سن الزواج فى القرية الذكية

[أدهم]

فى عصر الذكاء الصناعى وثورة المعلومات وعالم الإتصالات وما يخرج علينا كل دقيقة من مبهرات وتقنيات
أرى أن فرصة الزواج بين الراغبين فيه على سنة الله ورسوله عظيمة ومتاحة جدا وبكل جدية وإحترام ..
فالمتاح للراغبين اليوم ليس من فى حدود العائلة فقط أو الجيران والمعارف فقط أو بالعمل فقط أو من خلال زملاء الدراسة مثلا فقط ..
بل على العكس أنا ممن يؤيدون أن يتزوج المسلمون من جنسيات مختلفة بعضهم بعضا لأن فى ذلك توحد ( من الوحدة ) وهو حلم أبناء الأمة ..
النهاردة وبكل صراحة أقول بالنسبة للبنات أقصى سن مقبول للزواج هو العشرين ..
يعنى بعد العشرين ماحدش يزعل منى .. كده متأخرين ..
يعنى لو بإرادتك أو بسبب الأهل فيستحقوا اللوم ..
ليه ؟
التعليم مش عائق أبدا ولا الشغل !!
أهم شئ الزواج ..
والمشاكل اللى حاصلة دى معظمها بسبب قلة الزواج ..
وفيه محترفين فى قلب الأمور بيصوروها إنها بسبب الزواج المبكر ..
وده ترويج لأفكار مش مكانها فى هذا الموضوع ..
رأيكم إيه إن الزواج فور بلوغ البنت 20 سنة والشاب 25 وفورا ..
مش بعدها بخمس سنين !!!
وبأقل الإمكانيات ..
يعنى شبابى بسيط ..
مش حكاية بيت العمر وفرش العمر وكأنها فرصة واحدة لشراء كل شئ !!
هيا ياشباب أمطرونا بأراءكم ..
ولاحظوا أن الدعوة إلى عفاف وسكينة وسعادة للجانبين .

[omarr]

ادهم .. تقبل مرورى فى موضوعك


انا فى حيره و لا استطيع استقراء الموضوع بصوره صحيحه . فانا لا اعرف اذا كان الموضع جاد فعلا
ام هو سخريه من الأوضاع الحاليه ومشاكل الزواج ؟ !!!!!!!

اريد ان اعرف منك حتى استطيع المشاركه والتفاعل معك

[أدهم]

المشاركة الأصلية بواسطة omarr

ادهم .. تقبل مرورى فى موضوعك


انا فى حيره و لا استطيع استقراء الموضوع بصوره صحيحه . فانا لا اعرف اذا كان الموضع جاد فعلا
ام هو سخريه من الأوضاع الحاليه ومشاكل الزواج ؟ !!!!!!!

اريد ان اعرف منك حتى استطيع المشاركه والتفاعل معك

أخى عمر يسعدنى قراءة الموضوع من الوجهتين وبالتالى يسعدنى جدا أن أتلقى ردين .. كموضوع جاد وكموضوع ساخر .. أعتقد أن صلب الموضوع ان يتغير والأسلوب هو الذى سيختلف .. هلا تعاملت مع صلب الموضوع من وجهة نظرك .

[omarr]

ادهم شكرا على التوضيح ...

اذن سوف اتعامل مع صلب الموضوع .. اى افكاره المطروحه وهى كما افهم من الموضع

- إضافه الى طرق الزواج المالوفه لدينا , نشجع الزواج من المسلمين لنحقيق الوحده حلم أبناء الأمه .. و فى رائى الشخصى ان لا يوجد احد يتزوج لكى يحقق الوحده او احلام الأمه .من يتزوج
فهو يتزوج للعفه .. و المصرى كرجل اذا اراد ان يتزوج من اجنبيه مسلمه فأين هى وإين تعيش
وكيف تقبل ؟ اعتقد ان المصرى متوسط الحال لن يستطيع ان يوفر قيمه تذاكر السفر آيابا وذهاب
لها و لعائلتها فضلا عن اقامه فرح .اما اذا كانت مصريه ستتزوج من اجنبى فهذا واقع نسمع به و نعرف نتائجه الغير مشجعه وان كنت احترم رغبات الجميع و اتمنى الخير لكل البشر ..

