مرسوم ملكي,,من المملكة المباركة

[Dr-Ayat]

أصدرت المملكة المصرية المباركة مرسوما ً ملكيا ً أكدت فيه عن أحتياجها لمواطنين جدد للعيش على أرض المملكة التى " زهقت " من المواطنين الحالين بها كثيرى المطالب والتوجع ، طالب سمو الملك المعظم ملك البلاد بمواطن ذو شروط معينة لابد من توافرها فيمن يريد التقدم إلى العيش بمصر ، منها أن يكون المواطن لا يحمل أى شهادة سواء متوسطة أو عليا ـ حتى لا يطالب الحكومة بتعينه فى وظيفه حكومية ــ وأن يكون أمـياً لا يقرأ ولا يكتب ــ حتى لا يستطيع قراءة الصحف الخاصة وصحف المعارضه " العميله بالطبع " ــ يحظر على المواطن حمل مصحف ــ حتى لايكون أخوانيا ، ولا يحمل صورة جيفارا ـــ حتى لايكون شيوعيا مذرى للأديان ــ ، ولا يدافع عن حقوق العمال ــ حتى لا يكون محرضا على الأضراب ـــ لابد وأن يكون المواطن الجديد أعمى لا يرى إلا الحزب الوطنى و إنجازاته ، وأن يكون أخرس لايتحدث إلا عن أمجاد الرئيس وتطلعاته ، وأن يكون أطرشا ً لايسمع إلا الأذاعة الملكية ، لابد أن يكون المواطن الجديد غير منضم لأى حزب سوى الحزب الوطنى ــ حتى لا يكون خائنا ً وعميلا ً ــ الملك يطلب مواطن لا يسأل أين ذهبت خيرات مصر ولا يسأل متى يحاكم المسؤلين عن إستيراد المبيدات المسرطنة ، ولا متى يحاسب المسؤولين عن غرق المصريين فى البحر الأحمر وحرقهم فى القطارات والمسارح وتسممهم من مياة الشرب وندرة وجود مياة الرى فى بلد يجرى فيه نهر من شمالها إلى جنوبها تريد المملكة مواطن لا يسأل عن المسؤل عن التعذيب فى أقسام الشرطة وكم معتقل فى سجون المملكة ،،،،، المملكة تطلب دفعة من الشباب ــ فهم المستقبل كله ــ تطلب شبابا ً لا ينتمى لأى تيار سياسي سوى شباب الحزب الوطنى تطلبهم من متابعى أخر بطولات كرة القدم وأحدث ألبومات الفنانين وممن يبحثون عن أخر أنواع المخدرات مطلوب شاب لا يعرف معنى كلمة التاريخ ولا يدرى كام ثورة قامت فى مصر ولا يتذكر من هو عرابى ولا سعد زغلول ولا مين يبقى عبد الناصر ولا مين هو الشيخ أمام ولا أحمد فؤاد نجم ولا صلاح جاهين ولا نجيب محفوظ وطه حسين ولا مين يبقى نبيل الهلالى ولا حسن البنا ولا كام يوم فى الأسبوع ولا مين بقى إلا حاكمنا الواد ولا أبوه ولا حد تانى خالص وأحنا مش واخدين بالنا ،،،،،،،، المواطن المطلوب لابد وأن يمحى من قاموس حياته عدة كلمات منها يعنى أيه ثورة وهى أيه الحرية ولا أزاى نحس بالديمقراطية لابد وأن يمحى كلمة " لأ " ويتعود بس علي حاضر و نعم وتحت أمرك ياملك ،،،،،، أنتهى المرسوم الملكى الذى أصدره جلاله المللك المعظم ويرجى على من يجد فى نفسه هذه المواصفات إرسال أوراقه إلى حيث يعرف وكلنا يعرف ومن لايعرف فعليه أن يعرف قبل أن يعرف أن الله حق...!!!

