أشعــــار .. على سلامـــة

[وائل المصري]

سيدي من خرج من القلب يصل وبسهوله الي القلب.
بالفعل موضوعك هز اوتار قلبي.
الف الف شكر لك سيدي.
تقبل تحيات وائل المصري.

[Dr-Ayat]

المشاركة الأصلية بواسطة bo7or

بَوّابةْ تَفتِيشْ...


بَوّابْة تَفتيش عَلَى بَابَكْ....

كُل ما احَاولْ أعَدَّى تَزَمَّرْ...

وبْتْشَرَّطْ...

وَبتْتْأمَّرْ...

أرَجَع أدَوَّرْ تَانى وأدُوَر...

وكُل ما عَدَّي بَرْضُهْ تزمَّرْ...

طَب آدى السَّاعَةْ...

وآدى حَزَامي...

وآدى بطاقتي...

والنَضَّارَةْ...

وآدى عنواني...

وكُل حَكَايَتي...

وآدى أَمَارهْ...

حَتَّى الفكَهَّ البَاقْيةْ ف جيبي...

والأشعار...

والَمْحفَظةْ مَفيْهَاشْ غِيرْ صُوْرتَكْ...

ليلْ ونْهَارْ...

كُلْ هَدُوْمي...

زَى مَّا نَازَلْ منْ بَطْن أمي...

من غيرْ حَتَّى وَرَقةْ تُوَتْ...

وكُل مَافُوتْ...

الَبوابَّةْ بَرَضَكْ بِتزَمَرْ...

ولما لَمَحنْى...

واحد طَيبْ م الُحراَس...

وقَاللي اسْمَعني يا ابْن اَلَناسْ...

إرْمي الحتَّة الحلوةْ ف قَلَبكْ...

وعَدى...

والبَوابَة عُمْرهَا...

مَا تْزمَّرْ...

ايه ده الموضوع ده كان تايه عني فين
روعة اللي جمعتيه يا رقية بجد...
عجبتني القصيدة ديه أوي ..
فعلا بيرم وصلاح جاهين وعلى سلامة
شعرهم بيدخل كل قلب من غير استئذان
عشان كلها كلام بتعبر عننا وعن كل كلمة نفسنا نقولها
ومش عارفين
تسلم ايدك يا قمر

[bo7or]

المشاركة الأصلية بواسطة وائل المصري

سيدي من خرج من القلب يصل وبسهوله الي القلب.
بالفعل موضوعك هز اوتار قلبي.
الف الف شكر لك سيدي.
تقبل تحيات وائل المصري.

بالطبع لأنه يتحدث بكل قلوب المصريين.... يحكى الالم .. يحكى العذاب.. يحكى اليأس و الحال..
اشكرك يا استاذ وائل لمرورك الكريم...

[bo7or]

المشاركة الأصلية بواسطة Dr-Ayat

ايه ده الموضوع ده كان تايه عني فين
روعة اللي جمعتيه يا رقية بجد...
عجبتني القصيدة ديه أوي ..
فعلا بيرم وصلاح جاهين وعلى سلامة
شعرهم بيدخل كل قلب من غير استئذان
عشان كلها كلام بتعبر عننا وعن كل كلمة نفسنا نقولها
ومش عارفين
تسلم ايدك يا قمر

شفتى الكسل بيعمل ايه
انا بصراحة انبهرت لما قرأت له هو انا سمعت كتير من اشعاره اللى غناها وجيه عزيز لكن الباقى كان (انقح)بما اننا بنتكلم عامى...
كلماته واقعية لأبعد الحدود و بطريقة لا تعقل و تمس القلب و العقل و كل اجزاء الجسم...
هنبطل كسل بأة عشان هتدخلى تانى لسة باقى كتير......
اشكرك لمرورك المتواضع فى صفحتنا الكريمة
سورى اقصد اشكرك لمرورك الكريم فى صفحتنا المتواضعة..
و تدوم المحبة

[Dr-Ayat]

من عونيا يا قمر

بس انتي سيبيلي اللينكات بتاعت الوضوعات ديه اوف لاين في الماسنجر ههههههههه
يقطع الكسل هاعمل ايه بقى.

[amr_miza1]

المشاركة الأصلية بواسطة bo7or

مــــــــــــــــــرايا

قلت أبص ف المرايا ..
يمكن أكون إحلويت ..
فضلت داير أبص ..
مخلتش ولا مرايا ف البيت ..
في الحمام ف الأودة ف دولاب ..
أو متعلقة ع الحيط ..
شوفت ..
سكت شويه ..
وبعدين إتخضيت ..
معقول أنا قضيت العمر ده كله ..
وزي ما روحت زي ما جيت ..
معقول أنا عمري مافكرت ولا إتغيرت ولا حبيت ..
وإزاي ساكت علي روحي ده كله ..
وليه إستنيت ... !
يا ريتني ما كان عندي مرايا ..
وياريتني ما بصيت ..

