إتفرج على الشرقي !! و العياذ بالله

[satanic fate]

كلكوا دخلتوا طبعاً علشان شفتوا كلمة شرقي -- عموما هي دي الخدعه مش الشرقي اللي في دماغكم -- بس الفرجه على الراجل الشرقي الغلبان انا ملاحظ ان كل واحده بتيجي في التليفزيون او بتحب تعمل نفسها موصقفه تقعد تشتم في الرجل الشرقي و طول مهي قاعدة تقول مهو علشان شرقي مهو علشان شرقي -- بتحسسني انها بتتكلم على الرجل الحجري ولا حاجه -- طيب متيجو نشوف مميزات الرجل الغربي -- ايوووووووه الغربي -- كل اللي يدخل يقول اللي مش عاجبة في الشرقي و عاجبة في الغربي و نشوف هل الشرقي فعلا يستاهل كل الانتقادات دي ولا لا !!

[satanic fate]

يا خسارة اهو انا لو كنت بنت كانت الردود نزلت كالمطر هههههههههه انما دلوقتي --- عجبي

[hend]

ههههههههههه
طب ايه رايك نبدلّ
هههههههه
لا يا سيدى الفكرة مش انك بنت او ولد
الفكرة انك ما حددتش فكره معينه يتمحور عليها الموضوع وبعدين تنتقل من فكرة لاخرى وكده
انما انت هتسيب لنا حرية اختيار الفكره بتاعت الشرقى
وده بقى مش سهل

[satanic fate]

انا قلت كل اللي يدخل يقول اللي مش عاجبة في الشرقي و عاجبة في الغربي و نشوف هل الشرقي فعلا يستاهل كل الانتقادات دي ولا لا !!

يعني في رأيكم ايه مميزات الرجل الغربي اللي مش موجوده في الشرقي -- و بوجة عام ايه عيوب الرجل الشرقي من وجهة نظركم

[omarr]

فى رائى الشخصى , الشخصى جدا , ولا الزم به احدا إلا نفسى .

كلامى هنا هايكون كلام عام , يعنى ينطبق على معظم رجال الغرب فقط .وكلامى بناء على خبرتى
وتعاملى معهم لأكثر من 14 عام .

بالنسبه لمميزات الرجل الغربى :

- فى العمل انتاجه اكثر بكثير من الرجل الشرقى العربى .
- يقول ما يعنى و يعنى مايقول لا يعرف اللف والدوران والحداقه والفهلوه و لاخطب عنتر بن شداد
- يهتم بالحياه و الواقع و عملى الى حد بعيد
- يهتم بجسمه وصحته و نظافته الشخصيه اهتماما بالغا
- يحترم خصوصيات الناس و يعشق الحريه
- يحترم مواعيده ووعوده
- يهتم بالوفت اهتماما غير عادى




سلبياته :

- عدم وجود روابط قويه مع اسرته مقارنه بالرجل العربى الشرقى
- اغفال الروحانيات
- فكرته عن كبار السن سلبيه مقارنه بالرجل العربى الشرقى ,وطريقه معاملته لهم فيه كثير من النظره الدونيه كونه عجوز و ضعيف .عكس الرجل الشرقى الذى ينظر اليهم كنبع الحكمه و ان احترامهم واجب و العطف عليهم ضرورى

- الأحساس بالرقى والنظره الدونيه لمن هم اقل منهم تطورا .


اما بالنسبه للرجل الشرقى العربى فلا اعلم شيئا جديدا لا تعرفونه انتم عن مميزاته وعيوبه

اخى الكريم تقبل مرورى فى موضوعك

[hend]

ماشى يا سيدى
الشرقى يتميز طبعا بالاسلام و وراوبط الاسرة القويه والغيره على المحارم

الغربى يتميز باحترام المرأة واكثر قدرة على التعبير عن مشاعره
محب للعمل والانتاج ويتمتع بالعطلات والفسح على عكسنا

االشرقى يعجبه فى المراة جمالها
الغربى يعجبه اكثر ذكائها
الشرقى لا يستمع للمرأة نهائيا
الغربى مستمع جيد

