| |
08-12-2007, 11:41 PM
|
#1 (رابط ثابت)
|
|
صعب الحنين
تاريخ التسجيّل: Nov 2007
الإقامة: Egypt
المشاركات: 2,127
|
أشعــــار .. على سلامـــة
يمكن كتير ميعرفوش مين على سلامة!!!!!!!!!
ميهمش اتولد امتى عاش فين درس ايه..... المهم انه شاعر انسان هتعرفوه لما تقرأوله .....
لو بتحب بيرم التونسى لو بتعشق صلاح جاهين لو بتموت فى الابنودى ما تترددش!!!!
تابعوا بعضا مما أجمعت....
مصر و الكاميرن
بقول لهم
مين الي بيعيط بحرقه ده؟؟
قالو لي
مواطن اتصور وهو بيضرب!!
قلت لهم
ومين الامور الي بيضحك ده؟؟
قالو لي
ده واحد عمل شوية كوارث وهرب!!
قلت لهم
والدنيا عتمة هناك كده ليه؟؟؟
قالو لي
دي حتة جديدة بتتخرب!!
قلت لهم
ومين الحاوي الي بيتكلم ده؟؟
قالو لي
ده الوضــــع بيتقـــلب !!
قلت لهم
وايه الهيصة دي الي في الساحل الشمالي؟؟
قالو لي
دي البقــــــــرة بتتحــلب
قلت لهم
وانتو قــــلقانين كده ليه؟؟
قالو لي
اصل بنلاعب الكاميرون وخايفين
نتغـــــــــلب
ناقص حته
ناقص حتة
وكل ماوزن القي لسه
ناقص لي حته
احط حته
تقل حته
واجيب قميص
تضيع جاكيته
واعيش لي ساعة
تفوتني ستة
وكل ما اوزن
القي ناقص
اقول بناقص
لو هي حته
اتاري لسه
ولسه تأخد سنتين وحته
وحاجات تسبني
وحاجات تاخدني
وحاجات تخبط
في كل حته
واقول فايوم هانفرح
فايوم هانفرح
ويوم مانفرح يفضل حته
عيرة
الشعر عيرة والكحل عيرة
والورد فوق الخد
ولحد الضفيرة عيرة
الصبر عيرة والضحك عيرة
والفرح والأحزان كمان وحاجات كتيرة
حتى الحنان جوه البيوت
حتى الكلام...حتي السكوت
حتى الهتاف جوه المسيرة برضه عيرة
حيرني حيرة
بقينا ليه حبة حاجات
قمصان بدل على بالونات
ما بقيتش شايف إيه اللي جاي وإيه اللي فات
ما بقيتش افرق
ده أزرق ده ولا أحمر رمادي
ودي كارثة ولا ده وضع عادي
وده طفل ولا راجل عجوز
وده إيه ده راخر
جايز يجوز
نعسان ده ولا ساكت وساير
بردان ده ولا ده دور وداير
وده إحنا ولا الكل حاير
خايف أصحى مالاقيش مصر
ساعات بقلق بالليل
يعني بالليل شوية كده
قبل الفجر
حسب الظروف كده
بعد العصر
خايف يوم أصحي..
وأفتح الشباك..
مالاقيش مصر
ألاقيها لمت هدومها ومشيت
لمت هدومها
علي نيلها
علي هرمها
وطفشت
وحلفت ميت يمين ماهي قاعدلنا
ماهي زهقت..
تعبت..
إتخنقت
أصلنا زودناها..
أكننا استعمرناها..
ورثناها
مصر البنوتةالحلوة
اللي زي القمر
بقت عجوزة وشايبة
وبان عليها الكبر
خايف يوم أصحي..
وأفتح الشباك..
مالاقيش مصر
آخر تعديل بواسطة bo7or ، 08-12-2007 الساعة 11:47 PM.
|
|
|
|
09-12-2007, 12:01 AM
|
#2 (رابط ثابت)
|
|
صعب الحنين
تاريخ التسجيّل: Nov 2007
الإقامة: Egypt
المشاركات: 2,127
|
مِيدان الجيزة
ضَيعّت شوية سنين كدة ...
بَحب من بعيد لبعيد...
والحكاية مقّضيّانى ...
ومبسوط وراضى وسعيد ...
أفرح بأى حَاجة ...
واستنى هدُوم العيد ...
وبَعدين ضَيعّت شوية سنين ...