بالنسبه لتحديد سن الفتاه 20 سنه و الشاب 25 سنه .. اعتقد ان فى الريف او فى المدن الصغيره
يكون الزواج فى سن مبكر عنه فى المدن الكبرى و هذا شىء معروف فى مصر او اى بلد اخر فى اروبا او اسيا او بلد عربى .

فمن الصعوبه ان نحدد سن معين وخاصه ان لكل اسره ظروف تختلف عن الأخرى و كل بنت و كل شاب يختلفون فى ذلك وان كانوا جميعا يتمنون الزواج . واتمنى ان الأخر لهم جميعا الزواج حينما يكونوا قادرين نفسيا و ماديا و عقليا للزواج فى اى سن يختارونه هم .كل على حده .

[أدهم]

منذ سنوات قليلة والأحوال فى بلادنا (مصر والوطن العربى ) ماتسرش إلا العدو .. عنوسة كما السمنة مفرطة وفى تزايد ... زواج عرفى مختلف عليه ..زواج مسيار مختلف عليه...وغيره وغيره إلى أن نصل لحوادث إغتصاب يشيب لها الولدان .. وعودونا فى بلادنا لما يحبوا يتبنوا فكرة ويروجوا لها بيعرفوا إزاى يغرسوها غرس فى العقول .. فمقصدى هو لماذا لاتحل كل تلك القضايا المنغصة على العباد حياتهم وتيسر المسائل الخاصة بالزواج حتى تنفرج الأسارير المكبوته ونكون دخلنا دائرة الحلال بدل الحرام المقنن واللى مفيش مخلوق مش شايفه وعارفه فى كل بلاد المسلمين .

هى دى الفكرة أو صلب الموضوع ..

الكيفية هى التفاصيل التى نتحاور فيها وكل كلامك واضح ورؤى أحترمها .. أشكرك لمرورك والتالى ردى على نقاط ردك .

المشاركة الأصلية بواسطة omarr

ادهم شكرا على التوضيح ...

العفو عمر

اذن سوف اتعامل مع صلب الموضوع .. اى افكاره المطروحه وهى كما افهم من الموضع

- إضافه الى طرق الزواج المالوفه لدينا , نشجع الزواج من المسلمين لنحقيق الوحده حلم أبناء الأمه .. و فى رائى الشخصى ان لا يوجد احد يتزوج لكى يحقق الوحده او احلام الأمه . من يتزوج
فهو يتزوج للعفه ..

لم أقصد المعنى الحرفى للكلمة لأنى لاأوجه كلامى للوحدويون فقط ورغم ذلك لاأنكر الأثر الإجتماعى الإيجابى لتداخل الأسر العربية ومالهذا من ضرورة بحاجة إليها المنطقة اليوم أكثر من أى وقت مضى . وطبعا كلنا نعرف الأعداد الكبيرة المتواجدة فى بلاد غير بلادها وبدون زواج فلماذا لانيسر لهم الزواج مادامو مستقرين مع العلم أن هناك أعداد غير قليلة متزوجون من جنسيات أخرى ولكن كثير مايعانوا من سوء القوانين .. وهذا ماقصدت من التيسير عليهم مش وضع العراقيل !

و المصرى كرجل اذا اراد ان يتزوج من اجنبيه مسلمه فأين هى وإين تعيش وكيف تقبل ؟

هناك حالات كتير ياعمر وناجحة جدا ويمكن تتضاعف إذا تحقق شئ من التيسير للناس

اعتقد ان المصرى متوسط الحال لن يستطيع ان يوفر قيمه تذاكر السفر آيابا وذهاب
لها و لعائلتها فضلا عن اقامه فرح .

أنا أناقش المبدأ أم الكيفية ؟ ومع ذلك بلاش ياسيدى متوسط الحال .. حقولك إيه ؟ إحنا مش مقصود نضع عراقيل .. إحنا بننادى بالتيسير على الناس .. ومع ذلك قضية الفرح والإنتقال العائلى التترى مش مطلوب وفيه حلول كتير ممكن نبتكرها بل بالعكس دا أنا شايفها فرصة لنسف الموروث البالى من عادات شعوبنا وإحياء الأثر الجميل لأفراح المسلمين البسيطة .. يعنى مش عاوزين إرهاق لحد .. ولا تدمير لإمكانات ممكن تساعد فى البناء .

