عايـــــــز عروســــــــة ولكـــــن ...

[وجيه]

قل خي عوستى تملك شقتها بيت ورثها وزوجها يشرى جهاز قلت فاهم وتفاهم بينه انا دافع مال كل شى وعروستى تملك شقة متراضه لكين حبيتها كتير ردت اعطيها تملك مال قيمة شقتها مادام املك ونحبها وكل شرى ماتقبل ماتريد شى ماكلامها غير طيب طيب بتمنى عطيها كل شي والله وماكنتش تعرف عندى مال ابد وكتير ملابسى منها هدية زوقى مش مصرية وهى تريدنى جميل وتفرح بى كتير والله نحبها والله برشا

[عتاب]

المشاركة الأصلية بواسطة بنت فلسطين

أهلا بالغالية ..

شوفي يا حبيبتي ,, موضوع الزواج حاليا بقى من أصعب الخطوات الي بيقوم فيها الفرد منا
سواء بالنسبة للشباب او للبنات .
الحياة بقت صعبة جدا , ومتطلباتها بقت مكلفة جدا
طبعا انه يكون الزوج والزوجة بيشتغلوا علشان يعينوا بعض دة مش عيب أبدا
لكن ,,
ييجي واحد يتقدملي ويكون رايدني بس لأني بشتغل أو عندي ملك معين
فدة الي مش حتقبله اي بنت عندها كرامة .
ولو هو فعلا عايز بنت تساعده بالحياة بإمكانه يشترط انها تكون جامعية وبعد الزواج يبقى يتفاهم معاها على الشغل سويا. أما ميتقدملكيش إلا لأنك بتاخدي مرتب أو لأنك عندك بيت فدي وقاحة لأبعد الحدود ,, وهنا تيقى مقولة اخواننا الصعايدة وساما على صدورنا (البوار ولا جوازة عار)

تحياتي

عسل يا رؤى
انا مقصدش طبعا انه بيختار على الاساس ده بس
انا بقصد من ضمن مواصفاته انها تكون بتشتغل
زي ما فيه بنات بتقول انا عايزة ارتبط بواحد مهندس
مش معنى كده انها عايزاه مهندس صايع ولا باقي صفاته ماتهمهاش
هي من ضمن صفاتها انه يكون مهندس
هو كمان من ضمن صفاته انها تكون بتشتغل عشان تساعده في المعيشة
او انها تكون عندها شقه لانه مايقدرش يجيب شقه (بس دي صعب شوية ان حد يتقبلها لا هو يقبلها على نفسه ولا هي هاتقبلها على نفسها )
بس بالنسبة للشغل اليومين دول ده شيء وارد جدا
وخلي بالك هو مش بيقولها انا خطبتك عشان بتشتغلي
هو من جواه وبينه وبين اهله واللي جايبينله العروسة عارفين انه عايزها بتشتغل
من غير هو مايقولها بصراحة

[عتاب]

المشاركة الأصلية بواسطة ابتسامة الحياة

السلام عليكم ورحمة الله وبركاته
اهلا يا عتاب
اهلا بمواضيعك اللى لسه شايفاها

اولا ما احبش ارتبط بحد واصرف عليه
لازم يكون هو الرجل
وطالما يقبل كده على نفسه يبقى ما ينفعش اصلا
امال هيكون بقى قوام على النساء ازاى

ده غير انه بدل ما يروح يتقدم لواحدة عاوز منها شقة وشغل وياريت تجيبله عربية كمان عشان المواصلات زحمة اوى

يشتغل شوية ويتعب شويتين الاول وبعدين يفكر يتجوز
عتاب انا فى موضوعك يبقى فى حمايتك
حاسة ان الولاد هيضربونى

وعليكم السلام ورحمة الله وبركاته
ياهلا بالناس اللي عايزة تنضرب
خلوا بالكم يا شباب هي في حمايتي
اللي هاييجي جنبها هاتخلى عنها على طول
شوفي يا حبيبتي
انتي عارفة الظروف الجميلة اللي بنعيشها
والشاب بيشتغل وبيقبض كام
هو مش بيروح يقول للبنت انتي لازم تشتغلي ولا بيقول لاهلها كده
بس بيكون اختياره على الاساس ده
يعني لو اخته بتدورله على عروسة بيقولها بس عايزها بتشتغل وهي بتشوف الصفات اللي عايزها وتضيف عليها موضوع الشغل
هل ده ينقص من قدر انسان ؟
الافضل انه يعمل كده والا مايتجوزش اصلا ؟؟

[حنين مصر]

انا بصراحة مش شيفى ان الشروط دي مشكلة يعني عاااادي
المهم ان الشاب يكون راجل بمعنى الكلمة يعني مش واحد اي كلام
وكمان الرسول صلى الله علية وسلم قال في الحديث تنكح لمالها
يعني دا مش عيب ولا حاجة تجرح اي حد من الطرفين
المهم في الموضوع التفاهم والاحترام
تحياااااااتي

[mostafa10]

والله موضوع وضع شروط معينة للزوجة المرد له حاجة واحدة
في الحديث الصحيح الذي رواه ابو هريرة عن رسول الله :
"تنكح المرأة لأربع : لمالها ، ولحسبها ، ولجمالها ، ولدينها . فاظفر بذات الدين تربت يداك"

الناس تأخذ موضوع المال دا أهم سبب يمكن نظرا للظروف الاقتصادية
لكن هذا ليس مبررا ابدا
الرسول صلى الله عليه وسلم قال فاظفر بذات الدين
دا الشرط الاساسي

كما ان قوامة الرجل للمرأة تقتفضي انه يتحمل أعباء الحياة الزوجية كامله
اعتقد ان المرأة مكانها المناسب هو البيت عشان تربي النسل الصالح ,, ودا شرف عظيم لو تعلم

انا عارف ان في ناس هتقول أعباء الحياة صعبة ,,, ربنا ييسر ان شاء الله
بس لو الظروف سمحت ان اي مرأة متزوجة تقعد في بيتها يبقى افضل أكيد ليها وللمجتمع .