نفسى أبقى أشطر واحد فى الكيميا ...
مع أنى مش فاهم ميدان الجيزة ...
والحياة رغم قسوتها ...
شايفها لذيذة ...
وضيعت شوية سنين بقى ...
نفسى أعدَّى اختبارات الكورة ...
فى النادى الأهلى ...
واشتغل فى وكالة ناسا ...
وابقى واحد من العلماء المهمين ...
وبعدين ضيعّت شوية سنين ...
منتهى أملى كرسى فاضى ...
فى أُتُوبيس تلات خَمسات ...
عين الصيرة أم المصريين ...
وضيعّت شوية سنين ...
عايز أفهم الفرق ...
بين النّكسة والهزيمة ...
والاحترام وقلة القيمة ...
وأبقى نجم سيما ...
م المشهورين ...
وبعدين ضيعت شوية سنين ...
واقف عند نظرية المؤامرة ...
لـا عارف اعيش ف الزمالك ...
ولا راضى أعيش فى غمرة ...
ومش عارف لية الحشيش ممنوع ...
مدام مصرحين بالخمرة ...
وياترى بقى أتجوز ...
واحدة بيضة ولا سمرة ...
ولا اسأل فيها ...
رجال الفتوى والدين ...
وضيّعت شوية سنين ...
مركز ف السّيراميك ...
والبيبان والشبابيك ...
وألوان الحيطان ...
وده بيج وده سن فيل ...
والموضة الأصفر ...
وقشر الموزة ...
وضيعّت شوية سنين ...
لا انا بحر ولا نيل ...
حاجة كدة بعيد عنك ...
ملهاش عُوزة ...
ولمّا بقيت كام وخمسين ...
لقيتنى لسّه ...
بَحَب من بعيد لبعيد ...
وبرضُه مش فاهم ...
مِيدان الجيزة ...
بص .. حا أقولك ...
بص .. حا أقولك ...
م الأخر ...
أنا عندي عربيه ...
مركبتهاش …
ومعايا فلوس ...
مكسبتهاش ….
وجوزوني بنت حلوة ...
محبتهاش ….
وإشتريت بدلة جديدة ...
ملبستهاش ….
كسرت الحمام وغيرتة
محستش بأي إنتعاش ..
خدت بعضي علي جنب ...
وكان يوم حر ... رطوبة ...
وقولت لروحي ....
إيه ياعم ...
إنت طوبة .....
قاللي لأ ....
يا صحبي دي حسبة ...
ومحسوبة …
أنا أصلي زمان .....
لمست قلبي ..
غنوة حب جميلة ... جميلة
لكن يا خسارة ...
محضنتهاش
مطلوب عروسة
مطلوب عروسـة طيبـة
ومتعلمة ومؤدبة
ومؤمنة بالقضـاء والقـدر
سـنها من سـني
أصغـر أو أكـبر مـنى
مـش ها نختلـف
المهم ما بتعر فش تطـبـخ
عشـان مش ها قدر أجيـب
أي حاجة تنفـع للطبيــخ
وتكون بتحـب القـراءة
وتـهـــوى الرحـــلات
وتـعشـق السـفر
مش عضـو في أي حـزب
وطبعاً عارفـة إن الكـذب حرام
بتحـب الكــوره
مهمـومة بالـدوري العـام
وملفـوفة القـــوام
حلـوة وزى القمـــــر
شـعرها ناعــم حـــرير
ملهاش أي مصلحـة
ف شـارع القصر العيـني
أو مجمـع التحـــــريـر
وفاهمة كويس ميدان الجـيزة
مش متابعة جلسات مجلس الشعب
ولا بتسمع البيـان الخـتــامي
لأي مؤتمــر
وتكون من عيـلة
بـتـشــتري راجـل
لا عايــزة شـبكة ولا مهـر
وأنا بقي
خبـرة ف المرمطـة
وجميـع أشـكال القـهــر
مواطـن من إنتـاج مناهـج
وزارة التربية والتعليم
ثانوية عامـة
النظـام القـديم
أيام الأرنب الغضـبــان
و الخـس والجرجـــير
وزى النسـمة والله
يعني تعتبرني من دلوقتي
مش موجود
لا .. حـس .. ولا ... خـــــبر
بـس مخي نضـيف
وعـاقـل ورزيـــن
وعنـدي شـوية نظــر .
رغـم إني يـامـا إتزحـلقت
لكن لسـه بفـرح بالمطــر
على فكــرة .