اما اذا كانت مصريه ستتزوج من اجنبى فهذا واقع نسمع به و نعرف نتائجه الغير مشجعه وان كنت احترم رغبات الجميع و اتمنى الخير لكل البشر ..

الخلل اللى بنعانى منه داخليا وخارجيا ..بين المصريين والمصريين وبينهم والجنسيات الأخرى والخلل إجتماعى وتشريعى والنماذج السيئة كتييييير وفشلها ليس بسبب اختلاف الجنسية بل بسبب سوء القوانين .. وهناك حالات ناجحة جدا جدا . رغم كل ذلك

بالنسبه لتحديد سن الفتاه 20 سنه و الشاب 25 سنه .. اعتقد ان فى الريف او فى المدن الصغيره
يكون الزواج فى سن مبكر عنه فى المدن الكبرى و هذا شىء معروف فى مصر او اى بلد اخر فى اروبا او اسيا او بلد عربى .

ماشى والعرفى فى المدن الكبرى 15 سنة 18 سنة بأعداد لها العجب بين الجامعيين وعمال المصانع . مطلوب إنقاذهم

فمن الصعوبه ان نحدد سن معين وخاصه ان لكل اسره ظروف تختلف عن الأخرى و كل بنت و كل شاب يختلفون فى ذلك وان كانوا جميعا يتمنون الزواج . واتمنى ان الأخر لهم جميعا الزواج حينما يكونوا قادرين نفسيا و ماديا و عقليا للزواج فى اى سن يختارونه هم .كل على حده .

ولو يسرنا وباركنا الزواج بأقل الإمكانات مش حنعالج مشاكلهم دى كلها .. عموما هى ثقافة لو وجدت من يتبناها سنصلح بها ونفيد ولا نضر

[omarr]

ادهم , اشكرك لأهتمامك بمشاركتى معك ... تسلم لى ولكل المنتدى


تقبل مرورى وخالص تحياتى و كامل احترامى لك

[أدهم]

المشاركة الأصلية بواسطة omarr

ادهم , اشكرك لأهتمامك بمشاركتى معك ... تسلم لى ولكل المنتدى


تقبل مرورى وخالص تحياتى و كامل احترامى لك

كل التقدير لشخصك العزيز عمر .

[amr_miza1]

اعتقد أنك تنادى للزواج بشكل مبسط وبدن مغالاة او مبالغة او تضخيم سواء فى الاستعداد المادى أو الاستعداد النفسى .. وذلك لما تراه من اثار سلبية تعود على الشاب او الفتاة اذا مرت عليهم سن العشرين للفتاة والخمس وعشرين للشاب ..

انا معك فيما ترى فقديما كان الزواج بهذه الطريقة وخصوصا فى المجتمع الريفى ووبه ظاهرة ( بيت العائلة ) وبيت العائلة هذا كان له دور كبير فى تسهيل تكاليف الزواج الى حد كبير ..
كان الزواج سهلا والمسائل الاقتصادية أسهل من هذه الايام العصيبة بمراحل ..

ارى ان ما تنادى به يعد شيئا صعبا بعض الشيء فى هذا الوقت الذى تعد به الاعتبارات المادية قد طغت على الاعتبارات المعنوية ومثال بسيط .. فإذا تقدر شاب للزواج فيكون أول سؤال في اى جهة يعمل الشاب وكم يتقاضى وهل لديه شقة وكنم يبلغ ايجارها وأسئلة من هذا القبيل ثم بعد ذلك يكون السؤال عن الحسب والنسب ..
لست معترضا عل السؤال على الماديات , ولكنى ارى انها طغت على السؤال على الشخص نفسه

فالامر ليس هينا وظروف الحياة قلما تتيح للشاب ان يتزوج فى هذه السن الصغيرة

اتمنى أن اكون قد قمت بالرد على ما يتطلبه الموضوع

شكرا ادهم على الموضوع الرائع وهو مساحة جيدة للحوار
تحياتى

[زوزو8]

