اكبر نافورة ........ادخلوا شوفوا كده :)

[الورد الجوري]

السلام عليكم و رحمة الله و بركاته
ايه اخبار الجميع !
يارب كلكم تكونو بخير و صحتكم فل
جايبالكم النهارده نافوره عجبتني جدا جدا
و بيني و بينكم حبيتها خالص
النافوره دي بقى يا جماعه اكبر نافوره في العالم من الشوكولا
ايوة زي مشفتوا كده من الشوكولا
و نوعين كمان بيضا و سمرا
تعالوا احكيلكم قصتها
النافوره موجوده في لاس فيغاس " احدى الولايات الامريكيه "
ترتفع النافوره 9 امتار
تحتوي على ما يقارب من 900 الى 950 كيلوجرام شوكولا
النافوره محاطة بزجاج منعا للحشرات و كمان الاطفال
" منتوا عارفين اغراء الشوكولا "
اسيبكو مع الصور بقى

ها ايه رايكم ؟؟
ياترى عجبتكم ؟؟
ياترى حبيتو الشوكولا البيضة و لا السمرا ؟؟

طيب بلاش تجاوبو دلوقتي
تعالو شوفوا الفيديو و بعدين جاوبوني

http://www.youtube.com/watch?v=1b7W71ejONo

http://www.youtube.com/watch?v=nTB4hpv_2Tc

دلوقتي بقى تقدروا تجاوبوني

منقـــــ من اكثر من مصدرـــــــول

[koko15]

كل دى شيكولاتة ربنا يستر موضوع حلو اوى بس انا بموت فى الشيكولاتة السمرا ازواق بقا

[Mr.N-2]

الله يخلي إلـ سنكرس

ايه دا كلو بس روعة
السمرا احلى
انا منزلتش الفيديو
بس الصور بتكفي

شكرا على الصور الجميلة

[amr_miza1]

يا سلاااااااام نافورة شيكولاته

فيه عندنا نافورة فى اول فيصل هههههههههههههههه بس مش شغالة اعتقد ههههههههه

دى كان الخديوى اسماعيل عاملها علشان الناس تجيب شيكولاته وتروح تاكلها هناك

شكرا يا ورد على الشيكولاته الجميلة دى .. فرجة بس مفيش حته ?

[BATISTA]

شكرا ياورد على الصور

بس اعتقد ان دة لو موجودة فى ميدان العباسية أو رمسيس كانت هتبقى أحلى كتير

تحياتى

شكرا على الصور وان شاء الله ننزل الفيديو

[توتى3000]

ياااااااه جيتى على نقطه ضعفى ياورد الشيكولا انا شايفه لو كانت جنب بيتنا كانت احسن
بجد
شكرا

[hend]

لذيذه ياورد
تسلمى

[الورد الجوري]

المشاركة الأصلية بواسطة koko15

كل دى شيكولاتة ربنا يستر موضوع حلو اوى بس انا بموت فى الشيكولاتة السمرا ازواق بقا

اهلا كو كو
مرورك اسعدني
شكرا للمرور الطيب

[الورد الجوري]

المشاركة الأصلية بواسطة Mr.N-2

الله يخلي إلـ سنكرس

ايه دا كلو بس روعة
السمرا احلى
انا منزلتش الفيديو
بس الصور بتكفي

شكرا على الصور الجميلة

اهلا مستر ان تو
سعيدين بعودتك بعد فترة الغياب
طيب كويس ان الصور قامت بالواجب
الفيديو بتتفرج عليه و ميزته انه بيجيبلك شكلها و هي بتنساب
تحياتي لمرورك الطيب

[الورد الجوري]

المشاركة الأصلية بواسطة amr_miza1

يا سلاااااااام نافورة شيكولاته


فيه عندنا نافورة فى اول فيصل هههههههههههههههه بس مش شغالة اعتقد ههههههههه

دى كان الخديوى اسماعيل عاملها علشان الناس تجيب شيكولاته وتروح تاكلها هناك


شكرا يا ورد على الشيكولاته الجميلة دى .. فرجة بس مفيش حته ?

اهلا عمرو
ههههههههههه
هو في نوافير شغاله هنا في مصر الا ما رحم ربي
عموما اه هي فرجه
مهم حاطينها في زجاج عشان حكايه حته دي بالذات
تحياتي لمرورك العطر

[نيهال]

يا الله
بتيجى على الجرح يا ورد كده دايما

انا حبيت السمرا كتير
الصوره تحفه
طيب لو انا معايا زلطه وخبطت النافوره مش حيتكسر الزجاج؟
وممكن ادوقها صح؟
هههههههههههههههه


تسلمى على الموضوع
على فكره الفيديو مش رضوا يفتحوا عندى

[*شروق*]

ياااااااااااااااااسلام
نفسي اسبح فيها

ههههههههههههه
يديك العافيه موضوع حلو

[الورد الجوري]

اهلا بالجميع
انا عدلت اللينكات من جديد للفيديو
اتمنى انها تشتغل عندك با نيهال و عند الجميع
لي عوده للرد على الجميع
تحياتي

[Dr.Hammood]

انا ممكن اشترك فيها بأني اقف اخرها اشربها

[tasawof_2010]

على فكره
يا ورد
انتي غلطانه في الموضوع ده أكبر غلط
وباعاتبك عليه عتاب شديد اللهجة
هااااااااااااااااااااااااااااااااااا













إنك قولتي إنها محاطة بالزجاج علشان الحشرات والأطفال
ونسيتي الغلابه اللي زينا
اللي هما أخطر من الأطفال
ولا ايييييييييييييييييييه ؟


وبعدين كل اللي عاوزين منها ييجولي وأنا أروح أفرجهم عليها كل يوم