في الاول بس احب اوضح نقطة مهمة جدا وهي ان
اللغة الصينية واليبانية لا دخل لهم باللي بيحصل لنا
تاني نقطة حكاية الصحف ، انا شخصيا ممكن آخد منك
موقف لو كنتي من الناس اللي بتقرأ الصحف القومية
او صحف الحكومة كما يطلق عنها ، دا بالنسبه لرأيي
في الصحف القومية ، بالنسبة للصحف المعارضة
فهم مجموعة من خلق الله مش عاجبهم البلد
ولا الرئيس ولا الحكومة ولا المصريين نفسهم
المهم ان الناس دي بتلّمع في عقولهم فكرة
البحث عن الحقيقة ومحاربه الفساد والسلطة
الغير سوية وبهكذا يكونوا احفاد سعد ابن الاستاذ زغلول
وعمنا احمد عرابي والناس الكويسه دي ،
والنقطة الاهم اللي اعتقد انها ممكن تريّحك حضرتك
انك تكوني واثقه جدا ان كل صحفي سيان قومي او معارض
فهو باحث بالدرجة الاولي عن مجد شخصي او زعامي .
وعلي رأيك اهي رصّ حروف وخلاص
يعني انا مثلا رّصيت شوية حروف اهوه
ممكن انتي تيجي ببساطة وتلّمسي اول حرف تقوم الحروف كلها
تيك تيك تيك تيك ورا بعض زي ما كنّا بنرصّ الدومنو واحنا صُغيرين
وتيك تيك تيك تيك توك .
النمط الخطي