اولا احب اشكرك علي فكرة الموضوع الرائع ده
ثانيا فكرتك واضحة جدا وده حل لازم المجتمع يتجه ليه( مش لازم عريس كامل من مجميعوه )وحدة وحدة وربنا يكرمهم .
ثالثا انا لا اوويد فكرة زواج البنت مبكر او متاخر ( يعني متوسط سن الزواج للفتاة اللي كون مناسب هو من 20:25) علشان تكون خلصت دراسة وتكون عرفت يعني ايه مسئولية وتبدا تحاول تتحمل الاخرين .لكن انها تتجوز وهي في الجامعة بدون وجود ظروف تتدعي لذلك دي فكرة سامحني فاشلة بدرجة كبية جدا
لان البنت وهي بتدرس بتبقي منفضة وعيشة حياتها بالطول والعرض وفجاة تلاقي نفسها شيلة مسئولية وزواج وبيت واطفال , تبدا المشاكل والراجل عامة مش بيستحمل انها تتتعود
بمعني اصح عاوز واحدة جاهزة زي امه صورة الزوجة الثالية في نظره .

وتقبل مروري

[eme]

تسمحلي ياادهم ارد علي موضوعك
انا شايفه ان كلام زوزو صح
وكلام عمر وعمرو كمان مضبوط وانت كمان كلامك صح
بس كل وحد من وجهه نظره
انا معاك بنادي بتيسير الزواج والزواج في هذا السن
بس !!!
الـ موجود حولينا مش بيسمح بأن ده يحصل
يعني متقوليش ان واحد في 25 من عمره لسه مخلص دراسه وجيش وبيدور علي شغل وبيحاول يساعد اهله باقل تعويض عن الـ صرفوه عليه من صغره هيقدر مع كل ده يفتح بيت ويبقي مسئول عن بيت وزوجه واولاد دا غير انه هيبقي لسه جديد في شغله والمفروض انه يثبت كفاءه
انا والله بتمني ان ده يحصل بس الظروف ال حولينا مش مخليانا نعرف نعمل اي حاجه
وحتي لو يقدر يعمل كده ويتحمل كل ده في وقت واحد ويشيل المسئوليه هييجي ابوها يقوله لا ازاي انا بنتي مش بايره انا اجيبلها احسن واحد ويعيشها احسن عيشه علي اساس انهم بيتلاقو حنب الحيطه في الشارع او بيتباعو في السوبر ماركت وطبعا هيفركشها
وفي حالات كمان بيبقي الاب موافق وراضي باي حاجه (مش القصد انه بايع بنته )وطالبلها العفاف ييجي الاخ ويستهبل فيها ويستغل النقطه دي مش ابوها راضي خلاص

المشكله انك متعرفش مين غلطان الاب والا العريس والا البنت ال لأ لازم العريس معاه كام وعنده ايه وراكب مش عرفه ايه وموال اخضر ....


اما بقي بالنسبه لموضوع الزواج من اجانب (سواء عرب او اجانب )
انا مش شايفه فيها حاجه لو الراجل هو ال هيجوز من الخارج بس طبعا يحاول انه يعلم اولاده تعاليم الدين وازاي يمشو عليه (وبعدين زي ما قال عمر مفيش حد بيتجوز دلوقتي علشان الوحده وكده يعني والا انت شايف ايه؟ )
اما بقي البنت لأ فاانا مش حابه انها تتزوج كده يعني من ال انا شفته وسمعته يعني من قلة البنات في بلدهم جيين يخدو مننا طبعا هو مش الكل بس من رحم ربي وده نصيب انا مش بقول ان الكل بيحصل معاه مشاكل بس الاغلبيه وده راي


تقبل مروري

[hend]

هو اقتراح جميل
من الناحية النظريه
لكن ما نقدرشى نربط بين اختيار العمر كله بالسن
الحاجه الاصعب فى حياة الانسان هو اختيار شريك العمر ودى اصعب نقطه
مش شقه او مهر او شبكة
الصعب انك تلاقى شخص يفهمك وتفهمه وترتاح له وتتمنى تقضى باقى عمرك معاه
صدقنى الموضوع مش سن او ناس عاوزه تكون نفسها الاهم الاختيار
مش معقول هنلاقى الشخص اللى هنتمناه ونستنى
ساعتها هنتغلب على اى عائق
مش العكس
فكره حلوة بجد بس فيها بعض الصعوبات
اهنيك عليها

[أدهم]

المشاركة الأصلية بواسطة amr_miza1

اعتقد أنك تنادى للزواج بشكل مبسط وبدن مغالاة او مبالغة او تضخيم سواء فى الاستعداد المادى أو الاستعداد النفسى .. وذلك لما تراه من اثار سلبية تعود على الشاب او الفتاة اذا مرت عليهم سن العشرين للفتاة والخمس وعشرين للشاب ..