الغربى اكثر اهتماما بالمظهر والشكل العام ويلتفت الى الامور الفرعيه

الشرقى اقل اهتماما بالمظهر وعلى الاخص مظهره ولا يهتم بالامور الفرعيه

الشرقى يلتفت الى المظاهر الخارجيه ويحكم على الاخرين من خلالها
الغربى اكثر التفاتا الى الامور الداخليه قبل الحكم

الشرقى يميل الى القديم ولا يحبذ التطوير
الغربى محب للتغيير والتطوير الدائم

الشرقى يخجل من الاعتذار
الغربى يفاخر بقدرته عليه

الغربى يجيد التعبير عن مشاعره فى الحب والغضب والحزن
الشرقى كتوم ومحب الى التظاهر بالعكس

الغربى يتقبل اخطاء الاخرين ويسامح بسهوله مهما كان حتى لو كانت خيانه
الشرقى لا يتقبل اخطاء الاخرين ولا يسامح بسهوله وخاصة فى الخيانه

[الاسيوي]

الهجوم على الرجل الشرقي ناتج من نزعة للمرأة للتحرر اي التحلل كما هو في الغرب وتريد ان تنسى واقعها ودينها وسلوك الرجل الشرقي يتعارض مع ذلك والكثير من نسائنا الشرقيات عندما ذهبن الى الخارج ذبن في المجتمع الجديد واخفق حتى الزوج في اعادتها له ثانية الشرقي رجل عصري محافظ ملتزم بتقاليده الموروثة عبر اجيال مضت

[satanic fate]

معظم ردودكم يا جماعه اجمعت على ان الغربي احسن من الشرقي في مجال العمل !!! ايه الدليل انا اشتغلت مع امريكان و فرنساويين و يهود حتى -- احنا بنتعب اكتر منهم الفرق كله في التخطيط ان المديرين بتوعنا مرتباتهم ضعيفه بالنسبة لمراكزهم فبيسرقوا من الاخر و علشان يسرقوا مش مشكله اما يبقى فيه خطط مش متناسبة و سرعة سير العملي يعني خطط بطيئة و الدليل ان لو شفت الرجل المصري على سبيل المثال بيشتغل في بلده ازاي و بعدين شفته وهو في بلد تانيه شغال هتلاحظ الفرق --- يا ريت اعرف تعليقكم

[omarr]

المشاركة الأصلية بواسطة satanic fate

معظم ردودكم يا جماعه اجمعت على ان الغربي احسن من الشرقي في مجال العمل !!! ايه الدليل انا اشتغلت مع امريكان و فرنساويين و يهود حتى -- احنا بنتعب اكتر منهم الفرق كله في التخطيط ان المديرين بتوعنا مرتباتهم ضعيفه بالنسبة لمراكزهم فبيسرقوا من الاخر و علشان يسرقوا مش مشكله اما يبقى فيه خطط مش متناسبة و سرعة سير العملي يعني خطط بطيئة و الدليل ان لو شفت الرجل المصري على سبيل المثال بيشتغل في بلده ازاي و بعدين شفته وهو في بلد تانيه شغال هتلاحظ الفرق --- يا ريت اعرف تعليقكم

بالنسبه لى و فى مجال عملى فى القطاع السياحى , لا احتاج الى دليل , هذا شىء بديهى
معروف . طبعا نحن مازلنا نتكلم ونقارن بينهما فى العموم و ليس الخصوص . اى اننا لانتكلم عن فلان بعينه , ولكن نتكلم عن الرجل الغربى ومميزاته فى العموم. لاشك ان القدره الإنتاجيه للغربى
اكبر منها عند الشرقى ...

