احزان للابد

[اسامة الجامد]

السلام عليكم ..اسمحولي افضفض عن الي جوايا ....انا كان ليا واحد صاحبي اعرفة من سن خمس سنين كنا دايما مع بعض كنا مع بعض في المدرسة والدروس كان اقرب انسان ليا في الدنيا بعد لما خلصنا الثانوية العامة مع بعض دخلنا نفس الكلية مكناش بنفترق صاحبي دة كان بيحب واحدة وحاول يصارحلها بحبة كذا مرة وكان بيوسطني بيني وبينها بس هيا دايما كانت بترفض كان دايما بيحكيلي انة اد اية بيحبها وبيفكر فيها لكن هي كانت ماتستهلوش ومع كدة كنت بحاول اجمع بينهم علشان انا عارف هو اد اية بيحبها وفي يوم جالي صاحبي دة طاير من الفرح بيقولي ان حبيبتة دي وافقت علية بس بشرط يروح يتقدملها وفعلا راح وخطبها كنت انا اكتر واحد فرحتلة في الدنيا دى علشان صاحبي اتحققلة املة وخطب البنت الي بيحبها لكن بعد الخطوبة بأسبوع صاحبي سافر القاهرة في مشوار كان مفروض يومين ويرجع لكن للاسف غيابة طول وهيطول اوي يمكن اكتر من الي كنت اتوقعة عارفين لية .... لانة مات من 3 اسابيع مات واخد معاة الفرح من حياتي مات وماسبليش الا الاحزان طول عمرى حادثة اخدت منى اغلي صديق عندي في الدنيا اخدت مني صديق عمرى بعد لما اتحقق حلمة ورجعت اشوفة بيدحك وخطب البنت الي بيحبها مات وساب الدنيا دي بقيت سودا قدامي مش عارف اعمل اية انا بقالي 3 اسابيع مابكلمش حد ومابخرجش من اوضتي حتي بفكر اسيب مصر واسافر الكويت عند والدي علشان خلاص الدنيا عندي مابقتش تساوى النهاردة زى امبارح وزى بكرة مافيش فرق بعد ما اخدت مني صديق عمرى ومافاضليش الا الاحزان طول عمرى صدقونى لو قلتلكوا اني باتمني اموت علشان حياتي مابقاش ليها قيمة لكن كان لازم اعرف ان بعد الفرح دايما دموع وان الحياة مافيهاش ابيض لانها كلها سودا

[maysam]

الأخ اسامة

البقاء لله طبعا

اكيد حاسين بشعورك لأن شعور الفقد شعور قاسي
لكن برضو الحياة لازم تستمر ، وكلنا معرضين اننا نموت بأي لحظة من غير ما نكون عارفين وحاسين ، والانسان لما بيكون مؤمنلازم يرضى باللي كتبه ربنا لأنه في يوم كلنا حنموت.

عارفة ان الواحد صعب ينسى بسهولة ، لكن بكرة الايام ومشاغل الحياة بتعوضك في ناس تانية
حتلاقي اصدقاء وزمايل وتتجوز ويكون عندك عيلة...الدنيا لازم تمشي والحياة ما بتوقفش عند شخص واحد مهما كانت قيمته وغلاوته

وبيبقى الانسان اللي هو صديق عمرك ذكرى جميلة جواك.

انا عارفة ان الكلام ساعات مالوش اي اثر ومشاعر الالم في موقف الموت بتكون اكبر من اي كلام بيخفف ، بس خلي ايمانك كبير وداوم على الصلاة ومع الوقت مشاعر الحزن حتخف ان شاء الله

[طائر غريب]

اسامة شد حيلك دى مشنهاية العالم وخلي عندك امل في ربنا بس صدقني انت محتاج ترتبط بانسانة تحبك وتحبها وساعتها هتقدر تنسيك كل احزانك

[أدهم]

قاسية على النفس جدا مشاعر الفراق .. ووفاءك لصديق عمرك موصول لم ينقطع .. فبرك بأهله ومن كان يحب برا له ووفاء .. نعمة النسيان غالية أنعم علينا الله بها .. فأثار الفراق والأحزان تولد كبيرة وتتضاءل بمرور الزمن .. ولابد لنا من أن نراجع أنفسنا بعد مرورنا بتلك التجارب .. ولابد لنا أن نزيد من قدر إيماننا بالله وقبول قدره .. فالموت حقيقة مؤكده .. ودائما نذكر أموات المسلمين بالرحمة والمغفرة .. فأحياء اليوم أموات الغد .. وتقبل عذائى أخى الكريم وهون عليك ولاتترك نفسك لهواجس الصدمات .. وأشكر لك أن أشركتنا أحزانك . وتقبل تحياتى .

