وطنى ودى آخر زيارة

[hassan omran]

وطنى ودى آخر زيارة
شفت بعيون قلبى
وشوش الناس
متعفره بالحزن
ناس سكاره م الأسى
من غير كاس
تنظرلهم ينظرولك
تبص فى عيونهم
يندهولك
وكأن غرقان
فى بحر الخطر
عايز أيدين تدمدله
تنشله قبل ما يضيع
فى متاهات الزمن
شفت مدينتى
متغبره بالتراب
كأنها مدينه سراب
مصبوغه بلون الضباب
شفت بعيونى صورة صنم
متشعلقه على الحيطان
فى وسط الميدان
مرسومه على كل البيبان
مطبوعه كل يوم
فى الجرنان
وسمعت خفقان
صوت المؤذن فى الآذان
كأن شبح غطى المكان
وبقت مدينتى خراب
عايش فيها الغراب
أنسرق منها الأيمان
سألت أيه سرها
سمعت من أهلى وأهلها
حكاوى تقشعر الأبدان
عن راجل صلى وصام
وعرف طريق ألأيمان
فى الليل جالوا الظنايا
جروه على المعتقل
والتهمه أخوان
وناس زيه كتير
من غير أتهام
سألت على صحابى
أيام زمان
على وحسين وأمام
قالوا على الله يرحمه
مات مكبوت
وحسين مريض
بالكبد والفيروس
وأمام أعترض
بقاله سنه محبوس
من كتر ما أتغميت
طلبت منهم يصمتوا
قلبى من الحسرة
جاله هبوط
وعرفت أن مدينتى تقطعت بيها
السبل من كتر السكوت
قررت آخذ قرار
من غير فرار من الموت
أحمل راية الوطن
وأبطل سكوت
أنده بصوت عالى
الوطن قرب يموت
قبل ما تطول الحكاية
شيل علم وأمشى معايا
أخرج من صمت السكوت
على صوتك بالحق
قبل الوطن ما يموت
أيدك فى أيدى نمسك النبوت
نكسر حواجز الخوف
ونرفع راية الوطن قبل الوطن ما يموت
الوطن لازم يحيى
وأحنا فداه ونموت
"""""""""""" """"""""" ""
حسن عمران

[دلوعة مصر]

بجد خاطرة جميلة جدا يا حسن
وربنا ما يبعدنا عن مصر الحبيبة
أبدا ونموت بين ترابها الحبيب
وتحياتي ليك

[لقاء]

بسم الله الرحمن الرحيم

السلام عليكم

قصيدة جميلة جدا , كلها وطنية .

مهما طال ليل الظلم لابد لشمس الحقيقة أن تظهر , وأكيد نهار الحق قرب بس عايزين أيادي تساعد وتبني وعايزين ناس وطنين زي حضرتك , مصر بخير طول ما فيها أمثالك , صدقني لما بقرأ قصائدك بحس بحماسة وبطمئن على مصر .

أستاذ حسن ربنا يخليلك مصر ويخليك لمصر .

دام قلمك لسانا للحق ومعبر عن الوطن .

لك مني كل تقدير واحترام .

دمت بود .

[دلوعة؟؟]

تسلم على الكلام المعبر ده

[hassan omran]

المشاركة الأصلية بواسطة دلوعة مصر

بجد خاطرة جميلة جدا يا حسن
وربنا ما يبعدنا عن مصر الحبيبة
أبدا ونموت بين ترابها الحبيب
وتحياتي ليك

وأنا كمان أدعوا الله أن نموت فى ترابها

الغربه مهما كان فيها فلوس برده مره فى الريق

أشكرك ولكى خالص تحياتى وأحترامى

.........................حسن عمران

[قلب الكنارى]

طال السبات استيقظي
وانهضي واكسري عنك القيود
وافيقي امتي من غفلتك
واستعيدي مجدك المفقود
قولي لهم انك لم تموتي
وانك ما خلقتي الا للخلود
قوليها لكل عدو آثم ولكل
خائن خان كل العهود
واتركي الخوف عنكي امتي
وضعي للعدو شوكا مكان الورود
خمسين عاما ونحن كالنعام رؤوسنا
تحت الثرى اما آن لها الصعود
فارفعي الرأس ورايه النصر واجعلي
من الرايات البيض اكفانا لنا و لحود
كلنا عطشى مائنا الموت هو سر بقائنا
هل لنا من ورود





