الدعاء ل Amr - miza بالشفاء

[omarr]

الف الف سلامه عليك عمممممممور ..ترجع لينا بالسلامه

[bo7or]

آمين يا رب لكل دعاء بالخير..

ايه يبنى ما خلاص بأة....
انا لو كنت مكانك و الكلام الحلو دة اتكتب فية كان زمانى قمت اتنططت بلا تعب بلا بتاع...
خلاص بأة عايز تعرف معزتك"بكسر الميم" عندنا اديك عرفتها ارجع بأة..
و يا ريت يا جماعة دعائكم يبقى لكل المؤمنين و المؤمنات فى كل مكان..
اللهم اشفى مرضانا و مرضى المسلمين..
والله يا جماعة انا مزنوقة فى كام دعوة ....امتحانات بأة و الدنيا بايظة خالص..
يلا كلنا لها..
يا رب الخير لكل من اراد خيرا..
و اعفو عنا و اغفر لنا و ارحمنا انت مولانا فانصرنا على القوم الكافرين..
مش عارفة مو حشكش اللون الموف و لا ايه هههه
بس بأة يا بت كفاية رخامة...معلش يا عمرو...مش لاقية حد ارخم عليه معلش بأة..

[جناب العمدة]

الف مليون سلامة عموور
نسأل الله تعالى ان يشفيك الشفاء العاجل
و أن يكون ما أصابك تكفيراً لذنوبك و تعظيماً لأجرك..
" اللهم اشف أنت الشافي لا شفاء إلا شفاؤك.. شفاءاً لا يغادر سقماً"
حرمنا هذه الايام قلما رائعا لشخصية اخذت مكانها بالقلب .

ننتظر عودتك سريعا باذن الله يا عموووور

[برديس]

الف الف سلامه ليك يا عمرو
ربنا يشفيك ويعافيك
كفايه دلع بقا وقوم يلا من السرير
دا انت داخل على موسم امتحانات يلا بقا كفايه كده
كلها كام يوم وهننشغل فى المراقبه والتصحيح
وشفت بحور ما صدقت واستغلت الموقف هههههههههه
ولا تزعلى يا روكه ربنا معاكى انتى كمان
وبعدين عمرو مش محتاج انه يتعب علشان يعرف معزته عند الاعضاء
يلا بقا يا عمرو كفايه كده كل ده ولسه ما جتش

[amr_miza1]

ايات

انا مكنتش متخيل ان فيه كدا ابدا وناس تسأل عنى بالشكل دا ... مش عارف اقولك انا سعيد قد ايه باللى انا شوفته دا
بس كل اللى اقدر اقوله " الحمد لله " على حب الناس دى لوحدها كفاية

ومع انك سيحتيلى وقولتى كمان انه دور برد بس والله دا برد بس مش من اللى بييجى للبنى ادميين .. دا برد غريب كدا اول مرة اشوفه .. الحمد لله كان هيوصل لحمى بس ربنا ستر

شكرا يا ايات على موضوعك دا اللى ربما الدعوات اللى فيه كان ليها اثر كبير جدا الحمد لله

[توتى3000]

حمد الله على السلامه ياعمرو

[amr_miza1]

دلوعة مصر : شكرا لسؤالك .. الحمد لله بقيت احسن شوية

بيروو القمر : ربنا يتقبل منك .. والحمد لله فيه تحسن وشكرا لسؤالك يا بيروو

نرجسية : شوفتى اللى حصلى كنت بفطس بس الحمد لله ربنا ستر .. شكرا يا دكتورة

وائل جلال : ربنا يخليك يا وائل انت انسان ذوق ومحترم

Lose control : الله يسلمك يا محمود .. الحمد لله بقيت احسن

أوش أوش : الحمد لله يا شيماء بقيت كويس شوية .. ليكى واحشة بس انا زعلان منك .. فين الوردة ؟؟

بحور : ( رقية ) والله انتى من الناس اللى كانت بتهون عليا التعب وشكرا على انك وصلتى رسالتى .. وانتى بجد انسانة تستاهلى كل خير بس لو تبطلى الحقد اللى عندك دا .. مستكترة عليا حب الناس !! اعوذ بالله !! ههههههههه وجميل طبعا اللون الموف .. شكرا يا رقية على سؤالك عليا دايما

امل حياتى : الحمد لله يا أمل بقيت احسن شكرا لسؤالك والدعاء الجميل دا.

ادهم : شكرا يا ادهم الحمد لله

توتى : شكرا يا توتى ربنا يسمع منك

لقاء : انا كمان كنت مفتقدكم جدا جدااا بس الحمد لله ان شاء الله هقدر اطل عليكم كدا .. وشكرا للكلام الجميل اللى قولتيه دا وشعورك دا .. والدعاء دا جميل اوى

دكتور حمود : شكرا يا محمد على سؤالك هو كان برد اه بس كنت هروح فيها بس الحمد لله

[amr_miza1]

هند : الله يسلمك .. الحمد لله بس مش لدرجة الحصان يعنى انا لسه محصلتش ... بس الحمد لله على كل شيء .. شكرا لسؤالك

وائل المصرى : الحمد لله يا وائل احسن كتير .. بس لحمة ايه بقى دانا ملحقتش ادوقها

Love baby : شكرا جدا لسؤالك والدعاء الجميل دا

BATISTA : شكرا يا محمد للدعاء الجميل وتواجدك .. وربنا يديم الود ونتقابل فى الخير

The master : شكرا يا ماستر للدعاء وربنا يبعد عنك اى مكروه

احمد 13 : الحمد لله يا احمد ربنا يتقبل منك

The myth : والله يا حازم هو كان برد بس بعيد عنك .. ربنا ما يوريك .. شكرا يا حازم لسؤالك

