حكايه في جوابات

[المؤلف]

"إلي حبيبتي ومعينتي علي أن أبقي حيا
إلي من عندما أكون بجانبها تسمع دقات قلبي وآري في عينيها كلمة ترتسم لي بكل صدق هي كلمة " احبـــك"
ياحبيــبتي في خطابي هذا وبين كلماتي تلك ترين قدرا من الشوق والحب لم يستطع الورق تحمله فذاب بين السطور ولن يستطع أحد ان يراه سواكي
فقط أغمضي عينيكي
وأستنشقي كتاباتي تلك لتدركي مدي الشوق لك وعذاب البعاد منك

حبيبتــــي .. بين السطر هذا والسابق أغمضت عيني فوجدت صورتك الملائكيه ترتسم لي فلم أرد أن أفتح عيني لولا أن أكمل خطابي هذا

أتعرفين كل مايصبرني في عذاب البعاد هذا أنني سأعود وأكون قادرا علي أن نمتلك بعضنا البعض بعدما أكون حققت رغبت والدك في تكاليف زفافنا
والحقيقه ل ألوم والدك ابدا فأنتي لو أبنتي وأراد أحد أن يأخذك مني لطلب المقابل حياته
وماسيحنقني انه سيوافق علي الفور مقابل لحظات معكي

حبيبتــي .. كلمة بحبك كبيره جدا لكن الحب نفسه يخجل من أن أقولها لكي لآن هذه الكلمه بكل قوتها تتضائل أما حبي لكي لتصير نقطه في بحر حبي لكي
لكني سأقولها خاتما بها خطابي لاتنظري لحروفها
فقط أحسيها
بحبـــــــــــــــــك "

كتبت هذا الخطاب في 10 مارس وفي 12مارس وصلني منها هذا الخطاب

" حسيـن
هذه المره الرابعة عشر التي أمسك فيها القلم والورقه وأحاول كتابة خطاب لك ولا أعرف ولا أعلم بماذا ابدأ
في البدايه بدأ كاتبته " حضرة السيــد المحترم " كما كنت أبدأ خطاباتي مع لابي لكني أظن انه من غير المستحسن ان تكتب بنت لخطيبها جواب تبدأ بالجمله دي
ثم حاولت ان ابدأ كما بدأت انت لكني لم استطع ( اتكسفت)
ثم انني أول مره أكتب خطاب لشاب لذلك لاتلومني ان وجدت اخطاء أملائيه أو نحويه أو حسيه
ثم انني لا اجيد اللغه العربيه الفصحي وبحب العاميه علشان كده حأقولك بالبلدي
"انا زعلانه منك لآنك مابعتش جوابات تاني ومأتصلتش وأسبوع قد فات
وآخيرا أبي لم يقل لك أذهب وأعمل خارج مصر
وآخر حاجه حأقولهالك بحبك أوي أوي
باي

في 14مارس وصلها خطاب مني يقول
" حضرة السيده المحترمه / خطيبتي وحبيبتــي
بعد التحيه الطيبه أبلغك ان خطابك وصلني في وقت متلهف فيه لذلك الخطاب
لكنه صدمني
وفلنتناول خطابك ونري ما به
أولا عجبني جدا الجزء الآول به لآنه تلقائي ومباشر
وقد رآيتك فيه وأول ماضايقني انك لم تستطيعي ان تبدأي كما قلتي لذلك يلزمك دروس في الحب وسأبدأ معكي من البدايه وكله بصوابه
ثانيا طبعا خطابك به الكثير من الاخطاء
الآخطاء الغراميه
فهوي لا يحوي سوي كلمة بحبك واحده ايه البخل ده
ثالثا ياحبيبتي ورابعا ياعــمري العمل في الخليج عائده اسرع وأعلي من مصر
وانا لا استطيع الانتظار لذلك اتخذت الطريق الآسرع
خامسا اريدك في خطاباتكالقادمه ان تحكي لي كل شئ _كأنني عايش معاكم بالظبط _ وأحكي بالعاميه ياستي ولاتزعلي
ومن سادسا الي مليون
بحبك جدا جدا جدا جدا جدا جدا جدا جدا جدا جدا جدا جدا جدا جدا


في 22مارس وصلني خطاب منها تقول فيه

الي دنيتي كلها اليوم عيد الام وقد احتفلنا على نطاق الاسره بامى وجبتلها تورته عليها اسمها وكتبت عليها بالكريمه بحبك بنتنك الوحيده
وجبتلها هديه تاني وجبت زيها لمامتك ففرحت بيها
ولآول مره احس اني زي بنتها فعلا
وباليل مسكت جوابك وقريته للمره العشرين ومن جديد بقيت بضحك علي بعض الحاجات فيه وأحبك أكتر في حاجات تانيه قولتها فيه
من يومين واحده قالتلي ( ماتندلقيش آوي عليه )
علشان كده انا طولت عليك في الخطابات
لكني مقدرتش أطول أكتر من كده
ومقدرش يوماتي م أسمعش صوتك
وأذا اتأخرت انت أنا بتصل
علي فكره فيه شويه مشاكل حصلت وانا مش حأقولك عليها علشان هي بسيطه وأتحلت خلاص ان شاء الله
وانا بقولك كده علشان وعدت نفسي انه اي حاجه تحصل لي حأقولهالك
وانا مش عايزه ازود عذاب الغربه عليك بس بجد انت
وحشتني
آمتي ترجع بقي
باي
ملحوظه (فين الدروس اللي وعدتني بيها "
باي "

