هنا : رابطـــة كليـــــة الآداب .. مش هتقدر تغمض عنيك

[amr_miza1]

أصدقاء المنتدى الكرام



حبا منّا فى كليتنا الجميلة .. اقترحنا أن نكوِّن رابطة لخريجى وطلاب

كليّـــــــــة الآداب

ولتكن هذه الفكرة مجالا جديدا للحوار المتجدد والذى ينم عن ثقافتنا واتجاهاتنا

وتحتضن الرابطة جميع أعضاء المنتدى بلا استثناء أى خريجين وطلاب جميع المنشآت التعليمية
( جامعات ومعاهد ومدارس )

اهتمامات الرابطة

1- كل عضو من الرابطة هيتكلم عن القسم بتاعه وإيه اللى شجعه أنه يدخل القسم .. وهل دخول القسم كان برغبته والا أجبر عليه .

2- كل عضو هيتكلم عن مادة كان بيحبها جدا .. ونبدأ نناقشه فى المادة دى .

3- كل عضو هيتكلم عن مادة مكنش بيقبلها وكان بيمتحن فيها بالعافية .

4- كل عضو هيتكلم عن دكتور كان بيحبه جدا ويعرفنا بيه ولو كان فيه موقف بينهم يحكيهولنا .

5- كل عضو هيتكلم عن دكتور مكنش بيقبله وبردة لو فيه بينهم موقف يحكيه .

6- كل عضو يتكلم عن اصحابه واتكلم من القلب .

7- كل عضو يتكلم عن المواقف الحلوة والـ مش حلوة اللى مر بيها فى الكلية .

8- كل عضو يقول اللى هو عاوزة فى اطار من الحب والتفاهم

شروط الالتحاق برابطة كلية الآداب

أولا : تقديم C.V مبسط

الاسم :
الجامعة :
القسم :
سنة التخرج :
التقدير العام :
العمل "إن وجد" :
كلمة أخيرة :

