خدعوك فقالوا؟؟؟

[وائل المصري]

خدعوك في الفضائيات فقالوا لك سوف تفوز بثمانين الف دولار واذااجبت عن السؤال الموجود علي الشاشه الذي لا يجد تلميذ في الابتدائيه صعوبه في اجابته.
ومن باب العلم بهذه الخدع والاكاذيب قلت اتصل باحد الارقام المعلنه علي شاشه واحده من عشرات الفنوات .
فرد علي الكمبيوتر طبعا مرحبا بي وبحراره شديده بالرغم من انني لم اتشرف بلقائه من قبل وبعد تعليمات طويله واخذ بياناتي قال لي شكرا لاتصالك وحاول مره اخري حتي يختارك الكمبيوتر ويتصل بك.
وبالفعل وحتي اقنع نفسي بهذه الخدع طلبت مره اخري وكانت المفاجأه حيث تعرف علي الكمبيوتر قبل ان انطق بكلمه واحده قال لي.
شكرا لاتصالك حاول مره اخري ونتمني معاوده الاتصال مره ثالثه للدخول في المسابقه حتي نتصل بك(سعر الدقيقه 50قرش).
فضحكت وضربت كفا علي كف ولمت نفسي اذ كيف اضيع من وقتي ومن مالي عشر جنيهات وانا واثق واتيقن ان كل هذا نصب واحتيال ؟؟
وعلي فكره لو اختارك الكمبيوتر بالفعل واتصل بك فيكون هذا بعد اتصالك بايام عديده ويفاجئونك بسؤال غير الذي اتصلت سابقا بسببه ومن هنا انصح كل قراء منتدي ابن مصر الاعزاء بعدم الانسياق وراء هذه الاحلام بل الاكاذيب حتي ولو للتجربه كما فعلت انا وضحك علي الكمبيوتر .
وتساؤلي هنا لماذا نترك كل هذه القنوات الفضائيه لتسرق الناس عيني عينك دون رقيب او قانون او حتي ضمير برغم ان كل شيئ يدث في مصر من الحكومه او الحزب التابع لها يكون عنده زماره وتوت توت ...توت....كله يفوت لا يموت....
وائل المصري جبهه الدفاع عن الحكومه في المنتدي.

[دلوعة؟؟]

صح كلامك يا وائل والله مرة حصلت معانا كنا كلنا قاعدين بنشوف اسئلة على قناة استارك فقام اخويا واتصل وبالفعل ردت المذيعة في نفس الوقت وسمعنا صوتنا على تليفون ولكن قطع الخط وكمان الرصيد خلص

[وائل المصري]

شوف المذيعه الرخمه ازاي تغلق الخط في وجه اخت ليه في المنتدي.
ابعتيلي اسمها وانا ارفدهاليك من التلفزيون.
تقبلي تحيات وائل المصري علي المرور.

[دلوعة؟؟]

مرسي جدا جدا يا وائل ده كله من زوقك والله

[نرجسية]

انتشرت بكثرة هذه الاحتيالات
و لأننى أعرف أنها وسيلة نصب فلم أقدم حتى على التجربة و لو من باب الفضول
لذلك التنبيه للجميع مهم

[ابتسامة الحياة]

معك حق وكلامك صحيح يا وائل
احيانا يدفعنى الفضول لكن لم اقدم عليها لأنى ببقى حاسة ان الرصيد هيخلص ومش هوصل لحاجة
بس فيه ناس ادمان لده ومش بتتعلم

[وائل المصري]

الشكر كل الشكر للجميع علي المشاركه ولو بكلمه.
وكل عام وانتم بخير بمناسبه عيد الاضحي المبارك.
وائل المصري.

[شذا الأمواج]

هههههههههههه
تعيش وتاخد غيرها
كل عام وانت بخير والاهل والاصحاب

[eme]

تعيش وتاخد غيرها


المفروض ان كلنا نتعلم من اخطاء الاخرين ومنكررهاش تاني



الحمد الله انا مش بعمل كده

تقبل مروري

[وائل المصري]

انا غلطان ان انا بحزركوا.,
مهو انا لو اعرف مكنتش عملت كده.
وائل المصري.

[نيهال]

يااااااااااااااه
انا وقعت فى المطب ده من سنتين تقريبا وجت الفاتوه محترمه

ومن يومها ....ما فكرت انى ادخل مره تانيه فى هذا الهراء
بدايه بيتريقوا على الغلابه وياخدوا فلوسهم على الفاضى
وكان الناس بقت فاضيه

[omarr]

لما بشوف البرامج ديه .. اتحول الى "بغبغاء " يردد بلا انقطاع كلمه واحده

حراميه ... حراميه ... حراميه ...

كل سنه وانت طيب يا وائل

[توتى3000]

شكرا يا وائل فعلا انتشرت الحكايه دى اوى بشكل مرعب وبقى فى كمان قنوات مخصصه للمسابقات دى واكتر حاجه بتستفزنى المزيعات بتوع القنوات دى

[جناب العمدة]

المضوع ده اصبح مرض والناس عارفى انه سراب وللاسف
برضو بتتصل وتشارك .. عجبى
هقولك على حكاية حصلت معايا يا وائل ..
زميل سعودى طلبنى فى مره اساعده فى برنامج من دول وكان عن طريق
الموبايل.. على ما اذكر كان برنامج اماراتى .
المهم اتصل وبدات الاسئلة وكنت خايف لا اكسفه .. قلت اكيد هتيجي
اسئلة صعبة .
وسؤال ورا سؤال لقيت الاسئلة كلها لا يعجز احد عن الاجابة عليها وفرحت
وصاحبنا قعد ينتقل من مرحلة الى مرحلة لحد المرحلة الاخيرة اللى بعدها الجايزة اللى هيه
وجه السؤال الاخير وجاوبتهولة .... فجأة الخط قفل ... والله حقيقى
صاحينا بيشوف الرصيد لقى المكالمة دى كلفته 185 ريال .
ودى تجربة شاركت فيها بنفسى .

[سها soha]

اتصل ب 0900 معانا كسبان كسبان

وهما قصدهم معانا خسران وفقران

دة ان دل بيدل على ان الاعلام العربى بقة هايف

وللاسف احنامش كاملين عشان نعمل برامج ونضحك بيها على الناس

شكرا ياوائل وبجد انا معنتش بتصل وحرمت عشان عرفت ان المسألة كلها نصب فى نصب

وياريت كل الناس تعرف كدة

شكر ياوائل موضوع فعلاا مهم تقبل مرورى