في 7 آبريل أرسلت خطابي الغاضب هذا :
" مش عارف ابدأ خطابي ازاي بس فيه ايه؟؟؟؟
انا عايز أعرف ايه اللي بيحصل
اسبوع فات مش عارف أكلمك
علي طول مش موجوده وفي الحمام ونايمه
اتصلي بي فور وصول خطابي هذا علشان عايز اعرف
هو اللبي سمعته ده حقيقي
طبعا انتي عارفه انا أقصد ايه ومين
سلام

في 15 أبريل وصلها خطابي قبل الآخير هذا الذي أدمعت عيني فيه لكني اصررت بغباء ان أرسله :

"أولا أنا متأكد ان خطابي هذا وصلك
فقد ارسلته عن طريق آخي الذي اكدت عليه ان يسلمه لك يدا بيد بأي طريقه
طبعا انا عرفت بموضوع العريس الجديد اللي جالك واللي اتهبلتو عليه أول ماتقدم
طبعا عرفت بموضوع زيارة آهلي لكم ومقابلتكم السيئه لهم
مكنتش متوقع انه الخسه للدرجه دي
يـــــاه
علي العموم خلاص انت مابقيتش تلزميني
اللي تبعني بسهوله كده وتنسي كل الوعود بتاعتها تبقي متلزمنيش
اللي تسهر معايا للصبح في التليفون تسمعني وتزعل لو قولتلها نامي بقي وبعد كده تنسي اها كلمتني في التليفون وتقطع اتصالاتها متلزمنيش

انا بس كتبتلك الجواب ده علشان تعرفي اني جاي مش علشانك
ومتخفيش مش حطالب بأي حاجه
اصل كل حاجه من عندك متلزمنيش
وداعا "

في 18 آبريل وصلني خطاب منها
" انا بكتبلك اجواب وانا ببكي
الضغوط حوليه من كل ناحيه
انا مش عايزه حد غيرك
بحبك انت وبس
أعمل حاجه ارجوك "

هنا قفلت صندوق الرسائل
ونظرت الي المرآه والي الشعر الابيض في جانبي
ودخلت زوجتي تلومني قائله ايه مش حتخرج للضيوف عريس بنتك من بدري بره
قلت : لسه مابقاش
قالت في تحد لذيذ: حيبقي !
قلت : عليه النعمه لآنا سالخه بره
قالت وهي تسحبني لآخرج معها : ايه حتطلب منه مهر غالي ويروح الكويت يشتغل و
أكملت : وأحاول أجوزها حد تاني فتهرب معاه ويتجوزوا
ويخلفوا أموره زي العسل
.
.
.

[wael.galal]

بجد كلام جميل
حسيت بيه
وبكل كلمة فيه

بجد أشكرك

[المؤلف]

فضفضه

ليه فضفضه


دي قصه


وبس

[هيثم حمدي]

السلام عليكم

معذره لما حدث معك يا اخي المؤلف

وتم اعاده الحوار لمكانه الاصلي مرة اخري

شكرا لك

[وائل المصري]

بجد كلام جميل ورائع ومتميز.
تقبل تحيات وائل المصري.

[محمد اسامة]

انا اسمى محمد اسامة احب فتاة تعمل معى فى شركة الفراعنة بطنطا اسمها نيرمين ولكن هى لا تعرف اى شىء اريد ان اصرح لها بحبى ولكن اخاف ان باقى العاملين بالشركة يأخذون عنى فكرة سيئة وخصوصا انى اعرف بنات كثيرة جدا ومن ناحية اخرى اسعد عندما ارى عينها الجميلتان اتعلم منها اثناء كلامها سألت الناس ودكتور اسامة منير قال لى انى اصرح لها بما اشعر ولكنى لا اقدر لان فى حالة رفضها ستكون فضيحة لى بالشركة وبعد ما كانت المعاملة بأحترام ستكون من غير احترام اريد ان اقولها لها وباعلى صوتى انى احبها ولكن فى صمت وبدون معرفة الجميع وفى حالة رضاها سنعلن حبنا للجميع فهل هى فعلا تحبنى اريد الرد ماذا افعل

[المؤلف]

بجد كلام جميل ورائع ومتميز.
تقبل تحيات وائل المصري

شكرا لردك الجميل



(هو انا أتأخرت في الرد ) ماأظنش