فهو ثابت فى أداؤه غير متذبذب مقارنه بالشرقى
يحترم مواعيد الحضور والإنصراف مقارنه بالشرقى
لا يسرق كما يسرق الشرقى حتى وان كان مرتبه ضعيفا مقارنه برواتب اقرانه فى موطنه الأصلى .
يعامل مرؤوسيه بطريقه حضاريه و إنسانيه مقارنه بالشرقى
لا يضيع الوقت فى اشياء تافه مقارنه بالشرقى
افكاره واضحه و كذلك اهدافه مقارنه بالشرقى
صادق فى كلامه و لا يجامل ولا يسوف الأمور مقارنه بالشرقى
خالى من فيروسات الوساطه والمحسوبيه وداء الفراعنه
ينام مبكرا و يستيقظ مبكرا مقارنه بالشرقى


جميع ما ذكرته هو رأى شخصى وليس اكثر وان كنت اتمنى ان نتفوق عليهم لأننى غير فخور
بذلك , وكنت فيما مضى اعاند بشده تلك الفكره القائله بتفوق الغربى فى مجال العمل عن الشرقى
ولكن مع الوقت ومع الخبره الذاتيه تبين لى انى مخطىء . فالأنسان ابن بيئته. والبيئه العلميه
والعمليه فى اروبا متفوقه وبلا شك على بيئتنا العربيه الشرقيه اى ان العامل الأساسى هو البيئه وليس الشرقى او الغربى فنحن جميعا بشر نبحث عن السعاده ونحب الأبداع والتفوق و نحترم المجتهد , وقد جاء علينا عصر كان الرجل الشرقى العربى هو معيار النجاح ومقياس للحضاره , جاء يوما كان ملوك وأمراء الغرب يرسلون الرجل الغربى ليتعلم على يد الرجل الشرقى .

[bo7or]

المشاركة الأصلية بواسطة satanic fate

معظم ردودكم يا جماعه اجمعت على ان الغربي احسن من الشرقي في مجال العمل !!! ايه الدليل انا اشتغلت مع امريكان و فرنساويين و يهود حتى -- احنا بنتعب اكتر منهم الفرق كله في التخطيط ان المديرين بتوعنا مرتباتهم ضعيفه بالنسبة لمراكزهم فبيسرقوا من الاخر و علشان يسرقوا مش مشكله اما يبقى فيه خطط مش متناسبة و سرعة سير العملي يعني خطط بطيئة و الدليل ان لو شفت الرجل المصري على سبيل المثال بيشتغل في بلده ازاي و بعدين شفته وهو في بلد تانيه شغال هتلاحظ الفرق --- يا ريت اعرف تعليقكم

بعد الخدعة اللى عملتها انا لو اعرف ان الموضوع عن كدة انا كنت دخلت اول واحدة انا مشدنيش الا مشاركة الاستاذ عمر.......
بس ملحوقة....
الغرب عندهم احترام غير عادى للوقت بمعنى انك متدخلش المكتب تشرب الشاى و بعدين تفطر و الاخبار و الاهرام و الجمهورية و جميع جرائد المعارضة و الاحزاب.. و بعدين تمضيلك ورقتين قبل الاستراحة و بعدين تشوف هتروح مكتب مين من زمايلك..

اتذكر ان ايام كأس العالم اليبانى (مش فاكرة اوى انا كنت 12 مثلا) ان الرئيس مرضاش يحضر الافتتاح او النهائي حاجة كدة عشان كان وقت عمل و مينفعش يضيع الوقت...
فهى مبادئ مزروعة فيهم و بيمشى عليها النظام الحاكم...

و تقبلوا مرورى وتدخلى فى المناقشة.....

[نرجسية]

أعتقد أن الاختلاف بين الرجل الشرقى و الغربى لا يختلف كثيراً عن الفرق بين المرأة الشرقية و المرأة الغربية

و لأننى لم أختلط بالغربيين فسأقول رأى قد يكون صواب وقد يكون خطأ

بالنسبة للمميزات
فى الشرق عموماً العواطف الانسانية أقوى من الغرب
الترابط الأسرى أقوى فى الشرق
احترام الدين و التقاليد أقوى فى الشرق و يكاد يكون منعدم فى الغرب و هذه النقطة بالتحديد هم يدركونها جيداً و يسعون لتطبيقها فى مجتمعهم الغربى
لذلك تجد أن العنف و الجرائم فى الشرق أقل حدة منها فى الغرب
الرجل الشرقى أكثر احتواءاً للمرأة لأنه يؤمن بفكرة أنه هو المسؤول عنها و هو راعِ الأسرة
و لا يفرض على زوجته متطلبات مادية ( هذا فى المجتمع المعتدل )