[omarr]

اسامه

انا كان لى تجربه مريره و فقد صديقى و تؤم روحى وكان عندنا 26 سنه , الحزن ليس له ايه فائده
واعتقد ان لصديقك اهل يجب عليك ان تباشر امورهم و تخفف عنهم و تحاول ان تساعدهم
فصديقك لن يموت طالما انت تحى ذكراه و طالما هو موجود داخل قلبك ولن يموت ابدا

[نيهال]

البقاء لله

فلا راد لقضائه وان شاء الله تكون رحمه له ولك

ما راح اقوللك انك حتنسى والكلام ده
لان مش فيه حد ممكن ينسى اللى بيحبهم ابدا.وبتكون ذكراهم معانا دايما
لكن اللى حقولهولك ان بمرور الوقت بيخف الم فقدانهم.لكن ما بيزول

فنصيحتى ليك .حاول تغير جو فى اى مكان مش ليك ذكريات ليه معاك
غير جو بمعنى الكلمه
ولو تقدر تروح لوالدك.يبقى افضل اكيد


ولما بترجع ان شاء الله تكون افضل ....

حاحكيلك شئ........بعرف انسانه كانت مرتبطه كتير بوالدها وكان كل حياتها

فلما توفى الى الله تعالى.كانت صدمه لها فكانت لا تستطيع النوم اطلاقا الا بالصباح


منظر شوق الشمس كان يصيبها بالحزن فتبكى اذا رات شروق الشمس وتجد الغروب مشرقا كانه بدايه لحياتها الغير معلومه الملامح


هيه مش نست
برغم مرور الزمن...لكن لولا تغيير حياتها فى ها الوقت كانت ممكن تنفصل عن كل اللى حوليا.وتنعزل نفسيا


بتمنى انك تكون افضل الان وربنا يهون عليك المك وحزنك

[مستكة]

انا لله وانا اليه راجعون

البقاء والدوام لله

اقسي شيء علي الانسان الفراق

وخصوصا في حالات معينه

الله يعينك ويصبرك علي الايام دي

مش هقولك هتنسي لان الناس المميزه في حياتنا مبتتنساش ابدا

ولكن هقولك الحياه لاتتوقف بموت شخص مهما كان الشخص ده غالي علينا

حاول تخرج من عزلتك واعمل الحاجات اللي بيحبها

ود اهله تصدق عليه اقرا له القران ادعيله

هي دي الحاجه اللي محتاجها جدا منك الان

وتاكد مليون بالميه انه حاسس بيك وكل ما يوحشك كلمه

اه كلمه وابعتله رسايل بس الاهم الدعاء

وادي درس اتعلمته من الحياه

ماهو التعلم مش ببلاش

وربنا يصبرك ويصبرنا

[روما الشعنونة]

البقاء للة بجد مش عارفة اقولك اية صدقني انا حاسة بيك اوي وبمشاعرك لاني فراقت اعز واغلي واحب شخص في حياتي من9شهور كان كل حياتي ودنيتي كان سبب فرحي كان بيشيل عني الام كنت بحس بحنانة وانا في حضنة كان كل حاجة بالنسبالي كان حبيبي وصديقي وباباي وكل حاجة هو جدي بجد هو الانسان اللي كنت بروح احكيلة كل حاجة وكان بيخفف عني ربنا يرحمة ويغفر ذنوبة احنا مفيش قدامنا غير الدعا لهم بالرحمة والمغفرة بس حاول تبقي تروح لا اهل زميلك تقعد معاهم حاول تخرج من قوتك لان مينفعش اللي انت فيه دة تخيل لو زميلك دة لسة عايش كان هيرضي الوضع اللي انت فية دلوقتي طبعا لا حاول تعمل كل حاجة هو كان بيحب انك تعملها وحاول تحقق اللي انتو كنتو بتحلمو بيه وربنا يعينك علي فراقة ويعني علي فراقك ياجدو يااحن واطيب قلب بجد واحشني اوي واحشني حضنه اللي كان بيخفف عليا الام الدنيا

[روما الشعنونة]