أنا حاجـز شـقة بحـري
أربعــين مــتر
أخـر طريق الواحــات
بس لسـه مـا حـطــوش
الأسـاس
عشـان تقريبـا مش لاقيين الحجر.. |
|
|
|
|
09-12-2007, 12:04 AM
|
#3 (رابط ثابت)
|
|
صعب الحنين
تاريخ التسجيّل: Nov 2007
الإقامة: Egypt
المشاركات: 2,127
|
مــــــــــــــــــرايا
قلت أبص ف المرايا ..
يمكن أكون إحلويت ..
فضلت داير أبص ..
مخلتش ولا مرايا ف البيت ..
في الحمام ف الأودة ف دولاب ..
أو متعلقة ع الحيط ..
شوفت ..
سكت شويه ..
وبعدين إتخضيت ..
معقول أنا قضيت العمر ده كله ..
وزي ما روحت زي ما جيت ..
معقول أنا عمري مافكرت ولا إتغيرت ولا حبيت ..
وإزاي ساكت علي روحي ده كله ..
وليه إستنيت ... !
يا ريتني ما كان عندي مرايا ..
وياريتني ما بصيت .. |
|
|
|
|
09-12-2007, 12:10 AM
|
#4 (رابط ثابت)
|
|
صعب الحنين
تاريخ التسجيّل: Nov 2007
الإقامة: Egypt
المشاركات: 2,127
|
الواد ابنى ابو لسان طويل
الواد ابنى ابو لسان طويل
قالى
يعنى سافرت يا بابا واتغربت
مشوار طويل
وف الاخر راجع..
ف شارع متفرع من شارع
وشقه فى الدور الرابع..
ودولار نزل طالع...
وشويا حاجات..
دكان مستنى التراخيص..
ومكنسه على خلاط
وكمبيوتر مش نافع...
من الاخر معرفتش تتصرف..
مقدرتش تقول
لاء
مش مسافر...
.....
منين الكحه دى يا بابا...
دى عمر..!!
ولابرد...
ولا سجاير..!
.....
انت عارف يا بابا انا بقالى اد ايه بستناك؟؟
ايه يا بابا
انت هاتعيط ....
ده انا كنت بهزر معاك...
كنت بهزر معاك |
|
|
|
|
09-12-2007, 12:13 AM
|
#5 (رابط ثابت)
|
|
صعب الحنين
تاريخ التسجيّل: Nov 2007
الإقامة: Egypt
المشاركات: 2,127
|
بَوّابةْ تَفتِيشْ...
بَوّابْة تَفتيش عَلَى بَابَكْ....
كُل ما احَاولْ أعَدَّى تَزَمَّرْ...
وبْتْشَرَّطْ...
وَبتْتْأمَّرْ...
أرَجَع أدَوَّرْ تَانى وأدُوَر...
وكُل ما عَدَّي بَرْضُهْ تزمَّرْ...
طَب آدى السَّاعَةْ...
وآدى حَزَامي...
وآدى بطاقتي...
والنَضَّارَةْ...
وآدى عنواني...
وكُل حَكَايَتي...
وآدى أَمَارهْ...
حَتَّى الفكَهَّ البَاقْيةْ ف جيبي...
والأشعار...
والَمْحفَظةْ مَفيْهَاشْ غِيرْ صُوْرتَكْ...
ليلْ ونْهَارْ...
كُلْ هَدُوْمي...
زَى مَّا نَازَلْ منْ بَطْن أمي...
من غيرْ حَتَّى وَرَقةْ تُوَتْ...
وكُل مَافُوتْ...
الَبوابَّةْ بَرَضَكْ بِتزَمَرْ...
ولما لَمَحنْى...
واحد طَيبْ م الُحراَس...
وقَاللي اسْمَعني يا ابْن اَلَناسْ...
إرْمي الحتَّة الحلوةْ ف قَلَبكْ...
وعَدى...
والبَوابَة عُمْرهَا...
مَا تْزمَّرْ... |
|
|
|
|
09-12-2007, 12:16 AM
|
#6 (رابط ثابت)
|
|
صعب الحنين
تاريخ التسجيّل: Nov 2007
الإقامة: Egypt
المشاركات: 2,127
|
سلك عريان...
أقولك حكاية...
يمِكن مَتصدقهاش...
النور قاطع ف شارعنا...
من سنين ولسّه مجاش...
عارف ليه...