لك الله يا مصر,,,,

[omarr]

د.آيات
انا تنطبق علي كل الشروط ... ناقص بس اعمل عدد 2 فيش . واحد موجه لوزاره الدخليه
والتانى بأسم المملكه المباركه " مصر سابقا "

[وائل المصري]

اولا\- اود ان اتقدم بخالص الشكر للسيده صاحبه القلم الحر المتميز.
ثانيا\- كانت مصر مملكه اما الان فهي جمهوريه غصب عن الجميع رضينا ام ابينا فهي جمهوريه.
ثالثا\- سيدتي الدوله بها قضاء وقانون ودستور من الممكن ان يكون غائب بعض الوقت بل لن يختفي كل الوقت.
رابعا\- تحثتي عن جماعه الاخوان المسلمين هناك عده جماعات تحمل شعار الاسلام هو الحل ليس قاصر علي الاخوان فقط لكنهم لا يتدخلون في السياسه وانا هنا اريد ان اعيد كلمه السيد مصطفي باشا النحاس الرجل المخضرم في السياسه عندما قالها مدويه للسيد المرحوم(حسن البنا) عندما قام بتكوين جماعه الاخوان المسلمين (قال له انا لا اامن في جماعه تبحث عن المكاسب السياسيه باسم الدين)
علي العموم نحمد الله ان الرئيس مبارك مسلم ولا يفرق بين الاقباط والمسلمين.
وفي الختام حاولي ان تنظري الي الامور بطريقه متفائله ومن الممكن ان تخلعي النظاره السوداء.
واتمني ان الخلاف في وجهات النظر لا يفسد للود قضيه.
تقبلي تحيات وائل المصري.

[hend]

ايييييييييييييه يادكتورة
دا انما على كده اشوف لى دوله تانيه
اييييييييييييه
هتستكثر علياّ كمان الجنسيه فى البطاقه
لو اعلنت عن مواصفات تانيه مش فياّ
همشى امورى واعمل لها ورق ميه ميه والنبى قبل الهديه
وبعدين يااخ عمر انت ماتعرفشى ان اسمها اتغير فعلا
حاول تتفرج على اخبار بتاعتنا
وانت هتشوف المذيعه بتقول مصر مبارك
زى بالضبط "عزبة مبارك"
نفس الايقاع

[Dr.Hammood]

تعيش العزبه

العزبه هي امي نيلها هو دمي

شكرا ايات

[Dr-Ayat]

المشاركة الأصلية بواسطة omarr

د.آيات
انا تنطبق علي كل الشروط ... ناقص بس اعمل عدد 2 فيش . واحد موجه لوزاره الدخليه
والتانى بأسم اللملكه المباركه " مصر سابقا "

استاذ حسين كويس انك بقيت فرد من رعايا المملكة بس صدقني كل رعايا المملكة هايوجهه فيشهم اتجاه السفارات طلبا للجوء في احدى الدول الغربية والمملكة هاتفضى ومش هايبقى فيها غير البوم والغربان اللي سياستهم تتماشى مع سياسة جلالته

[Dr-Ayat]

المشاركة الأصلية بواسطة وائل المصري

اولا\- اود ان اتقدم بخالص الشكر للسيده صاحبه القلم الحر المتميز.

شكرا لك يا وائل بعض ما عندكم
بس بلاش سيدة

ثانيا\- كانت مصر مملكه اما الان فهي جمهوريه غصب عن الجميع رضينا ام ابينا فهي جمهوريه.

جمهورية عالورق بس ,, كلمة جمهورية مستمدة من كلمة جمهور اي الشعب ,,, اي جمهورية هذه وجمهورها (شعبها) محكوم بالقوة من شخص ينصب نفسه رئيسا عليهم بالتزوير؟ لا بل هي مملكة والعائلة المالكة آل مبارك بدليل التلميح كل الاشارات لتنصيب خلف للملك الحالي بولي عهده سمو الأمير جيمي!

ثالثا\- سيدتي الدوله بها قضاء وقانون ودستور من الممكن ان يكون غائب بعض الوقت بل لن يختفي كل الوقت.