البقاء للة بجد مش عارفة اقولك اية صدقني انا حاسة بيك اوي وبمشاعرك لاني فراقت اعز واغلي واحب شخص في حياتي من9شهور كان كل حياتي ودنيتي كان سبب فرحي كان بيشيل عني الام كنت بحس بحنانة وانا في حضنة كان كل حاجة بالنسبالي كان حبيبي وصديقي وباباي وكل حاجة هو جدي بجد هو الانسان اللي كنت بروح احكيلة كل حاجة وكان بيخفف عني ربنا يرحمة ويغفر ذنوبة احنا مفيش قدامنا غير الدعا لهم بالرحمة والمغفرة بس حاول تبقي تروح لا اهل زميلك تقعد معاهم حاول تخرج من قوتك لان مينفعش اللي انت فيه دة تخيل لو زميلك دة لسة عايش كان هيرضي الوضع اللي انت فية دلوقتي طبعا لا حاول تعمل كل حاجة هو كان بيحب انك تعملها وحاول تحقق اللي انتو كنتو بتحلمو بيه وربنا يعينك علي فراقة ويعني علي فراقك ياجدو يااحن واطيب قلب بجد واحشني اوي واحشني حضنه اللي كان بيخفف عليا الام الدنيا

[وائل المصري]

البقاء والدوام لله.
عندما مات والدي احسست بمراره شديده واستمر حزني عليه حتي اربع اشهر او يذيد لكن وبعد دخولي العنايه المركزه لحاله الاعياء الشديده التي كنت عليها وقامه امي بالبكاء امامي وريتها قبيل ان اروح في الغيبوبه بقليل هذا الموقف الذي جعل مني رجلا والحمد لله يعتمد عيه.
وعزائي الوحيد اننا هنا كلنا اصدقائك.
تذكر فقيدك في رسول الله لو كان احدا مخلد لكان هو.
ان لله وان اليه راجعون.
تقبل تعازي وائل المصري.

[satanic fate]

عارف ايه أغرب حاجه في الدنيا اللي احنا عايشينها دي يا أسامه ؟؟؟ أنها عامله زي مسلسل من غير أبطال --- كل ما الناس تجمع على البطل أو تحب حد بقوة -- الدنيا بتسيبة -- حتى نبينا محمد صلى الله عليه و سلم مات -- زي ما يكون حد عايز يعرفنا إن الدنيا مبتقفش على حد -- غصبن عنك الدنيا هتستمر -- فكر بعقلك ايه النتيجه ؟ محدش هيشاركك حزنك حتى لو الكل واساك هما كده عملوا اللي عليهم -- فكر في صاحبك ايه نهايتة دلوقت ؟؟ يا ترى هو فين ؟؟ مش يمكن دا درس ( صعب ) علشان انت تتعلم حاجه متنساهاش طول عمرك ؟ وعموما البقاء لله

[روما الشعنونة]

ابقي طمني عليك يا اسامة انت عامل اية دلوقتي يارب تكون بخير ان شاء اللة

[صفاء فتحي]

البقاء لله يا اخي اسامة وده حال الدنيا وربنا يرحمنا جميعاوقم بتصدق عليه وهو ده الا هيفعو يوم القيامةو اخيرا كلنا اموات ولاد اموات وكل نفس سوف تموت

[فراق84]

ربنا يرحمو
هي الدنيا كدة ..تاخد منا اللي نحبو وما تديش اللي عايزينو
انا حاسة بيك
لاني بعرف شو معناة الفراق...وبكل معانيه واشكالو
بس عمرو خلص ..وما عدش ليه مكان بالدنيا..واحنا لينا وقت وحنلحقو
لانو صاحبك وبتحبو لازم تساعدو ..انك تدعيلو ..دا هو اللي عاوزوا
واكيد لو فضل عايش مش حيكون عاوز تكون زعلان كدة ..وانك تعيش حياتك...زي ما كان معاك..
ربنا يصبرك ويقويك...

[aya.a.m]

ربنا معاك بس دة مش حل انك متكلمش حد وتهرب من الحقيقة الصعبة دى وفكر شوية ممكن وفاة صحبك دة تكون علامة من ربنا ليك انك تراجع امورك وانة عايز يثبتلك ان الدنيا دى متستهلش وانك فى الاخر راجعلة واعرف ان دة قدرة وكان مكتوبلة واحمد ربنا انة مات مرتاح بعد ماحقق حلمة وربنا يصبرك بس حاول تفكر فى مستقبلك من دلوقتى وازاى هترضى ربنا ودايما تحط فى دماغك انك بعد الشر يعنى ممكن تموت انهاردة او بكرة فى الاخر محدش ضامن عمرة وياريت تبص للاخرتك لانها هى الى تستاهل والبقاء للة