقراطية ولاحاجة ..لما يكون الحوار فى أمر بديهى يصل لحد سطوع الشمس وهو الأمر الذى لاخلاف عليه وحد يقول ماشى نسمع منه .. من حقه .. دى مصيبة بجد !!!! المسرحيات الهزلية اللى عايشين فيها بزعم السلام مع سارق الأرض وهاتك العرض وتزويق المعانى بالحكم والتروى وإن جنحوا كل دا خنوع وبيع فى سوق النخاسة وإستعذاب كل ماهو فج وممجوج وسلخ للرجولة العربية ودفع بالنيو لوك لنبقى كما ترين الأن .. هل حقا تحتاجين دلالات ؟؟؟؟؟؟؟؟؟ هل النتائج لم تصل لأسفل منزلك حتى تلقى نظرة عليها ؟؟؟؟؟؟ لاأعتقد .

[hend]

اولا احب اوضح الموضوع اكتر
الكلام ده على لسان رئيس امريكا السابق
يعنى مش كلامى
وطبعا احنا عارفين ان مصر راعية السلام فى منطقة الشرق الاوسط
وده برضه مش كلامى ده كلام كونداليزا رايس

وسؤالى ان اللى مش متفق معاه يقول ليه واللى متفق معاه يقول ايه مظاهر قوة مصر فى المنطقه وبالتالى نتائج ده
وطبعا اعتمادا على كوننا شعب عربى مر باتفاقات سلام اتحققت زى اتفاق السلام مع اسرائيل والسادات
واتفاقات لم تتحقق زى بتاعت فلسطين اللى كل يومين يروحوا ويتنازلوا
واخرها انابوليس واللى لاول مرة الخليج هما كمان هيطبعوا

[أدهم]

أسود مافى هذا الموضوع أن نجعل مواضع الخذلان والخنوع والركوع موضع فخر وشموخ وإعتزاز


أنا عندى إشكالية بسيطة وهى فارقة فى هذا الأمر برمته ..
أنا أرى عملية السلام مع إسرائيل ماهى إلا دعارة سياسية علنية وجارحة لعفاف الأمة كلها
دونما أى ذنب لأمتنا بكاملها ..
حيث أن أعمال العهر الفاضح تتم بواسطة المفروضون فرضا وقهرا على شعوبهم ..
حكام غير شرعيين .. لشعوب ألفت إغتصاب إرادتها ..
حكام إرتضوا لأنفسهم أن يكونوا دلاديل لبلطجية هذا الزمن ..
فبأى معيار ممكن نقيس ونرصد دلالات القوة لأى طرف عربى ؟
مؤكد بمعيار المهانة والذل والخيانة والخنوع ..
كلما كان الطناش والإستهبال والنظر للجهة الأخرى حتى يمر مايراد له أن يمر من إغتصاب وقصف وتغول كلما زاد قدر ووزن وحجم ودور الدلدول الخائن ..
ويوم وراء يوم .. رأيناهم مهرولون وراء البلطجية يتبارون فى الإنبطاح أمام العدو ليمر على أجسادهم بسلام إلى حيث الأمان كل الأمان لإسرائيل ..
وإلى ومع التطبيع هم سائرون .