يااااه تحفة

حاجات جميلة جدا يا بحور على سلامة انا مكدبش عليكى مقرأتش ليه حاجة قبل كدا .. بس كنت سمعت عنه ..

ومعلش لو كنت اتأخرت فى الرد .. معلش الزهايمر بقى

وبجد قريتهم كلهم واحلى من بعض

[omarr]

تسلمى لنا ولكل منتدى " عالم ابن مصر " ... شكرا على الموضوع

" اشعار زى السمك حيه .. بتلعبط لاعبيط فى القلب.. وبتخبط تخابيط فى المخ "

[bo7or]

المشاركة الأصلية بواسطة amr_miza1

يااااه تحفة

حاجات جميلة جدا يا بحور على سلامة انا مكدبش عليكى مقرأتش ليه حاجة قبل كدا .. بس كنت سمعت عنه ..

ومعلش لو كنت اتأخرت فى الرد .. معلش الزهايمر بقى

وبجد قريتهم كلهم واحلى من بعض

معلش الزهايمر مش سايب حد اليومين دول و بالذات الشباب اللى زى الورد يا عمرو
و انا اثنى معاك و بشدة (ايه اثنى وبشدة دى احنا بنتكلم عامى دلوقتى بس مش لاقية كلمة تانى) على الكلمات اللى ابدعها و جرى زرعها فى قلبنا من غير ما نحس خايف مايلاقيش مصر و قالوله شيل الحتة الحلوة اللى فقلبك و بيحلم و بيحلم احنا ورانا ايه غير الاحلام اللى بقت سلطة و عجبى...
هتشرفنا تانى مش هتنازل....
ميرسى ليك يا عمرو....بالموف برضه

[bo7or]

المشاركة الأصلية بواسطة omarr

تسلمى لنا ولكل منتدى " عالم ابن مصر " ... شكرا على الموضوع

" اشعار زى السمك حيه .. بتلعبط لاعبيط فى القلب.. وبتخبط تخابيط فى المخ "

الله يكرمك..
بجد و الله عندك حق و ميتهيأليش انها ممكن تموت اساسا....انا بدخل يوميا اقرأهم و مش بزهق و معنديش مشكلة ابدا...
بجد بشكرك لمتابعتك اخجلتمونا بس دة ميمنعش انى لسة بكمل و مستنياكوا تانى يعنى..
طماعة شوية صح ؟؟..

[bo7or]

انا مكنش فى بالى اقول حاجة عن الشاعر نفسه هو كفيل جدا بكلماته انه يعرفنا عنه احسن تعريف انا قلت من قبل ان اللى عرفته لما قرأتله انه انسان..
هحاول اضيف معلومات بسيطة عنه ان شاء الله...

[bo7or]

ظهر في فترة بسيطة جدا لكن حقق شهرة واسعة جدا من خلال الامسيات التي يقدمها في ساقية الصاوي واكبر شريحة من جمهوره هم المدونيين و موخرا انضم لجريدة الدستور في زاوية يكتبها لا يوجد له دواوين ويرفض ان يكون له ويعتبر اشعاره نابعة من قلبه بكل صدق فلا يحتاج لدواوين كي تحفظها لانها ستحفظ في ذاكرة الناس....

[bo7or]

زَغْزَغْنِى...

يمْكن أضَحَكْ...

يمْكن أفْرَح...

يمْكَن أطلَع...

مِ الَلى أنا فيِهْ...

زَغْزغْنىِ...

يمْكِن أحْلَم...

يمْكَن أقَول اِللى مخَبيهْ...

مِش جَايزْ...

لِسَّهْ الدُنيا جَميلَة بِجَد...

ولسَّه النَاسْ...

فِى الصيِفْ والبَرْدْ...

مِشْ يِمكنْ...

يطْلَعْ فيَّا العيِبْ مِشْ فِيه...

زَغْزَغْنِىِ...

[bo7or]

قلم



إِحْنا...

يَا دُوبْ رَقَمْ...

والمَتش شَغَّالْ...

فاوِلْ مفِيشْ...

آوِتْ مفِيش...

ومَفِيش ضَربِة جَزاءْ...

وكل يومْ مُوضَة...

وكل دقيقَةْ عرَض أزْياءْ...

وكل شئ للبِيعْ...

ومفِيشْ أكتر مِن الأسواق...

إيهْ يعمل الأدبْ...

وإيه تَعمل الأخلاق...

فِى متشْ...

مِن غيرحَكَمْ...