كم طال هذا الوقت منذ عام 1981 !!! وكم سيطول يا ترى؟

رابعا\- تحثتي عن جماعه الاخوان المسلمين هناك عده جماعات تحمل شعار الاسلام هو الحل ليس قاصر علي الاخوان فقط لكنهم لا يتدخلون في السياسه وانا هنا اريد ان اعيد كلمه السيد مصطفي باشا النحاس الرجل المخضرم في السياسه عندما قالها مدويه للسيد المرحوم(حسن البنا) عندما قام بتكوين جماعه الاخوان المسلمين (قال له انا لا اامن في جماعه تبحث عن ا
لمكاسب السياسيه باسم الدين)

الإسلام أساس العدل ,,, علما اني ( أختلف كثيرا مع اسلوب هذه الجماعة ) ولكن انا ضد مقولة فصل الدين عن السياسة ,,, مصطفي باشا النحاس غفل ان فتوحات المسلمين في التاريخ القديم كانت باسم الدين والاسلام .

علي العموم نحمد الله ان الرئيس مبارك مسلم ولا يفرق بين الاقباط والمسلمين.

اوافقك الرأي اخي الكريم فهو لا يفرق بين مسلم وقبطي فالإثنان سيان عنده معاملة واحدة وعادلة (قهر وقمع وجوع و................ الخ)

وفي الختام حاولي ان تنظري الي الامور بطريقه متفائله ومن الممكن ان تخلعي النظاره السوداء.


لا يا سيدي الكريم انا لا البس نضارة سوداء بل الجلاد الذي فرض نفسه علينا أعمى لا يرى ما حل بنا من مصائب وويلات بسببه

واتمني ان الخلاف في وجهات النظر لا يفسد للود قضيه.

لكل منا رأي وحرية في الفكر والنهج هنا يكمن سر النقاش الراقي.

تقبلي تحيات وائل المصري.

تقبل تحباتي ,, د \ آيات.

[نيهال]

يا هلا ي دكتور......

اى مملكه مباركه !!!
فلم اسمع على الاطلاق بوجد شبيهتها او باشول الملك علشان نقول عليه ملك حتى
فلم يرتقى ليصل ان نطلق عليه ملك ابدا
لم ولن يكون ابدا


قولى منتجع مبارك

وسيه مبارك..ممكن



واكيد طبعا الشروط السابقه بتنطبق على الكثيرين وبالرغم مش حزهق واسيب البلد

لسه فاضللى شويه كمان


مرسيه يا دكتور على الموضوع الجميل
بجد حلو

[جناب العمدة]

قاعد على قلبه حتى لو الشروط مطنطبقش عليا دى بلدى انا ،
رشة جريئة وكل شىء يبقى تمام والشروط تبقى مستوفاة .
انا اللى باقى وهو اللى زائل (انا الشعب) رحم الله نجاح الموجى

اتحفتينا بجديدك دكتورة

[omarr]

المشاركة الأصلية بواسطة Dr-Ayat

استاذ حسين كويس انك بقيت فرد من رعايا المملكة بس صدقني كل رعايا المملكة هايوجهه فيشهم اتجاه السفارات طلبا للجوء في احدى الدول الغربية والمملكة هاتفضى ومش هايبقى فيها غير البوم والغربان اللي سياستهم تتماشى مع سياسة جلالته

د.آيات . انا مش ماشى من هنا . هلاقى فين مناخ مماثل لمناخ مصر , وحلاقى مين يقبلنى زى اهل مصر .بالطول او بالعرض هنا احسن ... بتكلم طبعا عن نفسى .

تسلمى على الموضع

[omarr]

المشاركة الأصلية بواسطة hend

ايييييييييييييه يادكتورة
دا انما على كده اشوف لى دوله تانيه
اييييييييييييه
هتستكثر علياّ كمان الجنسيه فى البطاقه
لو اعلنت عن مواصفات تانيه مش فياّ
همشى امورى واعمل لها ورق ميه ميه والنبى قبل الهديه
وبعدين يااخ عمر انت ماتعرفشى ان اسمها اتغير فعلا
حاول تتفرج على اخبار بتاعتنا
وانت هتشوف المذيعه بتقول مصر مبارك
زى بالضبط "عزبة مبارك"
نفس الايقاع

ا/ هند مش متابع خالص اى صحف او مجلات او قنوات مصريه بطلت من زمان , احيانا يكون الجهل
نعمه

[hend]

المشاركة الأصلية بواسطة وائل المصري

علي العموم نحمد الله ان الرئيس مبارك مسلم ولا يفرق بين الاقباط والمسلمين.