ثانيا : تقديم صورة المؤهل وعرض حال دمغة وعدد 31 صورة شخصية والموقف من التجنيد وصحيفة الحالة الجنائية

~~~ الأعضاء مؤسسو الرابطة ~~~

1- اسلام ( شاعر الليل )

2- عمرو

3- مستكة

4- سها

5- قلب الكنارى

وباب الترشيح وتقديم الطلبات مفتوح للجميع من أبناء الكلية الكرام

ملحوظة : مفيش مانع ان أى عضو ( خريج أو طالب ) فى كلية غير الآداب انه يترشح للانضمام للرابطة .. ودا عرض لفترة محدودة أو ( لحين نفاذ الكمية )

وسيتم عمل تحديث (update) لأسماء مكونى الرابطة

اتمنى تعجبكم فكرة تكوين رابطة كلية الآداب .. وتكون بداية لفتح مجالات معرفية جديدة

[وائل المصري]

صديقي الجميل.
كل عام وانت بخير بمناسبه عيد الاضحي المبارك اعاده الله عليك وعلينا وعلي الرابطه بخير ويمن وبركات.
مع تحيات وائل المصري.
اه علي فكرة متعملش حسابي.

[ابتسامة الحياة]

ايه ده ايه ده
انت عملتها خلاص
طيب ماشى
انا كمان برده عملتها
سلام بقى ومتعملش حسابى

[amr_miza1]

المشاركة الأصلية بواسطة وائل المصري

صديقي الجميل.
كل عام وانت بخير بمناسبه عيد الاضحي المبارك اعاده الله عليك وعلينا وعلي الرابطه بخير ويمن وبركات.
مع تحيات وائل المصري.
اه علي فكرة متعملش حسابي.

هههههههههههههههه

اكيد طبعا يا وائل ..

كل سنة وانت طيب

[amr_miza1]

المشاركة الأصلية بواسطة ابتسامة الحياة

ايه ده ايه ده
انت عملتها خلاص
طيب ماشى
انا كمان برده عملتها
سلام بقى ومتعملش حسابى

ازيك يا اسماء ..

احنا عاملين الرابطة علشان نقرب من بعض مش علشان نعلن الحرب يا اسماء

ونورتى الرابطة

[Dr-Ayat]

مبروك الرابطة يا عمرو ناس تجارة وناس آداب وانا هاعمل رابطة مع نفسي يعني :(

هاقعد اتفرج عليكو :( اول مرة مش هاقدر اشارك معاكم

مبروك

[برديس]

مبروك انشاء الرابطه يا عمرو 000اسلام000 مستكه000 سها000 قلب الكنارى
ممكن اشارك معاكو
وادى الCV بتاعى واذا قبلتوا تقديمى هبقا احكلكوا
الاسم : شيماء(برديس)
الجامعة :الزقازيق
القسم :تربيه فنيه
سنة التخرج :2003
التقدير العام :جيد جدا
العمل "إن وجد" :مدرسة تربيه فنيه
كلمة أخيرة :ممكن انضم للربطتين

[nadamoha]

أنا جايه أبارك وأهنى

واسمعكم سلام وتشجيع لكل أعضاء الرابطه الكرام

يالا ورونا همتكم يمكن نحول النشاط من هندسه لآداب

[احمد13]

أولا : تقديم C.V مبسط

الاسم : احمد

الجامعة :سوهاج


القسم :فلسفة


سنة التخرج :2005



التقدير العام :جيد



العمل "إن وجد" :عاطل بالوراثة



كلمة أخيرة :شكرا لهذة الرابطة

[سها soha]

ازيك ياعمرو

مجهود فوق العادة

انا عن نفسى مكنتش هعرف اعملة

بشكرك كتير كتير كتير

مبروك علينا كلنا

مبروك ياعمرو ويامستكة ويااسلام وقلب الكنارى

بالتوفيق ان شاء الله

لى عودة لاء مش عودة

اقامة كاملة ان شاء الله

[amr_miza1]

المشاركة الأصلية بواسطة Dr-Ayat

مبروك الرابطة يا عمرو ناس تجارة وناس آداب وانا هاعمل رابطة مع نفسي يعني :(

هاقعد اتفرج عليكو :( اول مرة مش هاقدر اشارك معاكم

مبروك

والله يا دكتورة مش عارف اقولك ايه بس ..

عموما هنا مكانك فى اى وقت لو حبيتى تشاركينا الحوار سواء انضميتى او لأ

وأكيد الرابطة هتتشرف بيكى فى أى وقت

[amr_miza1]

المشاركة الأصلية بواسطة nadamoha

أنا جايه أبارك وأهنى

واسمعكم سلام وتشجيع لكل أعضاء الرابطه الكرام

يالا ورونا همتكم يمكن نحول النشاط من هندسه لآداب

اهلا ندى ..

طبعا تشرفينا فى اى وقت .. ومش بعيد كمان تشرحيلنا مواد عمارة والا مدنى او باور.. اى نعم مش هنفهم حاجة بس اهو نوع من أنواع المشاركة الوجدانيه

شكرا يا ندى لتشريفك ومنتظرينك

[amr_miza1]

تقديم C.V مبسط

الاسم : عمرو

الجامعة : المنوفية

القسم : اللغة العربية

سنة التخرج : 2002

التقدير العام : جيد

العمل "إن وجد" : مؤسسة طه حسين للتربية المدنية بالجيزة

كلمة أخيرة : اتمنى تكون الرابطة مفيدة لكل الأعضاء

[amr_miza1]

المشاركة الأصلية بواسطة احمد13

أولا : تقديم C.V مبسط

الاسم : احمد

الجامعة :سوهاج


القسم :فلسفة


سنة التخرج :2005


التقدير العام :جيد


العمل "إن وجد" :عاطل بالوراثة


كلمة أخيرة :شكرا لهذة الرابطة

اهلا بيك يا أحمد .. أول مرة أعرف انك من أبناء كلية الآداب

واحنا معانا فيلسوف كبير اوى واحنا مش عارفين

ان شاء الله تشارك معانا بخصوص اهتمامات الرابطة .. هنبهدلك أسئلة فى الفلسفة

وكل سنة وانت طيب

[amr_miza1]

المشاركة الأصلية بواسطة برديس

مبروك انشاء الرابطه يا عمرو 000اسلام000 مستكه000 سها000 قلب الكنارى
ممكن اشارك معاكو
وادى الCV بتاعى واذا قبلتوا تقديمى هبقا احكلكوا
الاسم : شيماء(برديس)
الجامعة :الزقازيق
القسم :تربيه فنيه
سنة التخرج :2003
التقدير العام :جيد جدا
العمل "إن وجد" :مدرسة تربيه فنيه
كلمة أخيرة :ممكن انضم للربطتين

أستاذة برديس .. ازيك يا ميس

طبعا لازم نقبل التقديم

كلية التربية ان شاء الله هيبقى ليها نصيب كبير اوى فى الرابطة .. بما أننا فى السلك التعليمى كلنا ..

ومنتظرينك