روزى : الله يسلمك يا رزوى انتى اللى جميلة والله

حسن عمران : شكرا يا حسن على الكلام اللى قولته فى حقى دا من ذوقك وشكرا لدعائك

ابتسامة الحياة : الله يسلمك يا اسماء شكرا لسؤالك ودعائك

نيهال : الحمد لله يا نيهال وشكرا ليكى

مستكة : الله يسلمك .. شكرا للدعاء وربنا يجعلة فى ميزان حسناتك

حنين مصر : شكرا ليكى ولسؤالك

الورد الجورى : هو كان شيء مزعلنى اكتر لانى كنت مفتقدكم جدا والحمد لله فيه تحسن وشكرا
للكارت الجميل دا .. مع انى كان المفروض معاه 2 كيلو موز والا حاجة

رؤية : شكرا ليكى والحمد لله ربنا قدرنى ومتأخرتش بس ربنا يتم الشفا بخير

[amr_miza1]

omarr : الله يسلمك يا حسين شكرا ليك وسؤالك

بحور : انا هدعيلك يا رقية ماتقلقيش .. انتى عارفة دعوة المريض ان شاء الله بتستجاب بس طبعا هدعيلك فى سرى .. بس انتى مش رخمة ولا حاجة ماتقوليش على نفسك كدا .. انتى غلسة بس .. ( بهزر يا بت ) انتى جدعة والله وعسولة اوى ربنا يوفقك ان شاء الله

جناب العمدة : الله يسلمك يا أ محمود وربنا يتقبل منك ويكون تكفير للذنوب والحمد لله الذى لا يُحمد على مكروه سواه

برديس : والله يا شيماء انا سعادتى النهاردة ماتتوصفش لانى اتفاجئت بالحب دا ودى حاجة طبعا مش بعيدة عليكم وانتم تستحقوا كل خير .. وطبعا دى حاجة مقدرش انساها ف يوم من الايام
شكرا يا برديس لكلامك الجميل دا وربنا يقويكى الفترة اللى جاية ان شاء الله

[دلوعة مصر]

الحمدلله على السلامة يا عمرووووووووووو
ابقى غطي بقى نفسك كويس بالبطانية عشان
متبردش تاني وخلي بالك من نفسك
وربنا ما يجعها تاني يارب

[bo7or]

بحور : ( رقية ) والله انتى من الناس اللى كانت بتهون عليا التعب وشكرا على انك وصلتى رسالتى .. وانتى بجد انسانة تستاهلى كل خير بس لو تبطلى الحقد اللى عندك دا .. مستكترة عليا حب الناس !! اعوذ بالله !! ههههههههه وجميل طبعا اللون الموف .. شكرا يا رقية على سؤالك عليا دايما

ايه النور دة...يا كسوفى يا كسوفى
ههههههههههه... مش هبطل حقد ابدا...
و الله يا عمرو انت اللى بجد انسان محترم جدا و تستاهل اكتر بكتير من محبة الناس دى..
و بتشكرنى على ايه يا صديقى...متشكرنيش ادينى اللى فيه النصيب بس والله بفكر ابطل رخامة لحسن الناس هنا هتاخد عنى فكرة وحشة...
والله دة انا طيوبة و مش حقودة انا غلاوية بس
ميرسى يا آيات تانى ""ارزاق"" قعد يشكر فيكى لما قال يا بس..يلا بأة كلنا لها..
عندى(( شوية)) امتحانات بكرة تحفة اه شوية 3 4 كدة امال ايه؟؟ما احنا هنشوف ليالى بيضة فى الكلية دى ..بس مقدرش أتأخر عن الاستاذ الجميل دة..
حمد الله عالسلامة...
مش طريقة دى ابدا استعرت اللون الموف بتاعى..يلا بأة خلينى انا الكبيرة اكمنك تعبان بس..

[bo7or]

بحور : انا هدعيلك يا رقية ماتقلقيش .. انتى عارفة دعوة المريض ان شاء الله بتستجاب بس طبعا هدعيلك فى سرى .. بس انتى مش رخمة ولا حاجة ماتقوليش على نفسك كدا .. انتى غلسة بس .. ( بهزر يا بت ) انتى جدعة والله وعسولة اوى ربنا يوفقك ان شاء الله

اه والله ..بس ادعى جامد مش دعوتين و خلاص...ههههههه
حقودة و رخمة و طماعة كمان..
بس عموما انا لو منك اسوق فيها مادام لاقى محبتك فى قلوبنا بالشكل دة..
و مش هنلعب بأة احنا الاتنين بنكتب فى نفس الوقت..
على فكرة اتخنقوا منى جاااااااااااامد..
خلاااص حمدالله عالسلامة تانى يا صديقى..

[The Caesar]

الف سلامه
انا لسه واخد بالي من الموضوع دلوقتي
بجد الف سلامه و ترجع باذن الله احسن من الاول

[ابتسامة الحياة]

الشكر لله يا عمرو المهم انك رجعت بالسلامة

[OSHOSH2050]

حمد لله على السلامه يا عمرو
قلقتنى عليك خالص
الحمد لله انك بقيت كويس
خلى بالك من نفسك يا عمرو
الورده بتاعتك موجوده اهى بس قلقانه عليك خالص
وليك ورده مخصوصه لما ترجعلنا بالسلامه