آه والعيش والملح...
زى ما بقولك كده...
ودوَّرنا كتير مخلَّيناش...
وملقيناش...
غير سلك عريان مكشوف...
واقف ف العتمة مكسوف...
ساكت آه...
لكنَّه مبينساش...
لمَّا الماسورة اتخرمت...
وربطناها بحتة قماش...
ولكل جرح بينزف...
شوية بن...
ولو البن غالى بلاش...
إيه ياعم...
إحنا كل ده ف ميدان التحرير...
لسَّه متحركناش....
آه والعيش والملح... |
|
|
|
|
09-12-2007, 12:19 AM
|
#7 (رابط ثابت)
|
|
صعب الحنين
تاريخ التسجيّل: Nov 2007
الإقامة: Egypt
المشاركات: 2,127
|
بِيوُتنا...
بِيُوتنا واسْعَةْ وِضقْةْ...
عصَافير كِتير...
ولا يُوم صَحيت م الزَقْزقَةْ...
بحلَمْ بعِيشَةَ محنْدقةْ...
وسْط البَرَاح...
لو كان صَحيح...
الحُزن رَاح...
طَب ليه الجراَحْ...
لسّه فَ عيونَا مخَنْدقَهْ...
بيَوتْنا أسَْمنَت...
وزَلط وِحِيطَانْ....
وبَس...زِى الآسِى....
متَرصَّصة..
مِرصُوصَة رَصْ...
دَار النَهار...
من داَرلدارْ...
طَبل وزَمر...
قال ْ وسار...
ولا حد حَسْ... |
|
|
|
|
09-12-2007, 12:20 AM
|
#8 (رابط ثابت)
|
|
صعب الحنين
تاريخ التسجيّل: Nov 2007
الإقامة: Egypt
المشاركات: 2,127
|
سَلَطَةْ
أحْلامْنا سَلَطَةْ...
وكَلامْنا سَلَطَةْ...
والعشق وَرطَةْ...
غِلط غلْطَةْ...
كأَنَى ماشى من غيرْ دِماغى
كأْنى أقف أدَّن فَ مالَطةْ...
سَلَطَة...
وتَملىِ خَسْ وجَزَرْ...
ناديتُه لَكن راح واعتذَرْ...
أَلاقيش مَعاك سنةْ أمل...
ألاقيش مَعاك حَبةْ نْظر...
اليُوم وفاتْ...
وبُكرَه فَاتْ...
مَفْضلِشْ غير...
حَبةَ سُكاتْ...
وتقُولِلى هاتْ...
أحَلامْنا ليهْ...
سَلَطَةْ... |
|
|
|
|
09-12-2007, 04:29 AM
|
#9 (رابط ثابت)
|
|
استغفر الله,,,
تاريخ التسجيّل: Jan 2005
الإقامة: مصري مقيم بمـكة المــكرمـــة
المشاركات: 3,539
|
السلام عليكم
إقتباس:
|
المهم انه شاعر انسان هتعرفوه لما تقرأوله
|
بالفعل كلماته توضح وتؤكد بانه شاعر انسان
كلمات جميلة ورائعة يا اخت بحور
شكرا لكي وبحييكي علي كتابه كلمات هذا الشاعر
شكرا لكي |
|
|
|
|
09-12-2007, 12:52 PM
|
#10 (رابط ثابت)
|
|
صعب الحنين
تاريخ التسجيّل: Nov 2007
الإقامة: Egypt
المشاركات: 2,127
|
حَظّك اليوم...
تيجى نحسبها نلاقيها...
إحنا فيها...
لفّ واتفرج معايا...
ع اللى نايم...
واللى صاحى...
واللى طافى النور وصاحى...
واللى بتسليه جراحى...
واللى قال فات الكتير...
واللى طاير...
بس مكسور الضمير...
ع اللى مشغول بالدولار...
واللى ضيّع نص عمره...
فى كام بهيمة وكام حمار...
واللى قال الأرض باقية
واللى طُور مربوط فى ساقية...
واللى لسه قميُصه ناقص زُرار...
وفى ثوانى...
مات كيلانى...
كل واحد فينا قام يحسبها تانى...
اللى نايم واللى صاحى...
واللى بيفكر ينام...
كله قام...
أد إيه ف العمر باقى...
يسوى كام...
أما شاعر بايخ...
جىّ ليه تشعللها نار...
يلّلا نهرب من قساوة الجَدَّ...