دا رأي وشكرا ليك يا عتاب على الموضوع الجاد

سلامي

[عتاب]

المشاركة الأصلية بواسطة وجيه

قل خي عوستى تملك شقتها بيت ورثها وزوجها يشرى جهاز قلت فاهم وتفاهم بينه انا دافع مال كل شى وعروستى تملك شقة متراضه لكين حبيتها كتير ردت اعطيها تملك مال قيمة شقتها مادام املك ونحبها وكل شرى ماتقبل ماتريد شى ماكلامها غير طيب طيب بتمنى عطيها كل شي والله وماكنتش تعرف عندى مال ابد وكتير ملابسى منها هدية زوقى مش مصرية وهى تريدنى جميل وتفرح بى كتير والله نحبها والله برشا

اهلا وجيه
انا اسفه اني مش عارفة ارد على كلامك كله لان اللهجة مش واضحة
بس اللي عايزة اقوله ان مساعدة الست لزوجها مش غلط
واذا كان اختيار العريس ليا مبني اولا على اساس الدين ثم الاعتبارات الاخرى زي المال او العمل
بيتهيألي ده هايبقى عادي
انا مش بقول ان الراجل هايختار عروسة اخلاقها وحشة ومش عاجباه عشان فلوسها
لكن انا بقول ان من ضمن صفاته انها تكون بتعمل عشان تساعده في مصاريف المعيشة
او تكون عندها شقة لانه ميقدرش يجيب شقة

[عتاب]

المشاركة الأصلية بواسطة حنين مصر

انا بصراحة مش شيفى ان الشروط دي مشكلة يعني عاااادي
المهم ان الشاب يكون راجل بمعنى الكلمة يعني مش واحد اي كلام
وكمان الرسول صلى الله علية وسلم قال في الحديث تنكح لمالها
يعني دا مش عيب ولا حاجة تجرح اي حد من الطرفين
المهم في الموضوع التفاهم والاحترام
تحياااااااتي

اهلا حنين
احييكي على رأيك ده
فعلا الرسول صلى الله عليه وسلم قال المال من ضمن صفات المرأة المحببة
صحيح المال مش اهم شيء بس اذا تواجدت باقي الصفات ايه يمنع انه يدور على المال؟؟
نورتي الموضوع ياقمر

[عتاب]

المشاركة الأصلية بواسطة mostafa10

والله موضوع وضع شروط معينة للزوجة المرد له حاجة واحدة
في الحديث الصحيح الذي رواه ابو هريرة عن رسول الله :
"تنكح المرأة لأربع : لمالها ، ولحسبها ، ولجمالها ، ولدينها . فاظفر بذات الدين تربت يداك"

الناس تأخذ موضوع المال دا أهم سبب يمكن نظرا للظروف الاقتصادية
لكن هذا ليس مبررا ابدا
الرسول صلى الله عليه وسلم قال فاظفر بذات الدين
دا الشرط الاساسي

كما ان قوامة الرجل للمرأة تقتفضي انه يتحمل أعباء الحياة الزوجية كامله
اعتقد ان المرأة مكانها المناسب هو البيت عشان تربي النسل الصالح ,, ودا شرف عظيم لو تعلم

انا عارف ان في ناس هتقول أعباء الحياة صعبة ,,, ربنا ييسر ان شاء الله
بس لو الظروف سمحت ان اي مرأة متزوجة تقعد في بيتها يبقى افضل أكيد ليها وللمجتمع .

دا رأي وشكرا ليك يا عتاب على الموضوع الجاد

سلامي

اكيد يا مصطفى اذا الزوج مقتدر
واذا كان عمل المرأة هايعطلها عن بيتها وجوزها واولادها
يبقى قعدتها في بيتها افضل و أوجب
لكن احنا بنتكلم عن الاختيار نفسه
اذا شاب معندوش شقة لكن شغله يسمحله انه يعيش حياة كريمة ويصرف على مراته واولاده
هل مايتجوزش ويقعد يستنى الشقة اللي في ظل الظروف بتاعتنا دي مش هاتيجي ابدا ؟؟
والا يتنازل ويقبل يعيش في شقة مراته افضل ؟
يترك نفسه دون زواج والا يدور على بنت كويسة وتكون عندها شقة ؟
انا مش باشجع على الموضوع ده انما لو الظروف اضطرت الشاب يعمل كده ايه المشكلة ؟
فيه ناس كتير عندها بنات نفسهم يفرحوا بيهم وعندهم شقق كمان ومش عايزين اكتر من زوج متدين يعرف ربنا يصونها ويكرمها
وفي المقابل فيه شباب محترمين ومتدينين ومحتاجين زوجة صالحة بس معندهمش امكانيات انهم يجيبوا شقة
ليه مانساعدش بعض ؟
واكيد ده هايفيدنا ويفيد المجتمع اكتر