انا معك فيما ترى فقديما كان الزواج بهذه الطريقة وخصوصا فى المجتمع الريفى ووبه ظاهرة ( بيت العائلة ) وبيت العائلة هذا كان له دور كبير فى تسهيل تكاليف الزواج الى حد كبير ..
كان الزواج سهلا والمسائل الاقتصادية أسهل من هذه الايام العصيبة بمراحل ..

ارى ان ما تنادى به يعد شيئا صعبا بعض الشيء فى هذا الوقت الذى تعد به الاعتبارات المادية قد طغت على الاعتبارات المعنوية ومثال بسيط .. فإذا تقدر شاب للزواج فيكون أول سؤال في اى جهة يعمل الشاب وكم يتقاضى وهل لديه شقة وكنم يبلغ ايجارها وأسئلة من هذا القبيل ثم بعد ذلك يكون السؤال عن الحسب والنسب ..
لست معترضا عل السؤال على الماديات , ولكنى ارى انها طغت على السؤال على الشخص نفسه

فالامر ليس هينا وظروف الحياة قلما تتيح للشاب ان يتزوج فى هذه السن الصغيرة

اتمنى أن اكون قد قمت بالرد على ما يتطلبه الموضوع

شكرا ادهم على الموضوع الرائع وهو مساحة جيدة للحوار
تحياتى

أهلا بحضرتك أخى عمرو .. أنا متفهم لوجهة نظرك جيدا ولا خلاف مطلقا وما أنادى به شيئا صعبا وأمرا ليس هينا كما كتبت حضرتك لكنى ببساطة شايف إن اللى حوالينا وكلنا شايفينه يعتبر أمر جلل ومطلوب حراك على مستوى البلد كلها .. طيب قولولى ننقذ الشباب والبنات إزاى فى عمر الزهور من العلاقات البشعة اللى أزكمة الأنوف بالجامعات والتجمعات بشكل عام ؟ معدلات الزواج العرفى تتفاقم ونتائجها كارثة بمعنى الكلمة .. عشان كده لازم تتنسف الأمور المظهرية والشكلية لتبسيط وتشجيع الزواج بين الشباب وفى أحضان عائلاتهم ليس فى الخفاء .

[أدهم]

المشاركة الأصلية بواسطة زوزو8

اولا احب اشكرك علي فكرة الموضوع الرائع ده
ثانيا فكرتك واضحة جدا وده حل لازم المجتمع يتجه ليه( مش لازم عريس كامل من مجميعوه )وحدة وحدة وربنا يكرمهم .
ثالثا انا لا اوويد فكرة زواج البنت مبكر او متاخر ( يعني متوسط سن الزواج للفتاة اللي كون مناسب هو من 20:25) علشان تكون خلصت دراسة وتكون عرفت يعني ايه مسئولية وتبدا تحاول تتحمل الاخرين .لكن انها تتجوز وهي في الجامعة بدون وجود ظروف تتدعي لذلك دي فكرة سامحني فاشلة بدرجة كبية جدا
لان البنت وهي بتدرس بتبقي منفضة وعيشة حياتها بالطول والعرض وفجاة تلاقي نفسها شيلة مسئولية وزواج وبيت واطفال , تبدا المشاكل والراجل عامة مش بيستحمل انها تتتعود
بمعني اصح عاوز واحدة جاهزة زي امه صورة الزوجة الثالية في نظره .

وتقبل مروري

تحياتى زوزو

سعيد لتأييدك جزء من الفكرة ..فكرة الزواج وهى فى الجامعة لاتؤيديها ونحترم رأيك .. لكن نختلف فى التحليل لأن اللى بتعيش منفضة بتفضل تنفض على طول وبعدين مشعارف ليه بتعممى بالنسبة للراجل إنه عايز زى أمه ؟ وإنها الصورة المثالية ؟
أشكر مرورك ونورتى الموضوع

[أدهم]