استوقفتنى تلك ال جمله كثيرا

والله اعلم انى لا اريد اثارة الفتن

ولكن هناك فرقه كبيره
لا يوجد قبطى لا يعمل ولا توجد قبطيه لم تتزوج بعد
والدليل
عندما تنصرت قتاة مسلمه ناشد والدها الرئيس مبارك ان يعيد ابنته اليه كما فعل مع وفاء قسطنطين
ولم يعيدها الرئيس حتى الان



اذا اختفت فتاة مسيحيه (وده حصل اول امبارح) هاجوا وماجو وهددوا
وعادت بعد24 ساعه
واذا اختفت مسلمه
البقاء لله


كنت فى كورس للكمبيوتر تجاورنى فتاة مسيحيه
وجلسنا ندردش
ويومها كان الاستفتاء على الدستور
اللى الشعب كله اجمع انه مش رايح
فاكرينه
بتقول انا عمرى ما انتخبت ولا هنتخب فى يوم
بس الكنيسه النهارده طلعت بطاقات انتخاب للكل علشان يروح يوافق على التعديلات وشددت على كده
قولتها باستغراب
:ازاى
انتى مش عايشه فى البلد ...انتى عاوزه حسنى مبارك
قالت لى:هو ما عملشى فينا حاجه
قولت لها انتى ما اشتغلتيش لغاية دلوقتى
قالت :الكنيسه بتعرض علي كل يوم وظيفه بمرتب خيالى بس انا برفض لانى عاوزه وظيفه حكومى

(بعد كده عرفت ان الكنايس بتحط اعلانات عمل داخلها)
قولت لها : انتى ما اتجوزتيش لغاية دلوقتى : قالت :شوفت شاب فى الكنيسه وهنتجوز
سكت


يومها تمنيت ان يكون للمسلم كنيسه
تعرفوا تقولوا لى بقى
احنا كده زى بعض
بنات مسلمات من غير جواز وشباب مسلمين بدون عمل والعكس تماما
دوله داخل دوله
انا اكرر انى لا اقصد على الاطلاق اى فتن
انا على فكره بحبهم بجد وبجد اتمنى لهم كل خير
بس اختلف كل الاختلاف مع اى شخص يقول اننا سواسيه

[amr_miza1]

آيــــــــــــــــــات

هذه الرسالة أرسلتها لصاحبتها من سنة تقريبا وهى صحفية ومن سوء حظها كانت كاتبة ايميلها والمقالة دى كانت فى صحيفة محترمة من صحف الحكومة .. اقريها وهتعرفى اللى فيها .. وانا كنت محتفظ بيها فى drafts كويس انى لقيتها

نص الرسالة

فى ورقة ليست بالنظيفة وجدتها بالصدفة ملقاة على الأرض

فشد انتباهى جملة تقول (التوريث .. التوريث ) بقلم ايمان انور
ظننت مبدأيا انك سوف تقولين بأن الشعب المصرى المغلوب على امره قد فاض به الكيل من القمع الغير مبرر بشىء سوى العنجهية القبلية من جانب الحكومة ..