أما عن العيوب :

الرجل الشرقى لازال يتمسك بفكرة أنه هو الأفضل من المرأة و أن كلمته هى الصواب دائماً و أنه اذا سمح لها بتنفيذ رأيها فهذا يهز كرامته و دائماً يردد عبارة ( ناقصات عقل و دين ) من دون فهم المعنى المراد من هذه العبارة

الرجل الشرقى كسول و أعتقد أن السبب فى ذلك كثرة الأعباء
فتجده يؤجل عمل اليوم الى الغد و الى ما أبعد من الغد



و عليه نستخلص أن الرجل الشرقى مميزاته أكثر من عيوبه

لذلك فالنتيجة : الشرقى يكسب

[نرجسية]

على فكرة
نسيت أقول أن الموضوع جميل يا satanic fate

[amr_miza1]

بصراحة الاستاذ/ حسين ( omarr ) قال تقريبا كل حاجة وخصوصا انه يعرف اكتر مننا بحكم اختلاطه بالغربيين

لكن ليا تعليق على دكتورة نرجسية بسيط جدا , هو كلامك طبعا صحيح فى سمات الرجل الشرقى والغربى
لكن لا مجال لان احنا نقول ان الرجل الشرقى هو اللى يكسب .. لان موضوع مين يكسب اعتقد انه مش مهم على قدر اهمية توضيح مميزات كل منهما وعيوبهما ..
فلنأخذ منهم ما استطعنا من المميزات ولنبتعد قدر استطاعتنا عن العيوب ..

شكرا satanic fate موضوعك جميل جدا

[محي الدين عبد ا]

بالنسبه لردي علي هذا الموضوع
ان عيوب الرجل الشرقي الان انه يتشبه بالرجل الغربي ولايعيش حياته ولايعيش ظروفه ولاكن التقليد الاعمي فقط .
وان عيوب الرجل الغربي انه لايتمثل باخلاق الرجل الشرقي التي لايعرفها

[satanic fate]

الناس اللي عجبهم الموضوع اشركم جدا حمّرتوا وشي -- بس صدقوني انا لما وصل بيا الحل كل ما افتح جريدة ولا مجله ولا ادخل على النت حتى الاقي واحده لابسة اليونيفورم اللي بتلبسه أي واحده (( كبيرة في السن )) ونازله سلخ في الرجل الشرقي و طبعا بصفتي شرقي ببقى في قمة الغيظ من الولية اللي بتتكلم دي وبيبقى هاين عليا اشوف جوزها منظرة ايه مش عارف ليه بيطلع في الاخر قطة سيامي او في الاغلب بيبقى شيرازي مون فيس راجل غلبان من بتوع اغسل رجليك قبل ما تنام يا حيوان كده -- و ساعتها بتخيل صورة الرجل الغربي اللي في أقرب فرصه بيسيب مراته و عياله و يعمل ستارت أ نيو ليف ( الترجمه للتعليم المجاني : يبدأ حياه جديده ) مع الجيرل فريند بتاعته و فص ملح و داب -- أو بكل بساطه يقولها بليز كول ماي لوير تو كومبليت ذا ديفورس موف ( الترجمه : كلمي المحامي بتاعي يا ست انتي علشان تطلقي ) و في المقابل الشرقي المستحمل ---- مهو استحاله تلاقي راجل شرقي بمميزات الغربي أو العكس -- إما شرقي و إما غربي .


و بعدين صحيح هي فين الست الشرقية من الست الغربية و بالذات في الجسم يعني بنشوف الست من دول عندها 80 سنه و تنفع موديل انما الست الشرقية بس هي تصمد اسبوعين بعد الجواز ( لما الزبون يكون اتدبس ) و تلاقيها بقت نسخه طبق الأصل من الست والدتها

اللهم لا اعتراض احنا مش بنتكلم ولا بنشتكي ولا حاجه احنا بس بنقول الست اللي بتشتكي من الرجل الشرقي دي تتحول الأول لغربية و بعدين تتكلم