دولا مين ودولا مين دولا عساكر مصريين
دولا مين ودولا مين دولا ولاد الفلاحين
***
دولا الورد الحر البلدي يصحى يفتح اصحى يا بلدي
دولا خلاصة مصر يا ولدي دولا عيون المصريين
دولا مين ودولا مين
***
دولا القوة ودولا العز دول راضعين من أطهر بز
هز يا هلال هلالك هز واحنا وراك ملايين جايين
دولا مين ودولا مين
***
دولا اخواتنا ودولا بنينا دولا الأمل اللي مخلينا
دولا المجد اللي مخلينا فوق الجرح نعود سالمين
دولا مين ودولا مين
***
دولا يا سينا ولاد الشهدا دولا التار لا ينام ولا يهدا
خلي ترابك يسكن يهدا ويضم الشهدا الجايين
دولا مين ودولا مين


مع خالص تحياتى
وفائق تقديرى واحترامى
كل سنة وانت طيب يا ابو على

[hassan omran]

المشاركة الأصلية بواسطة ENG. Lqaa

بسم الله الرحمن الرحيم

السلام عليكم

قصيدة جميلة جدا , كلها وطنية .

مهما طال ليل الظلم لابد لشمس الحقيقة أن تظهر , وأكيد نهار الحق قرب بس عايزين أيادي تساعد وتبني وعايزين ناس وطنين زي حضرتك , مصر بخير طول ما فيها أمثالك , صدقني لما بقرأ قصائدك بحس بحماسة وبطمئن على مصر .

أستاذ حسن ربنا يخليلك مصر ويخليك لمصر .

دام قلمك لسانا للحق ومعبر عن الوطن .

لك مني كل تقدير واحترام .

دمت بود .

أولا: سلام الله عليكى ورحمته وبركاته

وكل سنه وأنتى طيبه وأهلك طيبين

كلامك هو اللى أثر فينا وليس كلامنا

لكن يا أختى لو كل واحد سكت مصر حتموت

وأنا والحمد لله وهبنى الله القلم وأنا وهبته لنصرة المظلوم

ويوجد غيرى الكثير والكثير ومصر عامره بيهم وبأمثالك

و هذا حديث صحيح

عن أبي سعيد الخدري رضي الله عنه عن النبي صلى الله عليه وسلم قال
أفضل الجهاد كلمة عدل عند سلطان جائر
رواه أبو داود والترمذي وقال حديث حسن

لكى كل التحية والأحترام

وكل سنه وأنتى طيبه أنتى وكل عالم أبن مصر

................................حسن عمران

[hassan omran]

المشاركة الأصلية بواسطة دلوعة؟؟

تسلم على الكلام المعبر ده

السلام عليكم ورحمة الله وبركاته

بالرغم من أنها كلمه بسيطه لكنى حسيت أنها

طلعه من قلبك

لكى كل التحية والأحترام

............................................حسن عمران

[hassan omran]

السلام عليكم ورحمة الله وبركاته

كل سنه وأنتى طيبه




دولا مين ودولا مين دولا عساكر مصريين
دولا مين ودولا مين دولا ولاد الفلاحين
***
دولا الورد الحر البلدي يصحى يفتح اصحى يا بلدي
دولا خلاصة مصر يا ولدي دولا عيون المصريين
دولا مين ودولا مين
***
دولا القوة ودولا العز دول راضعين من أطهر بز
هز يا هلال هلالك هز واحنا وراك ملايين جايين
دولا مين ودولا مين
***
دولا اخواتنا ودولا بنينا دولا الأمل اللي مخلينا
دولا المجد اللي مخلينا فوق الجرح نعود سالمين
دولا مين ودولا مين
***
دولا يا سينا ولاد الشهدا دولا التار لا ينام ولا يهدا
خلي ترابك يسكن يهدا ويضم الشهدا الجايين
دولا مين ودولا مين

دولا يستحقه أكثر من قصيده شعر

لآنهم الوحدين الذين ضحوا ولم ينتظروا

منا أى شىء ضحوا لآجل الوطن

فلذلك يستحقوا أكثر من قصيده

برافوا على أختيارك فهذا أحسن عنوان

لحب الوطن

لكى كل التحية والأحترام

.....................حسن عمران