ونضيع ف الهزار...
ف العصير والفطير...
واللى لسه قميصُه...
ناقص فيه زُرار... |
|
|
|
|
09-12-2007, 01:31 PM
|
#11 (رابط ثابت)
|
|
ابن البلد
تاريخ التسجيّل: Nov 2007
الإقامة: أرض الحرمين
المشاركات: 3,583
|
انا فعلا اول مرة اعرف الشاعر ده
على طريق نجم
كلماته عجبتنى
احييكى
|
|
|
|
|
10-12-2007, 08:08 PM
|
#12 (رابط ثابت)
|
|
صعب الحنين
تاريخ التسجيّل: Nov 2007
الإقامة: Egypt
المشاركات: 2,127
|
إقتباس:
المشاركة الأصلية بواسطة جناب العمدة
انا فعلا اول مرة اعرف الشاعر ده
على طريق نجم
كلماته عجبتنى
احييكى
|
احييك على مرورك الكريم وهو بالفعل نجم فى سماء كل من قرأ له او شعر به..... |
|
|
|
|
10-12-2007, 09:16 PM
|
#13 (رابط ثابت)
|
|
عمر
تاريخ التسجيّل: Oct 2007
الإقامة: egypt - red sea
المشاركات: 5,980
|
بجور
"ميدان الجيزه" ...." السلطه" ... الأتنين دول فوق الوصف .. فعلا كلام جديد , قوى , يصدم العقل , بسيط , مصرى .وفيه مع الآلم سخريه المصرى النبيله و ضحكته الحلوه . فيها اعتراف بدون خجل .
حلوه حلوه حلوه ......من هنا للصبح ...
|
|
|
|
10-12-2007, 11:59 PM
|
#14 (رابط ثابت)
|
|
صعب الحنين
تاريخ التسجيّل: Nov 2007
الإقامة: Egypt
المشاركات: 2,127
|
إقتباس:
المشاركة الأصلية بواسطة omarr
بجور
"ميدان الجيزه" ...." السلطه" ... الأتنين دول فوق الوصف .. فعلا كلام جديد , قوى , يصدم العقل , بسيط , مصرى .وفيه مع الآلم سخريه المصرى النبيله و ضحكته الحلوه . فيها اعتراف بدون خجل .
حلوه حلوه حلوه ......من هنا للصبح ...
|
انا بحس ان الشاعر المنفرد دة 80 مليون بيتكلموا ..بيتكلم بلسان الشعب المصرى كله..
قدرته غريبة... و اكيد هترجع يا استاذى مرة اخرى للبقية ان تبقى لية من العمر...
اشكرك لتذوققك الراقى والراقى جدا (دى على وزن جملة كدة ...تعرفها )
احييك استاذى... |
|
|
|
|
11-12-2007, 12:09 AM
|
#15 (رابط ثابت)
|
|
صعب الحنين
تاريخ التسجيّل: Nov 2007
الإقامة: Egypt
المشاركات: 2,127
|
مش أنا امبارح
مش أنا امبارح
رحت من بيتنا في السيدة
للشغل في حلون
في سبع دقايق
لا شوفت حد زعلان
ولا حد متضايق
والورد إنسان
والنخل متعايق
والناس جميلة مؤدبة
والجو رايق
والدنيا ماشية لوحدها
ولا حد سايق
ومش انا
امبارح برضه
رجعت من الشغل في حلوان
لبيتنا في السيدة
في خمس دقايق
لا حاسس بغربة
ولا شايف غريب
وقلبي ابيض حليب
عندليب
كروان فرحان
شايل ف قلبي وف جيوبي
الفرح أشكال وألوان
وزعت ع الشوارع
والبيوت والجيران
وطلعت البيت
ضربت الجرس
فتحت مراتي وبالأحضان
والعيال كمان فرحانين
ناجحين وجايبين
الدرجات النهائية
من غير دروس خصوصية
قمنا رقصنا وغنينا
واحتفلنا واتغدينا
فضلة خيرك
سمك واستاكوزا
وجمبري م الكبير
وحلينا ب مهلبية
وشربنا الشاي كمان
وفجأة
لقيتني بردان بردان
بصيت لقيت
الشباك مفتوح
ومفيش بطانية
ومراتي جنبي وزي ما هيه
لسة بتعاني من آلام المفاصل
وده اللي حاصل
والحمد لله
على كل شيء |
|
|
|
|
|
النمط الخطي