المشاركة الأصلية بواسطة eme

تسمحلي ياادهم ارد علي موضوعك
انا شايفه ان كلام زوزو صح
وكلام عمر وعمرو كمان مضبوط وانت كمان كلامك صح
بس كل وحد من وجهه نظره
انا معاك بنادي بتيسير الزواج والزواج في هذا السن
بس !!!
الـ موجود حولينا مش بيسمح بأن ده يحصل
يعني متقوليش ان واحد في 25 من عمره لسه مخلص دراسه وجيش وبيدور علي شغل وبيحاول يساعد اهله باقل تعويض عن الـ صرفوه عليه من صغره هيقدر مع كل ده يفتح بيت ويبقي مسئول عن بيت وزوجه واولاد دا غير انه هيبقي لسه جديد في شغله والمفروض انه يثبت كفاءه
انا والله بتمني ان ده يحصل بس الظروف ال حولينا مش مخليانا نعرف نعمل اي حاجه
وحتي لو يقدر يعمل كده ويتحمل كل ده في وقت واحد ويشيل المسئوليه هييجي ابوها يقوله لا ازاي انا بنتي مش بايره انا اجيبلها احسن واحد ويعيشها احسن عيشه علي اساس انهم بيتلاقو حنب الحيطه في الشارع او بيتباعو في السوبر ماركت وطبعا هيفركشها
وفي حالات كمان بيبقي الاب موافق وراضي باي حاجه (مش القصد انه بايع بنته )وطالبلها العفاف ييجي الاخ ويستهبل فيها ويستغل النقطه دي مش ابوها راضي خلاص

المشكله انك متعرفش مين غلطان الاب والا العريس والا البنت ال لأ لازم العريس معاه كام وعنده ايه وراكب مش عرفه ايه وموال اخضر ....


اما بقي بالنسبه لموضوع الزواج من اجانب (سواء عرب او اجانب )
انا مش شايفه فيها حاجه لو الراجل هو ال هيجوز من الخارج بس طبعا يحاول انه يعلم اولاده تعاليم الدين وازاي يمشو عليه (وبعدين زي ما قال عمر مفيش حد بيتجوز دلوقتي علشان الوحده وكده يعني والا انت شايف ايه؟ )
اما بقي البنت لأ فاانا مش حابه انها تتزوج كده يعني من ال انا شفته وسمعته يعني من قلة البنات في بلدهم جيين يخدو مننا طبعا هو مش الكل بس من رحم ربي وده نصيب انا مش بقول ان الكل بيحصل معاه مشاكل بس الاغلبيه وده راي


تقبل مروري

كلامك ياإيمى مظبوط وجميل إنك أجملتى الأراء .. وأنا برد على تساؤلك أيهما الغلطان العريس أم الأب .. أقول الغلطان هو كل واحد لايرى الواقع ويعيشه بأمانة ولايسهل أمور الزواج ..وأقول أيضا أن قضية الزواج بين مختلفى الجنسية متبلورة فى قصور التشريعات والقوانين المنظمة فقط .. المشاكل الداخلية كثيرة وكذلك الخارجية لكن الزواج مستمر وعلينا أن نطور القوانين بما يخدم العباد تيسيرا . وأهلا بحضرتك وسهلا .

[أدهم]

المشاركة الأصلية بواسطة hend

هو اقتراح جميل
من الناحية النظريه
لكن ما نقدرشى نربط بين اختيار العمر كله بالسن
الحاجه الاصعب فى حياة الانسان هو اختيار شريك العمر ودى اصعب نقطه
مش شقه او مهر او شبكة
الصعب انك تلاقى شخص يفهمك وتفهمه وترتاح له وتتمنى تقضى باقى عمرك معاه
صدقنى الموضوع مش سن او ناس عاوزه تكون نفسها الاهم الاختيار
مش معقول هنلاقى الشخص اللى هنتمناه ونستنى
ساعتها هنتغلب على اى عائق
مش العكس
فكره حلوة بجد بس فيها بعض الصعوبات
اهنيك عليها

ماشى ياهند ماهو دا اللى بندور فى فلكه .. ماهو اللى بيتجوزوا عرقى مثلا بيكونوا وصلوا لفكرتك دى وبيكونوا إختاروا ومقتنعين بإن العرفى ده هو التغلب على العوائق لأنهم لقوا بعض ومش معقول يستنوا .. زى ما قلتى .. عشان كده الصعوبات اللى بتقولى عليها واللى الجميع أقر بها رغم إختلاف الألوان أنا شايف إنها صعوبات أخف بكتير من اللى وصلناله ولاأود تكرار ما نراه جميعا .
أشكر تواجدك دائما