[bo7or]

طبعا على سلامة اتولد فى مكان ما اكيد حتة فى مصر...
و عاش يا اما فى نفس المكان يا مكان تانى..
و درس مجال معين..
و بدأ يكتب الشعر فى سن معينة..
و اتعرف على وجيه عزيز فى سن تانية..
وبدأ الكتابة فى الدستور فى سن تالتة (مهو مش معقول الصدف انها تبقى فى وقت واحد)
متزوج و عنده اولاد (سهلة دى استنتجتها لوحدى) و الاولاد ليهم عدد معين...

بصراحة دى كل المعلومات اللى قدرت "مجمعهاش" عن على سلامة......
تعبت بجد......
اى سيرش فى رواية اخرى بحث... بيجيبلى كل انواع التهانى .. حمد الله "على سلامة" الاستاذ تامر و نحيي الحجة ام محمد و الجد و الجدة...نهنى الامير معرفش مين "على سلامة "ايه... و نصائح بالهبل بأة ..كيف نحافظ "على سلامة "عيوننا...و طلع فى عيون ساهرة "على سلامة" الطيارات مدققتش دة فين بصراحة...

فقررت انى اديكوا المعلومات الرهيبة اللى جمعتها فوق و اللى ما شاء الله عليه من ذكاءى الشديد و فطنتى استنتجت حاجات كتير جدا منها لوحدى و احتمال كلها الله اكبر علية لماحة و افهمها و هى طايرة..

و الله العظيم دة شيئ مخجل انى ملقيش حتى نوتس صغيرة على حد زى دة حتى الموسوعة الحرة فيها تعريف بشعراء مصريين كتير بس مفيش على سلامة.. ونحيي الشاعر على حسن سلوكة (دى كانت اضحوكة فى الغالب من عالنت)

يعنى اذا حصلت و حد عرف معلومات غير المعلومات الفظيعة اللى حضرتى تكرمت و افادتكم بيها يا ريت تضيفوها...
و انا كفاية علية اضيف اشعاره..
بشكرنى على المتابعة و الافادة الغير مسبوقة دى..
شكرا يا بحور فى رواية اخرى رقية.........الله يخليكى يا ستى على ايه انت مش غريبة؟

[نصف قلبى لك]

للكوسه ف بلادي شئون

بتخلي المسنود فرعون

يتفرعن فين مهما يكون

وتخلي الجاهل أستاذ

والأعرج لاعب جمباز

وتخلي الأحول هداف

والكوره الآوت ف الجون

للكوسه ف بلادي شئون

لو تعرف واحد ف الشرطه

راح تخرج من أجدع ورطه

والراجل اللي انت ظلمته

تلاقيه متلقح مسجون

أو تعرف شخصيه كبيره

شغاله ف البنك مديره

راح تاخد من غير ضمانات

كام قرض بمليون مليون

وهروبك طبعا مضمون

ويا عيني لو تعرف نايب

ف المجلس مش نايب خايب

راح تبني أبراج وهميه

أوراقها مظبوطه أكيد

وفلوس الناس المهريه

حتجيلك م الجيب للإيد

بعديها تروح المستشفى

وتقيد نفسك مجنون

أحكامك تسقط ف ساعتها

بعديها ترجع موزون

ويا عيني لو تعرف شيخ

فجنابك طاهر علطول

وصيامك طبعا مقبول

وإذا فرضا حبيت تتجوز

تتجوز من غير مأذون

وإذا ساكن ف عماره جديده

وحبيبك راجل مسئول

فسيادتك من غير ما تقول

يركب لك فورا تليفون

ولو انت عندك عربيه

ونمرها سوده بنسرين

حتعدي أجدعها كمين

وحتكسر أوضحها إشاره

ماهو نمرك سوده جباره

ولا تعرف أيتها قانون

ولو انت بتعرف فران

أو واحد بياع جرنان

راح تاخد طلبك وحتمشي

من غير ولا دوشه ولا دور

والناس الغلبانه حتاخد

طلباتها بعدك وتغور

ماهو كله غيرك بيهون

ولو انت زميل الحلاق

راح تحلق اولها زبون

وإذا كنت بتعرف دكتور

حتعيش متطمن مسرور

وحتسلك ف لجان الشفوي

ومجال تعيينك موفور

وحتطلع فالتليفزيون

بالبدله وفيها الببيون

تتكلم وبكل بساطه

عن شرف المهنه المدفون

لكن لو شاعر غلبان

قلت اللي ف نفسك علطول

حيقولو مين قال لك قول

ويهاجمك مليون إنسان

والتهمه أنك فنان

مش برضه كلامي يا جدعان

حسينه.. ولا أنا غلطان

مش معنى كلامي يا أحبابنا

إن إحنا خلاص اتغربنا

فيه فينا أشراف وكتير

إتربوا على حب الخير

وإحترموا ولادهم والغير

والناس إحترمتهم ولله

الفاتحه على روحهم يلله