واسمحيلى يا إيمان ان اتطرق لما جئتى به فى المقال المستفذ ( ربما قلتى ذلك الكلام طلبا وطمعا فى درجة وظيفية أو خلافه وهذا لا يمت للصحافة بشيء) ما علينا

1- تقولين : تركنا كل شيء وانشغلنا بقضية التوريث فى مصر ووصفتى القضية بأنها سؤال ممل :- ما الذى يجب ان ينشغل به الشعب تامر حسنى أم نانسى وملابس هيفاء والافلام الهابطة ام ينشغل بالصحف المهتمة بجرائم الاغتصاب والكلام الساخن بالمجلات الجنسية أم ينشغل بالموبيلات والنغمات الروشة والفرانكواراب ،، أقل شيء يا استاذة ان ينشغل الشعب بمصيره مع من سيكمل الشعب مأساته .. ماشى

2- تقولين : مصر تموج بحركة اصلاح سياسى واقتصادى ( هائلة ) لم تشهدها مصر فى تاريخها :- احب اقول لك انك جاهلة ولا تعلمى شيئا عن تاريخ مصر ، (على الفكرة الجهل مش عيب ) ولكن من الممكن ان تقرأى بعض الكتب التى تتحدث عن تاريخ مصر العظيمة التى كانت فى يوم من الايام فى القرن الماضى الذى ليس بالبعيد القاهرة ثانى عواصم العالم واولى العواصم الافريقيه والعربية اصبحت فى عهد الرئيس الحالى فى نهاية المدن الباهته
تقولين التعديل الدستورى بالانتخاب يفتح الحق لكل مواطن سواء جمال مبارك او غيره :- لا تعليق ( ارجع واقوللك اقرأى بس كويس فى الدستور وفى المواد الجديدة التى قامت بتفصيلها الحكومة )

تقولين :- ( الزن ) على مشكلة التوريث : مش عارف اقولك ايه بصراحة ، انا اعلم ان الشعب المصرى ليس بالزنان يا اسمك ايه ،، ما الذى اتعبك من الشعب ومن انتى اصلا كى تقولى ان الشعب المصرى زنان ، مش عارف انا اتعلمتى الصحافة فين ومين اللى خلاكى تكتبى اصلا علشان تقولى ان الشعب زنان علشان عاوز يعرف مين اللى هيحكمه

تقولين : مصر فى مصاف اعتى الدول الديمقراطية فى العالم :- لست ادرى من اين قمتى بغش هذا التعبير اللغوى القوى : هل انتى مصرية وتعيشين بمصر وتعرفى جيدا ان مصر دولة ديمقراطية ،، واقل شيء ان مصر الان هى الدولة الوحيدة بالعالم التى بها قانون يبيح ( ان حد ياخدك كدا وانتى ماشية لا بيكى ولا عليكى ويرميكى فى الحبس والا المعتقل ) واسمه قانون الطوارىء

تقولين : الى (هؤلاء) اجعلوا مصلحة مصر ومستقبلها مقصدكم : هؤلاء اللى انتى قرفانة منهم دول يبقوا اهل بلدك وناسك وعائلتك الا اذا كنتى بلا انتماء لا لبلدك ولا لشعبك
تقولين : ما دون ذلك دخان فى الهواء : ما احنا عارفين

اختصرت جدا فى ردى على كلامك التافه المستفذ
محسوبك : مواطن عادى 25 سنة ليسانس اداب

دا كان نص الرسالة

[Dr-Ayat]

المشاركة الأصلية بواسطة hend

ايييييييييييييه يادكتورة
دا انما على كده اشوف لى دوله تانيه
اييييييييييييه
هتستكثر علياّ كمان الجنسيه فى البطاقه
لو اعلنت عن مواصفات تانيه مش فياّ
همشى امورى واعمل لها ورق ميه ميه والنبى قبل الهديه
وبعدين يااخ عمر انت ماتعرفشى ان اسمها اتغير فعلا
حاول تتفرج على اخبار بتاعتنا
وانت هتشوف المذيعه بتقول مصر مبارك
زى بالضبط "عزبة مبارك"
نفس الايقاع

إيييييييه يا هند واللهي دنيا عجب بقت عزية فعلا
قال مصر مبارك والمصيبة ان البركة راحت منها من اول ما هل عليهامبارك.

[Dr-Ayat]

المشاركة الأصلية بواسطة Dr.Hammood

تعيش العزبه

العزبه هي امي نيلها هو دمي

شكرا ايات

وجيمي هو همي

وعجبي!